Bɔ bɛ̀rɛbaa nɛ 23:25 - LAWA A BOO SONBORE

²⁵ Bɛ̀ ka dí nya kaa Dɛnaa Lawa dinsɔɔ̃ nɛ, ma din kɛ lɛ, ma á re barka we kaa màn-bii ni ka kaa mu ni. Ma á re ka kanbiɛ busu ganaa.

LAWA A BOO SONBORE 2011

²⁵ Bɛ̀ ka dí nya kaa Dɛnaa Lawa dinsɔɔ̃ nɛ, ma din kɛ lɛ, ma á re barka we kaa màn-bii ni ka kaa mu ni. Ma á re ka kanbiɛ busu ganaa.

Bɔ bɛ̀rɛbaa nɛ 23:25 ပူးပေါင်းရင်းမြစ်များ

Loen 103:3

A din nə maa sã ǹ siin tumaa toɛ ma nɛ, a din nə maa busun tumaa nyɛɛ.

Bɔ bɛ̀rɛbaa nɛ 15:26

Á pɛ ǹ nɛ: «Bɛ̀ ka ma lɛ si taãn-taãnɛ, ma din mɛn bɛ́ kaa Dɛnaa lɛa, sii mɛn bɛ́ pepere ma gɔn, bɛ̀ ka bɛ zɛnaa, ka n too kɔ maa dí-pɛn ganaa, ka ǹ zɛnaa, haya, ma a re dɔlɔ boe ka ganaa ka busun kɛn nɛ wa. Ma bɛ́ má busun mɛnɛn da Ezipti minin ganaa dɔlɔ lɛa ke lɛn. Sonbore, ma din nə Dɛnaa Lawa lɛ lɛa kaa busu nyɛɛ.»

Izayii 33:16

Bɛa dɛnaa lɛ n die goɛ̃ yii-nyɛɛ la kelen mìi ni. A duru ǹ bǎã n die goɛ̃ ka para yala nɛ. Á re màn-bii yii, mu á re nyaabiɛ a ganaa wa.

Izayii 33:24

Zeruzalɛmu kiwi, min kɔn ba re pii mà asɛ a lon wa. Zaman mɛn bɛ́ giã-n walan, ǹ tá re a sii baraan toɛ nɛ.

Zeremii 8:2

Ǹ tá re bɛa wen lɛn nyɔmiɛ tán bǎã tumaa nɛ, wasa li, mui yɔrɔ-a ka leere damata kɛn nɛ, ǹ nə́ ǹ narɛ, ǹ nə́ dí nya ǹ nɛ, ǹ nə́ kɔ ǹ lɛ, ǹ nə́ n gɔn nɔɔ ǹ la, ǹ nə́ ǹ guguru kɔ. Bɛ lɛ nɛ, min kɔn ba re ǹ wen goɛ a ǹ kaa yala-n doo wa. Sɛnɛ maǹ die mànan bù biɛ tán la.

Lawa a wúlu-bɔlen 11:44

A giala, masɛ Dɛnaa Lawa din nə kaa Lawa lɛa. A bɛ́ miɛ̃, ka ka dinin kũ Lawa wɔn lɛa, ka goã yoreene, a giala, masɛ n yoreene. Bɛa màn baaran kɛ lɛ tumaa, tɔ we tán ǹ nɔ̀ la, ka baran gɔ̀ da ka dinin ganaa ka bɛ kɔn nɛ wa.

Lawa a wúlu-bɔlen 26:3

Dɛnaa Lawa wusoo á pɛ: Ka kɔ masɛ a landa boon kɛn lɛ, ka maa gɔn waa ǹ boon kɛn tamaa, ka ǹ sii zɛnaa.

Malakii 3:10

Ka da ká kaa tán dí nya ǹ mànan lɛn tumaa a talɛɛ a fùbaa ǹ wɔ nɛ taãnɛ, maa màn koa ǹ kion kɛ nɛ, màn-bii boo la a yɛ, koa nɛ maa kion biikoo tumaa li. Ka á boe la ka n da ma gɔ́ɔ̃ li ka ga-a bɛa sii lɛ paǹ li. Masɛ Dɛnaa Lawa Pàãyiidɛnaa, ka á re yii man die lon a dɔǹɔn lɛ buĩ, bǐɛ̃ tɔrɔ tumaa n die kiɛ ka la mɔnaa nɛ.

Matiə 4:10

Yezu tɔ́n pɛ nɛ: – N tan n nə n bɔ kànaa, Sɛtaan! A giala, a kiɛ̃maa tá Lawa a boo ne: «Kaa tán n Dɛnaa Lawa dinsɔɔ̃ yɔrɔ-a n na a guguru kɔ.»

