Bɔ bɛ̀rɛbaa nɛ 29:43 - LAWA A BOO SONBORE

⁴³ «Man die n diɛ Izirayeli nɛnyaanan lɛ bǎã kɛ lɛ nɛ, ma din bɔ, má maa gugurubaa koa a nɛ.

LAWA A BOO SONBORE 2011

⁴³ Man die n diɛ Izirayeli nɛnyaanan lɛ bǎã kɛ lɛ nɛ, ma din bɔ, má maa gugurubaa koa a nɛ.

Bɔ bɛ̀rɛbaa nɛ 29:43 ပူးပေါင်းရင်းမြစ်များ

Kiin1 8:11

Lawa a wúlu-bɔlen lɛn nə goã boe la ǹ tá giɛ̃ kion lɛ nɛ, ǹ tá ǹ dí nyɛɛ wa, tɛmaa bara lɛ taman yii. A giala Dɛnaa Lawa a gugurubaa na á goã a ná a kion lɛ pã.

KZS2 5:13

Bɛn-pɛlen laanka loe-lɔlen lɛn nə́ kaa kunun ǹ ni, loe goon loe Dɛnaa Lawa tɔ boe ne, ǹ ná a guguru koe. LOE-lɔlin lɛn nə́ loe lɔ, ǹ nə́ bɛ̀ dɛ ǹ mànan dɛ, ǹ nə́ Dɛnaa Lawa tɔ bɔ ka ǹ loen ne: «Dɛnaa Lawa á siĩni, a minin narɛɛ a nyɛɛ duduu wa.» Bɛa biikoo li tɛmaa bara daa Dɛnaa Lawa a kion lɛ pã.

KZS2 5:14

Bɛa tɛmaa bara lɛ taman yii, wúlu-bɔlen lɛn ba boe la ǹ tá ǹ dí nyɛɛ wa, a giala Dɛnaa Lawa na á kion lɛ pã ka a din a gugurubaa nɛ.

Bɔ bɛ̀rɛbaa nɛ 25:22

Masɛ n die n toɛ walan lɛ nɛ, man din nyaa n nɛ, Goo lɛpii lɛ lalan, lon mànan lɛn bii ni dí-pɛn tamaa ǹ Goo lɛ la. Ma doamaa bɛ́ nɛ, ma boon mɛnɛn tumaa kɔ n la Izirayeli nɛnyaanan wɔ lɛa, ma á re bɛn tumaa pii n ni.

Bɔ bɛ̀rɛbaa nɛ 29:42

Bɛ lɛ n die wúlu màn tiɛ̃ lɛ biɛ, ka doamaa bɛ́ ka ǹ mɛn bɔ biikoo tumaa li, lɛ̀ woo lɛ̀. Ka bɔ Dɛnaa yɔrɔ-a, kɔn yɛ ǹ kion kɛ lɛ a kiɛnlɛ-a, masɛ bɛ́ re n diɛ ka lɛ bǎã mɛn nɛ lɛn, ma boo da n nɛ.

Bɔ bɛ̀rɛbaa nɛ 29:44

Kɔn yɛ ǹ kion lɛ laanka wúlu bɔ ǹ bǎã lɛ n masɛ din wɔn lɛa. Aarɔn dɔ laanka a nɛgiĩn man masɛ din wɔn lɛa, màn mɛn bɛ́ toɛ, ǹ dí nya masɛ din ni.

Bɔ bɛ̀rɛbaa nɛ 40:34

Tɛmaa bara lɛ daa n kuməə kɔn yɛ ǹ kion lɛ la, Dɛnaa a gugurubaa kion lɛ pã.

Bɔ bɛ̀rɛbaa nɛ 40:35

Muizu goã boe la á we kɔn yɛ ka Lawa nɛ ǹ kion lɛ-n wa, a giala, tɛmaa lɛ goã a nɛ, Dɛnaa a gugurubaa dɔ goã piɛ̃-n kion lɛ gɔ́ɔ̃ nɛ.

Izayii 60:1

Yoo lon Zeruzalɛmu, n tɛ pɛ! A giala, tɛ fúlu n boe n wɔ lɛa. Dɛnaa Lawa a gugurubaa kɛ n fúlu boe n nɛ.

Ezekieli 43:5

Lawa yiri tɔ́n ma saa á woo ka ma nɛ sumu gɔ́ɔ̃ kɛ nɛ. Má yɛ, bɛ̀ Dɛnaa Lawa a gugurubaa á ke á kion lɛ pã.

Lawa a wúlu-bɔlen 9:4

Dii gɔ̀lɔ̀ goon laanka sère gɔ̀lɔ̀ goon dɔ kũ, n nə ǹ baa barka da Lawa nɛ ǹ wúlu màn lɛa, n nə ǹ dɛ kɔn yɛ ǹ kion kɛ yɔrɔ-a. Ka da ka wùsu-diɛ dɔ nɛ nyɔɔ n li, Lawa gɔ ǹ wɔ lɛa. A giala, pelo lɛ nɛ, Dɛnaa Lawa á die n din nyɛɛ ka nɛ.

Lawa a wúlu-bɔlen 9:6

Muizu tɔ́n pɛ: Dɛnaa Lawa màn mɛn pɛ ka nɛ, a din nə ka kɛ nɛ. Ka bɛ lɛ zɛnaa, màn mɛn bɛ́ toɛ, Dɛnaa Lawa na a gugurubaa nyaa ka nɛ.

Malakii 3:1

Dɛnaa Lawa Pàãyiidɛnaa a lɛ si ǹ boo n ka kɛ nɛ: Á ke, má maa dia dí-a wole dia máa a da zii zɛnaa ma nyɛɛnɛ. Ka bɛ́ giɛ dɛnaa mɛn li, á re we Lawa a kion a din bǎã-n gɔrɔ, maa boo gii-dali mɛn bɛ́ ka n duĩ, á re maa lɛ kɔ kɔn la ǹ boo lɛ pii ka nɛ. Á ke yii die, Dɛnaa Lawa Pàãyiidɛnaa na á pɛ.

Korɛnti2 3:18

Wɔsɛn mɛnɛn tumaa bɛ́ tapara nə́ n bɔ wɔ siã, wɔsɛn man Dɛnaa a gugurubaa a siĩnbaa nyɛɛ. Wɔ́ n bɔyaa wɔ́ kɔnbɔ ka Dɛnaa din ni, wɔ́ wusoo wɔ́ gugurubaa yɛ, bɛ ń gole á la lɛlɛ wɔ kɛ nɛ. Dɛnaa din na á bɛa dí kɛ lɛ nya ka a Yiri Fu barka nɛ.

Korɛnti2 4:6

Lawa mɛn bɛ́ á pɛ mà wɔlɔ fúlu yɛ wɔlɔ tì bii, a din na á toa wɔlɔ fúlu tɛ pɛ ma dɔ foo ne. Lawa a gugurubaa mɛn bɛ́ tɛ pii Yezu Krita yɔrɔ nɛ, a n mà minin nə boo la ǹ bɛ dɔ̃.

Zaã1 3:2

Maa giaáran lɛn, wɔ n Lawa a nɛnyaanan lɛa gɔrɔ. Wɔ bɛ́ re màn mɛn biɛ, wɔ tɔn bɛa foaãbaa yɛ bɔrɔ wa. Bɛ tun kio, wɔ á doɛ̃ wáa bɛ̀ *Krita daa biikoo mɛn li, wɔ n die kɔnboe ka a din ni, wɔ ǹ die yii, ka a bɛ́ lɔn.