Bɔ bɛ̀rɛbaa nɛ 31:15 - LAWA A BOO SONBORE

¹⁵ Lɛawaa sɔrɔ gɔ́ɔ̃ nɛ, didie na a dí nya, sɛnɛ, lɛawaa sɔbaabaa ǹ wɔ kɛ n susu ǹ pii lɛa, a n koa-n a gɔrɔn Dɛnaa nɛ. Min mɛn bɛ́ re dí nyɛɛ susu ǹ pii pinaa, ǹ tá re ǹ dɛnaa dii a gã.

LAWA A BOO SONBORE 2011

¹⁵ Lɛawaa sɔrɔ gɔ́ɔ̃ nɛ, didie na a dí nya, sɛnɛ, lɛawaa sɔbaabaa ǹ wɔ kɛ n susu ǹ pii lɛa, a n koa-n a gɔrɔn Dɛnaa nɛ. Min mɛn bɛ́ re dí nyɛɛ susu ǹ pii pinaa, ǹ tá re ǹ dɛnaa dii a gã.

Bɔ bɛ̀rɛbaa nɛ 31:15 ပူးပေါင်းရင်းမြစ်များ

Siin Giala 2:2

Lawa bɛ́ a ná a dí nya á nya, a lɛawaa sɔbaabaa ǹ wɔ pinaa, á n susu.

Bɔ bɛ̀rɛbaa nɛ 16:23

Muizu tɔ́n pɛ ǹ nɛ: «Dɛnaa na á bɛ lɛ pɛ, biɛ̃ n *susu ǹ pii lɛa, Dɛnaa din a lɛawaa nɛ. Màn mɛn bɛ́ kɔrɛ ǹ wɔ lɛa, ka bɛ kɔrɛ pelo, ka a pipi ǹ wɔ pipi. A giala mɛn bɛ́ goɛ̃, ka bɛ tamaa yǎa baayɛlɛ.»

Bɔ bɛ̀rɛbaa nɛ 16:26

Maǹ goɛ lɛawaa sɔrɔ gɔ́ɔ̃ nɛ, sɛnɛ, lɛawaa sɔbaabaa ǹ wɔ ke, bɛ n susu ǹ pii lɛa, a re yii bɛa pinaa wa.»

Bɔ bɛ̀rɛbaa nɛ 23:12

«Lɛawaa sɔrɔ dɔ gɔ́ɔ̃ nɛ, dí mɛn bɛ́ ka li, ka bɛ nya. Sɛnɛ, lɛawaa sɔbaabaa ǹ wɔ kɛ li, ka n susu. Kaa dii laanka kaa dundun dɔ á re susui yii. Kaa bɛ̀rɛn laanka kaa gùlin dɔn pàã á re wusii a kaa kɔn li.

Bɔ bɛ̀rɛbaa nɛ 31:14

Ka *susu ǹ pii tamaa, a giala, bɛa lɛawaa kɛ lɛ a ziziɛ̃ n soɛ̃ lɛa ka gɔn. Min mɛn bɛ́ re bɛ ziziɛ̃, ka tá re bɛa dɛnaa dii a gã. Sonbore, min mɛn bɛ́ re dí nyɛɛ bɛa pinaa kɛ nɛ, ka tá re ǹ dɛnaa dii ka bɔ ǹ dɔɔ̃nɔn bii.

Bɔ bɛ̀rɛbaa nɛ 31:16

Izirayeli nɛnyaanan lɛn die ǹ susu ǹ pii kɛ tamaa, a goã lɛ kɔ kɔn la ǹ sii lɛa ǹ gɔn biikoo tumaa li, a ná a nyɛɛ wa.

Bɔ bɛ̀rɛbaa nɛ 31:17

A n miɛ̃ yǎa duduu, Izirayeli nɛnyaanan laanka masɛ bii ni. A n die goɛ̃ sii nyaa ǹ sii lɛa. Lɛawaa sɔrɔ gɔ́ɔ̃ nɛ masɛ Dɛnaa n má lon laanka tán zɛnaa. Sɛnɛ, lɛawaa sɔbaabaa ǹ wɔ pinaa, man má golee má n susu.»

Bɔ bɛ̀rɛbaa nɛ 34:21

«Ka die ka dí nya lɛawaa sɔrɔ, sɛnɛ, a sɔbaabaa ǹ wɔ ke, ka n susu. Haalɛ ta buu-kɔsiɛ hinlaa màn-kurii waáraa nɛ, ka toa ka n susu bɛa pinaa kɛ lɛ nɛ.

