Bɔ bɛ̀rɛbaa nɛ 31:13 - LAWA A BOO SONBORE

¹³ mà a pɛ Izirayeli nɛnyaanan lɛn manɛ: «Ka toa ka masɛ a susu ǹ piin lɛn tamaa, a giala, bɛ n sii nyaa ǹ sii lɛa, ka laanka masɛ bii ni yǎa duduu, màn mɛn bɛ́ toɛ, ka dɔ̃ mà masɛ din Dɛnaa nɛ, má ka bɔ má ka koa maa wɔn lɛa.

LAWA A BOO SONBORE 2011

¹³ mà a pɛ Izirayeli nɛnyaanan lɛn manɛ: «Ka toa ka masɛ a susu ǹ piin lɛn tamaa, a giala, bɛ n sii nyaa ǹ sii lɛa, ka laanka masɛ bii ni yǎa duduu, màn mɛn bɛ́ toɛ, ka dɔ̃ mà masɛ din Dɛnaa nɛ, má ka bɔ má ka koa maa wɔn lɛa.

Bɔ bɛ̀rɛbaa nɛ 31:13 ပူးပေါင်းရင်းမြစ်များ

Nehemii 9:14

Ń toa ǹ nə́ n *susu ǹ pii sonbore kɛ dɔ̃. Gɔn waa ǹ boon ne, landa boon ne, ka dí-pɛn nɛ, ń bɛn kɔ n dí-nyali Muizu la á ǹ kɔ ǹ la.

Bɔ bɛ̀rɛbaa nɛ 31:12

Dɛnaa pɛ Muizu ni

Bɔ bɛ̀rɛbaa nɛ 31:17

A n miɛ̃ yǎa duduu, Izirayeli nɛnyaanan laanka masɛ bii ni. A n die goɛ̃ sii nyaa ǹ sii lɛa. Lɛawaa sɔrɔ gɔ́ɔ̃ nɛ masɛ Dɛnaa n má lon laanka tán zɛnaa. Sɛnɛ, lɛawaa sɔbaabaa ǹ wɔ pinaa, man má golee má n susu.»

Izayii 56:2

Maa boon kɛn máa ǹ diɛ, min mɛn bɛ́ koe ǹ lɛ ka a parsiini bɛa dɛnaa á re foo kɔɔ̃nbaa yii. Ǹ dɛnaa á re foo kɔɔ̃nbaa yii taãn-taãnɛ, asɛ mɛn bɛ́ *susu ǹ pii koɛ, a nə́ n nyɛnɛɛ sii baraa nɛ.»

Zeremii 17:22

Bɛa pinaa, ka nyan soo ka guĩ-n kaa kion wa, ka nyan dí kɔn nya wa. Sɛnɛ, ka bɛa lɛawaa lɛ koa masɛ wɔ lɛa, ka ma pɛ ka digolon man lɔn.

Ezekieli 20:12

Man má *susu ǹ pii dɔ koa sii a kɔnboe lɛa ǹ bii, màn mɛn bɛ́ toɛ ǹ dɔ̃, mà ma din Dɛnaa Lawa n má ǹ bɔ ma din wɔn lɛa.

Ezekieli 20:20

Ka maa susu ǹ piin lɛn koa maa wɔ lɛa. Bɛ n sii a kɔnboe lɛa, á n toɛ minin nə dɔ̃ mà masɛ Dɛnaa Lawa n kaa Lawa lɛa.

Ezekieli 37:28

Maa giã ǹ bǎã mɛn bɛ́ re goɛ̃ ka bii yǎa duduu, bɛ̀ má bɛ́ dɔ ǹ mɛn waáraa, tɔrɔ kɔsɔn tá re doɛ̃, mà ma din Dɛnaa Lawa n Izirayeli *yoreen koe.»

Ezekieli 44:24

Bɛ̀ sii tá minin bii, ǹ dinin lɛn doamaa nɛ, ǹ na a yɔrɔ bɔ. Ǹ doamaa nɛ ǹ na a yɔrɔ bɔ a kɔnpɛ ka maa sii yɔrɔ bɔ ǹ gɔn nɛ. Ma dí-pɛn laanka landa boon mɛnɛn kɔ ǹ la, ǹ maa zɔ́nɔn kɛn tumaa zɛnaa a kɔnpɛ ka bɛn nɛ, ǹ maa susu ǹ piin kɛn tamaa masɛ wɔn lɛa.

Lawa a wúlu-bɔlen 19:3

Kaa min gogoonmaa doamaa nɛ, a na a náa laanka a díi guguru kɔ, a masɛ a susu ǹ piin kɛn tamaa. Masɛ din Dɛnaa Lawa n kaa Lawa lɛa.

