Bɔ bɛ̀rɛbaa nɛ 3:17 - LAWA A BOO SONBORE

¹⁷ Á pɛ doo, mà asɛ n die soe ka nɛ a ka bɔ Ezipti gána a nɔmaa kɛ li, a wo ka nɛ gána kɔ́n nɛ, tɔɔ-toe laanka tán-kɔsiɛ bɛ́ bǐɛ̃ koe gána mɛn nɛ. Bɛa gána kɛ lɛ n Kanaan minin wɔ lɛa, ka Ɛti minin ni, Amɔɔrɔ minin ni, Perɛzi minin ni, Ivii minin ni, ka Zebuzu minin ni.»

LAWA A BOO SONBORE 2011

¹⁷ Á pɛ doo, mà asɛ n die soe ka nɛ a ka bɔ Ezipti gána a nɔmaa kɛ li, a wo ka nɛ gána kɔ́n nɛ, tɔɔ-toe laanka tán-kɔsiɛ bɛ́ bǐɛ̃ koe gána mɛn nɛ. Bɛa gána kɛ lɛ n Kanaan minin wɔ lɛa, ka Ɛti minin ni, Amɔɔrɔ minin ni, Perɛzi minin ni, Ivii minin ni, ka Zebuzu minin ni.»

Bɔ bɛ̀rɛbaa nɛ 3:17 ပူးပေါင်းရင်းမြစ်များ

Siin Giala 46:4

Ma á re woe kunun n ni Ezipti, ma din dɔ n die n boe Ezipti, ma soo n ne. Bɛ̀ ń gã, Zozɛfu n die n gere biĩ.»

Siin Giala 50:24

Zozɛfu tɔ́n pɛ ǹ dɔɔ̃nɔn lɛn nɛ ǹ kɔn pinaa kɛnɛn: «Masɛ a gɛ̀ dɔ á nya. Sɛnɛ, Lawa á die n doe ka lɛ. A n lɛ kɔ Abrahamu laanka Izaaki la ka Zakɔba nɛ, mà á die gána mɛn koe ka la, Lawa á die ka boe a ka bɔ Ezipti gána nɛ, a wo ka-n walan.

Siin Giala 50:25

Bɛ̀ Lawa nə́ n dɔ ka lɛ, á bɛ zɛnaa ka nɛ ǹ mɛn waáraa, bɛ̀ ka tá woe, ka ma wen waa ka wo ǹ ne. Zozɛfu pɛ ǹ nɛ, mà yǎa ǹ nə n liɛ asɛ nɛ, ka bɛa zɛnaa nɛ.»

KZS1 1:15

Ivii kiwi wɔn nɛ, Arkii wɔn nɛ, Sini wɔn nɛ,

Loen 102:21

Á n too kɔ nɔmaa-wɔlen ginii li, a n die yii da gɛ̀ la wolen nyin sii.

Bɔ bɛ̀rɛbaa nɛ 13:5

Dɛnaa n woe ka kiɛ Kanaan minin gána kɛ nɛ, Ɛti minin gána ke ka Amɔɔrɔ minin wɔ nɛ, Ivii minin laanka Zebuzu minin gána kɛ nɛ, a din bɛ́ á n lɛ kɔ, mà a n die gána mɛn lɛ koe ka digolon la. Tɔɔ-too laanka tán-kɔsiɛ n bǐɛ̃ koe bɛa gána kɛ lɛ nɛ. Bɛ̀ Dɛnaa ka kaa bɛ nɛ ǹ mɛn waáraa, ka die ka toa ka bɛa sii kɛ lɛ zɛnaa mui bibinaa kɛ lɛ nɛ.

Bɔ bɛ̀rɛbaa nɛ 32:34

Kanna kəni, woo! Zaman kɛ lɛ nyɛɛnaan bɔ, ma bǎã mɛn pɛ n nɛ, wo-n walan. Ma din a lon a dia dí-a wole n die tɔ we n nyɛɛnɛ. Sɛnɛ, bɛ̀ ma yoo ǹ mɛn pinaa, ma á re dɔlɔ boe ǹ ganaa ǹ sii baraan lɛa.»

Bɔ bɛ̀rɛbaa nɛ 33:3

Ka wɔ bɛa gána kɛ lɛ nɛ, tɔɔ-too laanka tán-kɔsiɛ á bǐɛ̃ koe a nɛ. Ma a boe la ma wo kun ka nɛ bɛa gána kɛ lɛ-n wa, a giala, ka n tɔrɔ too kaka-a lɛa, ma tɔn kiɛ̃ ma ka dɛ ma ka nya zii la.»

Bɔ bɛ̀rɛbaa nɛ 6:6

Bɛ lɛ taman yii, Muizu, wo pɛ Izirayeli nɛnyaanan manɛ mà ma din nə Dɛnaa Lawa lɛa. Ma á re ǹ boe Ezipti minin nɔmaa ǹ dín kɛn li. Ma á re ǹ boe bɛ̀rɛbaa kɛ nɛ ǹ gɔn. Ma á re ǹ boe ka ma din pàã taãn-taãn kɛ nɛ, ma dɔlɔ bɔ ǹ ganaa sɔnbɔraanɛ.

