Bɔ bɛ̀rɛbaa nɛ 27:21 - LAWA A BOO SONBORE

²¹ Kɔn yɛ ka Lawa nɛ ǹ Kion kɛ lɛ nɛ, mɔnaa kɛ lɛ goo lɛ siã, a kũ bɛ lɛ yɔrɔ-a miɛ̃, a ná a ba nimi wa. Aarɔn laanka a nɛgiĩn doamaa nɛ, ǹ na a sii yɔrɔ bɔ, a boo la a kũ Dɛnaa yɔrɔ-a tèlò-n a wo lɛawaa yaa. Mà bɛ n sii lɛa, Izirayeli nɛnyaanan doamaa bɛ́, ǹ màn mɛn zɛnaa lɛ̀ woo lɛ̀, a ná a ba sàabiɛ wa.»

LAWA A BOO SONBORE 2011

²¹ Kɔn yɛ ka Lawa nɛ ǹ Kion kɛ lɛ nɛ, mɔnaa kɛ lɛ goo lɛ siã, a kũ bɛ lɛ yɔrɔ-a miɛ̃, a ná a ba nimi wa. Aarɔn laanka a nɛgiĩn doamaa nɛ, ǹ na a sii yɔrɔ bɔ, a boo la a kũ Dɛnaa yɔrɔ-a tèlò-n a wo lɛawaa yaa. Mà bɛ n sii lɛa, Izirayeli nɛnyaanan doamaa bɛ́, ǹ màn mɛn zɛnaa lɛ̀ woo lɛ̀, a ná a ba sàabiɛ wa.»

Bɔ bɛ̀rɛbaa nɛ 27:21 ပူးပေါင်းရင်းမြစ်များ

Siin Giala 1:5

Á wɔlɔ fúlu bíi "Lɛawaa", á wɔlɔ tì bíi "Tèlò". Wasamiɛ̃n yɛ, baayɛlɛ dɔ́ yɛ. Lɛawaa bibinaa nə ka bɛ nɛ.

Siin Giala 1:8

Á gèlè lɛ bíi "Lon". Wasamiɛ̃n yɛ, baayɛlɛ dɔ́ yɛ. A lɛawaa paabaa ǹ wɔ n ka bɛ nɛ.

KZS2 13:11

Baayɛlɛ ka wasamiɛ̃nɛ, wɔ n wúlu mànan tiɛ̃ koe Dɛnaa Lawa la kɔn lɛ ka da yon gìĩ kɔɔ̃n nɛ. Buurun mɛnɛn bɛ́ n koe Lawa la, wɔ n bɛn kiɛ tabala sonbore kɛ la. Wasamiɛ̃nɛ, wɔ n tɛ diɛ bolonən kɛn ganaa bolon koa ǹ bǎãn kɛn nɛ sana lɛa. Wɔsɛn, wɔ n koe Dɛnaa Lawa a landa boon kɛn lɛ. Sɛnɛ, kasɛn, ka n la bɔ ǹ ganaa.

Loen 134:1

Wɔ Zeruzalɛmu loe. Haya! Ka barka da Dɛnaa Lawa nɛ. Dɛnaa Lawa a dí-nyalin lɛn tumaa, ka barka da Dɛnaa Lawa nɛ. Ka mɛnɛn tumaa bɛ́ nɛn bɛ̀ ka goã a kion lɛ-n tèlò-n, ka barka da Dɛnaa Lawa nɛ.

Bɔ bɛ̀rɛbaa nɛ 12:14

«Lɛ̀ woo lɛ̀, ka die ka n yiri gisĩ bɛa sii kɛ lɛ nɛ, ka baa zɔ́n gole lɛa, ka masɛ guguru kɔ nɛ. A n sii lɛa, màn mɛn ná a sàabiɛ doo duduu wa.»

Bɔ bɛ̀rɛbaa nɛ 16:34

Dɛnaa pɛ Muizu-n lɔn, Aarɔn màn lɛ koa lɛ kɔ kɔn la ǹ kɔlɔn kɛn genli.