Lawa a wúlu-bɔlen 19:30

Ma lɛawaan mɛnɛn koa *susu ǹ pii lɛa, ka bɛn tamaa, ka gugurubaa wɔ maa kion kɛa sii ni. Masɛ din nə Dɛnaa Lawa lɛa.

Lawa a wúlu-bɔlen 20:8

Ka masɛ a landa boon kɛn tamaa, ǹ bɛ́ màn mɛn pii, ka bɛ zɛnaa. Ma din Dɛnaa Lawa n má ka bɔ, má ka baa ma din wɔn lɛa.

Lawa a wúlu-bɔlen 21:8

Ka Lawa a wúlu-bɔlen lɛn kũ masɛ din wɔn lɛa. A giala, ka bɛ́ die wúlu mànan mɛnɛn koe masɛ la, ǹ dinin lɛn man a sii yɔrɔ boe. Ka ga ǹ ganaa masɛ a minin lɛa. Masɛ Dɛnaa Lawa dinmaa n yoreene. Man má ka dinin Izirayeli minin lɛn dɔn bɔ ma din wɔn lɛa, màn mɛn bɛ́ toɛ, ka goã yoreene.

Lawa a wúlu-bɔlen 23:3

Lɛawaa sɔrɔ gɔ́ɔ̃ nɛ, ka kaa dín nya. Sɛnɛ, lɛawaa sɔbaabaa ǹ wɔ kɛ n *susu ǹ pii lɛa. Ka doamaa bie ka dí kɔn nya bɛa pinaa wa. Ka doamaa nɛ, ka n lɛ sɔkɔn, ka masɛ guguru kɔ. Ta ka n bǎã mɛn nɛ, ka susu ǹ pii pinaa lɛ koa, masɛ Dɛnaa Lawa wɔ lɛa.

Lawa a wúlu-bɔlen 25:2

Boo da ka Izirayeli minin lɛn nɛ, n pɛ ǹ nɛ: ma bɛ́ gána mɛn lɛ koe ka la, bɛ̀ ka kaa a nɛ ǹ mɛn waáraa, ka goã bɛ̀ ka susui kɔ tánan la biikoo tɛn li, masɛ Dɛnaa Lawa a lɛa.

Lawa a wúlu-bɔlen 26:2

Masɛ lɛawaan mɛnɛn koa *susu ǹ pii lɛa, ka bɛn tamaa, ka gugurubaa wɔ masɛ a kion kɛa sii ni. Masɛ din ni Dɛnaa Lawa lɛa.

Amɔɔsi 8:5

Ka dinin lɛn man pii: – Mui dii zɔ́n kɛ n die nyɛɛ biĩ, wɔ tɔn wɔa dɔǹɔn lɛ bũ? *Susu ǹ pii kɛ n die kiɛ̃ biĩ, wɔ tɔn wɔa màn nàn sã? Wɔ n die màn boe a zɔɔ̃ ǹ màn lɛ, wɔ màn da a giɔ̀mɔ li, wɔ a zɔɔ̃ ǹ gɔn bɔyaa wɔ minin koã nɛ.

Matiə 23:17

«Baãnaa yii tere-an kɛn! Ǹ mɛn a sii n kaka? Sana lɛ sɛ-n hinlaa Lawa a kion mɛn bɛ́ sana lɛ biɛ Lawa a màn lɛa a gɔrɔn?

Zaã a sɛ́wɔ 17:17

Ǹ baa n din wɔn lɛa lenlen ka sonbore barka nɛ; n boo lɛ n sonbore lɛa.

Zaã a sɛ́wɔ 17:19

Ma dinmaa nə n din koe n la lenlen ǹ lɛa, màn mɛn bɛ́ toɛ, ǹ dɔn nə goã n wɔn lɛa lenlen ka n sonbore boo lɛ barka nɛ.

Timəə dí-pɛn 5:12

Ka *susu ǹ pii tamaa, ka bɛ koa a gɔrɔn Lawa a lɛa, ka kaa Lawa, Dɛnaa Lawa goã á pɛ á laa ka ganaa lɔn.

Tesaloniki1 5:23

Lawa dinmaa mɛn bɛ́ là nyantoro koe, a din die a toa ka a wɔn baa ka ka paǹ yii ni. Ka yiri ni, ka telenboen laanka ka gɔ̀nɔn tumaa nə n tamaa sɔnbɔraanɛ, zɛ̀rɛ baran goã ka ganaa wɔa Dɛnaa Yezu Krita a daa pinaa wa.

Zude 1:1

Masɛ Zude mɛn bɛ́ Yezu *Krita a bɛ̀rɛ lɛa, man Zaaki ǹ diɛ̃giĩ lɛa, masɛ n sɛ́wɔ kɛ kiɛ̃. Díi Lawa min mɛnɛn bíi, a nə́ ǹ narɛ, Yezu Krita nə́ ǹ tamaɛ, man sɛ́wɔ lɛ diɛ bɛn la.