Bɔ bɛ̀rɛbaa nɛ 23:21 - LAWA A BOO SONBORE

²¹ Ka n dinin kũ, ka ma lɛ si, ka baran ma bɔlɔ tii wa. Ma á re kaa gɔ́ɔ̃-tii sii ma ganaa wa. A giala, bɛa lon a dia dí-a wole kɛ lɛ n dí-nyɛɛ masɛ din tɔ a lɛa.

LAWA A BOO SONBORE 2011

²¹ Ka n dinin kũ, ka ma lɛ si, ka baran ma bɔlɔ tii wa. Ma á re kaa gɔ́ɔ̃-tii sii ma ganaa wa. A giala, bɛa lon a dia dí-a wole kɛ lɛ n dí-nyɛɛ masɛ din tɔ a lɛa.

Bɔ bɛ̀rɛbaa nɛ 23:21 ပူးပေါင်းရင်းမြစ်များ

Loen 2:12

Ka a nɛgiĩ lɛ guguru kɔ. Bɛ bie wa, bɛ̀ a foo yoo, ka laan bɛ̀ ka dɔ̃, bɛ̀ bɔ̀n ka yɛ. A giala, a foo á re yui fufuu. Min mɛnɛn bɛ́ kiɛ Dɛnaa yele, bɛn foo á re kɔɔ̃n koe.

Loen 72:19

Barka tá Lawa Gole lɛ ganaa, yǎa duduu. Kanaa din tumaa die a pã ka a gugurubaa nɛ. A n baa miɛ̃, a n baa miɛ̃!

Loen 78:40

Ǹ nə́ n gòãn dii Dɛnaa Lawa ganaa gunyin gigiã, ǹ nə́ wɔ a lon don sa bii gunyin damata.

Loen 78:56

Bɛ tumaa kio, Izirayeli tɔrɔn nə́ n gòãn dii Lawa ganaa, ǹ nə́ n da Lon a Lawa Gole kɛ gɔ́ɔ̃ li, ǹ kɔ a da ǹ boon lɛ wa.

Loen 83:18

Toa nyɛ́ɛ laanka sìi nə ǹ kũ biikoo tumaa li, ǹ gã puusə kɔ gɔ́ɔ̃ nɛ.

Bɔ bɛ̀rɛbaa nɛ 3:14

Lawa pɛ Muizu-n kɛnɛn: – Ma tɔ n "Ma Tan". A pɛ Izirayeli nɛnyaanan lɛn manɛ, mà "Ma Tan" na á n dia ǹ li.

Bɔ bɛ̀rɛbaa nɛ 32:34

Kanna kəni, woo! Zaman kɛ lɛ nyɛɛnaan bɔ, ma bǎã mɛn pɛ n nɛ, wo-n walan. Ma din a lon a dia dí-a wole n die tɔ we n nyɛɛnɛ. Sɛnɛ, bɛ̀ ma yoo ǹ mɛn pinaa, ma á re dɔlɔ boe ǹ ganaa ǹ sii baraan lɛa.»

Bɔ bɛ̀rɛbaa nɛ 6:3

Má n din nyaa Abrahamu ni, Izaaki laanka Zakɔba nɛ, "Lawa Pàãyiidɛnaa" lɛa, sɛnɛ, ma tɔ ke "Dɛnaa" ke, man din nyaa ǹ nɛ ka bɛ-n wa.

Izayii 42:8

Man Dɛnaa Lawa lɛa. Bɛ lɛ n ma tɔ lɛa. Maa gugurubaa ke, bɛa doe min kɔn ganaa wa. Ma ba maa tɔ golebaa kɛ toɛ dì nyínin kɛn manɛ wa.

Izayii 45:6

Bɛ lɛ nɛ, a kũ lɛ̀giala ganaa a wo lɛ̀nyɛɛn yaa, min tumaa á re doɛ̃, mà màn kɔn banban á kiɛ̃ masɛ la wa. Ma din ni Dɛnaa Lawa lɛa, kɔsɔ banban.