Bɔ bɛ̀rɛbaa nɛ 25:16

Ma bɛ́ re dí-pɛn mɛnɛn koe n la ke, n bɛn koa goo lɛ gɔ́ɔ̃ nɛ.

Bɔ bɛ̀rɛbaa nɛ 28:43

Aarɔn laanka a nɛgiĩn tá re bɛn we, bɛ̀ ǹ tá re we kɔn yɛ ka Lawa nɛ ǹ Kion kɛ nɛ ǹ mɛn waáraa, hinlaa bɛ̀ ǹ tá re n mɔrɛ *wúlu bɔ ǹ bǎã kɛ ganaa, ǹ wúlu bɔ kion sonbore kɛ nɛ. Maǹ die zɛnɛɛ miɛ̃, màn mɛn bɛ́ toɛ, ǹ baran sã, ǹ gã kooro wa. Kɛ n sii zɛnaa ǹ gɔn lɛa Aarɔn mìi ni, ka a kio nɛnyaanan nɛ, a ba n bɔyɛɛ doɛ̃ wa.»

Bɔ bɛ̀rɛbaa nɛ 29:28

Bɛ a re sàabiɛ doo wa. Izirayeli nɛnyaanan doamaa nɛ, ǹ bɛa paǹan kɛn lɛn bɔ. Ǹ nə́ ǹ bɔ bii kɔɔ̃n kɔ kɔn ka Lawa nɛ ǹ wúlu mànan lɛa, ǹ nə́ ǹ bɔ ǹ nə́ ǹ kɔ Aarɔn laanka a nɛgiĩn la. Màn boe ne ǹ tá re koe Dɛnaa la.

Bɔ bɛ̀rɛbaa nɛ 29:42

Bɛ lɛ n die wúlu màn tiɛ̃ lɛ biɛ, ka doamaa bɛ́ ka ǹ mɛn bɔ biikoo tumaa li, lɛ̀ woo lɛ̀. Ka bɔ Dɛnaa yɔrɔ-a, kɔn yɛ ǹ kion kɛ lɛ a kiɛnlɛ-a, masɛ bɛ́ re n diɛ ka lɛ bǎã mɛn nɛ lɛn, ma boo da n nɛ.

Bɔ bɛ̀rɛbaa nɛ 29:44

Kɔn yɛ ǹ kion lɛ laanka wúlu bɔ ǹ bǎã lɛ n masɛ din wɔn lɛa. Aarɔn dɔ laanka a nɛgiĩn man masɛ din wɔn lɛa, màn mɛn bɛ́ toɛ, ǹ dí nya masɛ din ni.

Bɔ bɛ̀rɛbaa nɛ 30:21

ǹ tá re ǹ gɔnɔn laanka ǹ gòãn pii, ń giɛ ǹ baran gã wa. Bɛ n die goɛ̃ sii lɛa, ǹ doamaa bɛ́ nɛ ǹ sii mɛn zɛnaa, a din ni ka a nɛnyaanan nɛ, yǎa duduu.»

Bɔ bɛ̀rɛbaa nɛ 30:36

Bɛa màn lɔlɔkɔn kɛ lɛ kɔ́n lɔ, a wùsu baa, n wùsu lɛ a boɛɛn da Goo lɛ yɔrɔ-a, kɔn yɛ ka Lawa nɛ ǹ kion lɛ nɛ, ma bɛ́ re n diɛ n lɛ bǎã mɛn nɛ lɛn. Ka die ka toa ka n nyɛnaa bɛa màn kɛ lɛ nɛ.

Bɔ bɛ̀rɛbaa nɛ 30:8

Bɛ̀ Aarɔn daa bolonən lɛn lɛ sã wasamiɛ̃n doo, a màn lɛ tã. Bɛ n màn lɛa, màn mɛn doamaa bɛ́, a n tã biikoo tumaa li Dɛnaa yɔrɔ-a yǎa duduu.

