Bɔ bɛ̀rɛbaa nɛ 3:15 - LAWA A BOO SONBORE

¹⁵ Boo da Izirayeli nɛnyaanan lɛn man kɛnɛn: «Dɛnaa Lawa lɛ, ka digolon Lawa lɛa, Abrahamu ni, Izaaki ni ka Zakɔba nɛ, bɛn Lawa kɛ na á ma dia ka li "Dɛnaa" lɛ na a tɔ lɛa yǎa duduu, ka n die bíi miɛ̃ biikoo tumaa li.»

LAWA A BOO SONBORE 2011

¹⁵ Boo da Izirayeli nɛnyaanan lɛn man kɛnɛn: «Dɛnaa Lawa lɛ, ka digolon Lawa lɛa, Abrahamu ni, Izaaki ni ka Zakɔba nɛ, bɛn Lawa kɛ na á ma dia ka li "Dɛnaa" lɛ na a tɔ lɛa yǎa duduu, ka n die bíi miɛ̃ biikoo tumaa li.»

Bɔ bɛ̀rɛbaa nɛ 3:15 ပူးပေါင်းရင်းမြစ်များ

Siin Giala 24:12

Á Lawa nyankɔ á pɛ: – Dɛnaa, maa dɛnaagiĩ Abrahamu a Lawa, toa maa tɔ-wɔ kɛ bǐɛ̃ kɔ pelo. N din a sonborebaa nyaa masɛ a dɛnaagiĩ Abrahamu ni.

KZS1 16:16

A lɛ-kɔ mɛn wɔ ka Abrahamu ni, bɛ lɛ nɛ. A na á baa liɛ lɛa Izaaki ni.

KZS2 28:9

Bɛa kiwi lɛ nɛ, Dɛnaa Lawa a boo gii-dali goon tan a tɔ n Odɛdi. Á woo n da Izirayeli a sɔraasin lɛn lɛ, bɛ̀ ǹ bɛ́ die Samarii. Á pɛ sɔraasin lɛn manɛ: «Dɛnaa Lawa, ka digolon Lawa foo na á goã yoo-n Zudaa minin li, bɛ lɛ nɛ á ǹ wɔ ka gɔn. Sɛnɛ, ka ǹ dɛ ka kakaarɛbaa nɛ á la yii ni, yǎa á dɔ lon.

Loen 102:12

Maa yiikoonaabaa n kiɛ̃ ka wúlu bɛ́ lɔn, ma din nə laɛ kəni, ka buu bɛ́ lɔn.

Loen 102:13

Sɛnɛ, nsɛ kaa, Dɛnaa Lawa nsɛ n kii lɛa yǎa duduu. Biikoo tumaa a minin man die n boo diɛ.

Loen 135:13

Dɛnaa Lawa, n tɔ kɛ a papaɛ̃ duduu wa, Dɛnaa Lawa, minbuiinin yiri a boe n ne wa.

Loen 30:4

Dɛnaa Lawa, ń ma si gɛ̀ la, má gã má nya, n din nə ń wusoo ń yiikoonaabaa kɔ ma la.

Loen 30:5

Lawa a min sonboren lɛn, ka loe lɔ ka Dɛnaa Lawa tɔ bɔ nɛ. Ka a tɔ bɔ, bɛ̀ ka tá a siĩnbaa kɛ pii.

Loen 68:5

Ka loe lɔ Lawa nɛ, ka loe lɔ ka a tɔ bɔ nɛ. A din lɛ n tɔ we baran lalan, ka a tɔ bɔ. A tɔ mà Dɛnaa Lawa, ka toa ka foo kɔɔ̃n kɔ a yɔrɔ-a.

Loen 72:17

Lawa toa kii lɛ tɔ bɔ biikoo tumaa li, yǎa duduu. A tɔ-bɔ lɛ belebɔ ka wasa bɛ́ lɔn. Bɛ̀ minin tá Lawa bǐɛ̃ bíi kɔn li, ǹ die ǹ kii lɛ tɔ da li, gánan tumaa die ǹ pɛ, mà Lawa barka da kii lɛ ganaa.

Loen 72:19

Barka tá Lawa Gole lɛ ganaa, yǎa duduu. Kanaa din tumaa die a pã ka a gugurubaa nɛ. A n baa miɛ̃, a n baa miɛ̃!

