Bɔ bɛ̀rɛbaa nɛ 30:33 - LAWA A BOO SONBORE

³³ Min mɛn bɛ́ re nyɔɔ kɛ lɛ a zɛnaa lɛn zoɛ̃, a lɔ min kooro ganaa, ǹ tá re bɛa dɛnaa boe, ǹ bɔ ǹ dɔɔ̃nɔn bii.»

LAWA A BOO SONBORE 2011

³³ Min mɛn bɛ́ re nyɔɔ kɛ lɛ a zɛnaa lɛn zoɛ̃, a lɔ min kooro ganaa, ǹ tá re bɛa dɛnaa boe, ǹ bɔ ǹ dɔɔ̃nɔn bii.»

Bɔ bɛ̀rɛbaa nɛ 30:33 ပူးပေါင်းရင်းမြစ်များ

Siin Giala 17:14

Sɛnɛ, giĩ *soroma, mɛn bɛ́ a soromabaa nə n bɔ á n bɔ a ganaa wa, ka doamaa nɛ, ka bɛ loo ka bɔ masɛ a minin bii. A giala, bɛa dɛnaa na á masɛ a lɛ kɔ kɔn la lɛ ziziɛ̃.»

Bɔ bɛ̀rɛbaa nɛ 12:15

Dɛnaa pɛ: «Lɛawaa sɔbaa gɔ́ɔ̃ nɛ, ka buuru sɔ̃ yɔ bù ná a ba li wa. A lɛawaa bibinaa pinaa gɔrɔ, ka yɔ bù tumaa goa ka bɔ kaa kionən ne. Min mɛn bɛ́ re yɔ bù buuru we a lɛ-n, lɛawaa bibinaa pinaa lɛ-n gɔrɔ a wo a sɔbaabaa ǹ wɔ yaa, bɛa dɛnaa á re n boe, a n bɔ Izirayeli nɛnyaanan li.

Bɔ bɛ̀rɛbaa nɛ 12:19

Lɛawaa sɔbaa lɛ gɔ́ɔ̃ nɛ, yɔ bù baran yɛ kaa kionən ne wa. Min mɛn bɛ́ re buuru yɔ bùdɛnaa soɛ̃, ta tii ni, hinlaa kɛnaa nɛ, bɛ á re n boe, a n bɔ Izirayeli nɛnyaan zaman lɛ li.

Bɔ bɛ̀rɛbaa nɛ 29:33

Ǹ dininsɔɔ̃nɔn man bɛa mànan kɛn lɛn soɛ̃, mànan mɛnɛn nə n zɛnaa, ǹ dinin bɔ a koa laanka ǹ dí kɔmala ǹ mànan lɛa, màn mɛn bɛ́ toɛ, Lawa nə ǹ sãn toa ǹ nɛ. Min kooro kɔ́n ba bɛa màn kɛ lɛ we a lɛ-n wa, a giala, màn sonbore ne.

Bɔ bɛ̀rɛbaa nɛ 30:34

Dɛnaa pɛ Muizu ni: «Ga màn gìĩ kɔɔ̃nɔn li: sitoraksi ni ka oniksi ni, galbanumu gìĩ kɔɔ̃n nɛ, ka da yon gìĩ kɔɔ̃n sonbore ne. N die n toa ǹ tumaa kɔnpɛ.

Bɔ bɛ̀rɛbaa nɛ 30:38

Min mɛn bɛ́ re ǹ miã tɔrɔ zɛnaa lɛn zoɛ̃ a din wɔ lɛa, a na a gìĩ kɔ, ka tá re bɛa dɛnaa boe, ka bɔ ǹ dɔɔ̃nɔn bii.»

Bɔ bɛ̀rɛbaa nɛ 31:14

Ka *susu ǹ pii tamaa, a giala, bɛa lɛawaa kɛ lɛ a ziziɛ̃ n soɛ̃ lɛa ka gɔn. Min mɛn bɛ́ re bɛ ziziɛ̃, ka tá re bɛa dɛnaa dii a gã. Sonbore, min mɛn bɛ́ re dí nyɛɛ bɛa pinaa kɛ nɛ, ka tá re ǹ dɛnaa dii ka bɔ ǹ dɔɔ̃nɔn bii.

