Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Bɔ bɛ̀rɛbaa nɛ 28:41 - LAWA A BOO SONBORE

41 Bɛa mɔnaan kɛn lɛn wɔ n gologiĩ Aarɔn laanka a nɛgiĩn ganaa, n nyɔɔ kaa ǹ mìi ni, n nə ǹ koa ǹ dí lɛ la, n nə ǹ koa masɛ Lawa wɔn lɛa, ǹ tá re masɛ a dí nyɛɛ.

အခန်းကိုကြည့်ပါ။ ကော်ပီ

LAWA A BOO SONBORE 2011

41 Bɛa mɔnaan kɛn lɛn wɔ n gologiĩ Aarɔn laanka a nɛgiĩn ganaa, n nyɔɔ kaa ǹ mìi ni, n nə ǹ koa ǹ dí lɛ la, n nə ǹ koa masɛ Lawa wɔn lɛa, ǹ tá re masɛ a dí nyɛɛ.

အခန်းကိုကြည့်ပါ။ ကော်ပီ




Bɔ bɛ̀rɛbaa nɛ 28:41
24 ပူးပေါင်းရင်းမြစ်များ  

«Lawa mà Muizu ganaa: N gologiĩ Aarɔn laanka a nɛgiĩn bɔ Izirayeli minin bii, n nə ǹ koa n din li, màn mɛn bɛ́ toɛ, ǹ masɛ a dí nya. Aarɔn din laanka a nɛgiĩn kɛn nɛ: Nadaabu ni ka Abiu ni, Eleyazaara nɛ ka Itamaara nɛ.


Ǹ bɛ́ re mɔnaan mɛnɛn zɛnɛɛ, bɛn nə́ ke: Tìãbii zéwo ke, ka dí nya ǹ mɔnaa kɛ nɛ, ka dɔnkɛ sasa nɛ, ka dɔnkɛ boɛɛn sonbore ne, nyaǹ ná a ganaa, mìi yii ǹ mɔnaa gɔn nɛ, ka binbin yii ǹ wɔ nɛ. Ǹ doamaa nɛ, ǹ bɛa mɔnaa sonboren kɛn lɛn zɛnaa n din gologiĩ Aarɔn wɔn lɛa, ka a nɛgiĩn ni, màn mɛn bɛ́ toɛ, a masɛ a dí nya.


N bɛ lɛ din tumaa kaa Aarɔn gɔn, ka a nɛgiĩn ni, n pɛ ǹ nɛ mà ǹ kɔ masɛ la, a kɔnpɛ ka a zɛnaa ǹ gɔn nɛ masɛ din Dɛnaa yɔrɔ-a.


«A zɛnaa miɛ̃ Aarɔn laanka a nɛgiĩn lɛn manɛ, a kɔnpɛ ka boo kɛ lɛ din tumaa nɛ masɛ pɛ nɛ. Lɛawaa sɔbaa gɔ́ɔ̃ nɛ, Aarɔn laanka a nɛgiĩn lɛn koa kɛa siin zɛnaa.


Bɛ kio, n min koa Lawa wɔ lɛa ǹ nyɔɔ kɛ saa, n kaa a mìi ni, n koa masɛ Lawa wɔ lɛa.


N binbin yii ǹ màn yii ǹ bɔsɔ̃-n, n bafolon wɔ ǹ mìin ganaa kəni. Wúlu bɔ ǹ dí lɛ nə ǹ dinin wɔ lɛa, a kɔnpɛ ka sii yɔrɔ bɔ kɛ nɛ. Bɛ ba n bɔyɛɛ doo duduu wa. Bɛa sii kɛ lɛ n die wúlu bɔ ǹ dí lɛ koe Aarɔn laanka a nɛnyaanan la.


N bɛ lɛ tumaa lɔlɔkɔn, ǹ màn gìĩ kɔɔ̃n baa. Nyɔɔ dí-nyalin die ǹ bɛa dí nya doɛ̃, ǹ yìsi kaa li, ǹ toa a yoreen kɔ, a màn sonbore baa.


Ń die n mɔnaa sonboren kɛn wɔ Aarɔn ganaa, n nyɔɔ kaa a mìi ni, n bɔ n koa masɛ wɔ lɛa, a boo la a masɛ a wúlu bɔ.


n nyɔɔ kaa ǹ ganaa ka ǹ díi wɔ bɛ́ lɔn, ǹ boo la ǹ masɛ a wúlu bɔ. N nyɔɔ kaa ǹ ganaa kɛnɛn kɛ lɛ n die wúlu-bɔlebaa kɛ biɛ ǹ wɔ lɛa biikoo tumaa li yǎa duduu.»