Timəə dí-pɛn 10:12

Sisia kəni Izirayeli minin lɛn, kaa Lawa, Dɛnaa Lawa n giɛ li, mà ka wàa zɛnaa? Bɛ̀ á n bɔ ka nyɛ́ɛ baa nɛ, ka kɔ a foo sii tumaa lɛ, ka narɛ, ka dí nya nɛ ka ka foo tumaa nɛ, ka ka gɔ́ɔ̃ tumaa nɛ.

Timəə dí-pɛn 10:20

Ka nyɛ́ɛ baa kaa Lawa, Dɛnaa Lawa yii ni, ka dí nya nɛ, ka n naa a din lɛ ganaa, ka n liɛ ka a din lɛ tɔ nɛ.

Timəə dí-pɛn 13:4

ka nyan nə n too kɔ bɛa Lawa a boo gii-dali hinlaa bɛa narɛɛ-wɔle kɛ lɛ lon wa. A giala, kaa Lawa, Dɛnaa Lawa lɛ nə n diɛ ka gɔ́ɔ̃ li á n giɛ a ganaa, bɛ̀ ka tá asɛ narɛ ka ka foo tumaa nɛ, ka ka gɔ́ɔ̃ tumaa nɛ.

Timəə dí-pɛn 6:13

Ka doamaa-n ka nyɛ́ɛ baa a dinsɔɔ̃ nɛ, ka a guguru kɔ, ka n liɛ ka a dinsɔɔ̃ tɔ nɛ.

Timəə dí-pɛn 7:13

Á re ka narɛ, a barka da ka ganaa, a toa ka mɔnaa. A n liɛ ka digolon ne, mà asɛ á re gána mɛn lɛ koe ka la, bɛ̀ ká dɔ walan, á re toɛ kaa nɛnyaanan nə mɔnaa, ka *belee gigiã yɛ, duvɛ̃ nɛ, ka nyɔɔ nɛ. Á re kaa diin mɔnɛɛ, kaa sèren ne ka kaa bòen ne.

Timəə dí-pɛn 7:15

Dɛnaa Lawa á re ka kanbiɛ busu tɔrɔ tumaa ganaa. A dɔlɔ mɛn tumaa da Ezipti minin mìi ni, ka á doɛ̃ taãn-taãnɛ, á re ka kanbiɛ bɛ ganaa, a re bɛ diɛ ka mìi-n wa. Sɛnɛ, min mɛnɛn bɛ́ ka biɛ zɔ́ɔ, a n die diɛ bɛn mìi ni.

Zozoe 22:5

Sɛnɛ, Dɛnaa Lawa lɛ, kaa Lawa lɛa, bɛa dí-nyali Muizu lɛ dí mɛn tumaa pɛ ka nɛ landa gɔ́ɔ̃ nɛ, ka n yiri koa bɛ li taãn-taãnɛ, ka kɔ lɛ. Dɛnaa Lawa lɛ, ka Lawa lɛa, ka bɛ lɛ narɛ, ka a foo sii zɛnaa, ka kɔ a dí-pɛn lɛ, ka n naa a din lɛ ganaa. Ka n dinin kɔ, ka dí nya a din lɛ nɛ, ka ka foo tumaa nɛ.»

Zozoe 24:21

Zaman lɛ wusoo á pɛ Zozoe ne: «N bɛ́ màn mɛn pii, taãn nɛ. Sɛnɛ, wɔsɛn man die dí nyɛɛ Dɛnaa Lawa nɛ.»

Zozoe 24:24

Zaman lɛ wusoo á pɛ Zozoe ne: «Wɔsɛn man die dí nyɛɛ wɔa Lawa, Dɛnaa Lawa lɛ nɛ, wɔ n die n too koe a din lɛ lon.»

Samayeli1 12:20

Samayeli pɛ zaman lɛ nɛ: «Ka baran nyɛ́ɛ baa wa! A laanɛ ka dinin man ka sii baraa bɔbɔnɛɛ kɛ zɛnaa ke, ka baran n paǹ kɔ Dɛnaa Lawa-n wa. Sɛnɛ ka Dɛnaa Lawa guguru kɔ ka ka foo din tumaa nɛ.

Samayeli1 12:24

Sii kɔsɔ banban, ka nyɛ́ɛ baa Dɛnaa Lawa yii ni, ka a guguru kɔ ka bɔlɔgoondɛnaabaa nɛ, ka ka foo din tumaa nɛ. A giala Dɛnaa Lawa sii dadaran mɛnɛn zɛnaa ka nɛ, ka ga bɛ-a dɛ!

Samayeli1 7:3

Samayeli tɔ́n pɛ Izirayeli minin lɛn tumaa nɛ: «Bɛ̀ á daa yaa ka n wusii die Lawa-a ka ka foo din tumaa ne, ka lawa soreen lɛn kaa, ka Asitartee nyínin ni. Ka n yɔrɔ dia Dɛnaa Lawa la, ka dí nya a dinsɔɔ̃ nɛ, bɛ kio, ka á re n sii Filisiti minin lɛn la.»