Bɔ bɛ̀rɛbaa nɛ 40:3

Ń die n lɛ kɔ kɔn la ǹ boon goo lɛ da kion lɛ nɛ, n duru bii kuru kɔn-a ǹ mɔnaa lɛ kio.

Lawa a wúlu-bɔlen 10:9

N din laanka n nɛgiĩn lɛn nɛ, bɛ̀ ka tá re we kɔn yɛ ǹ kion kɛ nɛ, ka nyan toa ka duvɛ̃ wɔ ka lɛ-n wa, ka nyan toa yɔ kakaarɛ kɔn wɔ ka lɛ-n wa. Bɛ̀ ka zɛnaa miɛ̃, ka a re giɛ̃ wa. Bɛ n landa lɛa, ka mìi ni miɛ̃ duduu, ka tɔrɔn tumaa wɔ lɛa, a ná a ba n bɔyɛɛ wa.

Lawa a wúlu-bɔlen 16:34

Kɛ n landa lɛa, sii baraa sawaa ǹ wúlu bɔ wɔ paǹ li. Bɛa landa kɛ lɛ nə ǹ mìi ni miɛ̃ duduu, a ná a ba n bɔyɛɛ wa. A nə n zɛnɛɛ gunyin goon lɛ̀ woo lɛ̀, Izirayeli minin lɛn sii baraa tumaa taman yii. Dɛnaa Lawa boo mɛn pɛ Muizu ni, ǹ nə́ bɛ lɛ zɛnaa.

Lawa a wúlu-bɔlen 17:7

Bɛ̀ á n baa miɛ̃, ǹ ba re ǹ wúlu mànan dii butumu nyínin kɛn ganaa doo wa. Maǹ nə́ Lawa bɔlɔ tii, ǹ tá bɛa dìn kɛn lɛn miãn kio. Kɛ n landa lɛa ǹ mìi ni miɛ̃ duduu, ǹ tɔrɔn tumaa wɔ lɛa, a ná a ba n bɔyɛɛ wa.

Lawa a wúlu-bɔlen 23:14

Kaa wuru màn dii lɛ a buuru ni, a tiɛ̃ nɛ ka a burun ni, ka nyan bɛ kɔn wɔ ka lɛ-n, bɛ̀ a kɔ masɛ la ǹ lɛawaa taãn kɛ ná a dɔ wa. Kɛ n landa lɛa, ka doamaa nɛ ka kɔ lɛ biikoo tumaa li, ta ka n giã-n bǎã mɛn nɛ.

Lawa a wúlu-bɔlen 23:21

Bɛa pinaa kɛ lɛ nɛ, ka kɔn bii, ka n lɛ sɔkɔn, ka masɛ guguru kɔ. Ka bɛ́ dín mɛnɛn nyɛɛ babaraa, ka nyan toa ka bɛ kɔn nya bɛa pinaa wa. Bɛ lɛ n landa lɛa, ka mìi ni miɛ̃ duduu, ka tɔrɔn tumaa wɔ lɛa, a ba n bɔyɛɛ wa, ta ka n giã-n bǎã mɛn nɛ.

Lawa a wúlu-bɔlen 24:2

A laa Izirayeli minin lɛn ganaa, mà ǹ da *olivie da kɛ a nyɔɔ sonbore kɔ n la, bolon kɛ wɔ lɛa, màn mɛn bɛ́ toɛ, a goã kuĩ miɛ̃ duduu.

Lawa a wúlu-bɔlen 24:3

Kion bii kuru kɔn-a ǹ mɔnaa mɛn bɛ́ n koe *lɛ kɔ kɔn la ǹ goo kɛ lɛ, Aarɔn giã bɛ lɛ kio, kɔn yɛ ǹ kion kɛ nɛ, a bolon lɛ a tɛ zɛnaa, màn mɛn bɛ́ toɛ, a kũ miɛ̃ duduu Dɛnaa Lawa yɔrɔ-a, a saa wasamiɛ̃n ganaa, a wo baayɛlɛ yaa. Bɛ n landa lɛa, ka mìi ni miɛ̃ duduu, ka tɔrɔn tumaa wɔ lɛa, a ba n bɔyɛɛ wa.

