Bɔ bɛ̀rɛbaa nɛ 30:34 - LAWA A BOO SONBORE

³⁴ Dɛnaa pɛ Muizu ni: «Ga màn gìĩ kɔɔ̃nɔn li: sitoraksi ni ka oniksi ni, galbanumu gìĩ kɔɔ̃n nɛ, ka da yon gìĩ kɔɔ̃n sonbore ne. N die n toa ǹ tumaa kɔnpɛ.

LAWA A BOO SONBORE 2011

³⁴ Dɛnaa pɛ Muizu ni: «Ga màn gìĩ kɔɔ̃nɔn li: sitoraksi ni ka oniksi ni, galbanumu gìĩ kɔɔ̃n nɛ, ka da yon gìĩ kɔɔ̃n sonbore ne. N die n toa ǹ tumaa kɔnpɛ.

Bɔ bɛ̀rɛbaa nɛ 30:34 ပူးပေါင်းရင်းမြစ်များ

Nehemii 13:5

Á goã á kion gɔ́ɔ̃ goon yɔrɔ bɔ Tobiya wɔ lɛa. Bɛa kion gɔ́ɔ̃ kɛ lɛ, man nə́ goã mànan kɛn kiɛ a-n lɛlɛ: Lawa gɔ ǹ mànan nɛ, da yon gìĩ kɔɔ̃n nɛ, Lawa a dí nya ǹ mànan nɛ, *belee a fùbaa ǹ wɔ nɛ, duvɛ̃ dii wɔ laanka nyɔɔ wɔ nɛ, màn mɛn doamaa bɛ́ nɛ a n bɔ *Levii tɔrɔn wɔ lɛa, ka loe-lɔlin laanka kiɛnlɛ-lɛduə̃lin ni, bɛ nɛ, ka ǹ bɛ́ màn mɛn boe ǹ nə́ koe Lawa a wúlu-bɔlen la.

Bɔ bɛ̀rɛbaa nɛ 25:6

Ka bolon da ǹ nyɔɔ si, ka nyɔɔ gìĩ kɔɔ̃nɔn nɛ, lɔ minin ganaa ǹ wɔ lɛa, ka a tã ǹ wɔ nɛ.

Bɔ bɛ̀rɛbaa nɛ 30:23

– Ga nyɔɔn li, ǹ goã nyɔɔ tɔrɔ sonboren lɛa, màn ná a ba ǹ nyɛɛn nyɔɔ lɛa wa. N ga nyɔɔ tɔrɔn kɛn li: *miíri nyɔɔ gìĩ kɔɔ̃n: bɛa kilo sooro, sinaamono nyɔɔ gìĩ kɔɔ̃n ke: bɛa kilo paa ka talɛɛ, buruu nyɔɔ gìĩ kɔɔ̃n kɛ dɔ: bɛa kilo paa ka talɛɛ,

Bɔ bɛ̀rɛbaa nɛ 30:33

Min mɛn bɛ́ re nyɔɔ kɛ lɛ a zɛnaa lɛn zoɛ̃, a lɔ min kooro ganaa, ǹ tá re bɛa dɛnaa boe, ǹ bɔ ǹ dɔɔ̃nɔn bii.»

Bɔ bɛ̀rɛbaa nɛ 30:35

N bɛ lɛ tumaa lɔlɔkɔn, ǹ màn gìĩ kɔɔ̃n baa. Nyɔɔ dí-nyalin die ǹ bɛa dí nya doɛ̃, ǹ yìsi kaa li, ǹ toa a yoreen kɔ, a màn sonbore baa.

Bɔ bɛ̀rɛbaa nɛ 30:7

Aarɔn die a màn gìĩ kɔɔ̃n kɛ tã bɛ la. Baayɛlɛ, baayɛlɛ, bɛ̀ á daa bolonən lɛn zɛnaa, a bɛa màn lɛ tã.

Bɔ bɛ̀rɛbaa nɛ 31:11

minin bɔ a koa ǹ nyɔɔ kɛ nɛ, ka màn gìĩ kɔɔ̃n mɛn bɛ́ re n tiɛ̃ kion sonbore lɛ nɛ. Ma din màn mɛn pɛ n nɛ, ka tá re dí lɛ tumaa nyɛɛ a kɔnpɛ bɛ nɛ ka te.»

Bɔ bɛ̀rɛbaa nɛ 35:15

Ta màn gìĩ kɔɔ̃n tã ǹ bǎã kɛ nɛ, ka a gũ ǹ bàlàn nɛ, ka minin bɔ a koa ǹ nyɔɔ kɛ nɛ, màn gìĩ kɔɔ̃n kɛ nɛ tã ǹ wɔ lɛa, ka kion lɛ a kiɛnlɛ mɔnaa kɛ nɛ.

