Bɔ bɛ̀rɛbaa nɛ 23:20 - LAWA A BOO SONBORE

²⁰ «Ma á re lon a dia dí-a wole diɛ ka nyɛɛnɛ, a ka tamaa zii la, a wo ka nɛ gána kɛ nɛ, ma din ná a yɔrɔ bɔ.

LAWA A BOO SONBORE 2011

²⁰ Ma á re lon a dia dí-a wole diɛ ka nyɛɛnɛ, a ka tamaa zii la, a wo ka nɛ gána kɛ nɛ, ma din ná a yɔrɔ bɔ.

Bɔ bɛ̀rɛbaa nɛ 23:20 ပူးပေါင်းရင်းမြစ်များ

Siin Giala 15:18

Bɛ lɛ a pinaa, Dɛnaa lɛ kɔ kɔn la doa kɔn ka Abramu ni, á pɛ-n kɛnɛn: «Man die gána kɛ lɛ koe n din tɔrɔn la, a saa Ezipti a tà ganaa, a wo Efrati tà gole kɛ yaa:

Siin Giala 24:40

Á ma lɛ si á pɛ: «Ma bɛ́ Dɛnaa mɛn a zii tɔ we, a din lɛ n die a lon a dia dí-a wole diɛ n nyɛɛnɛ, a n tɔ-wɔ lɛ bǐɛ̃ kɔ. Ma din dɔɔ̃nɔn nɛ wɔ lɔ lɛa ma din dikion, n kɔ maa nɛgiĩ lɛ la.

Siin Giala 24:7

Dɛnaa, lon a Lawa na á masɛ bɔ ma dikion, maa yɛ ǹ gána nɛ, á boo da ma nɛ, á liɛ kɛ wɔ ma nɛ, mà asɛ á re gána kɛ lɛ koe ma tɔrɔn la. A din Lawa lɛ á die a lon a dia dí-a wole diɛ n nyɛɛnɛ. Lɔ saa walan masɛ a nɛgiĩ lɛ wɔ lɛa.

Siin Giala 48:16

Lon a dia dí-a wole mɛn bɛ́, á ma kirisibaa sii baraa tumaa ganaa, a din die a barka da nɛgininin kɛn ganaa. Lawa toa ma tɔ nə n bíi ka ǹsɛn lɛn barka nɛ, ka ma di gole Abrahamu laanka ma di Izaaki wɔ bɛ́ n bíi lɔn. Lawa die a n tɔrɔ mɔnaa gána lɛ nɛ.

Loen 91:11

A giala, á re pii a lon a dia dí-a wolen manɛ, mà ǹ nə n tamaa bǎã tumaa nɛ.

Bɔ bɛ̀rɛbaa nɛ 14:19

Dɛnaa a lon a dia dí-a wole mɛn goã tɔ we Izirayeli nɛnyaanan lɛn nyɛɛnɛ, bɛ́ kiɛ̃ á giã ǹ kio ganaa. Tɛmaa bara lɛ dɔ yoo ǹ nyɛɛnɛ, á daa ǹ kio.

Bɔ bɛ̀rɛbaa nɛ 15:16

Nyɛ́ɛ laanka yɔrɔ-kɔsiɛ á re kirii ǹ la. Dɛnaa, n pàã gole kɛ a lɛa, ǹ gù á re goɛ̃ giɛ̃ nɛ, yǎa n din a zaman kɛ kiɛ̃, n zaman mɛn lɛ si n baa n din wɔ lɛa.

Bɔ bɛ̀rɛbaa nɛ 15:17

N nə n die woe ǹ ne, n nə́ ǹ kaa kele kɛ la, kele mɛn lɛ bɛ́ n din wɔ lɛa. Dɛnaa, n din nə n bɛa bǎã kɛ lɛ zɛnaa, mà nsɛ n die giɛ̃ a nɛ, n nə n din guguru kɔ ǹ bǎã koa a nɛ.

Bɔ bɛ̀rɛbaa nɛ 23:23

Maa lon a dia dí-a wole lɛ n die ka nyɛɛnaan boe, a wɔ ka-n gána kɛ nɛ, Amɔɔrɔ minin laanka Ɛti minin wɔ lɛa, ka Perɛzi minin ni, Kanaan minin ni, Ivii minin ni ka Zebuzu minin ni. Ma á re bɛa tɔrɔn kɛn lɛn dii, ma ǹ bɔ ka nyɛɛnɛ.

Bɔ bɛ̀rɛbaa nɛ 32:34

Kanna kəni, woo! Zaman kɛ lɛ nyɛɛnaan bɔ, ma bǎã mɛn pɛ n nɛ, wo-n walan. Ma din a lon a dia dí-a wole n die tɔ we n nyɛɛnɛ. Sɛnɛ, bɛ̀ ma yoo ǹ mɛn pinaa, ma á re dɔlɔ boe ǹ ganaa ǹ sii baraan lɛa.»

Bɔ bɛ̀rɛbaa nɛ 33:14

Dɛnaa Muizu lɛ si: «Ma n giɛ li masɛ dinmaa daa, ma wo susui kɔ ǹ la?»

Bɔ bɛ̀rɛbaa nɛ 33:2

Ma á re lon a dia dí-a wole goon diɛ n nyɛɛnɛ, ma á re Kanaan minin lui, ka Amɔɔrɔ minin ni, Ɛti laanka Perɛzi minin ni, Ivii laanka Zebuzu minin ni.