Bɔ bɛ̀rɛbaa nɛ 15:2

Ma pàã laanka maa zia gii-dali n ka Dɛnaa nɛ. A din na á ma kirisibaa. A din nə maa Lawa lɛa, man die a din tɔ boe. Ma digolon Lawa nɛ, man die a tɔ a golebaa kɛ pii.

Bɔ bɛ̀rɛbaa nɛ 15:3

Dɛnaa lɛ n zia-baali lɛa. A tɔ n Dɛnaa.

Bɔ bɛ̀rɛbaa nɛ 3:13

Muizu pɛ Lawa nɛ: – Á ke! Man die woe Izirayeli nɛnyaanan lɛn li ma pɛ ǹ nɛ: «Ka digolon Lawa na á ma dia ka li.» Bɛ̀ ǹ nə́ pɛ ma nɛ mà a tɔ n die, man die pii ǹ ni máa wàa?

Bɔ bɛ̀rɛbaa nɛ 3:6

Á pɛ nɛ doo: «Ma nə n digolo a Lawa lɛa, Abrahamu a Lawa lɛa, Izaaki a Lawa lɛa, Zakɔba Lawa lɛa.» Muizu màn kɔ a yɔrɔ lɛ, a giala, nyɛ́ɛ na á goã a ganaa a ga Lawa ganaa.

Bɔ bɛ̀rɛbaa nɛ 4:1

Muizu ná a lɛ si: «Sɛnɛ, á ke! Izirayeli nɛnyaanan lɛn ba re golee ma li wa, ǹ ba re n too koe ma lon wa. Ǹ tá re pii, mà Dɛnaa nə n din nyaa masɛ-n wa.»

Bɔ bɛ̀rɛbaa nɛ 4:5

Dɛnaa pɛ-n kɛnɛn: «A zɛnaa miɛ̃, n nyaa ǹ nɛ, mà má n din nyaa n nɛ, ma din Dɛnaa lɛ, ǹ digolon Lawa lɛa, Abrahamu ni, Izaaki ni ka Zakɔba nɛ, màn mɛn bɛ́ toɛ, ǹ golee n li.»

Bɔ bɛ̀rɛbaa nɛ 6:2

Lawa boo da Muizu ni, á pɛ-n kɛnɛn: «Ma din nə "Dɛnaa Lawa" lɛa.

Suusun 18:10

Dɛnaa Lawa n duru ǹ bǎã kaka lɛa. Min peperen man woe a li, ǹ kirisibaa.

Izayii 26:8

Sonbore, Dɛnaa Lawa, n bɛ́ ń zii mɛn nyaa wɔ nɛ, wɔ n koe lɛ, wɔ foo n doa nɛ n din ganaa. Sii mɛn bɛ kɔɔ̃n wɔ ganaa, wɔ n tɔ bɔ, wɔ n taasɛ ka n din ni.

Izayii 42:8

Man Dɛnaa Lawa lɛa. Bɛ lɛ n ma tɔ lɛa. Maa gugurubaa ke, bɛa doe min kɔn ganaa wa. Ma ba maa tɔ golebaa kɛ toɛ dì nyínin kɛn manɛ wa.

Izayii 63:12

Ǹ zii tɔ wɔ gɔ́ɔ̃ nɛ, a din na á pàã kɔ Muizu la. Á yìsi mu yu kɔn ǹ nyɛɛnɛ, màn mɛn bɛ́ toɛ, a tɔ goã yǎa duduu.

Izayii 9:6

A kiibaa n die gole koe. Là nyantoro mɛn bɛ́ duduu wɔ lɛa, a n die bɛ koe a zaman la. A n die giɛ̃ Davida a kii dankan la, a giã a gána mìi la. A kũ sisia ganaa yǎa duduu, a n die pàã we a gána nɛ, a kaka kɔ, peperebaa laanka sonborebaa barka nɛ. Dɛnaa Lawa Pàãyiidɛnaa a miãgoã-bɔ kɛ n diɛ bɛ a zɛnɛɛ ganaa.

Zeremii 33:2

«Dɛnaa Lawa n kɛ pii asɛ mɛn bɛ́ màn tumaa a zɛnaali lɛa, á ǹ yɔrɔ boe, á ǹ koɛ. A tɔ n Dɛnaa Lawa.

Ozee 12:5

Á yɔ bɔ kɔn ka lon a dia dí-a wole goon ne á gɔ̀lɔ̀baa yɛ. Á wuu pɛ, á gòã-kũ wɔ. Á tɔn nə n da Lawa lɛ Betɛli, Lawa tɔn boo da ka wɔ nɛ.

