Bɔ bɛ̀rɛbaa nɛ 29:4 - LAWA A BOO SONBORE

⁴ N da Aarɔn laanka a nɛgiĩn lɛn nɛ, kɔn yɛ ka Lawa nɛ ǹ Kion lɛ a kiɛnlɛ-a, n nə ǹ zoo mu li.

LAWA A BOO SONBORE 2011

⁴ N da Aarɔn laanka a nɛgiĩn lɛn nɛ, kɔn yɛ ka Lawa nɛ ǹ Kion lɛ a kiɛnlɛ-a, n nə ǹ zoo mu li.

Bɔ bɛ̀rɛbaa nɛ 29:4 ပူးပေါင်းရင်းမြစ်များ

Bɔ bɛ̀rɛbaa nɛ 26:36

«Bɛ kio mɔnaa dí-nyali sonboren nə mɔnaa zɛnaa Kion lɛ a kiɛnlɛ wɔ lɛa. Ǹ zɛnaa ka mɔnaa guguru sonbore ne, foɛ̃-n ka gɛ̀sɛ korebore ne, ka a tã nɛ, ka a tã zenzen ne.

Bɔ bɛ̀rɛbaa nɛ 29:3

Ǹ kaa kankaan nɛ, n da kɔ Lawa la, kun ka dii gɔ̀lɔ̀ ten lɛ laanka sère gɔ̀lɔ̀ màn paa lɛ nɛ.

Bɔ bɛ̀rɛbaa nɛ 40:12

«Ń die n da ka Aarɔn nɛ, ka a nɛgiĩn ni kɔn yɛ ǹ kion lɛ a kiɛnlɛ-a, n nə ǹ zoo mu lɛ li.

Bɔ bɛ̀rɛbaa nɛ 40:28

Muizu kion lɛ a kiɛnlɛ mɔnaa da lon.

Bɔ bɛ̀rɛbaa nɛ 40:32

Bɛ̀ ǹ tá we kion lɛ nɛ, bɛ̀ ǹ tá n mɔrɛ wúlu bɔ ǹ bǎã kɛ dɔ ganaa, maǹ gɔ̀ boe ǹ dinin ganaa, ka Dɛnaa din bɛ́ á pɛ-n lɔn.

Ezekieli 36:25

Ma á re mu sonbore kiɛ ka ganaa, bɛ ka *yoreen kɔ. Ma á re kaa gɔ̀ siin tumaa pii ma ǹ bɔ ka ganaa, ka kaa dì siin kɛn tumaa nɛ.

Ezekieli 42:14

Bɛ̀ wúlu-bɔlen lɛn nə́ wɔ bǎã sonbore kɛ nɛ, bɛ̀ ǹ tá re soe, ǹ mɔnaan mɛnɛn wɔ ǹ nə́ wúlu lɛ bɔ nɛ, ǹ doamaa nɛ ǹ bɛn waa ǹ nə ǹ kaa tán walan. A giala, bɛa mɔnaan lɛn man Lawa a dí nya ǹ wɔn lɛa. Ǹ doamaa nɛ, ǹ mɔnaa kɔsɔn wɔ. Bɛ̀ ǹ nə́ bɛ zɛnaa, bǎã mɛn nə n koa zaman kɛ wɔ lɛa, ǹ tá re boe la ǹ nə n mɔrɔ bɛ-a.»

Lawa a wúlu-bɔlen 14:8

Min mɛn lɛ bɛ́ gɔ̀ boe a din ganaa, bɛ na a mɔnaan pii kəni, a n ka tumaa kɔɔ̃, a n zoo mu li, a tɔn *yoreen kɔ. Bɛ kio, a wo giã ǹ bǎã lɛ nɛ. Sɛnɛ, a n giɛ̃ kanaa, a ba we a mɔnaa kion wa, yǎa lɛawaa sɔbaa.

Minin nimi 8:9

N die n Levii tɔrɔn kɛn wɔlɔ kunu kɔ kɔn yɛ ka Lawa nɛ ǹ kion kɛ yɔrɔ-a, n Izirayeli zaman lɛ tumaa sɔkɔn.

Efɛɛzi minin 5:26

a ná a *yoreen kɔ ka *batɛmu da ǹ mu ni, ka boo-n kun ni, ń giɛ á boe la a tá Lawa wɔ biɛ.

Timəə dí-pɛn 23:11

Bɛ̀ zia-baali lɛ a mɛn tá kun ka nɛ, a ná a *yoreen wa, a giala a giulun na á pisəə tèlò-n, bɛ doamaa nɛ a soo a n bɔ kaa giã ǹ bǎã lɛ nɛ, a giã kanaa yǎa wasa woe miɛ̃.

Tiitii 3:5

a na á wɔ kirisibaa ka bɛ nɛ. A bie á zɛnaa mà wɔ ǹ wɔ́ dí peperen nya wa, sɛnɛ, a na á zɛnaa a giala, mà wɔ makara na á bɔ a ganaa. Wɔ bɛ́ wɔ́ *batɛmu mɛn yɛ, Lawa a Yiri Fu bɛ́ n toɛ bɛ gɔ́ɔ̃ nɛ, a wusoo a yɛ ka nyin dii-n mɛn kɔ wɔ la, a na á wɔ kirisibaa bɛa lɛa.

Ebrəə 10:22

Bɛ lɛ tɔ ganaa, ka daa wɔ n mɔrɔ Lawa ganaa ka foo sonbore ne, ka golee Lawa li taãn-taãn nɛ, wɔ foo n yoreen ne, gɔ́ɔ̃gɔ́ɔ̃ ǹ zɛ̀rɛ kɔ́n ná a ba wɔ ganaa wa, wɔ́ gɔ̀nɔn dɔ n pii-n ka mu sonbore ne.

Piɛrɛ1 3:21

Bɛa sii lɛ na á goã *batɛmu kɛ a kɔnboe lɛa. Bɛa batɛmu kɛ lɛ bie gɔ̀nɔn ganaa ǹ *gɔ̀ boe min-a wa, a n din kɔ Lawa la ka foo sonbore-n sii nyɛɛ. Lawa bɛ́ á Yezu Krita yii kaa á bɔ geren bii ke, a na á barka wɔ batɛmu kɛ nɛ, á n ka kirisibiɛ nɛ kanna.