Bɔ bɛ̀rɛbaa nɛ 25:20 - LAWA A BOO SONBORE

²⁰ Lon mànan nyínin lɛn nə n nyàan lɛ bɔ, ǹ nə ǹ dia lon, ǹ nə n nyàa kan kɔ goo lɛpii lɛ lɛ. Ǹ yɔrɔ goã dia-n kɔn la, bɛ̀ ǹ nə́ giɛ Goo lɛpii lɛ ganaa.

LAWA A BOO SONBORE 2011

²⁰ Lon mànan nyínin lɛn nə n nyàan lɛ bɔ, ǹ nə ǹ dia lon, ǹ nə n nyàa kan kɔ goo lɛpii lɛ lɛ. Ǹ yɔrɔ goã dia-n kɔn la, bɛ̀ ǹ nə́ giɛ Goo lɛpii lɛ ganaa.

Bɔ bɛ̀rɛbaa nɛ 25:20 ပူးပေါင်းရင်းမြစ်များ

Siin Giala 28:12

A bɛ́ nyuù ni, narɛɛ daa la. A yii n kalan gɔn goon ganaa, á n toa tán a mìi la dɔ Lawa ganaa. Á Lawa a lon a dia dí-a wolen yɛ, koe lɛ dii bɛ̀ ǹ gisĩ.

Kiin1 6:23

Salomɔn lon màn yiikoonaan nyínin zɛnaa màn paa ka *olivie gɔn nɛ, á n kaa bǎã sonbore sonbore lɛ nɛ. Ǹ là a wo-lon na á goã mɛtərə sooro.

Kiin1 6:27

Salomɔn lon màn yiikoonaan nyínin lɛn kaa Lawa a kion lɛ bii a gɔ́ɔ̃ nɛ. Lon màn yiikoonaan lɛn nyàan lɛ na á goã boe ne. Lon màn yiikoonaan nyínin lɛn gogoonmaa nyàa lɛwɔn goon nə́ goã ǹ doɛ kion lɛ wàãn ganaa. Ǹ nyàa lɛ a màn paa mɛn bɛ́ dia-n woe kion lɛ bii, bɛa nyàan lɛn nə́ goã n loe kɔn ganaa.

Kiin1 8:7

Lon màn yiikoonaan lɛn nyàan lɛ na á goã boe ne, goo koa ǹ bǎã lɛ mìi la, ń giɛ ǹ tá n koe goo lɛ laanka a saa ǹ bàlàn lɛ.

KZS2 3:10

Bɛ kio, á ǹ kaa lon màn yiikoonaa nyín paa zɛnaa ganaa. Ǹ nə́ sana kaa la, ǹ nə́ woo ǹ koa bǎã sonbore sonbore kɛ nɛ.

Bɔ bɛ̀rɛbaa nɛ 25:18

N sana dɛ, n lon màn yiikoonaa nyín màn paa zɛnaa nɛ, n nə ǹ zɛnaa n nə ǹ doa Goo lɛpii lɛ a lɛkoron paanan ganaa.

Bɔ bɛ̀rɛbaa nɛ 25:19

Goon zɛnaa a lɛkoro goon ganaa, n goon kɛ dɔ zɛnaa a lɛkoro goon kɛ dɔ ganaa. Lon mànan nyínin lɛn zɛnaa, n nə ǹ doa kɔn ka lɛpii lɛ nɛ, gogoon ná a lɛkoron paanan ganaa.

Ezekieli 1:20

Ǹ bɛ giɛ li ǹ wo maa maǹ woe walan. Wotoro gòãn lɛn dɔn man nə́ goã yui kunun ǹ ni. A giala, màn mɛn bɛ́ á goã woe ka màn yiikoonaan lɛn nɛ, a din lɛ dɔ na á goã woe ka wotoro gòãn lɛn nɛ.

