Bɔ bɛ̀rɛbaa nɛ 25:22 - LAWA A BOO SONBORE

²² Masɛ n die n toɛ walan lɛ nɛ, man din nyaa n nɛ, Goo lɛpii lɛ lalan, lon mànan lɛn bii ni dí-pɛn tamaa ǹ Goo lɛ la. Ma doamaa bɛ́ nɛ, ma boon mɛnɛn tumaa kɔ n la Izirayeli nɛnyaanan wɔ lɛa, ma á re bɛn tumaa pii n ni.

LAWA A BOO SONBORE 2011

²² Masɛ n die n toɛ walan lɛ nɛ, man din nyaa n nɛ, Goo lɛpii lɛ lalan, lon mànan lɛn bii ni dí-pɛn tamaa ǹ Goo lɛ la. Ma doamaa bɛ́ nɛ, ma boon mɛnɛn tumaa kɔ n la Izirayeli nɛnyaanan wɔ lɛa, ma á re bɛn tumaa pii n ni.

Bɔ bɛ̀rɛbaa nɛ 25:22 ပူးပေါင်းရင်းမြစ်များ

Siin Giala 18:33

Dɛnaa bɛ́ á boo da Abrahamu ni á nya, á woo, Abrahamu dɔ nə́ n bɔyaa á woo piɛ.

Samayeli2 6:2

Davida yoo á zii saa, a din laanka zaman mɛn tumaa goã kun ni. Ǹ nə́ woo Baalee, Zudaa gána nɛ, mà maǹ woe Lawa a *lɛ kɔ kɔn la ǹ goo lɛ siɛ ǹ nə́ die ne. Ǹ nə́ goã tɔ kɔn pii lɛ kɔ kɔn la ǹ goo lɛ ganaa, Dɛnaa Lawa Pàãyiidɛnaa kɛ tɔ nɛ. Lon màn yiikoonaan nyínin mɛnɛn bɛ́ goo lɛ lalan, a n giã-n bɛn bii.

Kiin2 19:15

Á tɔ́n Dɛnaa Lawa nyankɔ á pɛ: «Izirayeli gána a Lawa, Dɛnaa Lawa, nsɛ mɛn bɛ́ lon màn yiikoonaan mìi la, n dinsɔɔ̃ n kanaa gánan tumaa a Lawa lɛa, a giala n din nə n lon laanka tán zɛnaa.

KZS1 13:6

Davida woo kun ka Izirayeli zaman lɛ tumaa nɛ Baala, Kiriati-Yarimu kiwi kɛ nɛ, Zudaa gána nɛ, màn mɛn bɛ́ toɛ ǹ Lawa a goo lɛ saa walan ǹ da nɛ, Dɛnaa Lawa mɛn bɛ́ lon màn yiikoonaa nyínin lɛn biin ni, bɛa goo kɛ lɛ a tɔ ń la.

Loen 80:1

LOE-saalin goledɛnaa loe mɛn lɔ tùtu wuu li. Yiri koa sii ni ǹ loe ne. Asaafu a loe goon ne.

Loen 80:2

Izirayeli-lɛduə̃li, n too kɔ. N din mɛn bɛ́ miɛ̃ n zaman nyɛɛnɛ, n kii dankan nə lon màn yiikoonaan lalan, n din nyaa.

Loen 90:1

Lawa a min Muizu a Lawa nyankɔ n ke. Dɛnaa, n din nə wɔa duru ǹ bǎã lɛa lɛ̀ woo lɛ̀.

Loen 99:1

Dɛnaa Lawa n kii lɛa, tɔrɔn man bìn diɛ. A n giã-n lon màn yiikoonaan la, kanaa n tatalɛɛ.

Bɔ bɛ̀rɛbaa nɛ 20:24

Ka *wúlu bɔ ǹ bǎã dɔ ka tii ni masɛ wɔ lɛa, ka wúlu mànan dɛ ka ǹ tã la, ka bii kɔɔ̃n kɔ kɔn ka Lawa nɛ ǹ wúlu mànan nɛ. Ka ǹ bɔ, sèren laanka diin ni. Ma bɛ́ re bǎãn mɛnɛn nyɛɛ, ka ma guguru kɔ ǹ nɛ, ma á re die walan, ma barka da ka ganaa.

Bɔ bɛ̀rɛbaa nɛ 27:21

Kɔn yɛ ka Lawa nɛ ǹ Kion kɛ lɛ nɛ, mɔnaa kɛ lɛ goo lɛ siã, a kũ bɛ lɛ yɔrɔ-a miɛ̃, a ná a ba nimi wa. Aarɔn laanka a nɛgiĩn doamaa nɛ, ǹ na a sii yɔrɔ bɔ, a boo la a kũ Dɛnaa yɔrɔ-a tèlò-n a wo lɛawaa yaa. Mà bɛ n sii lɛa, Izirayeli nɛnyaanan doamaa bɛ́, ǹ màn mɛn zɛnaa lɛ̀ woo lɛ̀, a ná a ba sàabiɛ wa.»

Bɔ bɛ̀rɛbaa nɛ 30:36

Bɛa màn lɔlɔkɔn kɛ lɛ kɔ́n lɔ, a wùsu baa, n wùsu lɛ a boɛɛn da Goo lɛ yɔrɔ-a, kɔn yɛ ka Lawa nɛ ǹ kion lɛ nɛ, ma bɛ́ re n diɛ n lɛ bǎã mɛn nɛ lɛn. Ka die ka toa ka n nyɛnaa bɛa màn kɛ lɛ nɛ.