Ozee 12:6

«Dɛnaa Lawa, Dɛnaa Lawa Pàãyiidɛnaa,» a tɔ n Dɛnaa Lawa.

Lawa a wúlu-bɔlen 24:11

A da yaa, a dɔ dan nə Izirayeli min lɛa, a tɔ n Selomiti, Dibri a nɛlɔ nɛ. Dibri lɛ n Dan tɔrɔ lɛa. Selomiti a nɛgiĩ lɛ na á Lawa tɔ ziziɛ̃, á sɔ kɔ a ganaa. Bɛ lɛ nɛ, ǹ nə́ kũ ǹ nə́ daa kɔ Muizu la.

Misee 4:5

Tɔrɔn kɛn tumaa gogoonmaa n koe ǹ dìn lɛ. Sɛnɛ, wɔsɛn man koe wɔa Lawa, Dɛnaa Lawa lɛ yǎa duduu.

Malakii 3:6

Masɛ Dɛnaa Lawa, ma ba n bɔyɛɛ wa. Kasɛn dɔn, ka a n boe minin-sãli Zakɔba tɔrɔ taãnbaa kɛ-n doɛ̃ wa.

Matiə 22:32

Lawa pɛ: «Man Abrahamu a Lawa lɛa, Izaaki a Lawa lɛa, Zakɔba a Lawa lɛa.» Yezu tɔ́n pɛ: «Lawa lɛ bie geren Lawa lɛa wa, a n yiikoonaan Lawa lɛa. Bɛ n nyɛɛ, mà bɛa minin kɛn lɛn ǹ nə́ gã lɛlɛ, mà ǹ yii á koo sisia.»

Nya ǹ dín 3:13

Abrahamu ni ka Izaaki laanka Zakɔba a Lawa lɛ, wɔsɛn digolon Lawa lɛa, bɛ lɛ na á Yezu lɛ saa lon á da gugurubaa nɛ a din li, a din a dí-nyali Yezu mɛn bɛ́ ǹ nə́ dɛ á gã. A na á goã kii gole Pilati gɔ́ɔ̃ nɛ a da, sɛnɛ, ka dinin man ka laa mà yaa a dii.

Nya ǹ dín 7:32

«Ma nə n digolon Lawa lɛa: Abrahamu a Lawa, Izaaki a Lawa, Zakɔba a Lawa, man bɛ lɛ lɛa.» Muizu bɛ́ bìn diɛ, a yii a we doo á giɛ wa.

Timəə dí-pɛn 1:11

Má pɛ dinin máa Dɛnaa Lawa, ka digolon Lawa lɛ die a kɛ miã kaa ka li doo gunyin duu goon, a barka da ka ganaa, ka a bɛ́ á n lɛ kɔ ka la lɔn.

Timəə dí-pɛn 1:35

«Min babaraan mɛnɛn nə soo Ezipti gána nɛ, ma n liɛ, máa ma á re gána sonbore mɛn lɛ koe ǹ digolon la, ǹ goon gòã ba re miɛ a-n wa,

Timəə dí-pɛn 4:1

Má pɛ ka nɛ: Izirayeli minin lɛn, ma dinmaa bɛ́ ka darɛɛ landa boon laanka sii yɔrɔ bɔ ǹ boon mɛnɛn ganaa, ka bɛn si, ka kɔ ǹ lɛ. Bɛ á re toɛ ka yii goã koo, ka boo la ka wɔ gána kɛ dɔ nɛ, ka digolon Lawa, Dɛnaa Lawa bɛ́ ǹ mɛn lɛ koe ka la, ka si ka baa kaa wɔ lɛa.

Ebrəə 11:16

Sonbore, maǹ nə́ goã giɛ dikion li, màn mɛn bɛ́ soɛ ǹ miãn manɛ, bɛ giala, mà lon wɔ ke. Bɛ lɛ nɛ, bɛ̀ bɛa minin kɛn lɛn tá Lawa bíi, mà ǹsɛn Lawa, a ba sìi lɛa a ganaa wa. Á kiwi zɛnaa ǹ nɛ dinin.

Ebrəə 13:8

Yezu *Krita bɛ́ lɔn gunun, a n miɛ̃ pelo, a n die goɛ̃ miɛ̃ yǎa duduu.