Bɔ bɛ̀rɛbaa nɛ 23:31 - LAWA A BOO SONBORE

³¹ Kaa gána lɛ a golebaa n die boe Sawɛɛ tà kɛ ganaa, a wo Filisiti minin tà gole kɛ yaa, a bɔ Sinayii don kɛ dɔ ganaa, a wo Efrati tà kɛ yaa. Bɛ̀ masɛ gána lɛ a minin kɔ ka la ǹ mɛn waáraa, ka ǹ loo, ka ǹ bɔ ka nyɛɛnɛ,

LAWA A BOO SONBORE 2011

³¹ Kaa gána lɛ a golebaa n die boe Sawɛɛ tà kɛ ganaa, a wo Filisiti minin tà gole kɛ yaa, a bɔ Sinayii don kɛ dɔ ganaa, a wo Efrati tà kɛ yaa. Bɛ̀ masɛ gána lɛ a minin kɔ ka la ǹ mɛn waáraa, ka ǹ loo, ka ǹ bɔ ka nyɛɛnɛ,

Bɔ bɛ̀rɛbaa nɛ 23:31 ပူးပေါင်းရင်းမြစ်များ

Siin Giala 15:18

Bɛ lɛ a pinaa, Dɛnaa lɛ kɔ kɔn la doa kɔn ka Abramu ni, á pɛ-n kɛnɛn: «Man die gána kɛ lɛ koe n din tɔrɔn la, a saa Ezipti a tà ganaa, a wo Efrati tà gole kɛ yaa:

Kiin1 11:2

A da yaa bɛa gánan kɛn lɛn, ǹ nə́ ǹ ba Lawa doɛ̃ wa, Dɛnaa Lawa goã á boo da ka Izirayeli minin ni, ǹ wɔ paǹ li. Mà ǹ baran n lɔlɔkɔn ka bɛa gánan kɛn lɛn minin ni wa, mà bɛa gánan kɛn lɛn minin dɔn baran n ǹ lɔlɔ ǹ ganaa wa. A giala mà ǹ tá re ǹ yiri bɔyɛɛ ǹ nə ǹ kaa ǹ dìn guguru kɔ ganaa. Bɛa gánan kɛn lɛn manɛ, Salomɔn sɛ́ dama ǹ ganaa lɔn kɔɔ̃n kɔma-a taman yii.

Kiin1 20:13

Sɛnɛ Lawa a boo gii-dali goon daa n mɔrɔ Izirayeli gána a kii Akaabu lɛ ganaa, á pɛ nɛ: – Á ke, Dɛnaa Lawa n kɛ pii: «Ń sɔraasi damata kɛ yɛ? Ga! Man die ǹ we n gɔn pelo, n tá re doɛ̃ sonbore, mà masɛ n Dɛnaa Lawa lɛa.»

Kiin1 8:65

Salomɔn laanka Izirayeli minin tumaa bɛa zɔ́n lɛ zɛnaa kun bɛa biikoo lɛ li. Ǹ nə́ goã zaman gole lɛa, ǹ nə́ bɔ gána lɛ paǹ tumaa ganaa, ǹ nə́ daa n sɔkɔn. A n siɛ Lebo-Amaati kiwi ganaa, gɔsɛ a lɛ̀gɔn la a da Ezipti a lɛ̀ giala gɔn la tà kɛ yaa, gusin a lɛ̀gɔn la. Ǹ nə́ zɔ́n lɛ zɛnaa Dɛnaa Lawa yɔrɔ-a lɛawaa fúlusii: Lɛawaa sɔbaa bɔrɔ bɛ kio doo lɛawaa sɔbaa.

KZS2 9:26

Salomɔn din ni kiin tumaa mìi la, a kũ Efrati tà ganaa a wo Filisiti gána yaa, a kiɛ̃ a wo yǎa Ezipti gèlè ganaa.

Loen 72:8

N din toa, a kiibaa lɛ goã gána lɛ mìi la, a bɔ kɔ̀ goon ganaa, a wo dɔ goon kɔsɔ dɔ ganaa. Toa a bɔ Efrati tà kɛ ganaa, a wo dɔ kanaa lɛ-doa ganaa.