Izayii 57:15

Min mɛn bɛ́ ǹ ná a guguru koe ǹ ná a laakalɛɛ, a ná a tan duduu, a tɔ n "Sonbore", a bɛ́ boo mɛn pii á ke: Man giã-n bǎã sonbore ne, lon sɔsɔɔ, Sɛnɛ, man kun ka nɔmaa-wolen dɔn nɛ, ka foo ziziɛ̃ wolen ne. Man yiikoonaabaa koe nɔmaa-wɔlen la, ka foo ziziɛ̃ wolen ne.

Izayii 7:14

Bɛ lɛ nɛ, Dɛnaa din nə die sii a kɔnboe koe ka la: Á ke, nɛnɛn tá re nɔ̀ sii, a nɛgiĩ yɛ. Á re a tɔ koe Emanuwɛli, bɛ giala mà "Lawa tá kun ka wɔ nɛ".

Izayii 9:5

A giala, nɛnyaan tiɛɛ̃n na á yɛ, nɛginin ni, wɔa wɔ lɛa. Kiibaa nə́ n kɔ la. A tɔ n die goɛ̃: Doroo wole sonbore, Lawa Pàãyiidɛnaa, Díi lɛa, yǎa duduu, là nyantoro kii.

Izayii 9:6

A kiibaa n die gole koe. Là nyantoro mɛn bɛ́ duduu wɔ lɛa, a n die bɛ koe a zaman la. A n die giɛ̃ Davida a kii dankan la, a giã a gána mìi la. A kũ sisia ganaa yǎa duduu, a n die pàã we a gána nɛ, a kaka kɔ, peperebaa laanka sonborebaa barka nɛ. Dɛnaa Lawa Pàãyiidɛnaa a miãgoã-bɔ kɛ n diɛ bɛ a zɛnɛɛ ganaa.

Zeremii 23:6

Bɛa waáraa kəni, Zudaa gána á re goɛ̃ a din gɔn wìi á lɛa, Izirayeli zaman goã yii-nyɛɛ la. Ǹ bɛ́ re tɔ mɛn koe a ganaa, á ke: «Dɛnaa Lawa n wɔ kirisibaali lɛa.»

Zeremii 5:7

Man makara boe n ganaa lɔn kəni Zeruzalɛmu? N nɛnyaanan nə́ n la bɔ ma ganaa. Mànan mɛnɛn bɛ́ ǹ ba Lawa lɛa wa, maǹ liɛ we ka bɛn tɔ nɛ. Ǹ bɛ́ màn mɛn tumaa li, má a tumaa kɔ ǹ la. Sɛnɛ, ǹ nə́ naarɛbaa zɛnaa, ǹ nə́ kɔn nyɛnyɛnaa ǹ nə́ woo kɔrɔbaa ǹ kion.

Malakii 3:1

Dɛnaa Lawa Pàãyiidɛnaa a lɛ si ǹ boo n ka kɛ nɛ: Á ke, má maa dia dí-a wole dia máa a da zii zɛnaa ma nyɛɛnɛ. Ka bɛ́ giɛ dɛnaa mɛn li, á re we Lawa a kion a din bǎã-n gɔrɔ, maa boo gii-dali mɛn bɛ́ ka n duĩ, á re maa lɛ kɔ kɔn la ǹ boo lɛ pii ka nɛ. Á ke yii die, Dɛnaa Lawa Pàãyiidɛnaa na á pɛ.

Minin nimi 14:11

Dɛnaa Lawa boo da Muizu ni á pɛ nɛ: «Zaman kɛ n die n yii we masɛ la yǎa biĩ kəni? Ma sii nyaa ǹ siin mɛnɛn tumaa zɛnaa ǹ bii, maǹ die n tiɛ̃ bɛn kio, ǹ nə́ ǹ ba n foo doɛ masɛ ganaa wa, yǎa biĩ kəni?