Bɔ bɛ̀rɛbaa nɛ 37:29

Á minin bɔ a koa ǹ nyɔɔ sonbore kɛ zɛnaa, ka màn gìĩ kɔɔ̃n yoreen ne, tã ǹ wɔ lɛa. Nyɔɔ dí-nyali sonbore na á bɛa dí nya.

Loe kɔɔ̃n kɔɔ̃n 3:6

Die n ke á soo diə gole li die, gusuũ yui ka tɛmaa bara bɛ́ lɔn? A gìĩ tumaa n *miíri nyɔɔ gìĩ kɔɔ̃n lɛa, da yon gìĩ kɔɔ̃n lɛa, ka pii-kɔlen bɛ́ die ka màn gìĩ kɔɔ̃n tɔrɔ mɛn tumaa nɛ.

Izayii 43:23

A da yaa n bie n goã tɔɔ bisin koe masɛ la *wúlu màn tiɛ̃ lɛa wa. N masɛ guguru kɔ ka wúlu mànan nɛ wa. Ma n baa bɛ̀rɛ lɛa má gɔn màn liɛ n la wa. Ma n nɔmaa má màn gìĩ kɔɔ̃n sii n la wa.

Lawa a wúlu-bɔlen 16:12

a tɛ nàn bɔ *wúlu bɔ ǹ bǎã kɛ nɛ, lɛ kɔ kɔn la ǹ goo lɛ yɔrɔ-a, da yon gìĩ kɔɔ̃n tã ǹ fɔlɔ tàãn kɛ piɛ̃, ka da yon gìĩ kɔɔ̃n wùsu ni, a gɔn paa piɛ̃, a da ǹ nɛ kion bii kuru kɔn-a ǹ mɔnaa kɛ nyɛɛnɛ.

Lawa a wúlu-bɔlen 2:1

Bɛ̀ min mɛn tá li a Lawa gɔ ǹ wɔ bɔ a tán-kɔsiɛ màn nɛ, ǹ dɛnaa doamaa nɛ a *wùsu sonbore bɔ, a bii ǹ nyɔɔ kaa li, a da yon gìĩ kɔɔ̃n da la.

Lawa a wúlu-bɔlen 2:15

Ǹ nyɔɔ kaa bɛ lɛ li, ǹ da yon gìĩ kɔɔ̃n da la, ǹ tɔn da nɛ. Lawa gɔ ǹ màn nɛ.

Lawa a wúlu-bɔlen 24:7

Ka die ka da yon gìĩ kɔɔ̃n da buuru lɛ a kaa kɔn la gogoonmaa lalan. Ka bɛ lɛ tã masɛ Dɛnaa Lawa wɔ lɛa buuru lɛ bǎã nɛ, màn mɛn bɛ́ toɛ, ka yiri goã a nɛ, mà buuru lɛ n masɛ wɔ lɛa.

Lawa a wúlu-bɔlen 5:11

Bɛ̀ min mɛn dɔ a boe la á doe wuruun màn paa hinlaa zɛrɛkantoan màn paa lɛ ganaa á n koe a sii baraa sawaa ǹ wúlu màn lɛa wa, á boe la dinin a da ka wùsu nɔnɔɔ kilo sii ni, a sii baraa sawaa ǹ wúlu màn lɛa. Sɛnɛ, a baran nyɔɔ kaa li wa, a baran da yon gìĩ kɔɔ̃n da la wa. A giala, sii baraa sawaa ǹ wúlu màn nɛ.

Minin nimi 4:16

Lawa a wúlu-bɔle Aarɔn a nɛgiĩ Eleyazaara kɛ n die giɛ bolon da ǹ nyɔɔ kɛ walan, ka da yon gìĩ kɔɔ̃n kɛ nɛ ǹ nə́ tiɛ̃, ka *wúlu màn kɛ nɛ ǹ nə́ koe Lawa la baraabaraa, ka nyɔɔ sonbore kɛ nɛ ǹ nə́ loe minin ganaa. A n die giɛ kion lɛ dɔ walan, ka a gɔ́ɔ̃gɔ́ɔ̃ ǹ màn tumaa nɛ, bǎã sonbore kɛ laanka a màn bisinin ni.»

Matiə 2:11

Ǹ nə́ wɔ kion lɛ nɛ, ǹ nə́ nɛ lɛ laanka ǹ dan Mariya yɛ. Ǹ nə́ kaa tán-a, ǹ nə́ nɛ lɛ guguru kɔ. Bɛ kio, ǹ nə́ ǹ mànan lɛ bũ ǹ nə́ gɔ ka sana nɛ, ka da yon gìĩ kɔɔ̃n laanka *miíri nyɔɔ gìĩ kɔɔ̃n nɛ, ǹ tumaa giɔ̀mɔ n kaka parsiini.