Minin nimi 21:34

Dɛnaa Lawa pɛ Muizu ni: «N baran nyɛ́ɛ baa-n wa. Masɛ á die we n gɔn, kɔnlɛ ka a zaman tumaa laanka a gána nɛ. Amɔɔrɔ tɔrɔn kii Sihɔn kɛ lɛ á goã pàã la Ɛsibɔn kiwi, a goã á sii mɛn zɛnaa bɛ nɛ, bɛ lɛ miã zɛnaa Ɔgu dɔ nɛ.»

Minin nimi 34:2

mà a boo da Izirayeli minin lɛn nɛ, a pɛ ǹ nɛ: «Bɛ̀ ka wɔ Kanaan gána lɛ nɛ, bǎã lɛ a kɛ n die kaawɔ biɛ, a n lɛ doa ka gèlèn kɛn nɛ:

Timəə dí-pɛn 1:7

Ka n bɔyaa kəni, ka zii saa, ka wo Amɔɔrɔ tɔrɔn kele yii tɔrɔn kɛn tumaa nɛ: Nyankɔrɔ lɛ kɛ nɛ ǹ nə́ bíi Arabaa, kele yii kɛ nɛ, ka bǎã kɛ nɛ ǹ nə́ bii *Sefela, diə bǎã kɛ nɛ gusin a lɛ̀gɔn la, Yìsi mu gole lɛ-a basa kɛ nɛ, Kanaan minin gána laanka Liban gána nɛ, yǎa tà gole kɛ lɛ-a, Efrati tà lɛ.

Timəə dí-pɛn 1:8

Ka ga: gána kɛ lɛ ka nyɛɛnɛ, má kɔ ka la. Ka kaa a nɛ, ka si ka baa kaa wɔ lɛa. A giala, masɛ Dɛnaa Lawa nə n liɛ, má maa á re gána lɛ koe ka digolo Abrahamu la, Izaaki ni ka Zakɔba nɛ, ma kɔ ka tɔrɔn dɔn la ka kio.»

Timəə dí-pɛn 11:24

Ka gòã bɛ́ re miɛ bǎã mɛn tumaa nɛ, bɛ á re kaa wɔ biɛ. Ka gèlè n die siɛ diə gole kɛ laanka Liban gána ganaa, a wo Efrati tà kɛ yaa, a kiɛ̃ a wo yǎa Yìsi mu gole kɛ lɛ-a lɛ̀nyɛɛnɛ.

Timəə dí-pɛn 2:33

Sɛnɛ, wɔa Lawa, Dɛnaa Lawa lɛ wɔ wɔ gɔn. Wɔ́ boo la, a din ni, a nɛnyaanan nɛ, ka a zaman lɛ tumaa nɛ.

Timəə dí-pɛn 2:36

A saa Aroɛɛrɛ kiwi ganaa Arnɔn tà lɛ-a, ka kiwi kɛ dɔ nɛ, bɛa nyankɔrɔ lɛ nɛ, a wo yǎa Galaati gána nɛ, kiwi kɔn piã wɔ ganaa wa. Wɔa Lawa, Dɛnaa Lawa lɛ ná a tumaa wɔ wɔ gɔn.

Timəə dí-pɛn 20:16

Sɛnɛ, tɔrɔn kɛn lɛn, kiwin mɛnɛn bɛ́ kaa Lawa, Dɛnaa Lawa nə́ ǹ koe ka la kaa wɔ lɛa, ka nyan màn kɔn toa walan á n fɔfoã sii wa.

Timəə dí-pɛn 3:2

Dɛnaa Lawa tɔ́n pɛ ma nɛ: «N baran nyɛ́ɛ baa-n wa. A giala, má wɔ n gɔn, a din ni, a zaman tumaa nɛ, ka a gána nɛ. Amɔɔrɔn kii Sihɔn mɛn goã giã-n Ɛsibɔn, n sii mɛn zɛnaa bɛ nɛ, bɛ lɛ miã zɛnaa a dɔ nɛ.»

Timəə dí-pɛn 6:19

Ka die ka kaa zɔ́ɔn kɛn tumaa loo ka ǹ bɔ a nɛ, ka Dɛnaa Lawa á ke á pɛ lɔn.