Minin nimi 14:35

Masɛ din Dɛnaa Lawa n má boo da. Bɛa zaman tìĩ-bɔle kɛ lɛ, ǹ nə́ n lɛ kaa kun ǹ nə́ yoo masɛ gialaa, ma n die ǹ kuĩ ka yɔrɔ kɛ tɔrɔ nɛ: Ǹ tumaa n die nyɛɛ diə gole kɛ nɛ. Maǹ die giɛ̃ kànaa lɛ nɛ.»

Matiə 1:23

«Nɛnɛn mɛn bɛ́ a tɔn giĩ dɔ̃ wa, á re nɛgiĩ yii, ǹ tá re a tɔ koe Emanuwɛli, bɛ giala mà "Lawa tá kun wɔ nɛ".»

Matiə 17:5

A bɛ́ bɛa boo lɛ diɛ, labara tɛ-pɛle goon nə́ n kuməə ǹ ganaa. Boo-diɛ lɛ bɔ bɛa labara lɛ gɔ́ɔ̃ nɛ á pɛ: «Kɛ n maa Nɛgiĩ lɛa, ma á narɛ parsiini, ma din ni má bɔ. Ka n too kɔ a lon!»

Zaã a sɛ́wɔ 10:30

Ma laanka maa Díi ni, wɔ n goon toto.»

Zaã a sɛ́wɔ 10:38

Sɛnɛ, bɛ̀ ma tá bɛn nyɛɛ, haalɛ ta ka ba re golee masɛ li wa, ka waa bɛa zɛnaa ǹ siin lɛn sɛn la, màn mɛn bɛ́ toɛ, ka dɔ̃ taãn-taãnɛ, mà maa Díi tá kun ka ma nɛ, ka masɛ dɔ bɛ́ kun ka maa Díi-n lɔn.»

Zaã a sɛ́wɔ 5:23

màn mɛn bɛ́ toɛ, min tumaa Nɛgiĩ lɛ guguru kɔ, ka ǹ bɛ́ a Díi guguru koe lɔn. Bɛ̀ min mɛn ba Nɛgiĩ lɛ guguru koe wa, a Díi mɛn dia, bɛa dɛnaa na a ba bɛ dɔ guguru koe wa.

Efɛɛzi minin 4:30

Ka nyan gù-basiɛ̃ da Lawa a Yiri Fu ganaa wa. A din nə Lawa a nyaǹ lɛa ka ganaa. Wɔ n doɛ̃ bɛ lɛ li, wáa Lawa á die wɔ sii sii baraa la lenlen ǹ kɔn pinaa.

Timəə dí-pɛn 18:19

Maa boon mɛnɛn lɛn bɛ́, Lawa a boo gii-dali lɛ á re ǹ pii ka ma tɔ nɛ, bɛ̀ min mɛn nə n too kɔ bɛn li wa, ma á re a dɔlɔ boe bɛa dɛnaa ganaa.

Timəə dí-pɛn 9:7

Ka sii mɛn zɛnaa, ká kaa Lawa, Dɛnaa Lawa lɛ foo yoo ne don, ka n yiri kɔ bɛ li, ka nyan toa ka yiri bɔ ka bɛ-n wa. A saa kaa soo Ezipti gána-n ganaa, a da kaa kaa dɔ kànaa kɛ lɛ, ka gòãn man dii-n kɔn ka Dɛnaa Lawa-n miɛ̃.

Kolɔɔsi minin 2:9

Sɛnɛ Krita lɛ sɛ n màn dadaran laanka a goledɛnan kɛn tumaa mìi la. Lawa a Lawabaa din tumaa na á kaa kun, á minbuiin baa asɛ nɛ, á giã a nɛ ka a lɛ-piɛ̃maa nɛ. Kasɛn dɔn kaa-kun ka Krita-n lɛ barka nɛ, ka Lawa a sii tumaa lɛ-piɛ̃ yɛ.

