Bɔ bɛ̀rɛbaa nɛ 23:24 - LAWA A BOO SONBORE

²⁴ Sɛnɛ, ka baran n musin koa tán ǹ dìn yɔrɔ-a, ka ǹ guguru kɔ wa. Ka baran ǹ siin lɛn zɔɔ̃ wa. Ka ǹ dìn yɔyɔrɛ, ka ǹ tíĩn kɛn nɛ.

LAWA A BOO SONBORE 2011

²⁴ Sɛnɛ, ka baran n musin koa tán ǹ dìn yɔrɔ-a, ka ǹ guguru kɔ wa. Ka baran ǹ siin lɛn zɔɔ̃ wa. Ka ǹ dìn yɔyɔrɛ, ka ǹ tíĩn kɛn nɛ.

Bɔ bɛ̀rɛbaa nɛ 23:24 ပူးပေါင်းရင်းမြစ်များ

Kiin2 17:11

Walan, bɛa wúlu bɔ ǹ bǎãn kɛn lɛn tumaa la, ǹ nə́ da yon gìĩ kɔɔ̃n tã ka gánan kɛn wɔ bɛ́ lɔn Dɛnaa Lawa goã á ǹ loo á ǹ bɔ ǹ bǎã nɛ Izirayeli minin lɛn nyɛɛnɛ. Siin mɛnɛn bɛ́ ǹ ba siĩn wa, ǹ nə́ bɛn zɛnaa yǎa ǹ nə́ wɔ Dɛnaa Lawa lon.

Kiin2 17:8

Dɛnaa Lawa goã á gánan mɛnɛn loo á ǹ bɔ ǹ bǎã nɛ Izirayeli minin lɛn nyɛɛnɛ, bɛn nə goã landa siin mɛnɛn zɛnɛɛ Izirayeli minin lɛn dɔn nə́ goã bɛn zɛnɛɛ. Izirayeli gána a kiin nə goã ǹ nə́ soo ka landa siin mɛnɛn nɛ, Izirayeli minin lɛn nə́ goã bɛn dɔn zɛnɛɛ.

Kiin2 18:4

A din lɛ na á wúlu bɔ ǹ bǎãn lɛn papaã, á tíĩn yɔyɔrɛ, á dì Aseeraa nyín na kɔn. Muizu goã á miɛ̃ nyín mɛn zɛnaa ka zan nɛ, á bɛ dɔ nana kɔn, a giala Izirayeli nɛnyaanan lɛn man nə́ goã nyɔɔ gìĩ kɔɔ̃n tiɛ̃ tán bɛa miɛ̃ nyín lɛ nyɛɛnɛ, á daa dɔ bɛa biikoo lɛ ganaa. Maǹ nə́ goã miɛ̃ nyin lɛ bíi "Newusutan".

Kiin2 3:2

Sii mɛn bɛ́ baraa Dɛnaa Lawa yii li, Zoramu na á goã bɛ zɛnɛɛ, sɛnɛ a bie ka a na á goã ǹ di laanka ǹ dan wɔ kɛ miã tɔrɔ zɛnɛɛ wa. Ǹ di goã á tíĩ mɛn doa *Baali wɔ lɛa, Zoramu bɛ din wuru.

KZS2 14:2

Wúlu bɔ ǹ bǎãn mɛnɛn nə ke lawa soreen wɔ lɛa ka *wúlu bɔ ǹ bǎã kɔsɔn kɛn nɛ, á bɛn ziziɛ̃. Á tìĩ kɛn yɔyɔrɛ, á dì gɔnɔn kɛn kukuru.

KZS2 25:14

Amasiya bɛ́ á boo Edɔmu minin la, á n bɔyaa á daa ka Seyiri minin dìn nyínin ni. Á ǹ baa a lawan lɛa, a nə́ ǹ guguru koe, á n màn gìĩ kɔɔ̃n tiɛ̃ ǹ wɔ lɛa.

KZS2 33:2

Sii mɛn bɛ́ baraa Dɛnaa Lawa yii li, á bɛ zɛnaa. Dɛnaa Lawa goã á tɔrɔn mɛnɛn lɛn loo á ǹ bɔ Izirayeli nɛnyaanan nyɛɛnɛ, ǹ nə́ giã ǹ bǎã nɛ, Manaasee na á goã koe bɛn sii bɔbɔnɛɛn kɛn lɛ.

KZS2 33:9

Sɛnɛ, Manaasee Zeruzalɛmu minin laanka Zudaa gána minin kaa sii baraa zɛnaa ganaa. Ǹ sii zɛnaa baraa kɔ á la tɔrɔn kɛn wɔn manɛ Dɛnaa Lawa nə ǹ loo á ǹ bǎã kɔ Izirayeli minin la.

Loen 101:3

Ma ba re toɛ ma yii bɔ *gɔ̀ sii kɔn li wa. Wusoo Lawa kio wolen sii zɛnaa ǹ gɔn ba kɔɔ̃n ma ganaa wa, a gìĩ din ba ma dii wa.

Bɔ bɛ̀rɛbaa nɛ 20:3

- N baran Lawa kɔsɔ guguru kɔ masɛ kio wa.

