Bɔ bɛ̀rɛbaa nɛ 28:2 - LAWA A BOO SONBORE

² Mɔnaa sonboren zɛnaa ǹ gologiĩ Aarɔn wɔ lɛa, gugurubaa laanka zín sii lɛa.

LAWA A BOO SONBORE 2011

² Mɔnaa sonboren zɛnaa ǹ gologiĩ Aarɔn wɔ lɛa, gugurubaa laanka zín sii lɛa.

Bɔ bɛ̀rɛbaa nɛ 28:2 ပူးပေါင်းရင်းမြစ်များ

Zɔbu 40:10

Haya kəni, n bɛ́ boe sii la... Gugurubaa laanka golebaa wɔ n din-a, siĩnbaa laanka nyaǹ kaa n din la.

Loen 132:16

Ma din tá re ma pàã koe a wúlu-bɔlen kɛn lɛ, ma ǹ kirisibaa. A min sonboren kɛn tá re n nyɛnyɛɛ ka lɛn gole ne.

Loen 132:9

N din pàã die a n minin kirisibaa, toa bɛ lɛ kɔ n wúlu-bɔlen kɛn lɛ ka mɔnaa bɛ́ lɔn. N din a min sonboren kɛn, bɛn die ǹ nə n nyɛnyɛɛ ka lɛn gole ne,

Loen 149:4

A giala, Dɛnaa Lawa a minin lɛn sii tá kɔɔ̃n a ganaa. A din nə gɔ̀lɔ̀baa ǹ gɛ̀lɛ koe din-gisiĩ wole la.

Loen 96:6

Lon màn siĩnin laanka a tɛ-pɛlen man a lɛnpɛnɛ, a kion kɛ piɛ̃maa nɛ, ka a din pàã laanka a zín ni.

Bɔ bɛ̀rɛbaa nɛ 28:40

«N dɔnkɛn zɛnaa Aarɔn a nɛgiĩn lɛn manɛ. N binbin yii ǹ mànan zɛnaa ǹ nɛ, ka bafolon dɔn nɛ, bɛn nə goã gugurubaa laanka zín sii lɛa.

Bɔ bɛ̀rɛbaa nɛ 29:28

Bɛ a re sàabiɛ doo wa. Izirayeli nɛnyaanan doamaa nɛ, ǹ bɛa paǹan kɛn lɛn bɔ. Ǹ nə́ ǹ bɔ bii kɔɔ̃n kɔ kɔn ka Lawa nɛ ǹ wúlu mànan lɛa, ǹ nə́ ǹ bɔ ǹ nə́ ǹ kɔ Aarɔn laanka a nɛgiĩn la. Màn boe ne ǹ tá re koe Dɛnaa la.

Bɔ bɛ̀rɛbaa nɛ 31:10

dí nya kion kɛ lɛ nɛ ǹ mɔnaan nɛ, wúlu-bɔle Aarɔn din bɛ́ re mɔnaa sonboren mɛnɛn we, ka a nɛgiĩn dɔn bɛ́ re ǹ mɛnɛn we, ǹ dí nya ǹ nɛ,

Bɔ bɛ̀rɛbaa nɛ 40:13

Ń die n mɔnaa sonboren kɛn wɔ Aarɔn ganaa, n nyɔɔ kaa a mìi ni, n bɔ n koa masɛ wɔ lɛa, a boo la a masɛ a wúlu bɔ.

Izayii 4:2

Bɛa pinaa lɛ nɛ, Dɛnaa Lawa a da ten kɛ n die siĩn koe parsiini. Min mɛnɛn bɛ́ re goɛ̃ ǹ yii n koo Zeruzalɛmu, gána lɛ a da nɛn tá re foo kɔɔ̃n laanka gugurubaa koe bɛn la.

Izayii 52:1

N yii kaa, n yii kaa, n pàã nyaa *Siɔn. N mɔnaa sonboren wɔ Zeruzalɛmu, nsɛ kiwi sonbore. A giala, tiin ni ka min mɛnɛn bɛ́ gɔ̀dɛnan lɛa, bɛn gòã á re miɛ n li doo wa.

Izayii 61:10

Dɛnaa Lawa taman yii, ma foo á kɔɔ̃nɛ á la yii ni. Ma nə n nyɛnyɛɛ maa Lawa a lɛa. Taãn nɛ, a nà a kirisibaa kɛ koe ma lɛ ká mɔnaa bɛ́ lɔn. A peperebaa ke, a n bɛ pɛnɛ ma ganaa ka mɔnaa gole bɛ́ lɔn. Man má kɔnbɔ ka kɔn-wɔle tii ni, á zɔ́n mɔnaa gɔn yii a mìi-a ka Lawa a wúlu-bɔle bɛ́ lɔn, hinlaa, ka lɔ tii bɛ́ lɔn á nyaǹ mànan wɔ.

Izayii 61:3

*Siɔn minin mɛnɛn bɛ́ gɛ̀ koɛ, ma doamaa nɛ ma mɔnaa gɔn sonbore pɛnɛ ǹ mìi ganaa gɛ̀ koa ǹ ton kɛ bǎã nɛ; ma doamaa nɛ ma nyɔɔ gìĩ kɔɔ̃n kaa ǹ ganaa ǹ gɛ̀ koa kɛ dòo. Ma doamaa nɛ ma zɔ́n mɔnaa wɔ ǹ ganaa ǹ foo ziziɛ̃ kɛ dòo lɛa. Ka bɛ-n kəni, ǹ tá re ǹ bíi: «Peperebaa ǹ da, dù gɔrɔ mɛn bɛ́ Dɛnaa Lawa a siĩnbaa nyɛɛ».

