Bɔ bɛ̀rɛbaa nɛ 23:19 - LAWA A BOO SONBORE

¹⁹ «Ka da ka wuru màn-kurii bibinaan nɛ, kaa Dɛnaa Lawa a Kion. «Ka baran bòe nɛ siĩ kɔrɛ ǹ dan nyɔ mu li wa.

LAWA A BOO SONBORE 2011

¹⁹ Ka da ka wuru màn-kurii bibinaan nɛ, kaa Dɛnaa Lawa a Kion. Ka baran bòe nɛ siĩ kɔrɛ ǹ dan nyɔ mu li wa.

Bɔ bɛ̀rɛbaa nɛ 23:19 ပူးပေါင်းရင်းမြစ်များ

Nehemii 10:35

Màn mɛn bɛ́ kiɛ̃ nɛ landa sɛ́wɔ kɛ nɛ, a kɔnpɛ ka bɛ nɛ, biikoon man nə́ n koa. Lɛ̀ tunaa nɛ bɛa biikoon lɛn li, gɔn doamaa nɛ a da wɔa Lawa a kion, wɔa sumun lɛ yii li, Lawa gɔ ǹ màn lɛa, màn mɛn bɛ́ toɛ ǹ tɛ koa nɛ wɔa Lawa, Dɛnaa Lawa a *wúlu bɔ ǹ bǎã kɛ la. Lawa a wúlu-bɔlen ne, Levii tɔrɔn nɛ ka zaman lɛ nɛ, wɔ́ n pã bɛa wúlu màn tã ǹ gɔn kɛ lɛ a sii ganaa.

Nehemii 10:36

Wɔ́ lɛ kɔ, wáa lɛ̀ tunaa nɛ, wáa wɔ á re die ka wɔa tán màn lɛ bibinaa laanka da din tumaa a lɛ da ǹ nɛ nɛ, Dɛnaa Lawa a kion.

Bɔ bɛ̀rɛbaa nɛ 22:28

«Ka doamaa bie ka goã kio ka masɛ Lawa wɔ gii ni, *belee wɔ paǹ li wa, duvɛ̃ nɛ ka *olivie nyɔɔ nɛ. «Ka kaa nɛgiĩ bibinaan koa masɛ din wɔn lɛa.

Bɔ bɛ̀rɛbaa nɛ 22:29

Ka zɛnaa bɛa yɔrɔ kɛ lɛ la ka kaa diin ni, kaa sèren ne. Ǹ nɛ bibinaa lɛ gɔ̀lɔ̀n lɛa, ka ǹ toɛ kunun ǹ dan nɛ lɛawaa sɔbaa ǹ yɛ kio. A lɛawaa kiwisibaa ǹ wɔ pinaa, ka dɛ *wúlu màn lɛa, ka kɔ masɛ la.

Bɔ bɛ̀rɛbaa nɛ 34:26

Ka toa, ka da ka kaa tán màn tumaa a nɛ bibinaa nɛ, masɛ a Kion kɛ nɛ, a giala, masɛ din Dɛnaa n kaa Lawa lɛa.» Ka baran bòe nɛ siĩ da ǹ dan nyɔ li ka kɔrɛ wa.

Suusun 12:10

Min pepere tá n yiri koɛ a tɔɔn li. Sɛnɛ min baraa ba makara goon din doɛ̃ wa.

Suusun 3:9

Dɛnaa Lawa tɔ bɔ ka n gɔn mànan nɛ, n nə n kaa-piɛ màn bibinaa kɔ la.

Zeremii 10:3

Sonbore, tɔrɔ kɔsɔn landan kɛn man sii kooron lɛa. Maǹ gɔn kuri daã nɛ, gɔn-sɛlɛli dì nyín sɛlɛ la.

Ezekieli 44:30

Màn tumaa a lɛ bibinaa sonbore ne, màn mɛn tumaa a sonbore bɛ́ n boe ka gɔn mànan tumaa nɛ Lawa wɔ lɛa, bɛn man doe wúlu-bɔlen lɛn ganaa. Ka die ka kaa *wùsu sonbore kɔ wúlu-bɔlen lɛn la, màn mɛn bɛ́ toɛ ma barka da kaa kion ganaa.

Ezekieli 48:13

Levii tɔrɔn kɛn, ǹ bǎã a pəməbaa doamaa nɛ a goã goon ka Lawa a wúlu-bɔlen kɛn wɔ nɛ. A sasabaa doamaa nɛ a goã gùrù yii duu fuəwensooro, a gɔ́ɔ̃ a pəməbaa goã gùrù yii duu fù.

Ezekieli 48:14

Bɛa bǎã lɛ kɔn ba n siɛ̃ wa, a lon ba n koe wa, a ba n koe min dɔ la wa. A giala a din nə gána lɛa bǎã sonbore lɛa, a na á n kɔ Dɛnaa Lawa la.

Minin nimi 15:21

Bɛa yɔrɔ lɛ la, ka bɛ́ re mɔ̀mɔ mìi bibinaa mɛn diɛ, ka die ka bɛ lɛ kɔ masɛ la. Bɛa sii zɛnaa ǹ gɔn kɛ lɛ n die goɛ̃ miɛ̃ biikoo tumaa li.

Korɛnti1 15:20

Sɛnɛ, ka boo taãn nɛ, Krita lɛ yii bɛ́ á kaa bibinaa nɛ á n bɔ geren li, bɛ n nyɛɛ mà geren tumaa yii á re kiɛ.

Timəə dí-pɛn 14:21

Ka nyan toa ka màn gere kɔn sɔ̃ wa. Gùlin mɛnɛn bɛ́ kaa kiwin ni, ka kɔ bɛn la, bɛn tá boe la ǹ sɔ̃. Bɛ̀ a miɛ̃ wa, ka sã tii la. A giala, kasɛn man ka gɔrɔn, kaa Lawa, Dɛnaa Lawa a zaman lɛa. Ka baran bòe nɛ siĩ kɔrɛ n dan nyɔ mu li wa.

Timəə dí-pɛn 26:10

Dɛnaa Lawa tán mɛn lɛ kɔ ma la, a màn lɛ bibinaa nə́ ke má daa kɔ Dɛnaa Lawa la.» Bɛ kio, bɛa dɛnaa màn lɛ da tán Dɛnaa Lawa yɔrɔ-a, a kaa tán, a kaa Lawa, Dɛnaa Lawa lɛ guguru kɔ.

Timəə dí-pɛn 26:2

lɛ nɛ kaa Lawa, Dɛnaa Lawa ń die koe ka la, ka bɛ́ re màn mɛn tumaa a wuru boe a tán la, ka a tumaa a lɛ bibinaa kɔn kaa kɛsɛ nɛ, ka da nɛ bǎã kɛ nɛ kaa Lawa, Dɛnaa Lawa lɛ ń die boe, bɛ̀ a n din nyaa a nɛ.

Sii-nyaan 14:4

Ǹsɛn nə n dinin lɔlɔ *gɔ̀-n ka lɔn nɛ wa, ǹ nə́ goã yoreen ne. Ǹ nə́ goã koe Sère Nɛ kɛ kialan lɛ, ǹ nə́ woe bǎã din tumaa nɛ. Ǹ dinin man nə́ kirisibaa yɛ tán minbuiin tumaa bii, ǹ nə́ die màn tɔrɔ bibinaa biɛ, ǹ nə ǹ kɔ Lawa la ka Sère Nɛ kɛ nɛ.