Bɔ bɛ̀rɛbaa nɛ 25:37 - LAWA A BOO SONBORE

³⁷ Bolonən zɛnaa, màn sɔbaa, ǹ bɛ́ boe la ǹ fúlu bɔ ka yɔrɔ-a lɔn, ǹ koa miɛ̃.

LAWA A BOO SONBORE 2011

³⁷ Bolonən zɛnaa, màn sɔbaa, ǹ bɛ́ boe la ǹ fúlu bɔ ka yɔrɔ-a lɔn, ǹ koa miɛ̃.

Bɔ bɛ̀rɛbaa nɛ 25:37 ပူးပေါင်းရင်းမြစ်များ

KZS2 13:11

Baayɛlɛ ka wasamiɛ̃nɛ, wɔ n wúlu mànan tiɛ̃ koe Dɛnaa Lawa la kɔn lɛ ka da yon gìĩ kɔɔ̃n nɛ. Buurun mɛnɛn bɛ́ n koe Lawa la, wɔ n bɛn kiɛ tabala sonbore kɛ la. Wasamiɛ̃nɛ, wɔ n tɛ diɛ bolonən kɛn ganaa bolon koa ǹ bǎãn kɛn nɛ sana lɛa. Wɔsɛn, wɔ n koe Dɛnaa Lawa a landa boon kɛn lɛ. Sɛnɛ, kasɛn, ka n la bɔ ǹ ganaa.

Loen 119:105

N da ǹ boo lɛ n bólon lɛa ma gòãn li, a n tɛ fúlu lɛa, maa zii la.

Bɔ bɛ̀rɛbaa nɛ 25:38

Bolon lɛ bɔ ǹ banbaalanan laanka ton kaa ǹ mànan lɛn dɔn doamaa nɛ ǹ goã sana yoreen yoreen lɛa.

Bɔ bɛ̀rɛbaa nɛ 27:21

Kɔn yɛ ka Lawa nɛ ǹ Kion kɛ lɛ nɛ, mɔnaa kɛ lɛ goo lɛ siã, a kũ bɛ lɛ yɔrɔ-a miɛ̃, a ná a ba nimi wa. Aarɔn laanka a nɛgiĩn doamaa nɛ, ǹ na a sii yɔrɔ bɔ, a boo la a kũ Dɛnaa yɔrɔ-a tèlò-n a wo lɛawaa yaa. Mà bɛ n sii lɛa, Izirayeli nɛnyaanan doamaa bɛ́, ǹ màn mɛn zɛnaa lɛ̀ woo lɛ̀, a ná a ba sàabiɛ wa.»

Bɔ bɛ̀rɛbaa nɛ 30:8

Bɛ̀ Aarɔn daa bolonən lɛn lɛ sã wasamiɛ̃n doo, a màn lɛ tã. Bɛ n màn lɛa, màn mɛn doamaa bɛ́, a n tã biikoo tumaa li Dɛnaa yɔrɔ-a yǎa duduu.

Bɔ bɛ̀rɛbaa nɛ 37:23

Á bolon sɔbaa zɛnaa a ganaa, ka ǹ lɛ bɔ ǹ banbaalanan nɛ, ka ton kaa ǹ mànan nɛ, sana yoreen lɛa.

Bɔ bɛ̀rɛbaa nɛ 40:24

Á bolon da ǹ bǎã lɛ da kion lɛ gɔ́ɔ̃ nɛ, a gusin a wàã ganaa, tabala lɛ para li.

Bɔ bɛ̀rɛbaa nɛ 40:25

Á tɛ da bolonən lɛn ganaa Dɛnaa yɔrɔ-a, ka Dɛnaa din bɛ́ á pɛ-n lɔn.

Suusun 6:23

Doroo n ka bolon bɛ́ lɔn, daraa n wɔlɔ fúlu lɛa. Gɔn waa manɛ n min yii buĩ. A n yiikoonaabaa ǹ zii lɛa.

Izayii 8:20

ka die ka ǹ lɛ si kɛnɛn: «Wɔ doamaa nɛ, wɔ kɔ Dɛnaa Lawa a boon laanka a doroon lɛ.» Min mɛn bɛ́ a zɛnɛɛ miɛ̃ wa, bɛa re baayɛlɛ a wɔlɔ fúlu yii wa.

Zakarii 4:2

Á nɔ̀n da ma la kɛnɛn: «N yii n wàa ganaa?» Má a lɛ si kɛnɛn: «Ma yii n bolon koa ǹ bǎã ganaa, sana lɛa. Nyɔɔ kaa ǹ bǎã na a ganaa a lon wɔlɔ-a. Bolon sɔbaa na a ganaa, tɛ sɔbaa n bolon lɛ a gogoonmaa ganaa.