Lawa a wúlu-bɔlen 17:10

Min woo min, á n Izirayeli tɔrɔ lɛa, hinlaa á n gùli lɛa giã nɛ ǹ bii, bɛ̀ ǹ mɛn màn mà wɔ a lɛ-n, masɛ á die n bɔyɛɛ man yɔrɔ da bɛa dɛnaa la, ma loo ma bɔ Izirayeli tɔrɔn bii.

Lawa a wúlu-bɔlen 17:14

A giala, bɛ̀ màn yii á koo ǹ mɛn waáraa, a yiikoonaabaa lɛ n ka a mà nɛ. Bɛ lɛ n ke má pɛ Izirayeli minin lɛn manɛ, máa ǹ nyan toa ǹ màn kɔn a mà wɔ ǹ lɛ-n wa. A giala, màn din tumaa a yiikoonaabaa, a mà nɛ. Bɛ̀ min mɛn wɔ a lɛ-n, ǹ doamaa nɛ ǹ bɛa dɛnaa loo.

Lawa a wúlu-bɔlen 17:4

Sɛnɛ, bɛ̀ a da ka tɔɔ lɛ nɛ, kɔn yɛ ǹ kion kɛa kiɛnlɛ-a bɔrɔ, á kɔ Dɛnaa Lawa la a gɔ ǹ *wúlu màn lɛa, a giã ǹ bǎã kɛ yɔrɔ-a wa, a mà mɛn kaa, bɛa dɔlɔ á re n boe a ganaa. Bɛa dɛnaa kɛ lɛ, ǹ loo ǹ bɔ Izirayeli minin bii.

Lawa a wúlu-bɔlen 17:9

bɛ̀ ǹ dɛnaa da nɛ kɔn yɛ ǹ kion kɛa kiɛnlɛ-a á wúlu bɔ nɛ Dɛnaa Lawa wɔ lɛa wa, ǹ bɛa min lɛ loo ǹ bɔ Izirayeli tɔrɔn bii.

Lawa a wúlu-bɔlen 18:29

Sɛnɛ, bɛ̀ min mɛn bɛa sii bɔbɔnɛɛ kɛ lɛ mɛn goon zɛnaa, ka ǹ dɛnaa loo, ka bɔ Izirayeli tɔrɔn bii.

Lawa a wúlu-bɔlen 19:8

Wúlu mɛn bɛ́ ǹ nə́ bɔ Dɛnaa Lawaa wɔ lɛa, bɛ̀ min mɛn bɛa siĩ baa siĩ kooro lɛa á sɔ̃, bɛa dɛnaa a sii baraa a dɔlɔ na a din mìi ni. Bɛa dɛnaa kɛ lɛ dɔ, ka loo, ka bɔ Izirayeli tɔrɔn bii.

Lawa a wúlu-bɔlen 20:17

Bɛ̀ giĩ nə́ ǹ miãnɛn saa lɔ lɛa, ta ǹ dinɛ nɛ, ta ǹ dannɛ nɛ, bɛ̀ ǹ nə́ kɔn dɔ̃, sìi gole ne. Ǹ na a dɔlɔ bɔ ǹ ganaa, ǹ tɔrɔ minin lɛn tumaa yii ni. Giĩ lɛ bɛ́ na á giã kun ka ǹ miãnɛn nɛ, a din tá re n toɛ̃ ka a sii baraa a guĩ ni.

Lawa a wúlu-bɔlen 20:18

Bɛ̀ giĩ mɛn giã kun ka lɔ nɛ, lɔ lɛ a mui dɔ ná a ganaa, bɛ̀ lɔ lɛ dɔ́ lɛ kɔ á n din kɔ la, giĩ lɛ ná a lɛawaa yɛ a ganaa, ǹ nə ǹ dinin paanan dɛ, ǹ bɔ Izirayeli tɔrɔn bii.