Izayii 64:6

Min kɔn ba n tɔ bii doo wa, min kɔn yii á we a n mɔrɔ n ganaa wa, a giala, n ba li n wɔ yɛ doo wa, ń wɔ toa wɔa sii baraan gɔn.

Lawa a wúlu-bɔlen 8:30

Bɛ kio, Muizu bɔ a koa ǹ nyɔɔ kɛ laanka mà kɔn saa màn nɛ, wúlu bɔ ǹ bǎã kɛ lalan. A ǹ pɛpɛsɛ̃ Aarɔn laanka a mɔnaan ganaa, á ǹ pɛpɛsɛ̃ a nɛgiĩn lɛn dɔn laanka ǹ mɔnaan ganaa. A na á zɛnaa miɛ̃ á Aarɔn laanka a mɔnaan baa Lawa wɔn lɛa, á ná a nɛgiĩn lɛn dɔn laanka ǹ mɔnaan baa Lawa wɔn lɛa.

Zaã a sɛ́wɔ 1:14

Bɛa Boo kɛ lɛ na á n baa minbuiin nɛ lɛa, á giã wɔ bii. Wɔ́ a gugurubaa yɛ, Díi Lawa din bɛ́ á gugurubaa mɛn kɔ a Nɛgiĩ goon toto la. Bǐɛ̃baa laanka sonborebaa tá a lon parsiini.

Rɔmu minin 13:14

Ka Dɛnaa Yezu *Krita pàã wɔ ka ganaa, ka baran ka dinin kɔ gɔ̀nɔn foo siin kɛn la, ka ǹ bɔlɔ sɛ̀-mui siin kɛn zɛnaa wa.

Rɔmu minin 3:22

Lawa n min biɛ pepere a din yɔrɔ-a, n golee Yezu Krita li barka nɛ. Bɛa goleemali lɛ bɛ́ min mɛn tumaa lon, a n zɛnɛɛ bɛn manɛ, a bɔkɔnlɛ we wa:

Galaasi minin 3:27

Hiĩ, ka mɛnɛn tumaa bɛ́ ka *batɛmu yɛ Krita wɔ gɔ́ɔ̃ nɛ, ka n ká Krita wɔ ka dinin ganaa.

Ebrəə 2:9

Sɛnɛ, wɔ yii n kɛ ganaa Yezu lɛ wɔ paǹ li: «Biikoo boɛɛn gɔ́ɔ̃ nɛ, Lawa ná a kiɛɛrɛ kɔ, á la lon a dia dí-a wolen manɛ,» màn mɛn bɛ́ toɛ, Lawa a bǐɛ̃baa barka nɛ, a gã minbuiin nɛ tumaa a lɛa. Sɛnɛ kanna, wɔ yii na a ganaa doo, wáa Lawa «gugurubaa laanka zín kɔ la» a gɛ̀-wɔ lɛ a lɛa.

Ebrəə 7:26

Wɔ laadoo bɛ́ wúlu-bɔlen kiã mɛn ganaa, bɛ n ka Yezu ni. A n siĩni; zɛ̀rɛ laanka sii baraa kɔ́n ba a ganaa wa. A sii kɔ́n dɔ ba kun ka sii baraa-zɛnaalin wɔ-n wa. Lawa saa lon a ná a gole kɔ, á la lon màn tumaa nɛ.

Piɛrɛ2 1:17

bɛ̀ Díi Lawa din bɛ́ zín laanka gugurubaa koe la. Bɛ na á n zɛnaa wɔ yii ni, bɛ̀ Lawa din bɛ́ á n toa a din a gugurubaa gole kɛ nɛ, á pɛ: «Kɛ n maa Nɛgiĩ narɛɛ wole lɛa, a na á kɔɔ̃n kɔ ma din ni má bɔ.»

Zaã1 3:2

Maa giaáran lɛn, wɔ n Lawa a nɛnyaanan lɛa gɔrɔ. Wɔ bɛ́ re màn mɛn biɛ, wɔ tɔn bɛa foaãbaa yɛ bɔrɔ wa. Bɛ tun kio, wɔ á doɛ̃ wáa bɛ̀ *Krita daa biikoo mɛn li, wɔ n die kɔnboe ka a din ni, wɔ ǹ die yii, ka a bɛ́ lɔn.

Sii-nyaan 19:8

Ǹ nə́ lɛ kɔ la mà a mɔnaa yii nɔnɔɔ tɛ-pɛle wɔ, *gɔ̀ ná a ba a wa.» Bɛa mɔnaa lɛ n Lawa a min sonboren nya ǹ dí a yoreenbaa giala pii.

Sii-nyaan 5:10

Kanna, ka bɛ nɛ, n nə́ ǹ tumaa bɔyaa duduu n nə́ ǹ baa wɔa Lawa a dí-nyalin lɛa, n nə́ ǹ baa a wúlu-bɔlen lɛa, n nə́ ǹ baa kii dadaran lɛa, ka boo taãnɛ, n nə ǹ baa kanaa tumaa a dɛnan lɛa.»