Bɔ bɛ̀rɛbaa nɛ 22:28 - LAWA A BOO SONBORE

²⁸ «Ka doamaa bie ka goã kio ka masɛ Lawa wɔ gii ni, *belee wɔ paǹ li wa, duvɛ̃ nɛ ka *olivie nyɔɔ nɛ. «Ka kaa nɛgiĩ bibinaan koa masɛ din wɔn lɛa.

LAWA A BOO SONBORE 2011

²⁸ Ka doamaa bie ka goã kio ka masɛ Lawa wɔ gii ni, *belee wɔ paǹ li wa, duvɛ̃ nɛ ka *olivie nyɔɔ nɛ. Ka kaa nɛgiĩ bibinaan koa masɛ din wɔn lɛa.

Bɔ bɛ̀rɛbaa nɛ 22:28 ပူးပေါင်းရင်းမြစ်များ

Samayeli2 16:5

Kii Davida bɛ́ doe Bawurimu kiwi, bɛ̀ giĩ goon dɔ n soe kiwi lɛ nɛ. Sayulu a kion minin kɛn tanlɛ min ni. A tɔ n Simeyii, Geraa a nɛgiĩ ni. A bɛ́ soe, a na á goã lɛn baraa bíi.

Samayeli2 16:9

Seruzaa a nɛgiĩ Abisayii tɔ́n pɛ kii ni: «Maa dɛnaagiĩ kii ganaa, wàa na á baa n tá toɛ, gin kooro kɛ n lɛn baraa bíi n li? Toa ma kiɛ̃ ma wo a mìi kuru.»

Samayeli2 19:21

A giala, ma á doɛ̃ máa ma sii baraa zɛnaa. Sɛnɛ, pelo, ma din nə ke má daa n da maa dɛnaagiĩ kii lɛ, gɔsɛ a lɛ̀gɔn la gána minin kɛn tumaa nyɛɛnɛ.»

Kiin1 21:10

Ka min paa kaa tán a yɔrɔ-a, min mɛnɛn nə́ ke min kɔrɔn lɛa. Bɛa min kɔrɔn kɛn lɛn die ǹ nə n koa nɛ, ǹ pɛ mà a na á Lawa laanka kii piɛ̃ bɔ. Bɛ kio, ka kũ ka soo ne, ka dɛdɛ ka kɔlɔn nɛ, a gã.»

Loen 138:1

Davida a loe. Dɛnaa Lawa, man barka diɛ n nɛ, ka ma foo tumaa nɛ. Man die loe loe ma n tɔ bɔ nɛ, lon màn pàãdɛnan kɛn yɔrɔ-a.

Loen 32:6

Bɔlɔgoondɛnan tumaa doamaa nɛ ǹ nə n nyankɔ miɛ̃, bɛ̀ ǹ tá die ka ǹ laadoo siin ni n li ǹ mɛn pinaa. Haalɛ koe sii mɛn bɛ́ boe la a min bii ka mu gole bɛ́ lɔn, bɛa re doe ǹ ganaa wa.

Bɔ bɛ̀rɛbaa nɛ 13:12

ka daa ka kaa nɛgiĩ binaan tumaa kɔ Dɛnaa la, ka kaa tɔɔn dɔn wɔn nɛ.

Bɔ bɛ̀rɛbaa nɛ 13:2

– Izirayeli nɛnyaanan nɛgiĩ bibinaan bɔ, n nə ǹ koa masɛ wɔn lɛa. A giala, Izirayeli nɛnyaanan bii, lɔ gɔn binaa nɛ mɛn bɛ́ giĩ lɛa, bɛ n masɛ wɔ lɛa. Tɔɔn dɔn wɔ baa miɛ̃.

Bɔ bɛ̀rɛbaa nɛ 21:17

«Bɛ̀ min boo baraa da ǹ di ganaa hinlaa ǹ dan ganaa, ǹ bɛa min lɛ dɛ a gã.

Bɔ bɛ̀rɛbaa nɛ 23:16

«A paabaa ǹ wɔ, ka kaa wuru màn lɛ bibinaa zɔ́n zɛnaa, ka kaa wuru gɔ́ɔ̃ màn-kurii bibinaa nɛ. «A sɔɔbaa ǹ wɔ kəni, kaa-piɛ ǹ zɔ́n kɛ nɛ, ka bɛ zɛnaa lɛ̀ a nya biikoo li, bɛ̀ ka bɛ́ ka kaa wuru màn tumaa kaa piɛ.

Bɔ bɛ̀rɛbaa nɛ 23:19

«Ka da ka wuru màn-kurii bibinaan nɛ, kaa Dɛnaa Lawa a Kion. «Ka baran bòe nɛ siĩ kɔrɛ ǹ dan nyɔ mu li wa.