Lawa a wúlu-bɔlen 20:3

Masɛ dinmaa n die n bɔyɛɛ, man yɔrɔ da bɛa dɛnaa kɛ lɛ la, ma bɔ ma bɔ Izirayeli tɔrɔn bii. A giala, a ná a nɛ kɔ Molɛki la. Bɛ̀ min mɛn dɔ́ bɛ zɛnaa, ǹ dɛnaa na á maa kion sonbore kɛ gɔgɔrɛ kɔ, á ma tɔ sonbore kɛ ziziɛ̃.

Lawa a wúlu-bɔlen 22:3

A pɛ ǹ nɛ mà biikoo woo biikoo, bɛ̀ *gɔ̀ tá wúlu-bɔlen lɛn min mɛn ganaa, Izirayeli minin lɛn bɛ́ re die Dɛnaa Lawa guguru koe ka wúlu màn sonboren mɛnɛn nɛ, bɛ̀ ǹ dɛnaa nə́ n mɔrɔ bɛn ganaa, ǹ bɔ ǹ bɔ masɛ a dí ni. Ma din ni Dɛnaa Lawa lɛa.

Lawa a wúlu-bɔlen 23:29

Bɛ̀ min mɛn nə́ n piã sɛn, a ná a n lɛ sɔɔ bɛa lɛawaa kɛ lɛ miã li wa, ka bɛa dɛnaa bɔ ka bɔ kun ka a tɔrɔ minin ni.

Minin nimi 15:30

Sɛnɛ, bɛ̀ min mɛn sii baraa lɛ zɛnaa woone, kɛnaa hinlaa gùli ni, ǹ dɛnaa na á sɔ kɔ Dɛnaa Lawa ganaa. Ka bɛa min lɛ bɔ ka bɔ kun ka a tɔrɔ minin ni.

Minin nimi 15:31

Ǹ dɛnaa bɛ́ na á n yii wɔ Dɛnaa Lawa a boo la, a ná a kɔ a gɔn waa ǹ boon kɛn lɛ wa, yǎa ka niɛ ka diɛ. Ǹ dɛnaa a sii baraa lɛ n kuĩ a mìi ni.»

Minin nimi 19:13

Bɛ̀ min nə́ gã, yǎa min woo min nə n gɔn da bɛa gere kɛ lɛ-a, ǹ dɛnaa ná a gɔ̀ bɔ a din-a, bɛ kio wa, a n Dɛnaa Lawa a kion kɛ gɔgɔrɛ koe, ka ǹ dɛnaa na ka bɔ Izirayeli zaman lɛ ganaa. Gɔ̀ bɔ ǹ mu kɛ bɛ́ a bie á n pɛsɛ̃ ǹ dɛnaa ganaa wa, a n tɔn na a gɔ̀ gɔ́ɔ̃ nɛ.

Minin nimi 19:20

«Sɛnɛ, bɛ̀ min mɛn gɔ̀dɛnaa baa, a ná a gɔ̀ bɔ a din-a wa, ka bɛa dɛnaa na ka bɔ Izirayeli zaman ganaa a giala a n die Dɛnaa Lawa a kion lɛ gɔgɔrɛ koe. Gɔ̀ bɔ ǹ mu bɛ́ a bie á n pɛsɛ̃ a ganaa wa, a n gɔgɔrɛ.

Minin nimi 4:18

Ka baran zɛnaa, Keyati tɔrɔn tanlɛn minin lɛn nə gã ǹ nə n bɔ Levii tɔrɔ gialakun lɛ bii wa.

Minin nimi 9:13

Sɛnɛ, bɛ̀ min mɛn tá yoreene, hinlaa bɛ̀ min mɛn nə wo zii-n wa, yǎa ǹ dɛnaa nə n piã ka kiɛ̃mala ǹ zɔ́n lɛ a zɛnaa nɛ, ǹ bɛa dɛnaa lɛ bɔ ǹ bɔ ǹ dɔɔ̃nɔn bii. A giala, biikoo mɛn nə n bɔ á n koa, a da ka Dɛnaa Lawa gɔ ǹ màn nɛ, bɛa biikoo lɛ li wa. Ǹ dɛnaa tá re n toɛ̃ ka a sii baraa lɛ a mìi gɔ́ɔ̃ ǹ siin ni.