Ebrəə 12:25

Ka n yiri kɔ ka dinin li, ka baran n piã mà ka a n too koe Lawa kɛ lon, boo diɛ ka-n wa. A giala, Izirayeli minin lɛn bɛ́ Sinayii kele li, ǹ nə n too kɔ ǹ gɔn waaman wole lɛ lon wa. Ǹ kirisibaa dɔlɔ lɛ ganaa wa. Sanparɛ ka wɔsɛn nɛ, bɛ̀ wɔ́ n piã wɔ n too kɔ lon a Lawa kɛ lon boo diɛ wɔ-n wa, wɔ dɔn ba kirisibiɛ dɔlɔ lɛ ganaa wa,

Ebrəə 3:16

Dien man nə́ Lawa lɛ lɛ ma, ǹ nə́ n piã-n dɔn? Muizu min mɛnɛn tumaa nyɛɛnaan bɔ, á soo ǹ ne Ezipti gána nɛ, bɛn lɛn manɛ.

Zozoe 24:19

Zozoe tɔ́n pɛ zaman lɛ nɛ: «Ka nyan toa ka taasɛ mà dí nya Dɛnaa Lawa nɛ n sii nanaa lɛa wa. A giala, a n Lawa *yoreen lɛa, Lawa mɛn bɛ́ a ba li ka kɔsɔ ti asɛ ganaa wa. Kaa piãn sii kɛn laanka kaa sii baraan kɛn nɛ, a die bɛn toɛ ka nɛ wa.

Zaã1 5:16

Sii baraa mɛn bɛ́ a woe ka min ni gɛ̀-n wa, bɛ̀ min nə́ ǹ dɔɔ̃n yɛ bɛ zɛnɛɛ, a Lawa nyankɔ, Lawa á re yiikoonaabaa koe ǹ dɔɔ̃n kɛ lɛ la, bɛ̀ á daa yaa sonbore, sii baraa kɛ lɛ á zɛnaa, bɛ̀ a ba woe-n gɛ̀-n wa. Sɛnɛ, sii baraa goon tan, a n woe ka min ni gɛ̀ nɛ, ma bie máa ka Lawa nyankɔ bɛa sii baraa kɛ miã a lɛa wa.

Sii-nyaan 1:8

Wɔa Dɛnaa Lawa mɛn bɛ́ á goã a tan, a na a tan, a n die die, a n Pàãyiidɛnaa lɛa, bɛ́ pɛ: «Ma din nə bibinaa lɛa, ma din nə giala-nyɔmɔɔ dɔ lɛa.»

Sii-nyaan 2:23

Ma á re a nɛnyaanan tumaa dii. Ka bɛ nɛ, Lawa a sɔmɔ minin tumaa á re doɛ̃, mà min mɛn bɛ́ minbuiin tumaa a taasiɛn doɛ̃, ka ǹ foo sii duriin ni, mà bɛ n ka masɛ nɛ. Ma á re ka gogoonmaa sarɛɛ, a kɔnpɛ ka a din a sii-zɛnaan nɛ.

Sii-nyaan 2:8

Sɛ́wɔ kɛ kiɛ̃ n dia Simirnin Lawa a sɔmɔ a lon a dia dí-a wole la: «Masɛ mɛn bɛ́ bibinaa lɛa, má n giala-nyɔmɔɔ dɔ lɛa, má goã má gã, sɛnɛ, má wusoo má yiikoonaabaa yɛ, man pii ka nɛ:

Sii-nyaan 3:7

Sɛ́wɔ kɛ kiɛ̃ n dia Filadɛlfiin Lawa a sɔmɔ a lon a dia dí-a wole la: «Masɛ mɛn bɛ́ sonbore lɛa, man taãn lɛa, Davida a goo nɛ n ma gɔn, bɛ̀ má kiɛnlɛ tã, min kɔ́n ba boe la a bũ wa, bɛ̀ má bũ, min kɔ́n ba boe la a tã wa, ma bɛ́ màn mɛn pii, á ke:

Sii yɔrɔ-bɔlen 13:18

Dɛnaa Lawa a lon a dia dí-a wole lɛ pɛ nɛ: Wàa na á baa, n tá nɔ̀n diɛ ka ma tɔ nɛ? Ta má pɛ n nɛ, n ba re a giala miɛ wa.