Bɔ bɛ̀rɛbaa nɛ 23:7 - LAWA A BOO SONBORE

⁷ Ka baran n too kɔ soɛ boon ganaa wa. Ka baran zɛ̀rɛbaãnaa hinlaa min pepere dɛ a gã wa. A giala, masɛ a sonbore koe bɛa sii kɛ lɛ miã a zɛnaali la wa.

LAWA A BOO SONBORE 2011

⁷ Ka baran n too kɔ soɛ boon ganaa wa. Ka baran zɛ̀rɛbaãnaa hinlaa min pepere dɛ a gã wa. A giala, masɛ a sonbore koe bɛa sii kɛ lɛ miã a zɛnaali la wa.

Bɔ bɛ̀rɛbaa nɛ 23:7 ပူးပေါင်းရင်းမြစ်များ

Siin Giala 18:23

Abrahamu nə́ n zɔ̃ á dɔ á pɛ: «Dɛnaa, n din parsii-n, mà n nə ǹ die zɛ̀rɛbaãnaa bɔ̀n biɛ kun ka zɛ̀rɛdɛnaa-n sonbore?

Zɔbu 22:23

Bɛ̀ ń wusoo ń daa Pàãyiidɛnaa li, bɛ̀ ń sii kɔkɔrɔ zɛnaa kɛ wɔlɔ lui n kion ganaa, á re wusii a n saa a n da lon.

Loen 119:29

Ma kanbaa soɛ zii ganaa. N din bǐɛ̃ kɔ, n nə n landa boon kɛn dɔ̃ ǹ yiri kɔ ma la.

Loen 94:21

Maǹ yɔ boe min peperen ganaa, maǹ zɛ̀rɛ koɛ zɛ̀rɛbaãnan ganaa.

Bɔ bɛ̀rɛbaa nɛ 20:13

- N baran gɛ̀ dɛ wa.

Bɔ bɛ̀rɛbaa nɛ 20:16

- N baran soɛ da min la wa.

Bɔ bɛ̀rɛbaa nɛ 23:1

«Soɛ boon mɛnɛn bɛ́, ǹ giala ba we-n taãn wa, ka baran bɛn pɛsɛ̃ piɛ̃ li wa. Ka baran soɛ a siére baa, ka n dɔ zɛ̀rɛdɛnaa lɛ wa.

Bɔ bɛ̀rɛbaa nɛ 34:7

Man maa bǐɛ̃ lɛ zɛnɛɛ minbuiinin manɛ yǎa lɛ̀ duu damata. Man kaa sãn sii ma ganaa, ka kaa bɔlɔ-tiin ni, ka kaa sii baraan nɛ. Sɛnɛ, maa zɛ̀rɛdɛnaa bíi zɛ̀rɛ baãnaa wa. Man díin dɔlɔ boe ǹ nɛnyaanan ganaa, yǎa ǹ nɔ̀ɔ fulupaa ganaa.»

Suusun 11:21

Sàabaa ba la wa, sii baraa zɛnaa wole wɔ n ka dɔlɔ nɛ. Sɛnɛ, min mɛnɛn bɛ́ sii sonbore zɛnɛɛ, bɛn tá re kirisibiɛ.

Suusun 17:15

Min mɛn bɛ́ sonbore koe min baraa la, ka min mɛn bɛ́ min pepere yii tì-a kuĩ koe, ǹ dinin paanan tìĩ n boe ne Dɛnaa Lawa nɛ.

Izayii 33:15

Min mɛn bɛ́ sii sonbore zɛnɛɛ, a n peperebaa boo diɛ, bɛa dɛnaa a lɛ koe kakaarɛbaa ǹ màn ganaa wa, a nə n dɔ̀ɔ̃ we lɛ pii wolen manɛ, bɛ̀ ǹ tá gɛ̀ dɛ boo diɛ, a nə n too tiɛ̃. A nə n yii tiɛ̃ màn mɛn bɛ́ toɛ, a yii nyan sii baraa yɛ wa.

Izayii 5:20

Kaa wɔ n ka bɔ̀n nɛ, kasɛn mɛnɛn bɛ́ pii mà sii baraa n siĩni, mà sii sonbore n baraa. Ka n penleen bɔyɛɛ ka baa tèlò lɛa, ka tèlò bɔyaa ka baa penleen lɛa. Màn mɛn bɛ́ kɔɔsɛ, ka n bɛ bɔyɛɛ ka baa kɔɔ̃nɛ. Màn mɛn bɛ́ kɔɔ̃nɛ, ka n bɛ bɔyɛɛ ka baa kɔɔsɛ.

Lawa a wúlu-bɔlen 19:11

Ka baran wurumu baa wa, ka baran kɔn yiri sã wa, ka baran soɛ dɔ bɔ kɔn nɛ wa.

Lawa a wúlu-bɔlen 19:16

Ka baran n bibiə̃ ka ka dɔɔ̃nɔn tɔ ziziɛ̃ wa. Min dɔ baran ǹ miã zɛ̀rɛ baa kooro, n kiɛ̃ n minin yaa dii wa. Ma din nə Dɛnaa Lawa lɛa.

Nahumu 1:3

Dɛnaa Lawa foo a yui fufuu wa. Sɛnɛ a zɛ̀rɛdɛnaa bíi zɛ̀rɛbaãdɛnaa wa. A pàã golebaa miã banban. Piɛ̃ laanka kurunkurun na a kiɛ̃ ǹ zii lɛa. A gòã giulun gusuũ n ka labaran nɛ.

Luku 3:14

Sɔraasin dɔn nə́ nɔ̀n da la mà ǹsɛn dɔn doamaa nɛ ǹ wàa mɛn zɛnaa? Á ǹ lɛ si: «Ka baran pàã nyaa min ni ka wɔrɔ si la wa. Ka baran mɛnaa min dɔ la ka soɛ boon ne ka wɔrɔ si la wa. Bɛ din tumaa kio, ǹ bɛ́ saraa mɛn koe ka la, ka toa bɛ lɛ dɔ ka yii li.»

Rɔmu minin 1:18

Sonbore, Lawa nyaa mà asɛ a foo-busii á re gisĩ min tumaa la, a giala, minbuiinin ba Lawa guguru koe wa, ǹ ba pepere wa. Minin tá Lawa a sonbore lɛ doɛ̃, sɛnɛ, maǹ pìi koe lɛ ka ǹ zɛnaa ǹ sii baraan nɛ.

Efɛɛzi minin 4:25

Bɛ lɛ a lɛa, ka soɛ-bɔ toa walan. Didie sonbore pɛ ǹ miã nɛ, a giala mà wɔ tumaa n gɔ̀nɔn goon a gùn lɛa.

Timəə dí-pɛn 25:1

Bɛ̀ zia wɔ minin bii, ǹ wo kiri wɔ ǹ bǎã nɛ, ǹ na a yɔrɔ bɔ. Bɛ̀ min mɛn zɛ̀rɛ bie wa, ǹ pɛ mà bɛ zɛ̀rɛ bie wa. Bɛ̀ min mɛn zɛ̀rɛ nɛ, ǹ pɛ mà bɛ zɛ̀rɛ nɛ.

Timəə dí-pɛn 27:25

Bɛ̀ min mɛn toa ǹ ná a lɛ pii ǹ nə́ da zɛ̀rɛbaãnaa dɛ ganaa, bɔ̀n na á bɛa dɛnaa yɛ! Bɛ kio, zaman lɛ tumaa pɛ: «A n miɛ̃!»

Tesaloniki1 5:22

Ka n bɔ sii baraa tɔrɔ tumaa nɛ.