Bɔ bɛ̀rɛbaa nɛ 28:12 - LAWA A BOO SONBORE

¹² Bɛa kɔlɔ màn paa kɛ lɛ da dí nya ǹ mɔnaa lɛ a kũ ǹ biɛn kɛn lɛn ganaa. Kɔlɔ màn paa kɛ lɛ n die goɛ̃ yiri gisĩ sii ni ǹ mànan lɛa, Izirayeli nɛnyaanan taman yii. Aarɔn dɔ n die woe ka ǹ tɔn kɛn nɛ Dɛnaa yɔrɔ-a, a mɔnaa kũ ǹ biɛn kɛn ganaa, bɛ n nyɛɛ mà Dɛnaa yiri a re boe ǹ ne duduu wa.

LAWA A BOO SONBORE 2011

¹² Bɛa kɔlɔ màn paa kɛ lɛ da dí nya ǹ mɔnaa lɛ a kũ ǹ biɛn kɛn lɛn ganaa. Kɔlɔ màn paa kɛ lɛ n die goɛ̃ yiri gisĩ sii ni ǹ mànan lɛa, Izirayeli nɛnyaanan taman yii. Aarɔn dɔ n die woe ka ǹ tɔn kɛn nɛ Dɛnaa yɔrɔ-a, a mɔnaa kũ ǹ biɛn kɛn ganaa, bɛ n nyɛɛ mà Dɛnaa yiri a re boe ǹ ne duduu wa.

Bɔ bɛ̀rɛbaa nɛ 28:12 ပူးပေါင်းရင်းမြစ်များ

Zɔbu 31:36

man die bɛ din loɛ ma nyàa koo-a, ma wɔ ma mìi-a kii bafolo lɛa, ma nyaǹ bɔ nɛ.

Loen 89:19

Dɛnaa Lawa, n din nə ń wɔ tamaali kɛ kɔ wɔ la, Izirayeli a Lawa sonbore, n din nə ń kii kɛ koa wɔ mìi la.

Bɔ bɛ̀rɛbaa nɛ 12:14

«Lɛ̀ woo lɛ̀, ka die ka n yiri gisĩ bɛa sii kɛ lɛ nɛ, ka baa zɔ́n gole lɛa, ka masɛ guguru kɔ nɛ. A n sii lɛa, màn mɛn ná a sàabiɛ doo duduu wa.»

Bɔ bɛ̀rɛbaa nɛ 13:9

Zɔ́n kɛa zɛnaa n die goɛ̃ ka gɔn, goon ka nyaǹ kɛ nɛ ka gɔn laanka ka nyanlɛ ganaa. Á re nyɛɛ ka nɛ mà ka doamaa nɛ, ka n yiri gisĩ a nɛ, ka Dɛnaa a boo lɛ pɛ. Zɔ́n kɛ n die ka yiri gisĩ a nɛ, mà Dɛnaa din na á soo ka nɛ, á ka bɔ Ezipti gána nɛ, ka a din pàã gole kɛ nɛ.

Bɔ bɛ̀rɛbaa nɛ 28:11

N Zakɔba a nɛgiĩn lɛn tɔn kiɛ̃ kɔlɔ màn paa lɛ ganaa, ka kɔlɔ-sɛlɛli bɛ́ a dí nyɛɛ lɔn, n nə n din wɔbaa ǹ wɔ a nyaǹ kiɛ̃ wɔ ǹ ganaa. Bɛ kio, n kɔlɔ màn paa kɛ doa ka sana nɛ.

Bɔ bɛ̀rɛbaa nɛ 28:29

«Bɛ̀ Aarɔn tá woe bǎã sonbore lɛ nɛ, Izirayeli nɛnyaanan tɔn lɛn man die goɛ̃ bɛa tìãbii zéwo lɛ lalan. Bɛ n yiri gisĩ sii ni ǹ màn lɛa, Dɛnaa yɔrɔ-a biikoo tumaa li.

Bɔ bɛ̀rɛbaa nɛ 28:7

Yii ǹ biɛ màn paa n die goɛ̃ dí nya ǹ mɔnaa lɛ lɛkoron ganaa, bɛ̀ á n wɔ, a n kũ ka bɛn nɛ.