Lawa a wúlu-bɔlen 24:9

Bɛa buuru lɛ n doe Aarɔn laanka a nɛgiĩn ganaa. Ka bǎã mɛn bɔ ka koa Lawa wɔ lɛa, ka doamaa nɛ ka sɔ̃ walan, a giala, màn yoren yoren ne, ǹ nə́ bɔ Dɛnaa Lawa a wúlu mànan kɛn bii, ǹ nə́ kɔ ka la. Bɛ lɛ n kaa wɔ gii lɛa yǎa duduu.

Lawa a wúlu-bɔlen 3:17

Tɔɔ nyɔɔ tumaa laanka a mà tumaa, ǹ nyan toa ǹ bɛ kɔn wɔ ǹ lɛ-n wa. Bɛ n landa lɛa. Ta maǹ giã-n bǎã mɛn nɛ, ǹ doamaa nɛ ǹ bɛ tamaa biikoo tumaa li.

Lawa a wúlu-bɔlen 3:8

Ǹ dɛnaa nə n gɔn da bɛa tɔɔ lɛ mìi ni, a tɔn na a bɔlɔ kuru kɔn yɛ ka Dɛnaa Lawa nɛ ǹ kion lɛ a kiɛnlɛ-a. Bɛa biikoo li, Aarɔn a nɛgiĩ wúlu-bɔlen lɛn na a mà si, ǹ pɛpɛsɛ̃ wúlu bɔ ǹ bǎã lɛ wàãn tumaa ganaa.

Lawa a wúlu-bɔlen 6:15

Ka bɛ́ re nyɔɔ kiɛ Aarɔn a nɛgiĩ lɛ mɛn mìi ni, ka bɔ ka koa a bǎã nɛ wúlu-bɔle lɛa, bɛ dɔ doamaa nɛ, a zɛnaa miɛ̃. A zɛnaa ǹ gɔn lɛ n ka bɛ lɛ nɛ miɛ̃ duduu. Ka a tumaa tã lenlen Dɛnaa Lawa wɔ lɛa.

Lawa a wúlu-bɔlen 7:36

Dɛnaa Lawa na á pɛ Izirayeli minin lɛn manɛ, bɛ̀ Aarɔn a nɛgiĩn lɛn nə́ wúlu-bɔlen baa ǹ mɛn pinaa gɔrɔ, ka bɛ lɛ kɔ ǹ la ǹ wɔ gii lɛa. Bɛ n landa lɛa ka mìi ni miɛ̃ duduu, kaa tɔrɔn tumaa wɔ lɛa, a ná a ba n bɔyɛɛ wa.

Malakii 2:7

Hiĩ, Lawa a wúlu-bɔle a nya ǹ dí n ka Lawa doɛ̃ nɛ, ka a landan tamaa nɛ. Maǹ die nɔ̀n diɛ a din la ka Lawa a dí-pɛn yɔrɔn nɛ. A din ni Dɛnaa Lawa Pàãyiidɛnaa á boo sii á pɛ wole lɛa.

Minin nimi 18:23

Levii a tanlɛ minin lɛn dininsɔɔ̃nɔn man die kɔn yɛ ka Lawa nɛ ǹ kion lɛ a dí nyɛɛ, bɛ̀ ǹ nə́ sã mɛn wɔ, a sii nə ǹ dinin mìi ni. Bɛa zɛnaa n die goɛ̃ landa lɛa miɛ̃ duduu, á ná a ba n bɔyɛɛ wa. Bǎã ba re doe Levii a tanlɛ minin lɛn ganaa, Izirayeli tɔrɔ gialakunun lɛn bii wa.