Bɛa pinaa kɛ nɛ, guĩ mɛn bɛ́ n kɔrɔn, á re bɛ siɛ a bɔ n la. N zǔu lɛ á re yiɛ, a giala n tá re wusii n pàã yɛ.


Dɛnaa Lawa Yiri n ma la. Hiĩ, a na á ma bɔ á ma koa, mà ma boo tii kɔɔ̃n pɛ doobaan manɛ. Min mɛnɛn bɛ́ nɔmaa nɛ, mà ma wo bɛn foo basã. Ǹ min mɛnɛn goa ǹ nə́ woo ǹ ne, mà ma wo pɛ bɛn manɛ, mà ǹ tá re ǹ kiɛ. Min mɛnɛn bɛ́ kòso ne, ǹ tá re bɛn sii ǹ nə ǹ kaa.


Lɛawaa sɔbaa gɔ́ɔ̃ nɛ, ǹ wúlu bɔ ǹ bǎã lɛ a gɔ̀ bɔma-a ǹ sii zɛnaa, ǹ na a yoreen kɔ, ǹ kɔ Lawa la.


Sɛnɛ, kasɛn kɛn, ka doamaa bie ka soo ka n bɔ kɔn yɛ ǹ kion kɛ-n wa. Bɛ̀ ka bɛ zɛnaa, ka á re giɛ̃. A giala, bɔ a koa ǹ nyɔɔ kɛ na á n kaa ka mìi ni, ǹ nə́ ka bɔ ǹ nə́ ka koa Dɛnaa Lawa a dí-nyalin lɛa. Ǹ nə́ zɛnaa á kɔnpɛ ka Muizu a boo lɛ nɛ.


Ǹ bǎã mɛn bɔ ǹ nə́ koa Lawa wɔ lɛa, a n zoo walan, a tɔn na a mɔnaan lɛn goa a ǹ wɔ. Bɛ kio, a soo kəni, a na a din laanka zaman lɛ a wúlu màn tiɛ̃ dɛ, a sii baraa sawaa ǹ wúlu bɔ a din laanka zaman lɛ a lɛa.


Bɛ kio, á pɛ Koree ne, ka Koree a kiodɛnan lɛn tumaa nɛ kɛnɛn: «Biɛ̃ baayɛlɛ, Dɛnaa Lawa tá re nyɛɛ, min mɛn bɛ́ a din wɔ lɛa, min mɛn bɛ́ *yoreene, ka min mɛn bɛ́ boe la a n mɔrɔ a ganaa. Bɛ̀ á min mɛn bɔ, á die toɛ bɛ nə n mɔrɔ a ganaa.


Aarɔn a nɛgiĩn lɛn tɔn man ka bɛn nɛ. Maǹ nə́ nyɔɔ lɔ ǹ ganaa ǹ nə́ ǹ bɔ ǹ nə́ ǹ koa Lawa a wúlu-bɔlen lɛa, ǹ nə́ Lawa a wúlu bɔ ǹ dí wɔ ǹ gɔn.


Lawa bɛ́ á min mɛn dia, bɛa dɛnaa lɛ n Lawa a boon pii, a giala, Lawa din na a Yiri koe la ka a parsiini.


Min kɔ́n ba boe la, a wúlu-bɔlen kiãbaa lɛ a gugurubaa kɛ kɔ a din la wa. Lawa a bíi-wɔ n biɛ a lɛa, ka a bɛ́ á n zɛnaa Aarɔn nɛ lɔn.


Muizu a Dí-pɛn lɛn man minbuiin nɛn koɛ wúlu-bɔlen kiãn lɛa. Wɔ á doɛ̃ minbuiin nɛ n sã wole lɛa. Sɛnɛ, Lawa din na a liɛ ǹ boo mɛn da Dí-pɛn lɛn kɔ kio, bɛ na á ná a din a Nɛgiĩ koa wúlu-bɔlen kiã lɛa. Bɛa Nɛgiĩ lɛ na á sii din tumaa zɛnaa a lɛ-pã wole baa yǎa duduu.


Kasɛn wɔ paǹ li, Krita Yiri Fu mɛn kɔ ka la, bɛ lɛ n toɛ ka tumaa á sonbore doɛ̃.


Sɛnɛ, Krita na á ná a Yiri kaa kasɛn la. A Yiri bɛ́ ka nɛ, ka laadoo ba min a daraa ganaa wa. A Yiri lɛ din nə ka darɛɛ màn tumaa ganaa. A bɛ́ ka darɛɛ màn mɛn ganaa, sonbore ne, soɛ bie wa. Bɛ lɛ a lɛa, ka a daraa lɛ lɛ si, ka goã kun ka Krita nɛ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