Izayii 12:2

Á ke, Dɛnaa Lawa n ma kirisibaali lɛa. Ma foo n doa nɛ a din ganaa, nyɛ́ɛ ba ma ganaa doo wa. Dɛnaa Lawa n ma pàã laanka maa loe lɛa, ma kirisibaali ni.»

Izayii 62:6

Zeruzalɛmu, má bǎã-lɛduəlin koa n kungɔnɔn la. Penleen ka tèlò-n, ǹ ba re n lɛ tiɛ̃ wa. «Kasɛn lɛ̀ waa ma yii n koo wolen lɛn, ka ǹ Dɛnaa Lawa yiri gisĩ Zeruzalɛmu ni, ka nyan nə n susu duduu wa!

Izayii 9:6

A kiibaa n die gole koe. Là nyantoro mɛn bɛ́ duduu wɔ lɛa, a n die bɛ koe a zaman la. A n die giɛ̃ Davida a kii dankan la, a giã a gána mìi la. A kũ sisia ganaa yǎa duduu, a n die pàã we a gána nɛ, a kaka kɔ, peperebaa laanka sonborebaa barka nɛ. Dɛnaa Lawa Pàãyiidɛnaa a miãgoã-bɔ kɛ n diɛ bɛ a zɛnɛɛ ganaa.

Lawa a wúlu-bɔlen 24:7

Ka die ka da yon gìĩ kɔɔ̃n da buuru lɛ a kaa kɔn la gogoonmaa lalan. Ka bɛ lɛ tã masɛ Dɛnaa Lawa wɔ lɛa buuru lɛ bǎã nɛ, màn mɛn bɛ́ toɛ, ka yiri goã a nɛ, mà buuru lɛ n masɛ wɔ lɛa.

Minin nimi 31:54

Sɔraasin goledɛnan lɛn nə da ka sanan mànan mɛnɛn lɛn nɛ, Muizu laanka Lawa a wúlu bole Eleyazaara bɛn tumaa si, ǹ nə́ woo ǹ ne kɔn yɛ ka Lawa nɛ ǹ kion kɛ nɛ, màn mɛn bɛ́ toɛ a n baa Izirayeli minin lɛn yiri gisĩ sii ni ǹ màn lɛa, Dɛnaa Lawa yɔrɔ-a.

Luku 1:54

A n die n doe a dí-nyali Izirayeli lɛ, a giala, á n yiri koa a din a bǐɛ̃baa kɛ nɛ.

Luku 1:72

Mà asɛ n die dí nyɛɛ, a kɔnpɛ a din a lɛ-kɔ kɛ nɛ wɔ digolon ne, mà asɛ yiri a die boe ka bɛa lɛ kɔ kɛ lɛ-n wa.

Nya ǹ dín 10:4

Kɔrnɛyi nə́ n yiin doa la ka gongon. Nyɛ́ɛ bɛ́ a ganaa, a ná a lɛ si: «Wàa mɛn nɛ, Dɛnaa?» Lon a dia dí-a wole lɛ pɛ: «Lawa nə́ n yiri kɔ n nyankɔ lɛ li, ka n bǐɛ̃n kɛn nɛ n nə́ ǹ zɛnaa doobaan manɛ.

Korɛnti1 11:24

á barka da Lawa nɛ, á tatala kɔn, á pɛ: «Masɛ din gɔ̀nɔn nə ka kɛ nɛ, ma á koe ka la. Ka dɔn die ka zɛnaa, ka n yiri koa ka masɛ din ni.»

Timəə dí-pɛn 33:12

Bɛnzamɛn tɔrɔn wɔ paǹ li, a na á kɛ pɛ: «Dɛnaa Lawa Bɛnzamɛn tɔrɔn narɛ parsiini. Maǹ là nyantoro la kun ka n din ni, n din nə ǹ tamaɛ baraabaraa n din nə giã nɛ ǹ bii.»

Zozoe 4:7

Ka pɛ ǹ nɛ kɛnɛn: «Zurdɛ̃ tà a mu na á goã á n na kɔn Dɛnaa Lawa a *lɛ kɔ kɔn la ǹ goo lɛ nyɛɛn lɛlɛ. Ǹ bɛ́ Zurdɛ̃ tà lɛ kuri ni, Zurdɛ̃ tà a mu lɛ na á n na kɔn. Kɔlɔn kɛn lɛn man die Izirayeli minin yiri gisĩ bɛa sii lɛ nɛ yǎa duduu.»