Bɔ bɛ̀rɛbaa nɛ 29:20 - LAWA A BOO SONBORE

²⁰ N sère gɔ̀lɔ̀ lɛ bɔlɔ kuru, n na a mà bɔ, n da Aarɔn gusin a too lɛwɔn ganaa, n da a nɛgiĩn lɛn dɔn too lɛwɔnɔn ganaa. N da ǹ gusin a gɔn a gòon mìi gole ganaa, ka ǹ gusin a gòã wɔ nɛ. N mà lɛ gialakun pɛsɛ̃ wúlu bɔ ǹ bǎã lɛ gɔ̀nɔn tumaa ganaa.

LAWA A BOO SONBORE 2011

²⁰ N sère gɔ̀lɔ̀ lɛ bɔlɔ kuru, n na a mà bɔ, n da Aarɔn gusin a too lɛwɔn ganaa, n da a nɛgiĩn lɛn dɔn too lɛwɔnɔn ganaa. N da ǹ gusin a gɔn a gòon mìi gole ganaa, ka ǹ gusin a gòã wɔ nɛ. N mà lɛ gialakun pɛsɛ̃ wúlu bɔ ǹ bǎã lɛ gɔ̀nɔn tumaa ganaa.

Bɔ bɛ̀rɛbaa nɛ 29:20 ပူးပေါင်းရင်းမြစ်များ

Bɔ bɛ̀rɛbaa nɛ 29:19

«Bɛ kio doo, n sère gɔ̀lɔ̀ lɛ a paabaa ǹ wɔ kɛ kũ, Aarɔn laanka a nɛgiĩn nə n gɔn da a mìi ni.

Bɔ bɛ̀rɛbaa nɛ 29:21

N mà kɛ saa wúlu bɔ ǹ bǎã lɛ la, ka min koa Lawa wɔ lɛa ǹ nyɔɔ lɛ nɛ, n nə ǹ pɛpɛsɛ̃ Aarɔn ganaa, ka a mɔnaan nɛ. N pɛpɛsɛ̃ a nɛgiĩn lɛn dɔn ganaa ka ǹ mɔnaan nɛ. Bɛa yɔrɔ kɛ la, ǹ tá re masɛ wɔn biɛ: Aarɔn nɛ ka a mɔnaan nɛ, a nɛgiĩn ni ka ǹ mɔnaan nɛ.

Izayii 50:5

Dɛnaa Lawa má toon bũ, man piã wa, ma wusoo ma kio-n wa.

Izayii 52:15

Sisia kəni, tɔrɔ gigiã á re n kaã biɛ a ganaa. Boo ba kiin lɛ-n a yɔrɔ-a wa. A giala, ǹ bɛ́ ǹ màn mɛn pɛ ǹ nɛ wa, ǹ tá re bɛ yii, ǹ bin bɛ́ ǹ tɔn boo mɛn ma wa, ǹ tá re bɛ giala miɛ.

Lawa a wúlu-bɔlen 14:14

Wúlu-bɔle zɛ̀rɛ si Lawa la ǹ wúlu màn lɛ saa, a ǹ kɔn lɔ gɔ̀ bɔ din ganaa wole lɛ gusin a too lɛwɔn ganaa, a gusin a gɔn a gòon mìi gole ne, ka a gusin a gòã a gòon mìi gole ne.

Lawa a wúlu-bɔlen 14:16

À n gusin a gòon mìi gole a koamala sã bɛa nyɔɔ lɛ li walan, gunyin sɔbaa, a pɛsɛ̃ kɔn yɛ ka Lawa nɛ ǹ kion kɛ yɔrɔ-a.

Lawa a wúlu-bɔlen 14:17

Nyɔɔ lɛ a mɛn bɛ́ goɛ̃ a gɔn, a bɛ kɔn lɔ gɔ̀ bɔ din ganaa wole lɛ a gusin a too lɛwɔn ganaa, a ǹ kɔn lɔ a gusin a gɔn a gòon mìi gole ganaa, ka a gusin a gòã a gòon mìi gole ne, zɛ̀rɛ si Lawa la ǹ wúlu màn lɛ a mà lalan.

Lawa a wúlu-bɔlen 14:25

A zɛ̀rɛ si Lawa la ǹ sère nɛ lɛ bɔlɔ kuru, a na a mà si, a ǹ kɔn lɔ gɔ̀ bɔ din ganaa wole lɛ a gusin a too lɛwɔn ganaa, a ǹ kɔn lɔ a gusin a gɔn a gòon mìi gole ganaa, ka a gusin a gòã a gòon mìi gole ne.

