Bɔ bɛ̀rɛbaa nɛ 29:39 - LAWA A BOO SONBORE

³⁹ Sère nɛ bibinaa ke, ǹ bɛ dɛ baayɛlɛ, a paabaa ǹ wɔ ke, ǹ bɛ dɛ wasamiɛ̃nɛ.

LAWA A BOO SONBORE 2011

³⁹ Sère nɛ bibinaa ke, ǹ bɛ dɛ baayɛlɛ, a paabaa ǹ wɔ ke, ǹ bɛ dɛ wasamiɛ̃nɛ.

Bɔ bɛ̀rɛbaa nɛ 29:39 ပူးပေါင်းရင်းမြစ်များ

Kiin1 18:29

Penleen a kiɛ̃ kio, ǹ nə́ n lɛ dɛ miɛ̃ yǎa Lawa gɔ ka *wúlu màn nɛ biikoo daa á dɔ wasamiɛ̃nɛ. Sɛnɛ boo bɔ wa, lɛ sii yɛ wa, bìn diɛ kɔn bɔ wa.

Kiin2 16:15

Bɛ kio, kii Ahaazi lɛ tɔ́n pɛ Lawa a wúlu-bɔle Uria-n kɛnɛn: «*Wúlu màn mɛn bɛ́ n tiɛ̃ baayɛlɛ, ka Lawa gɔ ǹ màn mɛn bɛ́ n boe wasamiɛ̃nɛ, bɛn bɔ wúlu bɔ ǹ bǎã gole lɛ la. Kii a wúlu màn-tiɛ̃ nɛ, ka a Lawa gɔ ǹ màn nɛ, bɛn bɔ wúlu bɔ ǹ bǎã gole lɛ la. Gána lɛ a zaman tumaa a wúlu màn-tiɛ̃ nɛ, ka ǹ Lawa gɔ ǹ màn nɛ, bɛn bɔ wúlu bɔ ǹ bǎã gole lɛ la. N duvɛ̃ zuməə la. Wúlu màn-tiɛ̃n kɛn tumaa mà nɛ, ka wúlu mànan kɛn tumaa mà nɛ, bɛ yii kaa tán wúlu bɔ ǹ bǎã gole lɛ la. Wúlu bɔ ǹ bǎã kɛ sɛ zan lɛa, ma á die giɛ bɛ walan.»

Kiin2 3:20

Baayɛlɛ, *wúlu màn tiɛ̃ biikoo li, bɛ̀ mu á ke á n toa Edɔmu gána li, á baa si á daa gána lɛ pã.

KZS2 13:11

Baayɛlɛ ka wasamiɛ̃nɛ, wɔ n wúlu mànan tiɛ̃ koe Dɛnaa Lawa la kɔn lɛ ka da yon gìĩ kɔɔ̃n nɛ. Buurun mɛnɛn bɛ́ n koe Lawa la, wɔ n bɛn kiɛ tabala sonbore kɛ la. Wasamiɛ̃nɛ, wɔ n tɛ diɛ bolonən kɛn ganaa bolon koa ǹ bǎãn kɛn nɛ sana lɛa. Wɔsɛn, wɔ n koe Dɛnaa Lawa a landa boon kɛn lɛ. Sɛnɛ, kasɛn, ka n la bɔ ǹ ganaa.

KZS2 2:3

Taãn nɛ, man zoɛ̃ li máa ma kion dɔ, Dɛnaa Lawa, maa Lawa tɔ bɔ ǹ wɔ lɛa. Izirayeli minin man die bɛa kion kɛ lɛ koe a din la. Ǹ tá re *wúlu màn gìĩ kɔɔ̃n tiɛ̃ a wɔ lɛa walan, ǹ buuru sonbore kɔ la biikoo tumaa li, ǹ wúlu màn tiɛ̃ kɔ la walan babaraa, baayɛlɛ ka wɔsamiɛ̃nɛ, *susu ǹ pii pinaa nɛ ka mui dii a bɔ pinaa nɛ ka Dɛnaa Lawa, wɔa Lawa a zɔ́n pinaan nɛ. Landan manɛ, Izirayeli minin doamaa nɛ ǹ kɔ lɛ yǎa duduu.

Ɛsidrasi 9:4

Ma dinmaa lɛ sɛ giã tán miɛ̃ ma foo n busii ni, yǎa wasamiɛ̃n a wúlu bɔ biikoo li. Goa-wolen sii baraa lɛ taman yii, Izirayeli a Lawa lɛ goã boon mɛnɛn diɛ, min mɛnɛn nə goã nyɛ́ɛ biɛ bɛa boon lɛn manɛ, bɛn nə́ daa n sɔkɔn ma li.

Loen 141:2

Toa maa nyankɔ dii n din li, ka nyɔɔ gìĩ kɔɔ̃n bɛ́ lɔn. Ma gɔn tá n la, ma gɔn si, ka wasamiɛ̃n a *wúlu màn bɛ́ lɔn.

Loen 5:3

Aa maa Kii, aa maa Lawa, ma nə n lɛ dii n din bíi we, n too kɔ ma lon doɛ̃. Ma nə n din nyankoe, ma nə n lɛ dii n din bíi we.

Bɔ bɛ̀rɛbaa nɛ 12:6

Ka bɔ ka koa yǎa mui kɛ lɛ a lɛawaa fulusii. Izirayeli nɛnyaanan zaman lɛ tumaa na a wɔ bɔlɔ kuru wasa yii siɛ̃ waáraa.

Bɔ bɛ̀rɛbaa nɛ 29:40

Baayɛlɛ wɔ a sère nɛ lɛ laanka wasamiɛ̃n wɔ lɛ nɛ, bɛ̀ ǹ tá bɛn dii, maǹ dii ka wùsu kilo sɔɔ nɛ, ǹ yia ka nyɔɔ tàan yii goon ka talɛɛ nɛ, maǹ dii ka yɔ paan yii goon ka talɛɛ dɔ nɛ. Bɛa wúlu mànan kɛn lɛn gìĩ á kɔɔ̃n masɛ Dɛnaa ganaa.

Luku 1:10

A bɛ́ bɛa nyɔɔ gìĩ kɔɔ̃n kɛ lɛ tiɛ̃, zaman gole na á goã Lawa nyankoe kanaa.

Nya ǹ dín 26:7

Wɔsɛn tɔrɔ kiɛnlɛ fulupaa kɛ lɛ din tumaa dɔ foo n doa nɛ, mà bɛa lɛ-kɔ kɛ lɛ lɛ á re piɛ̃, bɛ lɛ nɛ ǹ tá n gù we yii, ǹ nə́ Lawa guguru koe tèlò laanka penleen ne. Kii Agripaa, bɛa foo-doa sii ganaa kɛ lɛ din dɔ a lɛa nɛ Zuifun tá ma zɛ̀rɛ biɛ.