Bɔ bɛ̀rɛbaa nɛ 3:20 - LAWA A BOO SONBORE

²⁰ Ma á re n gɔn siɛ lon, ma koe sii gigiã zɛnaa Ezipti minin bii, ma fuu nyaa ǹ nɛ. Bɛn kio, kii lɛ á re toɛ ka woo.

LAWA A BOO SONBORE 2011

²⁰ Ma á re n gɔn siɛ lon, ma koe sii gigiã zɛnaa Ezipti minin bii, ma fuu nyaa ǹ nɛ. Bɛn kio, kii lɛ á re toɛ ka woo.

Bɔ bɛ̀rɛbaa nɛ 3:20 ပူးပေါင်းရင်းမြစ်များ

Siin Giala 15:14

Sɛnɛ, ǹ bɛ́ re bɛ̀rɛbaa ǹ dí nyɛɛ tɔrɔ mɛn nɛ, ma á re dɔlɔ boe bɛ ganaa. Bɛ kio, ma á re soe ǹ ne walan ka gɔn màn gigiã nɛ.

Nehemii 9:10

Ń sii nyaa ǹ sii dadaran da Eziptin kii mìi ni a di-nyanlin tumaa laanka a gána a zaman tumaa nɛ, a giala ń goã doɛ̃ mà ǹ nə́ fuu nyaa wɔ digolon lɛn manɛ, ń tɔ́n nə n din tɔ bɔ ǹ sii zɛnaa, ka yii bɛ́ tɔn a ganaa lɔn pelo.

Loen 105:27

A na á ǹ baa a din lɛ lɛa, ǹ nə́ boo da. Bɛ lɛ nɛ, Lawa a kaãbaa ǹ siin laanka a sii-nyaa ǹ siin nə́ gisĩ Ezipti gána la.

Loen 105:38

Ezipti minin nə́ n nyɛnyɛɛ ǹ woo a lɛa, a giala mà nyɛ́ɛ na á goã ǹ ganaa.

Loen 106:22

kaãbaa ǹ siin manɛ, á goã á ǹ zɛnaa walan, Kaamu tɔrɔn kɛn bii. Nyɛ́ɛ da ǹ wɔn manɛ, á ǹ zɛnaa Sawɛɛ tà lɛ-a.

Bɔ bɛ̀rɛbaa nɛ 11:1

Dɛnaa pɛ Muizu-n kɛnɛn: «Man die dɔlɔ lɛ a giala nyɔmɔɔ diɛ, ma da *Faarahɔn laanka Ezipti gána mìi ni. Bɛ kio, ma á re toɛ ǹ soo, ǹ woo ǹ nə n bɔ kànaa. A n die toɛ ka soo ka woo dinin ya, a n die ka lui duduu a ka bɔ kànaa.

Bɔ bɛ̀rɛbaa nɛ 12:39

Ǹ soo ka buuru wùsu yia mɛn nɛ Ezipti gána nɛ, ǹ nə́ bɛ da mɔ̀mɔ lɛa, yɔ bù ná a ba li wa, a giala, a yoo wa. Ǹ bɛ́ ǹ bie ǹ nə́ n yɔrɔ bɔ, ǹ nə́ tɔ́n nə ǹ loo Ezipti gána lɛ-n wa, ǹ boo la ǹ nə́ màn-bii saa wa.

Bɔ bɛ̀rɛbaa nɛ 13:3

A pɛ zaman lɛ-n kɛnɛn: Ka n yiri kɔ lɛawaa kɛ li, ka soo ka n bɔ Ezipti gána nɛ ǹ mɛn pinaa, ka baa zɔ́n lɛa, gána mɛn bɛ́ ka goã bɛ̀rɛbaa nɛ a nɛ. A giala Lawa na á soo ka ka nɛ ka a din pàã nɛ. Bɛa pinaa kɛ nɛ, ka baran toa ka buuru yɔ bùdɛnaa wɔ ka lɛ-n wa.

Bɔ bɛ̀rɛbaa nɛ 13:9

Zɔ́n kɛa zɛnaa n die goɛ̃ ka gɔn, goon ka nyaǹ kɛ nɛ ka gɔn laanka ka nyanlɛ ganaa. Á re nyɛɛ ka nɛ mà ka doamaa nɛ, ka n yiri gisĩ a nɛ, ka Dɛnaa a boo lɛ pɛ. Zɔ́n kɛ n die ka yiri gisĩ a nɛ, mà Dɛnaa din na á soo ka nɛ, á ka bɔ Ezipti gána nɛ, ka a din pàã gole kɛ nɛ.

Bɔ bɛ̀rɛbaa nɛ 15:11

Dɛnaa, die n ka n bɛ́ lɔn lawan bii? Die n ka n bɛ́ lɔn, a siĩnbaa n yii kɛnɛn? Die n ka n bɛ́ lɔn, màn gole lɛa, màn yii guguru-a dɔ lɛa, a n boe kaãbaa ǹ siin zɛnaa la? Min kɔ́n!

Bɔ bɛ̀rɛbaa nɛ 15:6

Pàã gole tá n lon, Dɛnaa, Pàã tá n lon, n tá n zɔ́ɔn ziziɛ̃ nɛ.