Timəə dí-pɛn 9:3

Ka dɔ̃ pelo, mà kaa Lawa, Dɛnaa Lawa lɛ din nə die miɛ̃ ka nyɛɛnɛ, ka tɛ á ke màn kuĩ lɔn. A din nə die ǹ dii, a ǹ kaa tán ka nyɛɛnɛ. Ka á re ǹ lui, ǹ papaã ǹ nə n bɔ walan bǎã goon, ka Dɛnaa Lawa bɛ́ á n lɛ kɔ ka la lɔn.

Zozoe 1:4

A kũ diə gole lɛ laanka Liban gána kɛ ganaa, a wo Efrati tà gole kɛ yaa, a Ɛti tɔrɔn gána kɛ tumaa da a nɛ, a wo yǎa kɔ̀ gole kɛ lɛ-a lɛ̀nyɛɛnɛ, ka dinin bǎã n die goɛ̃ ka bɛ tumaa nɛ.

Zozoe 10:19

Sɛnɛ, kasɛn kɛn baran golee wa. Ka kaa zɔ́ɔn lɛn loo, ka saa ǹ kiodɛnan ganaa ka ǹ dɛ. Ka baran toa kaa zɔ́ɔn lɛn nə dɔ ǹ kiwin ni wa. A giala, Dɛnaa Lawa, kaa Lawa lɛ, bɛ́ kaa zɔ́ɔn lɛn wɔ ka gɔn.»

Zozoe 10:8

Dɛnaa Lawa tɔ́n pɛ Zozoe ne: «N baran nyɛ́ɛ baa ǹ nɛ wa. A giala, má ǹ wɔ n gɔn. Min goon din ba re golee n nyɛɛn wa.»

Zozoe 13:6

Kele yii bǎã kɛ tumaa, a saa Liban gána ganaa a wo yǎa Misirefɔti-Mayimu kiwi, bɛ dɔ tá a nɛ. Bɛa bǎã lɛ a minin tumaa na á goã Sidɔn minin lɛa. Masɛ dinmaa-n die bɛa bǎãn kɛn lɛn minin lui ma ǹ bɔ Izirayeli minin lɛn nyɛɛnɛ. Sɛnɛ, ka masɛ pɛ n nɛ lɔn, ka n pã, n gána lɛ tatala n kɔ Izirayeli minin lɛn la.

Zozoe 2:24

Ǹ nə́ pɛ Zozoe-n kɛnɛn: «Taãn nɛ, Dɛnaa Lawa gána lɛ tumaa wɔ wɔ gɔn. Gána lɛ a minin tumaa din gɔ̀nɔn nə bìn diɛ wɔ nyɛɛnɛ.»

Zozoe 21:44

Dɛnaa Lawa là nyantoro kɔ ǹ la paǹ tumaa li, ka a bɛ́ á goã á pɛ ǹ digolon man lɔn. Ǹ zɔ́ɔn lɛn tumaa, ǹ kɔn boo la á golee ǹ nyɛɛn wa. Dɛnaa Lawa nə́ ǹ zɔ́ɔn lɛn tumaa wɔ ǹ gɔn.

Zozoe 23:14

«Masɛ mɛn nə́ ke, sisia bɛ̀ máa min tumaa a woo ǹ bǎã kɛa zii siɛ. Sɛnɛ, kasɛn kɛn nə dɔ̃ taãn-taãnɛ, ka ka foo tumaa nɛ, mà Dɛnaa Lawa lɛ, kaa Lawa lɛa, bɛ boon mɛnɛn tumaa da kaa wɔ paǹ li, ǹ kɔn goã kooro wa. A ná a tumaa a sii zɛnaa ka nɛ. Bɛa boon lɛn kɔn goã kooro wa.

Zozoe 24:11

«Ka Zurdɛ̃ tà kuru, ka daa ka dɔ Zerikoo. Zerikoo kiwi minin nə́ zia baa ka ganaa, Amɔɔrɔ tɔrɔn nɛ, Perɛzi tɔrɔn nɛ, Kanaan minin ni, Ɛti tɔrɔn nɛ, Girgazi tɔrɔn nɛ, Evii tɔrɔn nɛ ka Zebuzu tɔrɔn nɛ. Sɛnɛ, má ǹ wɔ Izirayeli minin lɛn gɔn.