Ezekieli 28:14

N din lon màn yiikoonaa tɛ-pɛle, man má n koa máa n minin tamaa. Ma nə ń goã Lawa a kele sonbore kɛ la, ń goã woe bɛ̀ n nə n bɔyaa, kɔlɔ tɛ-pɛlen kɛn bii.

Matiə 24:31

Masɛ á die maa lon a dia dí-a wolen diɛ, bɛn gole wuu li, kanaa gùrù sii din tumaa ganaa, ǹ maa yii gɔgɔɔ̃ wolen lɛn lɛ sɔkɔn a saa kanaa lɛkoro goon ganaa, a wo a lɛkoro kɔsɔ yaa.

Zaã a sɛ́wɔ 1:51

Á tɔ́n pɛ doo: «Ka boo taãn nɛ, masɛ n pii ka nɛ, ka á re lon lɛ buĩ yii, ka Lawa a lon a dia dí-a wolen yɛ dii bɛ̀ ǹ nə́ gisĩ Min a Nɛgiĩ lalan.»

Korɛnti1 11:10

Bɛ lɛ nɛ, lɔ n kɔnboe a màn kuməə a mìi ganaa, a nyaa mà a n giĩ gòã li, lon a dia dí-a wolen nə dɔ̃ mà a n giĩ wɔ lɛa.

Korɛnti1 4:9

A tá ma yiri ni, máa wɔsɛn mɛnɛn bɛ́ Yezu a dia dí-a wolen lɛa, Lawa na á bǎã tumaa a giala-nyɔmɔɔ kɔ wɔsɛn la. Wɔ n ka kiri bɛ́ á min mɛnɛn kũ, ǹ nə́ die ǹ dii zaman tumaa yɔrɔ-a. Á wɔ baa gayon wɔ ǹ mànan lɛa kanaa tumaa yɔrɔ-a, lon a dia dí-a wolen ne ka minbuiinin ni.

Efɛɛzi minin 3:10

A na á bɛ zɛnaa, màn mɛn bɛ́ toɛ, lon màn pàãdɛnan laanka ǹ goledɛnan na a sii-doɛ̃ gole kɛ dɔ̃ kanna, ka a sɔmɔ kɛ barka nɛ.

Ebrəə 1:14

Lon a dia dí-a wolen kɛn tumaa n yirin dininsɔɔ̃nɔn lɛa, dí nyɛɛ Lawa nɛ, ǹ nə́ n doe kirisibaa-yɛlen kɛn lɛ.

Ebrəə 9:5

Lon màn yiikoonaan nyínin man Goo lɛ lalan, nyɛɛ mà Lawa tan walan. Ǹ bɛ́ wúlu boe bǎã mɛn nɛ sii baraan toa a lɛa, bɛa mànan lɛn man nə́ ǹ nyàa kan lɛ bɔ, ǹ nə́ ǹ kɔ bɛa bǎã lɛ lɛ. Sɛnɛ, bɛa siin kɛn lɛn tumaa a yɔrɔ pɛ biikoo bie ka sisia-n wa.

Piɛrɛ1 1:12

Lawa nyaa boo gii-dalin lɛn manɛ, mà boo kɛ lɛ ǹ tá diɛ, mà a bie ǹsɛn wɔ lɛa wa, sɛnɛ, mà kasɛn wɔ nɛ. Kanna, Boo Tii Kɔɔ̃n pɛlen kɛn man nə́ bɛa boo kɛ lɛ saa, ǹ nə́ pɛ ka nɛ ka Yiri Fu pàã nɛ, Lawa Yiri Fu mɛn dia á bɔ lon ke lɛn. Haalɛ lon a dia dí-a wolen dinin man giɛ li, ǹ nə n yii wɔ bɛa boo kɛ lɛ gɔ́ɔ̃ nɛ, ǹ na a giala ma.

Piɛrɛ1 3:22

Yezu Krita lɛ woo lon dɔn, á giã-n Lawa gusin. Lon a dia dí-a wolen ne, ka lon màn goledɛnan laanka a pàãdɛnan tumaa na a din lɛ bɔlɔ sii.