Bɔ bɛ̀rɛbaa nɛ 29:21 - LAWA A BOO SONBORE

²¹ N mà kɛ saa wúlu bɔ ǹ bǎã lɛ la, ka min koa Lawa wɔ lɛa ǹ nyɔɔ lɛ nɛ, n nə ǹ pɛpɛsɛ̃ Aarɔn ganaa, ka a mɔnaan nɛ. N pɛpɛsɛ̃ a nɛgiĩn lɛn dɔn ganaa ka ǹ mɔnaan nɛ. Bɛa yɔrɔ kɛ la, ǹ tá re masɛ wɔn biɛ: Aarɔn nɛ ka a mɔnaan nɛ, a nɛgiĩn ni ka ǹ mɔnaan nɛ.

LAWA A BOO SONBORE 2011

²¹ N mà kɛ saa wúlu bɔ ǹ bǎã lɛ la, ka min koa Lawa wɔ lɛa ǹ nyɔɔ lɛ nɛ, n nə ǹ pɛpɛsɛ̃ Aarɔn ganaa, ka a mɔnaan nɛ. N pɛpɛsɛ̃ a nɛgiĩn lɛn dɔn ganaa ka ǹ mɔnaan nɛ. Bɛa yɔrɔ kɛ la, ǹ tá re masɛ wɔn biɛ: Aarɔn nɛ ka a mɔnaan nɛ, a nɛgiĩn ni ka ǹ mɔnaan nɛ.

Bɔ bɛ̀rɛbaa nɛ 29:21 ပူးပေါင်းရင်းမြစ်များ

Loen 133:2

A n ka nyɔɔ gìĩ kɔɔ̃n kɛ bɛ́ lɔn, bɛ̀ ǹ kaa Aarɔn mìi ni, bɛ̀ a gisĩ a mìi ni, a wo a lɛtoro ka yaa, bɛ̀ a gisĩ a lɛtoro ka ganaa, a wo a dɔnkɛ wìi yaa.

Bɔ bɛ̀rɛbaa nɛ 29:1

«N bɛ́ re Aarɔn laanka a nɛgiĩn koɛ lɔn masɛ Lawa wɔn lɛa, ǹ maa dí nya, bɛ á ke: ga dii gɔ̀lɔ̀ ten li ka sère gɔ̀lɔ̀ màn paa nɛ, wɔ̀lɔ̀ ná a ba ǹ ganaa wa.

Bɔ bɛ̀rɛbaa nɛ 29:20

N sère gɔ̀lɔ̀ lɛ bɔlɔ kuru, n na a mà bɔ, n da Aarɔn gusin a too lɛwɔn ganaa, n da a nɛgiĩn lɛn dɔn too lɛwɔnɔn ganaa. N da ǹ gusin a gɔn a gòon mìi gole ganaa, ka ǹ gusin a gòã wɔ nɛ. N mà lɛ gialakun pɛsɛ̃ wúlu bɔ ǹ bǎã lɛ gɔ̀nɔn tumaa ganaa.

Bɔ bɛ̀rɛbaa nɛ 29:22

«Sère gɔ̀lɔ̀ lɛ a nyɔɔ kɔ ǹ bǎã saa, a mui gòã nɛ, a nyɔɔ kɛ nɛ a nànan lɛnpɛnɛ, a foo ne, ka a dɔ̀ɔ̃ koron màn paa kɛ laanka nyɔɔ mɛn bɛ́ doa nɛ ǹ ganaa, ka a gusin a nyàa dɔ nɛ. Sère paabaa ǹ wɔ lɛ a dɛ n wúlu-bɔlen lɛn bɔ a koa ǹ sii nyɛɛ.

Bɔ bɛ̀rɛbaa nɛ 29:7

Bɛ kio, n min koa Lawa wɔ lɛa ǹ nyɔɔ kɛ saa, n kaa a mìi ni, n koa masɛ Lawa wɔ lɛa.

Lawa a wúlu-bɔlen 14:29

Nyɔɔ lɛ a mɛn bɛ́ goɛ̃ a gɔn, a bɛ kaa gɔ̀ bɔ din ganaa wole lɛ mìi ni, a gɔ̀ bɔma-a ǹ wúlu bɔ a lɛa, kɔn yɛ ka Dɛnaa Lawa nɛ ǹ kion kɛ yɔrɔ-a.

Lawa a wúlu-bɔlen 7:35

Aarɔn laanka a nɛgiĩn lɛn wɔ gii n ka bɛ nɛ, Dɛnaa Lawa a wúlu mànan lɛn gɔ́ɔ̃ nɛ. Bɛ̀ ka ǹ koa Dɛnaa Lawa a wúlu-bɔlen lɛa ǹ mɛn pinaa gɔrɔ, bɛ lɛ n doe ǹ ganaa.

Lawa a wúlu-bɔlen 8:23

Muizu tɔ́n tɔɔ lɛ bɔlɔ kuru, a ná a mà si á lɔ Aarɔn too lɛwɔn ganaa, á ǹ kɔn lɔ a gusin a gɔn a gòon mìi gole ganaa, á ǹ kɔn lɔ a gusin a gòã a gòon mìi gole ganaa.

Lawa a wúlu-bɔlen 8:30

Bɛ kio, Muizu bɔ a koa ǹ nyɔɔ kɛ laanka mà kɔn saa màn nɛ, wúlu bɔ ǹ bǎã kɛ lalan. A ǹ pɛpɛsɛ̃ Aarɔn laanka a mɔnaan ganaa, á ǹ pɛpɛsɛ̃ a nɛgiĩn lɛn dɔn laanka ǹ mɔnaan ganaa. A na á zɛnaa miɛ̃ á Aarɔn laanka a mɔnaan baa Lawa wɔn lɛa, á ná a nɛgiĩn lɛn dɔn laanka ǹ mɔnaan baa Lawa wɔn lɛa.

Zaã a sɛ́wɔ 17:19

Ma dinmaa nə n din koe n la lenlen ǹ lɛa, màn mɛn bɛ́ toɛ, ǹ dɔn nə goã n wɔn lɛa lenlen ka n sonbore boo lɛ barka nɛ.

Ebrəə 10:29

Sɛnɛ, min mɛn bɛ́ Lawa a Nɛgiĩ kɛ puusə koe, á n giɛ Lawa a lɛ kɔ kɔn la ǹ mà kɛ lɛ ganaa sàn kɔ ǹ màn lɛa, mà mɛn bɛ́ a ná a yoreen kɔ, á n boo baraa diɛ Lawa a bǐɛ̃baa ǹ Yiri Fu kɛ ganaa, ka a taasɛ mà bɛ doamaa-n ka dɔlɔ baraa-n wa?

Ebrəə 9:22

A kɔnpɛ ka Dí-pɛ nɛ, a n goon ka màn din tumaa n yoreen koe, ka mà nɛ. Bɛ̀ mà kaa wa, sii baraa toa ba yii wa.