Lawa a wúlu-bɔlen 14:28

Wúlu-bɔle lɛ zɛ̀rɛ si Lawa la ǹ wúlu màn lɛ a mà lɔ gɔ̀ bɔ din ganaa wole lɛ paǹan mɛnɛn ganaa, nyɔɔ mɛn lɛ bɛ́ a gɔn, a bɛ dɔ lɔ bɛa bǎãn lɛn ganaa: a gusin a too lɛwɔn nɛ, a gusin a gɔn a gòon mìi gole ne, ka a gusin a gòã a gòon mìi gole ne.

Lawa a wúlu-bɔlen 14:7

Min mɛn lɛ á ke gɔ̀nɔn ki busu babaraa lɛ a gɔ̀ boe a din ganaa, a bàan mà lɛ pɛsɛ̃ bɛa dɛnaa ganaa gunyin sɔbaa, a tɔn pɛ mà á yoreene. Bɛ kio, a n gɔn bɔ bàan yiikoonaa lɛ sɛ ganaa, bɛ piɛ̃ a wo don.

Lawa a wúlu-bɔlen 16:19

Bɛ kio, a n gòon sã mà lɛ li, a pɛsɛ̃ wúlu bɔ ǹ bǎã lɛ ganaa gunyin sɔbaa. Bɛ̀ á zɛnaa miɛ̃, á die Izirayeli minin gɔ̀dɛnaabaa ǹ siin kɛn pii a ǹ bɔ ǹ ganaa, a ǹ *yoreen kɔ.

Lawa a wúlu-bɔlen 8:23

Muizu tɔ́n tɔɔ lɛ bɔlɔ kuru, a ná a mà si á lɔ Aarɔn too lɛwɔn ganaa, á ǹ kɔn lɔ a gusin a gɔn a gòon mìi gole ganaa, á ǹ kɔn lɔ a gusin a gòã a gòon mìi gole ganaa.

Lawa a wúlu-bɔlen 8:24

Bɛ kio, Muizu Aarɔn a nɛgiĩn bíi á daa ǹ nɛ. Á mà lɛ kɔn lɔ ǹ dɔn gusin a too lɛwɔnɔn ganaa, á ǹ kɔn lɔ ǹ gusin a gɔn a gòon mìi golen ganaa, á ǹ kɔn lɔ ǹ gusin a gòã a gòon mìi golen ganaa. Bɛ kio kəni, á mà lɛ a gialakun kɛ pɛpɛsɛ̃ wúlu bɔ ǹ bǎã lɛ ganaa, a ná a lɛnpɛnɛ nɛ.

Marki 7:33

Yezu tɔ́n giĩ lɛ dinsɔɔ̃ kũ, á n zɔ̃ á n bɔ zaman ganaa, á n gòonən wɔ a toon ne, á sɛ̀ kaa, á n gɔn da a lɛwɔn ganaa.

Ebrəə 10:22

Bɛ lɛ tɔ ganaa, ka daa wɔ n mɔrɔ Lawa ganaa ka foo sonbore ne, ka golee Lawa li taãn-taãn nɛ, wɔ foo n yoreen ne, gɔ́ɔ̃gɔ́ɔ̃ ǹ zɛ̀rɛ kɔ́n ná a ba wɔ ganaa wa, wɔ́ gɔ̀nɔn dɔ n pii-n ka mu sonbore ne.

Ebrəə 12:24

Ká n mɔrɔ Yezu ganaa, asɛ mɛn bɛ́ á lɛ kɔ kɔn la dii lɛ a zɛlɛ baa. Ka ǹ ká n mɔrɔ a mà kɛ ganaa min pii, mà mɛn bɛ́ dí gole nyɛɛ á la Abeli wɔ nɛ.

Piɛrɛ1 1:2

Díi Lawa din na á ka bɔ, á kɔnpɛ ka a din a saa lɛlɛ a sii yɔrɔ bɔ nɛ, á ka bɔ á ka koa ka gɔrɔn, a Yiri barka nɛ, màn mɛn bɛ́ toɛ, ka Yezu Krita bɔlɔ si, a mà lɛ *gɔ̀ bɔ ka ganaa. Lawa die a bǐɛ̃ gigiã zɛnaa ka nɛ, a là nyantoro gigiã dɔ kɔ ka la.