Zozoe 24:12

Má yirigisiĩn dia ka nyɛɛnɛ, bɛn nə́ kaa zɔ́ɔn lɛn loo ǹ nə́ ǹ bɔ ka nyɛɛnɛ, ka a bɛ́ á n zɛnaa Amɔɔrɔ kii min paa kɛ-n lɔn. Ka bie ka bɛ zɛnaa ka kaa gɔya san nɛ wa, ka bie ka zɛnaa ka kaa san nɛ wa.

Zozoe 24:18

Dɛnaa Lawa din na á bɛa tɔrɔn kɛn lɛn tumaa loo á ǹ bɔ wɔ nyɛɛnɛ, ka Amɔɔrɔ tɔrɔn kɛn dɔn dinin ni giã-n gána lɛ nɛ. Bɛ lɛ n ke, wɔ dɔn man die dí nyɛɛ Dɛnaa Lawa nɛ, a giala, a din nə wɔsɛn Lawa lɛa.»

Zozoe 24:8

«Bɛ kio, má daa ka nɛ Amɔɔrɔ tɔrɔn gána nɛ, ǹ mɛnɛn lɛn bɛ́ giã-n Zurdɛ̃ tà kio, lɛ̀giala-n. Amɔɔrɔ tɔrɔn lɛn nə́ zia baa ka ganaa. Sɛnɛ, ma din ni má Amɔɔrɔ tɔrɔn lɛn wɔ ka gɔn, ka tɔ́n boo ǹ la, ká ǹ gána si. Ma din ni má ǹ dɛ, má ǹ bɔ ka nyɛɛnɛ.

Zozoe 8:18

Dɛnaa Lawa tɔ́n pɛ Zozoe ne: «Sɛmiɛ̃ mɛn bɛ́ n gɔn ke, a saa n dia Ayii kiwi lɛ la. A giala, masɛ n die we n gɔn.» Sɛmiɛ̃ mɛn goã Zozoe gɔn, á saa á dia Ayii kiwi lɛ la.

Zozoe 8:7

Sɛnɛ, bɛa biikoo li, kasɛn kɛn die ka soo kaa duru ǹ bǎã nɛ, ka kiwi lɛ kũ. A giala, Dɛnaa Lawa lɛ, kaa Lawa lɛa, bɛ lɛ á die kiwi lɛ we ka gɔn.

Zozoe 9:7

Izirayeli minin nə́ pɛ Evii tɔrɔn lɛn manɛ mà kɔntan ǹ giã ǹ bǎã din wɔlɔ á kunu ǹsɛn ganaa. Bɛ̀ á miɛ̃, mà ǹsɛn man siɛ lɔn ǹ tɔn lɛ kɔ kɔn la wɔ ka ǹ nɛ?

Sii yɔrɔ-bɔlen 1:4

Zudaa tɔrɔ minin nə́ woo, Dɛnaa Lawa dɔ Kanaan minin laanka Perɛzi tɔrɔn wɔ ǹ gɔn. Ǹ nə́ ǹ giĩ duu fù (10 000) dɛ Bezɛki gána nɛ.

Sii yɔrɔ-bɔlen 11:21

Dɛnaa Lawa lɛ, Izirayeli minin Lawa lɛa, á Sihɔn laanka a zaman tumaa wɔ Izirayeli minin lɛn gɔn, ǹ nə́ ǹ dɛ. Amɔɔrɔ tɔrɔn mɛnɛn nə goã giã-n gána lɛ nɛ, Izirayeli minin nə́ ǹ bǎãn tumaa si ǹ la, ǹ nə́ baa ǹ wɔ lɛa.

Samayeli1 23:4

Davida tɔ́n nɔ̀n da Dɛnaa Lawa la doo; Dɛnaa Lawa pɛ nɛ: «Yoo n zii saa, n wo Kelaa, a giala, ma á re Filisiti minin lɛn we n gɔn.»