Bɔ bɛ̀rɛbaa nɛ 23:27 - LAWA A BOO SONBORE

²⁷ «Ma á re ma din pàã kɛ diɛ ka nyɛɛnɛ. Ka bɛ́ re doe tɔrɔn mɛnɛn tumaa li, ma á re nyɛ́ɛ diɛ bɛn ganaa, ma ǹ lɔlɔkɔn, ka boo la, ka kaa zɔ́ɔn tumaa dɔ̀ɔ̃ koe yɛ, baa sii woe.

LAWA A BOO SONBORE 2011

²⁷ Ma á re ma din pàã kɛ diɛ ka nyɛɛnɛ. Ka bɛ́ re doe tɔrɔn mɛnɛn tumaa li, ma á re nyɛ́ɛ diɛ bɛn ganaa, ma ǹ lɔlɔkɔn, ka boo la, ka kaa zɔ́ɔn tumaa dɔ̀ɔ̃ koe yɛ, baa sii woe.

Bɔ bɛ̀rɛbaa nɛ 23:27 ပူးပေါင်းရင်းမြစ်များ

Siin Giala 35:5

Ǹ bɛ́ ǹ nə́ soo, ǹ nə́ n bɔ bǎã lɛ nɛ, Lawa nyɛ́ɛ tɔrɔ kɔ́n da lɛkoro lɛ-a kiwi minin ganaa. Min kɔ́n yii wɔ, á Zakɔba a nɛnyaanan lɛn kio loo wa.

Samayeli2 22:41

N din nə toɛ maa zɔ́ɔn lɛn tá baa sii ma nyɛɛnɛ. Min mɛnɛn bɛ́ ma biɛ zɔ́ɔ, ma á re bɔ̀n diɛ bɛn-a.

Kiin2 7:6

Dɛnaa na á goã á zɛnaa, Siirii minin nə́ màn wuu kɔn ma, ka n pɛ mà sɔraasi damata na a gialaa die ka sùin laanka ziabaa ǹ wotoron ne. Siirii minin lɛn nə́ tɔ́n pɛ kɔn nɛ: «Izirayeli gána a kii lɛ ná á Ɛti minin kiin laanka Ezipti minin kiin saa paa ganaa, mà ǹ da ziabaa wɔ ganaa.»

KZS2 14:14

Ǹ nə́ yoo tɔɔ-lɛduə̃lin zìãn gialaa, ǹ nə́ tɔɔ bisinin laanka nyɔɔmaa gigiã loo ǹ nə́ woo ǹ ne. Bɛ kio, ǹ nə́ tɔ́ nə n bɔyaa ǹ nə́ woo Zeruzalɛmu.

Loen 18:40

N din nə́ n ziabaa ǹ pàã kɔ ma la, ń maa zɔ́ɔn lɛn pusu n nə́ ǹ kɔ ma la.

Loen 21:12

Ǹ nə́ goã mà maǹ die sii baraa zɛnɛɛ n nɛ, ǹ nə́ taasiɛ baraa wɔ n wɔ paǹ li, sɛnɛ, a pàã ba re yii ǹ lon wa.

Bɔ bɛ̀rɛbaa nɛ 33:2

Ma á re lon a dia dí-a wole goon diɛ n nyɛɛnɛ, ma á re Kanaan minin lui, ka Amɔɔrɔ minin ni, Ɛti laanka Perɛzi minin ni, Ivii laanka Zebuzu minin ni.

Bɔ bɛ̀rɛbaa nɛ 34:24

Sonbore, bɛ̀ masɛ tɔrɔ kɔsɔn loo ma ǹ bɔ ka nyɛɛnɛ, maa kaa gána gole kɔ, min kɔ́n ba re a lɛn zoɛ̃, mà a n die kaa gána lɛ kuĩ bɛa biikoo sɔɔ kɛ lɛ gɔ́ɔ̃-n wa, ka bɛ́ re woe kaa Dɛnaa Lawa yɔrɔ-a biikoon mɛnɛn li ke lɛn.

Timəə dí-pɛn 11:23

a din tá re tɔrɔn kɛn lɛn tumaa lui a ǹ bɔ ka nyɛɛnɛ. Tɔrɔn mɛnɛn dinin nə́ ke gigiã ǹ nə́ la ka nɛ, ǹ pàã dɔ din la kaa wɔ nɛ, ka á re bɛn bǎã sii ka giã a nɛ.

Timəə dí-pɛn 11:25

Min kɔn din ba re boe la a golee ka nyɛɛnɛ a yɔ bɔ ka-a wa. Ka bɛ́ re boe gána lɛ a bǎã mɛn tumaa nɛ, kaa Lawa, Dɛnaa Lawa á re nyɛ́ɛ laanka foo biɛ na kiɛ minin ganaa ka kaa sii ni, ka a bɛ́ á pɛ ka-n lɔn.

Timəə dí-pɛn 2:25

Pelo dinin, man die nyɛ́ɛ laanka foo biɛ na diɛ kanaa tumaa a tɔrɔn ganaa ka kaa sii ni. Bɛ̀ ǹ nə́ ka boo ma lɔn, nyɛ́ɛ á die ǹ kuĩ, ǹ gɔ̀nɔn tá re bìn diɛ ka nyɛɛnɛ.»

Timəə dí-pɛn 6:19

Ka die ka kaa zɔ́ɔn kɛn tumaa loo ka ǹ bɔ a nɛ, ka Dɛnaa Lawa á ke á pɛ lɔn.

Timəə dí-pɛn 7:23

Sɛnɛ, kaa Lawa, Dɛnaa Lawa á re bɛa tɔrɔn kɛn lɛn we ka gɔn. Á re nyɛ́ɛ gole diɛ ǹ ganaa, ǹ tá re giɛ̃ ǹ nya.

Samayeli1 14:15

Nyɛ́ɛ wɔ Filisiti minin sɔraasin giã ǹ bǎã nɛ ka ǹ kiwin ni. Nyɛ́ɛ zaman lɛ tumaa kũ. Sɔraasin mɛnɛn nə goã giã-n bǎã lɛ nɛ ka ǹ mɛnɛn dɔn nə soo ǹ nə́ woo basaã kɔ, nyɛ́ɛ nə́ ǹ tumaa kũ. Tán bìn da. Lawa na á nyɛ́ɛ gole da ǹ ganaa.