Bɔ bɛ̀rɛbaa nɛ 35:2

«Lɛawaa sɔrɔ gɔ́ɔ̃ nɛ, ka kaa dí nya, sɛnɛ, lɛawaa sɔbaabaa ǹ wɔ pinaa kɛ á re goɛ̃ lɛawaa sonbore lɛa ka gɔn, ka kɔ Dɛnaa la, *susu ǹ pii ni. Bɛ̀ min mɛn dí nya bɛa lɛawaa kɛ li, ka á re ǹ dɛnaa dii a gã.

Bɔ bɛ̀rɛbaa nɛ 35:3

Ta ka n bǎã woo bǎã nɛ, bɛa susu ǹ pii kɛ lɛ li, ka baran tɛ dɔ din koa wa.»

Ezekieli 46:1

Dɛnaa Lawa a boo n ka kɛ dɔ nɛ: «Sumu gɔ́ɔ̃ a kiɛnlɛ ke a yɔrɔ n dia-n lɛ̀giala la, bɛ doamaa nɛ a goã tiɛ̃ nɛ dí nya ǹ lɛawaa sɔrɔ kɛ tumaa gɔ́ɔ̃ nɛ. Sɛnɛ, *susu ǹ pii laanka mui dii zɔ́n pinaa, ka doamaa nɛ, ka bũ ka da koo.

Lawa a wúlu-bɔlen 16:29

Kɛ n landa lɛa, ka mìi-n miɛ̃ duduu, a ná a ba n bɔyɛɛ wa: mui sɔbaabaa ǹ wɔ a lɛawaa fùbaa ǹ wɔ pinaa, ka n lɛ sɔɔ, min baran dí kɔn dɔ nya bɛa pinaa wa. Ta gána lɛ a min ni, ta gùli ni giã nɛ ka bii.

Lawa a wúlu-bɔlen 23:3

Lɛawaa sɔrɔ gɔ́ɔ̃ nɛ, ka kaa dín nya. Sɛnɛ, lɛawaa sɔbaabaa ǹ wɔ kɛ n *susu ǹ pii lɛa. Ka doamaa bie ka dí kɔn nya bɛa pinaa wa. Ka doamaa nɛ, ka n lɛ sɔkɔn, ka masɛ guguru kɔ. Ta ka n bǎã mɛn nɛ, ka susu ǹ pii pinaa lɛ koa, masɛ Dɛnaa Lawa wɔ lɛa.

Lawa a wúlu-bɔlen 23:32

Ka bɛ baa kaa susu ǹ lɛawaa lɛa, ka n susu bɛa pinaa, ka n lɛ sɔɔ. A saa mui lɛ a manangɔrɔbaa ǹ wɔ a wasamiɛ̃n ganaa, a wo a lɛawaa a wasamiɛ̃n yaa, ka bɛa susu ǹ lɛawaa lɛ a susui wɔ.

Luku 13:14

Lɛsɔkɔn kion lɛ a goledɛnaa yɔrɔ kɔsɛ, a giala Yezu na á busulə kaka kɔ susu ǹ pii pinaa. Á boo saa á pɛ zaman nɛ: «Lɛawaa sɔrɔ tumaa tan dí nya ǹ piin lɛa. Haya, ka da bɛa piin kɛn lɛn li, màn mɛn bɛ́ toɛ, ǹ kaa busun nya, ka baran da susu ǹ pii pinaa bɛ ganaa wa.»

Luku 23:56

Bɛ kio ǹ nə́ wusoo ǹ nə́ daa piɛ, ǹ nə́ da yon gìĩ kɔɔ̃n laanka nyɔɔ gìĩ kɔɔ̃n zɛnaa. Susu ǹ pii pinaa ke, ǹ nə́ bɛ koa á kɔnpɛ ka dí-pɛ lɛ nɛ.

Timəə dí-pɛn 5:12

Ka *susu ǹ pii tamaa, ka bɛ koa a gɔrɔn Lawa a lɛa, ka kaa Lawa, Dɛnaa Lawa goã á pɛ á laa ka ganaa lɔn.

Ebrəə 4:9

Bɛ̀ á miɛ̃, Lawa a minin lɛn susui biikoo n tɔn nyɛɛn die.