Minin nimi 4:9

Bolon koa ǹ bǎã ke wɔlɔ fúlu boe, ǹ mɔnaa bɔlaan kɔ bɛ lɛ, kɔnlɛ ka a bolonən ne, a bolon lɛ bɔ ǹ banbaalanan nɛ, a ton kaa ǹ bǎãn nɛ, ka a nyɔɔ tàanan kɛn nɛ, ǹ nə́ giɛ a walan nɛ.

Minin nimi 8:2

«Boo da Aarɔn nɛ, n pɛ nɛ: bɛ̀ n tá bolonən lɛn lɛ siɛ̃, bolon sɔbaa lɛ doamaa nɛ, ǹ wɔlɔ fúlu bɔ bolon koa ǹ bǎã lɛ yɔrɔ-a.»

Matiə 5:14

Ka dinin lɛn man goon ka bólon fúlu bɛ́ lɔn kanaa kɛ lɛ gɔ́ɔ̃ nɛ. Kiwi mɛn bɛ́ kele mìi ni, bɛa boe la a n duru wa.

Luku 1:79

Min mɛnɛn bɛ́ wɔlɔ tì li, ǹ nə́ nyɛ́ɛ biɛ gɛ̀ nɛ, a n wɔlɔ fúlu kiɛ bɛn ganaa. A n là nyantoro zii nyɛɛ wɔ nɛ.»

Zaã a sɛ́wɔ 1:9

Bɛa Boo kɛ lɛ n wɔlɔ fúlu taãn lɛa, á daa kanaa gɔ́ɔ̃ nɛ, a n minbuiin din tumaa yii buĩ.

Zaã a sɛ́wɔ 12:5

mà wàa na á baa ǹ nyɔɔ kɛ lɛ sã lɛawaa biɛsɔɔ (300) a di nya ǹ giɔ̀mɔ ganaa, ǹ ná a wɔrɔ gii doobaan man wa?

Zaã a sɛ́wɔ 8:12

Yezu wusoo doo á boo giməə kɔsɔ da zaman lɛ nɛ, á pɛ: «Masɛ n kanaa a wɔlɔ fúlu lɛa. Bɛ̀ min mɛn tá koe masɛ kio lɛ, bɛa dɛnaa a die tɔ we wɔlɔ tì li wa. Wɔlɔ fúlu mɛn bɛ́ toɛ min yiikoonaabaa yɛ, bɛa dɛnaa á die bɛ yii.»

Nya ǹ dín 26:18

Man die n diɛ ǹ li n nə ǹ yii bũ, ǹ soo ǹ nə n bɔ wɔlɔ tì li, ǹ da wɔlɔ fúlu ganaa, ǹ nə n bɔ *Sɛtaan a pàã giulun ǹ da Lawa ganaa, màn mɛn bɛ́ toɛ, bɛ̀ ǹ nə́ golee masɛ li, Lawa nə n sii baraan toa ǹ nɛ, ǹ dɔn nə bǎã yɛ kun ka Lawa wɔn nɛ.»

Sii-nyaan 1:12

Má n yɔrɔ bɔyaa má n giɛ boo lɛ a dali li. Má tɔ́n sana bolon tàan koa ǹ bǎã sɔbaa yɛ.

Sii-nyaan 1:20

Leere sɔbaa ke ń yɛ ma gusin ni, ka sana bolon koa ǹ bǎã sɔbaa kɛ nɛ, ǹ bɛ́ sii-duriin mɛnɛn giala pii, ǹ nə́ ke: Leere sɔbaa kɛ n Lawa a sɔmɔ sɔbaan kɛn lon a dia dí-a wolen lɛa, sana bolon koa ǹ bǎã sɔbaa kɛ n Lawa a sɔmɔ sɔbaa kɛ lɛa.»

Sii-nyaan 1:4

Masɛ ZAÃ nə fòo kɛ diɛ Lawa a sɔmɔ sɔbaa kɛ nɛ Azii gána nɛ. Min mɛn bɛ́ a goã a tan, a ná a tan, a n die die dɔn, yiri sɔbaa kɛ nɛ a kii dankan yɔrɔ-a, ka Yezu Krita nɛ, bɛn die ǹ bǐɛ̃ zɛnaa ka nɛ, ǹ là nyantoro kɔ ka la.

Sii-nyaan 22:5

Tèlò a re koe wa, min kɔ́n laadoo a re goɛ̃ bolon fúlu ganaa, ka wasa a yoo lon ne wa, a giala mà Dɛnaa din tá re a fúlu kiɛ ǹ ganaa. Ǹ tá re goɛ̃ pàã la baraabaraa yǎa duduu.

Sii-nyaan 4:5

La na á goã parɛɛ, a n tɛ pii kii dankan lɛ yɔrɔ-a. Lɛn dɔ goã boe walan. Bolon sɔbaa goã kuĩ dankan lɛ yɔrɔ-a, Lawa a Yiri sɔbaa kɛn ka bɛ nɛ.