Bɔ bɛ̀rɛbaa nɛ 23:8 - LAWA A BOO SONBORE

⁸ Ka baran toa ǹ ka lɛ pii ka min gɔ ǹ mànan nɛ wa. A giala, bɛa mànan kɛn lɛn man, haalɛ min sii-dɔ̃lin yii tiɛ̃ sonbore ganaa, a min peperen sii yɔrɔ-bɔ lɔlɔkɔn.

LAWA A BOO SONBORE 2011

⁸ Ka baran toa ǹ ka lɛ pii ka min gɔ ǹ mànan nɛ wa. A giala, bɛa mànan kɛn lɛn man, haalɛ min sii-dɔ̃lin yii tiɛ̃ sonbore ganaa, a min peperen sii yɔrɔ-bɔ lɔlɔkɔn.

Bɔ bɛ̀rɛbaa nɛ 23:8 ပူးပေါင်းရင်းမြစ်များ

Loen 15:5

A giɔ̀mɔ diɛ min ganaa a ga là li wa. A màn sii min la a zɛ̀rɛbaãnaa da sii-n wa. Min mɛn bɛ́ zɛnɛɛ miɛ̃, ǹ dɛnaa a sii kɔn ba talɛɛ wa.

Loen 26:10

Ǹ gɔn lɛ-a ǹ dí tumaa sii bɔnɛɛ, ǹ gusin piɛ̃maa-n ka lɛ pii ǹ màn nɛ.

Suusun 15:27

Min mɛn bɛ́ baa sii wɔrɔ kio, a n koe lɛa a kion ganaa. Sɛnɛ, min mɛn bɛ́ a lɛ koe lɛ pii ǹ màn ganaa wa, á re nyin sasa yii.

Suusun 17:23

Min baraan lɛ pii ǹ màn sii ka durii ni màn mɛn bɛ́ toɛ a kiri kɔkɔrɔ wɔ.

Suusun 17:8

Min tɛn a taasiɛ nɛ mà lɛ pii ǹ màn nə mìi kɔɔ̃nbaa lɛa asɛ ganaa. A n taasɛ mà á boe la a kiɛnlɛ tumaa bũ asɛ nɛ.

Suusun 19:4

Pàãma a giaáran man mɔnɛɛ, sɛnɛ, maǹ doobaa niɛ̃ kɔn ka a giaára nɛ.

Boo-laakalaali 7:7

Sonbore, bɔ min yii-n nə sii-dɔ̃li biɛ baãnaa lɛa. Màn-gɔ na a yiri sii la.

Izayii 1:13

Kaa Lawa gɔ ǹ màn ke, ka n susu ka bɛa koe ne. A là banban. A tɛmaa gìĩ kɔɔ̃n ke, bɛ tìĩ bɔ ma nyin ni. A giala, kaa mui dii zɔ́nɔn kɛn bɛ̀ ka ǹ zɛnaa, kaa susu ǹ piin kɛn nɛ, ka kaa zɔ́n dadaraan kɛn nɛ, ka n sii baraan zɛnɛɛ bɛn li. Ma a bɛ sii ma ganaa duduu wa.

Izayii 1:23

N kiãn man gòãn dii wolen lɛa. Maǹ nə n lɛ kiɛ kun ka wurumun ni. Lɛ pii ǹ mànan si n kɔɔ̃nɛ ǹ ganaa. Maǹ baa sii bɛn kio. Ǹ ba bǐɛ̃ zɛnɛɛ nɛ toen ne wa, ǹ ba lɔ giɔɔrɔ a guĩ siɛ wa.

Izayii 33:15

Min mɛn bɛ́ sii sonbore zɛnɛɛ, a n peperebaa boo diɛ, bɛa dɛnaa a lɛ koe kakaarɛbaa ǹ màn ganaa wa, a nə n dɔ̀ɔ̃ we lɛ pii wolen manɛ, bɛ̀ ǹ tá gɛ̀ dɛ boo diɛ, a nə n too tiɛ̃. A nə n yii tiɛ̃ màn mɛn bɛ́ toɛ, a yii nyan sii baraa yɛ wa.