Bɔ bɛ̀rɛbaa nɛ 30:6

Mɔnaa mɛn bɛ́ *lɛ kɔ kɔn la ǹ goo lɛ siã, n da bɛ lɛ yɔrɔ-a, masɛ bɛ́ re n diɛ n lɛ bǎã mɛn nɛ.

Bɔ bɛ̀rɛbaa nɛ 31:18

Dɛnaa bɛ́ á boo da ka Muizu ni Sinayii kele la á nya, bɛ kio kəni, á lɛ kɔ kɔn la ǹ boon kɔlɔ sɛlɛɛ màn paa lɛ kɔ la, Dɛnaa Lawa din boon mɛnɛn kiɛ̃ ka a din gɔn nɛ.

Bɔ bɛ̀rɛbaa nɛ 31:6

Ka bɛ dɔ-n doo, man má Dan tɔrɔ Ayisamaaki a nɛgiĩ Oholiabu da kun ni. Má dí nya doɛ̃ kɔ ǹ la, kun ka dí-nyali kɔsɔn nɛ, màn mɛn bɛ́ toɛ, masɛ dí mɛn tumaa pɛ n din ni, ǹ bɛ nya.

Izayii 37:16

«Dɛnaa Lawa Pàãyiidɛnaa, Izirayeli a Lawa, nsɛ mɛn bɛ́ giã-n lon màn yiikoonaa tumaa mìi la, n dinsɔɔ̃ n kanaa a gánan tumaa a Lawa lɛa, n din ni n lon laanka tán zɛnaa.

Ezekieli 43:6

Má tɔ́n min lɛ ma n toɛ kion lɛ gɔ́ɔ̃ li boo diɛ ma nɛ. Bɛ á zɛnɛɛ, bɛ̀ giĩ lɛ á golee-n ma li.

Lawa a wúlu-bɔlen 1:1

Ǹ kɔn pinaa, Dɛnaa Lawa nə́ n toa kɔn yɛ ǹ kion kɛ nɛ, á lɛ dia Muizu la á pɛ nɛ:

Lawa a wúlu-bɔlen 16:2

á pɛ nɛ: a pɛ ǹ dɔɔ̃ngiĩ Aarɔn nɛ: Bǎã sonbore sonbore ke, kion bii kuru kɔn-a ǹ mɔnaa lɛ nyɛɛnɛ, Lawa a *lɛ kɔ kɔn la ǹ goo laanka a lɛpii kɛ yɔrɔ-a, a nyan toa a wɔ walan biikoo tumaa li wa, màn mɛn bɛ́ toɛ, a baran gã wa. A giala, ma á re goɛ̃ bɛ̀ man din nyaa goo lɛpii lɛ lalan tɛmaa bara bii.

Minin nimi 17:4

Tɛ min mɛnɛn lɛn kũ ǹ yii n koo, bɛn nə goã ǹ nə́ daa ka da yon gìĩ kɔɔ̃n kaa ǹ zan mànan mɛnɛn nɛ Lawa yɔrɔ-a, Lawa a wúlu-bɔle Eleyazaara lɛ tɔ́n bɛn goa, á ǹ məə, ǹ nə́ ǹ kaa wúlu bɔ ǹ bǎã lɛ la.

Minin nimi 7:89

Bɛ̀ Muizu tá we kɔn yɛ ka Lawa nɛ ǹ kion kɛ nɛ, boo diɛ ka Lawa nɛ, á goã Dɛnaa Lawa lɛ miɛ boo diɛ nɛ. Boo-diɛ lɛn lɛ na á goã boe goo lɛpii kɛ lalan, lon màn yiikoonaan nyín màn paa kɛ bii n ni. Goo lɛpii lɛ na á goã *lɛ kɔ kɔn la ǹ goo lɛ la. Lawa na á goã nɛn bɛ̀ a boo da ka Muizu-n miɛ̃.

Sii yɔrɔ-bɔlen 20:27

Bɛa biikoo li, bɛ̀ Lawa a *lɛ kɔ kɔn la ǹ goo kɛ á tɔn Betɛli. Eleyazaara a nɛgiĩ Finee mɛn bɛ́ Aarɔn a nɔ̀ɔn lɛa, bɛ̀ bɛ n Lawa a wúlu-bɔle lɛa. Izirayeli minin lɛn nə́ nɔ̀n da Dɛnaa Lawa la: «Wɔ doamaa nɛ wɔ wusoo wɔ wo zia baa wɔ dɔɔ̃n Bɛnzamɛn tɔrɔn lɛn ganaa hinlaa wɔ doamaa nɛ wɔ a lɛ da?» Dɛnaa Lawa nə́ ǹ lɛ si: «Ka woo, a giala, biɛ̃, ma á re Bɛnzamɛn tɔrɔn lɛn we ka gɔn.»

Samayeli1 4:4

Dɛnaa Lawa Pàãyiidɛnaa mɛn lɛ bɛ́ lon màn yiikoonaa nyínin mìi la, zaman lɛ minin dia ǹ nə́ woo bɛa lɛ kɔ kɔn la ǹ goo lɛ saa Siiloo. Elii a nɛgiĩ min paa lɛ, Ɔfunii laanka Fineyasi ni, bɛn nə́ goã Lawa a lɛ kɔ kɔn la ǹ goo lɛ diɛ zii.