Zeremii 11:5

Bɛa yɔrɔ lɛ la, ma lɛ-kɔ mɛn wɔ ka ka digolon ne, máa ma á re gána koe ǹ la, bɔ̀nyaa laanka zoo nyɔɔ n baa sii a nɛ, ma á re bɛ lɛ piɛ̃. A din lɛ n ke ka tá a-n pelo.» Má a lɛ si: «Hiĩ Dɛnaa Lawa!»

Zeremii 32:22

N goã n nə́ n lɛ kɔ wɔ digolon la ka gána mɛn nɛ, bɔ̀nyaa laanka zoo nyɔɔ n baa sii a nɛ, n bɛ kɔ ǹ la.

Ezekieli 20:6

Bɛa pinaa kɛ lɛ nɛ, má n liɛ má pɛ, máa ma á re ka wɛɛ ma ka bɔ Ezipti gána nɛ, ma gána mɛn yɔrɔ bɔ ma koa ka nɛ, ma wo ka-n walan. Bɛa gána lɛ á siĩni, á la gánan tumaa nɛ. Bɔ̀nyaa laanka zoo nyɔɔ bɛ́ baa sii gána mɛn nɛ.

Lawa a wúlu-bɔlen 20:24

Bɛ lɛ na á toa má tɔ́n pɛ kɛnɛn: Ǹ tán lɛ n die ka dinin wɔ biɛ, ma din nə die ǹ tán lɛ koe ka la, gána kɛ lɛ tɔɔ too laanka tán-kɔsiɛ n bǐɛ̃ koe a nɛ. Ma din Dɛnaa Lawa n kaa Lawa lɛa, má ka na, má ka bɔ kɔn ka tɔrɔ kɔsɔn nɛ.

Minin nimi 13:27

Maǹ nə́ goã ǹ nə́ boo lɛ yɔrɔ pɛ Muizu-n kɛnɛn: «N wɔsɛn dia gána mɛn lɛ nɛ, wɔ woo. Taãn mà a n pɛ, bɔ̀nyaa laanka zoo nyɔɔ n baa sii a nɛ. A da nɛn nə́ ke.

Timəə dí-pɛn 26:9

A din na á daa wɔ nɛ bǎã kɛ nɛ, á gána kɛ lɛ kɔ wɔ la, bɔ̀nyaa laanka zoo nyɔɔ bɛ baa sii gána mɛn nɛ.

Timəə dí-pɛn 6:3

Izirayeli minin lɛn, ka goã bɛ̀ ka n too kɔ bɛn lɛn li, ka n yiri koa ǹ li, ka kɔ ǹ lɛ. Bɛ̀ ká zɛnaa miɛ̃, kaa wɔ á re bǐɛ̃ koe. Ka á re mɔnɛɛ gána lɛ nɛ taãn-taãnɛ, bɔ̀nyaa laanka zoo nyɔɔ bɛ́ baa-sìi gána mɛn nɛ, ka ka digolon Lawa, Dɛnaa Lawa bɛ́ á n lɛ kɔ ka la lɔn.

Zozoe 24:11

«Ka Zurdɛ̃ tà kuru, ka daa ka dɔ Zerikoo. Zerikoo kiwi minin nə́ zia baa ka ganaa, Amɔɔrɔ tɔrɔn nɛ, Perɛzi tɔrɔn nɛ, Kanaan minin ni, Ɛti tɔrɔn nɛ, Girgazi tɔrɔn nɛ, Evii tɔrɔn nɛ ka Zebuzu tɔrɔn nɛ. Sɛnɛ, má ǹ wɔ Izirayeli minin lɛn gɔn.

Zozoe 5:6

Sonbore, Izirayeli minin lɛn man nə́ n binbirin bɔ don, lɛ̀ pusi gɔ́ɔ̃ nɛ. Zaman mɛn tumaa soo Ezipti, ǹ mɛnɛn bɛ́ boe zia-baa la, yǎa bɛn tumaa papaã ǹ nə́ nya. A giala, ǹ nə n too kɔ Dɛnaa Lawa lon wa. Bɛ lɛ nɛ, á n liɛ bɛ lɛ a biikoo li, mà asɛ a re toɛ ǹ yii mɛ gána kɛ lɛ ganaa doo wa. Bɛ bie wa, Dɛnaa Lawa na á goã á n lɛ kɔ ǹ digolon la, mà asɛ n die bɛa gána kɛ lɛ koe ǹsɛn la, bɔ̀nyaa laanka zoo nyɔɔ bɛ́ baa sii gána mɛn nɛ.

Zozoe 9:1

KIIN mɛnɛn tumaa goã Zurdɛ̃ tà a lɛ̀nyɛɛn gɔn la kele yii kɛ nɛ, ǹ mɛnɛn dɔn nə goã nyankɔrɔ basa kɛ nɛ, ka kɔ̀ gole lɛkoro lɛ-a tumaa wɔn kɛn nɛ, a wo diri Liban gána la, bɛn tumaa bɛa siin lɛn boo ma. Bɛ lɛ nɛ, Ɛti tɔrɔn kii ni, Amɔɔrɔ tɔrɔn wɔ nɛ, Kanaan minin wɔ nɛ, Perɛzi tɔrɔn wɔ nɛ, Evii tɔrɔn wɔ nɛ ka Zebuzu tɔrɔn wɔn nɛ,