Minin nimi 18:5

Ka dininmaan man die bǎã sonbore kɛa dí nyɛɛ, ka wúlu bɔ ǹ bǎã kɛ wɔ nɛ, màn mɛn bɛ́ toɛ masɛ foo baran yoo, Izirayeli minin lɛn li doo wa.

Minin nimi 19:21

«Bɛ n die goɛ̃ landa lɛa ka mìi ni, a ná a ba n bɔyɛɛ wa. Min mɛn bɛ́ re gɔ̀ bɔ ǹ mu lɛ pɛsɛ̃, ǹ dɛnaa die a na a mɔnaan pii. Bɛ̀ min nə́ n gɔn da gɔ̀ bɔ ǹ mu lɛ ganaa, a n goɛ̃ gɔ̀dɛnaa lɛa yǎa wasa woe miɛ̃.

Minin nimi 35:29

«Bɛ n die goɛ̃ sii zɛnaa ǹ gɔn lɛa Izirayeli minin mìi ni biikoo yii li, ta maǹ bǎã woo bǎã nɛ.

Minin nimi 8:9

N die n Levii tɔrɔn kɛn wɔlɔ kunu kɔ kɔn yɛ ka Lawa nɛ ǹ kion kɛ yɔrɔ-a, n Izirayeli zaman lɛ tumaa sɔkɔn.

Matiə 4:16

Tɔrɔ mɛn nə́ ke tɔ we wɔlɔ tì li, bɛ á re wɔlɔ fúlu gole yii. Min mɛnɛn bɛ́ gána tì ni, geren piɛ, wɔlɔ fúlu á re boe bɛn manɛ.

Luku 12:35

«Ka n yii dɔraa ka koa, ka kaa bolonən toa kuĩ.

Zaã a sɛ́wɔ 5:35

ZAÃ na á n baa ka bolon bɛ́ lɔn, ǹ ná a lɛ siɛ̃, a n wɔlɔ fúli. Ka n ká lɛ kɔ, ká n nyɛnyɛɛ a fúlu li biikoo boɛɛn gɔ́ɔ̃ nɛ.

Korɛnti2 4:6

Lawa mɛn bɛ́ á pɛ mà wɔlɔ fúlu yɛ wɔlɔ tì bii, a din na á toa wɔlɔ fúlu tɛ pɛ ma dɔ foo ne. Lawa a gugurubaa mɛn bɛ́ tɛ pii Yezu Krita yɔrɔ nɛ, a n mà minin nə boo la ǹ bɛ dɔ̃.

Piɛrɛ2 1:19

Ka bɛ din tumaa nɛ, Lawa a boo gii-dalin nə màn mɛn da, wɔ foo á doa-n bɛ ganaa dinin. Á soɛ ka ga bɛ ganaa, a giala, a n goon ka bólon ne, kuĩ wɔlɔ tì bǎã nɛ yǎa lɛ̀ wɛɛ, Yezu Krita n baayɛlɛ a leere kɛ lɛa, die wɔlɔ fúlu kiɛ ka foon ne.

Sii-nyaan 2:1

Yezu pɛ ma nɛ: «Sɛ́wɔ kɛ kiɛ̃ n dia Efɛɛzin Lawa a sɔmɔ a lon a dia dí-a wole la: «Masɛ mɛn bɛ́ leere sɔbaa n ma gusin ni, má n tɔ we sana bolon koa ǹ bǎã sɔbaa bii, man pii ka nɛ:

Samayeli1 3:3

Lɛ kɔ kɔn la ǹ goo lɛ goã bǎã mɛn nɛ, Samayeli dɔ́ goã waa-n tán walan, Dɛnaa Lawa a kion kɛ nɛ, bɛ̀ ǹ tɔn Lawa a bolon lɛ nimi bɔrɔ wa.

Samayeli1 30:25

A kũ bɛa pinaa kɛ lɛ ganaa, Davida bɛ baa landa lɛa, á ná a zɛnaa baa pàã lɛa Izirayeli minin lɛn ganaa. Bɛa sii lɛ tá tɔn a giala la haalɛ pelo.