Boo-laakalaali 10:20

N baran lɛn baraa bíi kii li wa, haalɛ n gɔ́ɔ̃-n dinin. N waa ǹ kion, n baran lɛn baraa bíi pàãma li wa, a giala piɛ̃ tá boe la a n boo lɛ saa a pɛsɛ̃, n boo mɛn da, bɛ nə n da wɔlɔ la.

Lawa a wúlu-bɔlen 24:11

A da yaa, a dɔ dan nə Izirayeli min lɛa, a tɔ n Selomiti, Dibri a nɛlɔ nɛ. Dibri lɛ n Dan tɔrɔ lɛa. Selomiti a nɛgiĩ lɛ na á Lawa tɔ ziziɛ̃, á sɔ kɔ a ganaa. Bɛ lɛ nɛ, ǹ nə́ kũ ǹ nə́ daa kɔ Muizu la.

Lawa a wúlu-bɔlen 24:15

N die n kɛ pɛ Izirayeli minin lɛn manɛ: Bɛ̀ min mɛn sɔ kɔ a Lawa ganaa, mà ǹ dɛnaa din doamaa nɛ, a n toɛ̃ ka a sii baraa a guĩ ni.

Lawa a wúlu-bɔlen 24:16

Kɛ kio, bɛ̀ min woo min Dɛnaa Lawa tɔ ziziɛ̃, ka dɛ a gã. Ta gùli ni hinlaa Izirayeli min ni, ka kɔlɔ kaã bɔ a ganaa, ka dɛ a gã, masɛ tɔ ziziɛ̃ lɛ a lɛa.

Nya ǹ dín 23:3

«Lawa n die n din lɛ dii, n din mɛn bɛ́ bɔlɔ paa pɛle lɛa. Ma n giɛ̃ tán kànaa, mà ma n kiri we masɛ ganaa, á kɔnpii ka Dí-pɛn nɛ, a da yaa n nə́ n yii tiɛ̃ bɛa dí-pɛn kɛn lɛn ganaa, n nə́ pii mà ǹ masɛ dɛ.»

Nya ǹ dín 23:5

Pooli pɛ ǹ nɛ: – Ma dɔɔ̃nɔn lɛn, ma dɔ̃ máa wúlu-bɔlen kiã-n wa. A giala, a tá kiɛ̃ nɛ sonbore: «N baran sɔ kɔ n tɔrɔ a goledɛnaa kɔ́n-a wa.»

Piɛrɛ1 2:17

Ka min din tumaa guguru kɔ, ka ka dɔɔ̃n Lawa-nyankɔlen narɛ, ka nyɛ́ɛ baa Lawa nɛ, ka kii gole kɛ guguru kɔ.

Piɛrɛ2 2:10

Sɛnɛ, min mɛnɛn dɔlɔ bɛ́ re baraa koe taãn-taãnɛ, bɛn man ka min mɛnɛn bɛ́ giɛ gɔ̀nɔn foo sii kɛn li, ǹ nə́ sɔ koe Lawa pàã gole kɛ ganaa. Bɛa minin-daraali soɛ-bɔlen kɛn lɛn foo n doa nɛ ǹ dinin ganaa á la yii ni, maǹ nə n dinin gole koe, ǹ ba nyɛ́ɛ biɛ sɔ kɔ lon màn pàãdɛnan ganaa din ni wa.

Zude 1:8

Ka bɛ din tumaa nɛ, bɛa min baraan kɛn lɛn man sii zɛnɛɛ ka bɛa yɔrɔ kɛ lɛ nɛ. Maǹ soɛ boon taasɛ, ǹ nə́ *gɔ̀ diɛ ǹ dinin ganaa, ǹ nə́ Lawa pàã gole kɛ puusə koe, ǹ nə́ sɔ koe lon màn pàãdɛnan kɛn ganaa.

Samayeli1 24:10

Davida pɛ Sayulu ni: – Min mɛnɛn bɛ́ pii, mà á ke, mà Davida n giɛ li a sii baraa zɛnaa n nɛ, wàa na á baa, n tá n too koe ǹ lon?

Samayeli1 24:6

Sɛnɛ bɛ kio, Davida foo ná a din zɛ̀rɛ baa, a giala, a na á Sayulu a dɔnkɛ lɛkoro kuru.

Samayeli1 26:9

A din ba doe maa fɔ̃ gunyin paa ganaa wa.» Davida pɛ Abisayii ni: «N baran dɛ wa! Dɛnaa Lawa min mɛn bɔ á koa, die gɔn nə boe la a mɛn bɛ ganaa, ǹ dɛnaa goã kooro dɔlɔ bɔmaa baã?»