Bɔ bɛ̀rɛbaa nɛ 32:16 - LAWA A BOO SONBORE

¹⁶ Lawa din na á kɔlɔn lɛn sɛlɛɛ a dí nya, a din ná a ná a sɛ́wɔ kiɛ̃ ǹ ganaa.

LAWA A BOO SONBORE 2011

¹⁶ Lawa din na á kɔlɔn lɛn sɛlɛɛ a dí nya, a din ná a ná a sɛ́wɔ kiɛ̃ ǹ ganaa.

Bɔ bɛ̀rɛbaa nɛ 32:16 ပူးပေါင်းရင်းမြစ်များ

Zɔbu 19:24

A kiɛ̃ ka kiɛ nɛ, a fɔlɔ bù yo a kaa la. Toa bɛ̀ bɛ n goɛ̃ kiɛ̃-n kɔlɔ ganaa miɛ̃ yǎa duduu.

Bɔ bɛ̀rɛbaa nɛ 31:18

Dɛnaa bɛ́ á boo da ka Muizu ni Sinayii kele la á nya, bɛ kio kəni, á lɛ kɔ kɔn la ǹ boon kɔlɔ sɛlɛɛ màn paa lɛ kɔ la, Dɛnaa Lawa din boon mɛnɛn kiɛ̃ ka a din gɔn nɛ.

Bɔ bɛ̀rɛbaa nɛ 32:15

Muizu gisĩ kəni, á n bɔ kele lɛ la, ka lɛ kɔ kɔn la ǹ boon kɔlɔ-sɛlɛɛ màn paa lɛ nɛ a gɔn. Boon lɛn man kiɛ̃ nɛ kɔlɔn lɛn gogoonmaa paǹan paanan ganaa.

Bɔ bɛ̀rɛbaa nɛ 32:17

Zozoe bɛ́ á zaman lɛ a lɛ-dɛ wuu ma, á pɛ Muizu ni: «Zia n die goɛ̃ zaman lɛ a giã ǹ bǎã-n dɛ!»

Bɔ bɛ̀rɛbaa nɛ 34:1

Dɛnaa pɛ Muizu ni: «Kɔlɔ màn paa sɛlɛ, ka bibinaa wɔ màn paa kɛ lɛ bɛ́ lɔn. Ma boon mɛnɛn kiɛ̃ bibinaa wɔn kɛn lɛn ganaa, n nə́ ǹ yɔyɔrɛ ke, man die wusii, ma bɛa boon kɛn lɛn kiɛ̃ ǹ dɔn ganaa.

Bɔ bɛ̀rɛbaa nɛ 34:4

Muizu kɔlɔn sɛlɛ ka bibinaa wɔn kɛn bɛ́ lɔn, á yoo baayɛlɛ lɛliɛnɛ, á dii Sinayii kele lɛ la, ka Dɛnaa bɛ́ á pɛ lɔn, á kɔlɔ sɛlɛɛ màn paa lɛ goa a gɔn.

Korɛnti2 3:3

Boo taãn nɛ, ka n sɛ́wɔ lɛa, *Krita din kiɛ̃, masɛ n má daa koa. A bie á kiɛ̃ ka sɛ́wɔ kiɛ̃ ǹ mu-n ma, sɛnɛ, a na á kiɛ̃ ka Lawa yiikoonaa a Yiri Fu ni. A bie á kiɛ̃ kɔlɔn ganaa wa, sɛnɛ, a na á kiɛ̃ minbuiinin foo ne.

Korɛnti2 3:7

Landa mɛn bɛ́ á n kiɛ̃ kɔlɔ ganaa sɛ́wɔ nɛ gogoon, Lawa a gugurubaa a siĩnbaa yɛ bɛa biikoo lɛ li. Muizu yɔrɔ tɛ pɛ ka yɔrɔ kɔ́n nɛ, yǎa Izirayeli minin nə́ ǹ ba boe la, ǹ tá n yiin doɛ la wa, a da yaa, bɛa tɛ-pɛ kɛ lɛ doamaa nɛ a papaã. Á ke, Landa mɛn bɛ́ a nya ǹ dí n woe ka min ni gɛ̀ ganaa, siĩnbaa kɛ miã na á yɛ bɛ nɛ.

Timəə dí-pɛn 10:1

Bɛa waáraa lɛ nɛ, Dɛnaa Lawa pɛ ma nɛ: «Kɔlɔ màn paa sɛlɛ ka bibinaan wɔn kɛn lɛn bɛ́ lɔn, n goo dɔ zɛnaa ka gɔn nɛ, n dii n da ma li kele lɛ la.

Timəə dí-pɛn 9:15

Má tɔ́n nə n bɔyaa, máa man gisĩ n boe kele lɛ la, tɔn tɛ lɛa girigiri. Kɔlɔ-sɛlɛɛ màn paa mɛn bɛ́ lɛ kɔ kɔn la ǹ boon lɛn nə́ goã kiɛ̃ nɛ ǹ la, bɛn man nə́ goã ma gɔnɔn paanan nɛ.

Ebrəə 8:10

Ma bɛ́ re lɛ kɔ kɔn la dii mɛn we ka Izirayeli tɔrɔ minin kɛn nɛ, bɛ á ke: Ma din Dɛnaa n pii, máa bɛa lɛawaan kɛn lɛn kiɛ̃ kio, man die maa dí-pɛn we ǹ yiri ni, man die ǹ kiɛ̃ ǹ foo ganaa. Ma á re goɛ̃ ǹ Lawa lɛa, ǹ dɔn tá re goɛ̃ ma din a tɔrɔ lɛa.