Bɔ bɛ̀rɛbaa nɛ 20:5

N baran n kuməə bɛa lawan kɛn lɛn yɔrɔ-a, n nə ǹ guguru kɔ wa. A giala, masɛ din Dɛnaa, n Lawa lɛ, maa sii á kaka, maa lɛ koe lawa kɔsɔ ganaa wa. Man digolon sã a dɔlɔ boe ǹ nɛnyaanan ganaa, ka ǹ nɔ̀ɔnɔn nɛ, yǎa a woe doe nɔ̀ɔ fulupaa ganaa, bɛ̀ á daa yǎa ǹ ba masɛ narɛ wa.

Bɔ bɛ̀rɛbaa nɛ 23:13

«Ma bɛ́ má màn mɛn tumaa pɛ ka nɛ, ka n yiri kɔ bɛ li, ka zɛnaa tɛrɛɛnɛ. Ka baran lawa kɔsɔn nyankɔ wa, min baran ǹ tɔn dinin ma ka lɛ-n wa.

Bɔ bɛ̀rɛbaa nɛ 23:32

ka baran lɛ kɔ kɔn la wɔ ka ǹ dinin ni wa, ka nyan wɔ ka ǹ dìn ni wa.

Bɔ bɛ̀rɛbaa nɛ 23:33

Ka nyan toa ka goã kunun ǹ ni kaa gána lɛ-n wa. Màn mɛn bɛ́ toɛ, ǹ baran ka da sii baraa zɛnaa ganaa, ka wɔ masɛ lon wa. Bɛ bie wa, ka tá re ǹ dìn guguru koe, bɛ á re kan biɛ a ka kũ.»

Bɔ bɛ̀rɛbaa nɛ 32:20

Ǹ diin nɛ nyán mɛn lɛ zɛnaa, á bɛ saa, á da tɛ-n, a ná a gialakun kɛ lɔ mɔmɔnɔ, á kaa mu li, á kɔ Izirayeli nɛnyaanan lɛn la ǹ nə́ mi.

Ezekieli 16:47

N bie n kɔ ǹ zɛnaa ǹ siin kɛn dininsɔɔ̃nɔn lɛ wa, n bie n sii bɔbɔnɛɛn kɛn dininsɔɔ̃nɔn zɛnaa wa. A n ka ma nə n màn kɔn din zɛnaa wa. N zɛnaa ǹ sii lɛ baraa kɔ á la ǹ wɔ nɛ.

Ozee 10:2

Sonbore a boe minin kɛn gɔ́ɔ̃-n wa. Sisia kəni, a dɔlɔ á re n boe ǹ ganaa. Dɛnaa Lawa dinmaa n die ǹ wúlu bɔ ǹ bǎãn kɛn wurii. A din nə die ǹ tíĩn kɛn yuyui.

Lawa a wúlu-bɔlen 18:3

Ka giã Ezipti gána mɛn nɛ lɛlɛ, ka nyan toa ka bɛa minin kɛn giã ǹ gɔn saa wa. Ma bɛ́ re woe ka nɛ Kanaan gána mɛn dɔ nɛ, ka nyan toa ka bɛa minin kɛn giã ǹ gɔn saa wa. Landa boon kɛn, ka nyan toa ka kɔ bɛn lɛ wa.

Lawa a wúlu-bɔlen 26:1

Ka baran dìn zɛnaa wa. Ka baran màn nyín hinlaa tíĩ doa wa, ka baran kɔlɔ sɛlɛ ka da tán gána lɛ nɛ, ka bɛ guguru kɔ wa. A giala, masɛ din Dɛnaa Lawa n kaa Lawa lɛa.

Minin nimi 25:2

Bɛa lɔn lɛn man nə́ goã lɛ diɛ Izirayeli zaman lɛ la, ǹ dì wúlu bɔn ganaa. Zaman lɛ dɔ na á goã woe màn bii, bɛ̀ ǹ nə ǹ dìn lɛn guguru kɔ.

Minin nimi 33:52

ka die ka gána lɛ a minin tumaa loo ka ǹ bɔ ka nyɛɛnɛ, ka ǹ tíĩ kɔlɔn kɛn tumaa papaã, ka ǹ fɔlɔ yoe màn nyín zɛnaan kɛn tumaa nɛ. Ka die ka ǹ wúlu bɔ ǹ bǎãn tumaa ziziɛ̃.

Timəə dí-pɛn 12:3

Ka ǹ wúlu bɔ ǹ bǎãn kɛn yu, ka ǹ tíĩn yɔyɔrɛ, ka ǹ dì gɔnɔn kɛn tã. Ǹ màn nyínin mɛnɛn sɛlɛ ǹ nə́ ǹ baa ǹ lawan lɛa, ka bɛn yiyiɛ, ka ǹ tɔ papaã ka bɔ bǎã kɛ lɛ nɛ.

Timəə dí-pɛn 7:5

Sɛnɛ, ka bɛ́ re sii mɛn zɛnɛɛ bɛa tɔrɔ kɔsɔn lɛn manɛ, bɛ n ka kɛ nɛ: ǹ wúlu bɔ ǹ bǎãn kɛn, ka die ka bɛn wuru, ǹ tíĩn kɛn, ka bɛn wɔwoɛ̃, ka ǹ dì gɔnɔn kɛn kukuru, ǹ dìn kɛn, ka bɛn tã.