Bɔ bɛ̀rɛbaa nɛ 32:15 - LAWA A BOO SONBORE

¹⁵ Muizu gisĩ kəni, á n bɔ kele lɛ la, ka lɛ kɔ kɔn la ǹ boon kɔlɔ-sɛlɛɛ màn paa lɛ nɛ a gɔn. Boon lɛn man kiɛ̃ nɛ kɔlɔn lɛn gogoonmaa paǹan paanan ganaa.

LAWA A BOO SONBORE 2011

¹⁵ Muizu gisĩ kəni, á n bɔ kele lɛ la, ka lɛ kɔ kɔn la ǹ boon kɔlɔ-sɛlɛɛ màn paa lɛ nɛ a gɔn. Boon lɛn man kiɛ̃ nɛ kɔlɔn lɛn gogoonmaa paǹan paanan ganaa.

Bɔ bɛ̀rɛbaa nɛ 32:15 ပူးပေါင်းရင်းမြစ်များ

Loen 19:7

A n soe lon paǹ goon ganaa, a wo a baa giala nyɔmɔɔ a paǹ kɔsɔ kɛ ganaa, a fuubaa ná a màn kɔn pusii wa.

Bɔ bɛ̀rɛbaa nɛ 16:34

Dɛnaa pɛ Muizu-n lɔn, Aarɔn màn lɛ koa lɛ kɔ kɔn la ǹ kɔlɔn kɛn genli.

Bɔ bɛ̀rɛbaa nɛ 24:12

Dɛnaa pɛ Muizu ni: «Dii n da masɛ li kele lɛ la, n golee kànaa. Man die kɔlɔ sɛlɛɛn kɛn lɛn koe n la, ma dí-pɛn lɛn kiɛ̃ ǹ mɛnɛn ganaa ke lɛn. N die n Izirayeli nɛnyaanan lɛn daraa ǹ ganaa.»

Bɔ bɛ̀rɛbaa nɛ 24:18

Muizu wɔ tɛmaa lɛ li, á dii kele lɛ la. A na á goã kele lɛ la lɛawaa pusi ka tèlò pusi.

Bɔ bɛ̀rɛbaa nɛ 31:18

Dɛnaa bɛ́ á boo da ka Muizu ni Sinayii kele la á nya, bɛ kio kəni, á lɛ kɔ kɔn la ǹ boon kɔlɔ sɛlɛɛ màn paa lɛ kɔ la, Dɛnaa Lawa din boon mɛnɛn kiɛ̃ ka a din gɔn nɛ.

Bɔ bɛ̀rɛbaa nɛ 32:16

Lawa din na á kɔlɔn lɛn sɛlɛɛ a dí nya, a din ná a ná a sɛ́wɔ kiɛ̃ ǹ ganaa.

Bɔ bɛ̀rɛbaa nɛ 34:29

Muizu gisĩ á n bɔ Sinayii kele kɛ la, ka lɛ kɔ kɔn la ǹ boon kɔlɔ màn paa lɛ ná a gɔn. A bɛ́ gisĩ, a dinmaa lɛ sɛ goã doɛ̃ mà a yɔrɔ ki na á n bɔyaa á tɛ pii, bɛ̀ a bɛ́ boo diɛ ka Dɛnaa-n wa.

Bɔ bɛ̀rɛbaa nɛ 40:20

Muizu dí-pɛ fù lɛ a kɔlɔ sɛlɛɛn kɛn goa, á ǹ koa goo lɛ gɔ́ɔ̃ nɛ, a ná a bàlàn kaa a ganaa, a ná a lɛpii kɔ lɛ.

Korɛnti2 3:3

Boo taãn nɛ, ka n sɛ́wɔ lɛa, *Krita din kiɛ̃, masɛ n má daa koa. A bie á kiɛ̃ ka sɛ́wɔ kiɛ̃ ǹ mu-n ma, sɛnɛ, a na á kiɛ̃ ka Lawa yiikoonaa a Yiri Fu ni. A bie á kiɛ̃ kɔlɔn ganaa wa, sɛnɛ, a na á kiɛ̃ minbuiinin foo ne.

Korɛnti2 3:7

Landa mɛn bɛ́ á n kiɛ̃ kɔlɔ ganaa sɛ́wɔ nɛ gogoon, Lawa a gugurubaa a siĩnbaa yɛ bɛa biikoo lɛ li. Muizu yɔrɔ tɛ pɛ ka yɔrɔ kɔ́n nɛ, yǎa Izirayeli minin nə́ ǹ ba boe la, ǹ tá n yiin doɛ la wa, a da yaa, bɛa tɛ-pɛ kɛ lɛ doamaa nɛ a papaã. Á ke, Landa mɛn bɛ́ a nya ǹ dí n woe ka min ni gɛ̀ ganaa, siĩnbaa kɛ miã na á yɛ bɛ nɛ.

Timəə dí-pɛn 5:22

Dɛnaa Lawa na á bɛa boon lɛn pɛ ka nɛ ka lɛn gole ne, tɛ bii, tɛmaa bii, ka wɔlɔ tì gole ne. Ka mɛnɛn tumaa goã kele lɛ gòã lasa la, a na á boon kɛn lɛn da ka dinin manɛ, a màn kɔsɔ ti a ganaa wa. Bɛ kio, á boon lɛn kiɛ̃ kɔlɔ-sɛlɛɛ màn paa la, á ǹ kɔ ma la.

Timəə dí-pɛn 9:15

Má tɔ́n nə n bɔyaa, máa man gisĩ n boe kele lɛ la, tɔn tɛ lɛa girigiri. Kɔlɔ-sɛlɛɛ màn paa mɛn bɛ́ lɛ kɔ kɔn la ǹ boon lɛn nə́ goã kiɛ̃ nɛ ǹ la, bɛn man nə́ goã ma gɔnɔn paanan nɛ.

Ebrəə 9:4

Nyɔɔ gìĩ kɔɔ̃n tã ǹ bǎã sanadɛnaa kɛ na á goã walan, ka *lɛ kɔ kɔn la ǹ goo kɛ nɛ. Maǹ nə́ sana yo, ǹ nə́ kaa bɛa goo lɛ paǹ tumaa la. Bɛa goo lɛ gɔ́ɔ̃ nɛ, sana donkolon na a tan, Lawa goã á màn-bii mɛn kɔ Izirayeli minin la don bii, a tɔ n «maánə», bɛ ná a nɛ. Aarɔn a bàlà mɛn goã á luu pã, bɛ dɔ n Goo lɛ nɛ, ka kɔlɔ-sɛlɛɛn mɛnɛn bɛ́, Lawa a lɛ kɔ kɔn la ǹ boon kɛn nə́ kiɛ̃ nɛ ǹ ganaa.

Sii-nyaan 5:1

Min mɛn bɛ́ giã-n tán kii dankan nɛ, má sɛ́wɔ yɛ a gusin a gɔn nɛ, sɛ́wɔ lɛ gɔ́ɔ̃ kiɛ̃maa nɛ, ka a dɔ̀ɔ̃ nɛ, ǹ ná a lɛ tã ka zoo gón ne wɔlɔ sɔbaa, ǹ nə́ n gòon bǎã da a nɛ.