Izayii 5:22

Yɔ-mili zanbian lɛn, kaa wɔ n ka bɔ̀n nɛ! Yɔ kakaarɛ mili lɔlɛkɔn wolen, ka dɔn wɔ n ka bɔ̀n nɛ!

Izayii 5:23

Lɛ pii ǹ màn taman yii, ka n zɛ̀rɛdɛnaa toɛ walan. Sɛnɛ, ka nə n piɛ̃, ka sonbore kɔ min pepere la nɛ.

Ezekieli 22:12

N kiwi kɛ nɛ Zeruzalɛmu, minin man lɛ koe ǹ lɛ pii ǹ màn si, ǹ gɛ̀ dɛ. Maǹ giɔ̀mɔ diɛ ǹ nə́ giɛ là babaraa li, maǹ mɛnɛɛ ǹ miãn la, ǹ nə́ giɛ màn li. Sɛnɛ, ǹ yiri n boe ka ma dinmaa kɛ nɛ! Ma din Dɛnaa Lawa a da ǹ boo ne.

Ozee 4:18

Bɛ̀ ǹ nə́ yɔ lɛ mi ǹ nə́ kã gɔrɔ, kɔrɔbaa na á golee. Ǹ goledɛnan kɛn man giɛ sìi li a tɔ-a.

Amɔɔsi 5:12

Ma á doɛ̃, kaa piã ǹ siin nə́ la yii ni, kaa sii baraan tá mɔnaa nɛ. Ka n mɛnɛɛ min peperen la. Ka n lɛ pii ǹ mànan sii, ka n nɔmaa-wɔlen sonbore bɔyɛɛ, kiri wɔ ǹ bǎã nɛ.

Misee 7:3

Ǹ gɔn bɛ́ yui sii mɛn a zɛnaa li, baraa nɛ. Goledɛnaa a bǐɛ̃ zɛnɛɛ kooro wa, yǎa màn. Sii yɔrɔ-bɔle a sii yɔrɔ boe kooro wa, yǎa là. Min gole a boo diɛ kooro wa, yǎa a din dùũ sii. Maǹ nə́ n lɛ kiɛ kun ǹ sii baraa zɛnaa.

Timəə dí-pɛn 10:17

Taãn nɛ, kaa Lawa, Dɛnaa Lawa lɛ n lawan Lawa lɛa, dɛnaan Dɛnaa lɛa, Lawa gole ne, pàã ná a lon, a sii n nyɛ́ɛ diɛ. A bɔn bii-a we wa, a lɛ pii ǹ màn sii min la wa.

Timəə dí-pɛn 16:19

Ka nyan toa ka sii yɔrɔ bɔ ǹ gɔn ziziɛ̃ wa. Ka nyan bɔnbii-a wɔ wa, ka nyan toa min ka lɛ pii ka màn nɛ wa. A giala, lɛ pii ǹ màn nə sii-dɔ̃lin yii tiɛ̃, a min peperen kaa boo kɔkɔrɔ diɛ ganaa.

Samayeli1 12:3

Ma á ke! Bɛ̀ má sii kɔn la, ka ma biɛ kɔ Dɛnaa Lawa yɔrɔ-a, ka kii kɛ nɛ Dɛnaa Lawa din bɔ. Man má die a dii hinlaa a dundun si la? Man má mɛnaa die la hinlaa man má bɔ die yii ni? Die na á masɛ lɛ pii, má kiɛ̃ ǹ dɛnaa sii la? Ka pɛ, ma á sarɛɛ.»

Samayeli1 8:3

Sɛnɛ a nɛgiĩn lɛn na a tɔ wɔ ǹ gɔn saa wa. Bii kooro na á goã kɔɔ̃nɛ ǹ ganaa. Ǹ nə́ goã lɛ koe lɛ pii ǹ mànan sii, ǹ goã sii yɔrɔ boe a peperebaa li wa.