Izayii 63:9

Ǹ nɔmaan kɛn tumaa gɔ́ɔ̃ nɛ, a dɔ nɔmaa. Lawa a dia dí-a wole mɛn bɛ́ golee ne a yɔrɔ-a, bɛ lɛ dinmaa na á ǹ kirisibaa. A kɔn-narɛɛ laanka a makara-doɛ̃ kɛ taman yii, á ǹ si á ǹ kaa. Ǹ sii tumaa gɔ́ɔ̃ nɛ, á n dɔ ǹ lɛ, á goã kunun ǹ ni lɛawaan kɛn tumaa gɔ́ɔ̃ nɛ ǹ nə́ kiɛ̃.

Zakarii 12:8

Bɛa waáraa kəni, Dɛnaa Lawa á re Zeruzalɛmu minin tamɛɛ: Pàã n die goɛ̃ ǹ pàãwɛɛnaan lon ka Davida bɛ́ lɔn. Davida a sumu minin man die goɛ̃ ka Lawa bɛ́ lɔn, ka Dɛnaa Lawa a lon a dia dí-a wole bɛ́ lɔn.

Malakii 3:1

Dɛnaa Lawa Pàãyiidɛnaa a lɛ si ǹ boo n ka kɛ nɛ: Á ke, má maa dia dí-a wole dia máa a da zii zɛnaa ma nyɛɛnɛ. Ka bɛ́ giɛ dɛnaa mɛn li, á re we Lawa a kion a din bǎã-n gɔrɔ, maa boo gii-dali mɛn bɛ́ ka n duĩ, á re maa lɛ kɔ kɔn la ǹ boo lɛ pii ka nɛ. Á ke yii die, Dɛnaa Lawa Pàãyiidɛnaa na á pɛ.

Minin nimi 20:16

Wɔ tɔ́n nə n lɛ dɛ Dɛnaa Lawa ganaa, á wɔa lɛ-dɛ lɛ ma, á lon a dia dí-a wole goon dia á daa wɔ waa á soo wɔ nɛ Ezipti gána lɛ nɛ. Á ke, wɔ n kaa gána gèlè la Kadɛsi kiwi, wɔ n walan sisia.

Minin nimi 22:22

Sɛnɛ, Lawa bɛ́ á Balaamu yɛ woe, a foo yoo li. Dɛnaa Lawa a lon a dia dí-a wole goon tɔ́n woo n doa zii la, á n die zii tiɛ̃ a ganaa. Balaamu lɛ na á goã a dundun dan la, a dí-nyali min paa ń kun ni.

Matiə 25:34

Kii lɛ á die pii a gusin-dɛnan lɛn manɛ: «Ma Di Lawa barka da kasɛn mɛnɛn ganaa, á kiibaa ǹ bǎã zɛnaa á koa ka nɛ haalɛ kanaa a giala kɔ waáraa, ka da giã kaa bǎã nɛ.

Zaã a sɛ́wɔ 14:3

Bɛ̀ má woo bǎã zɛnaa má koa ka nɛ, ma á re wusii ma daa, ma ka goa ma wo ka nɛ ma din li, màn mɛn bɛ́ toɛ, ma bɛ́ bǎã mɛn nɛ, ka dɔn nə goã walan.

Timəə dí-pɛn 33:2

A na á pɛ kɛnɛn: «Dɛnaa Lawa bɔ Sinayii kele la á daa, a na á n toa Seyiiri gána nɛ á daa ǹ lɛa, ka wasa bɛ́ lɔn, á n toa Paran kele la, á wasa kaa a minin lɛn ganaa. Á daa a minin li, kun ka lon a dia dí-a wole duu damata nɛ, ka a dí-pɛ tɛdɛnaa kɛ nɛ a gɔn.

Zozoe 23:5

Dɛnaa Lawa lɛ, kaa Lawa lɛa, a din tá re ǹ lui, a ǹ bɔ ka nyɛɛnɛ, a din tá re baa diɛ ǹ gòã li, ka tá re ǹ gána sii ka n kɔ lɛ, ka kaa Lawa, Dɛnaa Lawa bɛ́ á goã á pɛ ka-n lɔn.

Zozoe 5:13

Zozoe bɛ́ Zerikoo kiwi lɛkoro-a, á n yii saa á ga, bɛ̀ giĩ goon nə́ ke golee ne a nyɛɛnɛ ka a gɔya sa nɛ a gɔn. Zozoe nə́ n zɔ̃ á dɔ a li, á nɔ̀n da la kɛnɛn: «Ma n kun ka wɔsɛn nɛ hinlaa, ma n kun ka wɔsɛn zɔ́ɔn nɛ?»

Zozoe 5:14

A ná a lɛ si: «Haayii! Man Dɛnaa Lawa a zia-baalin goledɛnaa lɛa. Maa daa n ka kɛ nɛ.» Zozoe na, á kaa tán a giulun á n mìi kuməə, á pɛ nɛ: «Maa dɛnaagiĩ, masɛ nə n bɛ̀rɛgiĩ lɛa. Wàa mɛn boo nə n lɛ-n kəni, n nə́ die pii masɛ nɛ?»

Zozoe 6:2

Dɛnaa Lawa tɔ́n pɛ Zozoe ne: «Ga, má Zerikoo kiwi lɛ wɔ n gɔn, a kii kɛ nɛ, ká a zia-baali foo tãnaan kɛn nɛ.