Bɔ bɛ̀rɛbaa nɛ 4:21

Dɛnaa pɛ Muizu-n doo: – Á ke, n bɛ́ wusii woe kanna ma pàã kɔ n la máa n kaãbaa ǹ siin mɛnɛn tumaa zɛnaa, n die n bɛn zɛnaa *Faarahɔn yɔrɔ-a. Sɛnɛ, ma din tá re a too kaka koe, a re toɛ zaman lɛ woo wa.

Bɔ bɛ̀rɛbaa nɛ 6:1

Dɛnaa pɛ Muizu ni: «Kanna kəni, ma bɛ́ re màn mɛn zɛnɛɛ *Faarahɔn nɛ, n tá re bɛ yii. Ma á re sii nyɛɛ a yii ni, á re toɛ ka woo. Ma á re sii nyɛɛ a yii ni, á re ka lui dinin, a ka bɔ a gána nɛ.»

Bɔ bɛ̀rɛbaa nɛ 6:6

Bɛ lɛ taman yii, Muizu, wo pɛ Izirayeli nɛnyaanan manɛ mà ma din nə Dɛnaa Lawa lɛa. Ma á re ǹ boe Ezipti minin nɔmaa ǹ dín kɛn li. Ma á re ǹ boe bɛ̀rɛbaa kɛ nɛ ǹ gɔn. Ma á re ǹ boe ka ma din pàã taãn-taãn kɛ nɛ, ma dɔlɔ bɔ ǹ ganaa sɔnbɔraanɛ.

Bɔ bɛ̀rɛbaa nɛ 9:15

Bɛ̀ man má toa ma gɔn yoo, bɛ̀ má n dɛ ka piɛ̃ busu baraa kɛ nɛ, n din ni ka n gána minin ni, bɛ̀ ka a kanaa doo wa.

Izayii 19:22

Dɛnaa Lawa á re Ezipti minin dii. Á re ǹ dii a wusoo a ǹ kaka kɔ. Ǹ tá re wusii ǹ da Dɛnaa Lawa li. Á re ǹ nyankɔ sii, a wusoo a ǹ kaka kɔ.

Izayii 26:11

Dɛnaa Lawa, n gɔn-munii n lon, ǹ yii ba a ganaa wa. Sɛnɛ, ǹ tá re n miãgoã-bɔ kɛ yii n zaman kɛa paǹ li, sìi á re ǹ kuĩ. N tɛ mɛn yɔrɔ bɔ n zɔ́ɔn wɔ lɛa, bɛ á re ǹ kuĩ.

Ezekieli 20:33

A ma toa ma yii n koo, man die giɛ̃ ka mìi la, ma maa foo-yoo kɛ nyaa ka nɛ. Man die pàã zɛnɛɛ ka nɛ, ma maa boo sii la nyaa. Ma din Dɛnaa Lawa a da ǹ boo ne.

Misee 7:15

N bɛ́ soe wɔ nɛ Ezipti gána nɛ ǹ mɛn pinaa, n kaãbaa ǹ siin mɛnɛn zɛnaa bɛa pinaa, wusoo n bɛn lɛn miãn zɛnaa, n nyaa wɔ nɛ.

Nya ǹ dín 7:36

A din lɛ na á soo ka Izirayeli nɛnyaanan lɛn nɛ, á ǹ kaa là nyantoro ne. Lɛ̀ pusi gɔ́ɔ̃ nɛ, á kaãbaa ǹ sii dadaran zɛnaa, Ezipti gána nɛ, sawɛɛ tà mu li, ka don bii ni.

Timəə dí-pɛn 4:34

Lawa mɛn kɔsɔ na á ná a minin si ǹ zɔ́ɔn la lɛn zɔɔ̃, ka kaa wɔ kɛ bɛ́ lɔn? A na á fuu nya kaa zɔ́ɔn lɛn manɛ, á kaãbaa ǹ sii dadaran nya ǹ nɛ, á zia baa ǹ ganaa, á sii kakan zɛnaa á pàã nyaa ǹ nɛ, á nyɛ́ɛ da ǹ ganaa. Kaa Lawa, Dɛnaa Lawa na á bɛ lɛ tumaa zɛnaa kaa lɛa, Ezipti gána nɛ, ka dinin yii ni.

Timəə dí-pɛn 6:22

Á kaãbaa ǹ sii dadaran zɛnaa wɔ dinin yii ni, á bɔ̀n da Ezipti gána ganaa, ǹ kii ni, ka a kion minin tumaa nɛ.

Sii yɔrɔ-bɔlen 6:8

Bɛ lɛ nɛ, Dɛnaa Lawa tɔ́n boo gii-dali goon dia Izirayeli minin lɛn la, á pɛ ǹ nɛ: – Dɛnaa Lawa lɛ, Izirayeli minin Lawa lɛa, bɛ lɛ na á pɛ: Ma din ni má ka waa má ka bɔ Ezipti, ka goã bɛ̀rɛn lɛa gána mɛn lɛ nɛ.

Sii yɔrɔ-bɔlen 8:16

Á kiwi lɛ a min golen kũ, nyɛn mɛn bɛ́ boe don, bɛ laanka koronkoron nyɛndɛnaa nɛ, á bɛn goa á sii nyaa Sukɔti minin lɛn yii ni.