Bɔ bɛ̀rɛbaa nɛ 22:25 - LAWA A BOO SONBORE

²⁵ Bɛ̀ min ná a dɔnkɛ gole kɔ n la, á màn si, mà asɛ á re n sarɛɛ a tɔn si, ka kɔ la bɛ̀ wasa baa miɛ̃.

LAWA A BOO SONBORE 2011

²⁵ Bɛ̀ min ná a dɔnkɛ gole kɔ n la, á màn si, mà asɛ á re n sarɛɛ a tɔn si, ka kɔ la bɛ̀ wasa baa miɛ̃.

Bɔ bɛ̀rɛbaa nɛ 22:25 ပူးပေါင်းရင်းမြစ်များ

Kiin2 4:1

Lawa a boo gii-dalin mɛnɛn bɛ́ giã-n kun zaman lɛa, bɛn goon a lɔ Yiliizee nyankɔ á pɛ nɛ: «Ma zuũ lɛ, n dí-nyali lɛa, á gã. N ta doɛ̃, mà n dí-nyali lɛ goã nyɛ́ɛ biɛ Dɛnaa Lawa yii ni. Sɛnɛ, a giɔ̀mɔdɛnaa na á daa, a gɔ́ɔ̃ na a ganaa, a maa nɛgiĩ min paa kũ a baa a bɛ̀rɛn lɛa, a giɔ̀mɔ lɛ bǎã nɛ.»

Kiin2 4:7

Lɔ lɛ woo a boo da Lawa a min lɛ nɛ. Lawa a min lɛ tɔ́n pɛ: «Wo bɛa nyɔɔ lɛ sã, n na a giɔ̀mɔ lɛ saraa nɛ. Màn mɛn bɛ́ re goɛ̃ n gɔn, n die n la bɛ ganaa, n din laanka n nɛnyaanan nɛ.»

Nehemii 5:7

Má giã má fɔ̃, máa yǎa ma taãn pii min yii guguru-an lɛn laanka nyɛɛnaandɛnan lɛn manɛ. Má tɔ́n pɛ ǹ nɛ kɛnɛn: «Guĩ n ke ka á diɛ kɔn mìi ni.» Bɛ kio, má lɛ dia ǹ la lɛsɔkɔn gole kɔn ganaa.

Loen 15:5

A giɔ̀mɔ diɛ min ganaa a ga là li wa. A màn sii min la a zɛ̀rɛbaãnaa da sii-n wa. Min mɛn bɛ́ zɛnɛɛ miɛ̃, ǹ dɛnaa a sii kɔn ba talɛɛ wa.

Suusun 28:8

Min mɛn bɛ́ wɔrɔ giɔ̀mɔ diɛ minin ganaa ka là gole-n la, ta á pàãma baa, a gɔn màn lɛ n die min kɔsɔ wɔ biɛ, min mɛn bɛ́ doobaa makara doɛ̃.

Zeremii 15:10

Maa wɔ n ka koe ne! Maa náa, ma n nə́ ma yɛ koe laanka zia taman yii gána lɛ tumaa nɛ? A da yaa, min kɔn a giɔ̀mɔ ba ma ganaa wa, ma wɔrɔ dɔn bii min kɔn la wa. Min tumaa lɛn baraa bíi ma li.

Ezekieli 18:13

A n giɔ̀mɔ diɛ minin ganaa á n giɛ là li, a n là babaraa boe. Bɛ lɛ miã yii á boe la a goã koo sonbore? A yii a boe la a goã koo wa, a giala, á bɛa sii bɔbɔnɛɛ kɛ lɛ tumaa zɛnaa. Sàabaa ba la wa, á re giɛ̃. Bɛ̀ á gã dɔn, a din sii ni.

Ezekieli 18:17

A sii kɔkɔrɔ zɛnɛɛ wa, a giɛ là li wa, a là baraa boe wa. A n koe maa sii yɔrɔ bɔ ǹ boon laanka maa landa boon kɛn lɛ. Bɛa dɛnaa kɛ lɛ a re giɛ̃ ǹ di a sii baraa zɛnaa taman yii wa. Sàabaa ba la wa, a yii á re goɛ̃ koo.

Ezekieli 18:7

A mɛnɛɛ min la wa, a n giɔ̀mɔ lɛ koa ǹ màn koe giɔ̀mɔ-saali la, a wurumu biɛ wa. Bòo bɛ́ min mɛn ganaa, a n màn-bii koe bɛ la, min mɛn gɔ̀nɔn kooro bɛ́ nɛ, a n mɔnaa koe bɛ la.

Ezekieli 18:8

A ba giɔ̀mɔ diɛ a ga là li wa, a ba là babaraa boe wa. A ba sii kɔkɔrɔ zɛnɛɛ wa, bɛ̀ á sii yɔrɔ boe minin bii, a na a yɔrɔ boe ka peperebaa nɛ.

Ezekieli 22:12

N kiwi kɛ nɛ Zeruzalɛmu, minin man lɛ koe ǹ lɛ pii ǹ màn si, ǹ gɛ̀ dɛ. Maǹ giɔ̀mɔ diɛ ǹ nə́ giɛ là babaraa li, maǹ mɛnɛɛ ǹ miãn la, ǹ nə́ giɛ màn li. Sɛnɛ, ǹ yiri n boe ka ma dinmaa kɛ nɛ! Ma din Dɛnaa Lawa a da ǹ boo ne.

Amɔɔsi 2:8

Ǹ mɔnaan mɛnɛn si doobaan la giɔ̀mɔ lɛ koa ǹ mànan lɛa, maǹ bɛn naɛ tán wúlu bɔ ǹ bǎãn nɛ, ǹ nə́ wɛɛ ǹ la. Ǹ duvɛ̃ mɛn si ka pàã nɛ, maǹ bɛ mii ǹ dì kionən kɛn nɛ.

Matiə 25:27

Toa bɛ̀ ma nə́ n woo masɛ a sana lɛ kɔ pii-kɔlen la, bɛ̀ masɛ bɛ́ má n bɔyaa, bɛ̀ ma wo maa sana saa, kun ka a là nɛ.

Luku 19:23

Sɛnɛ, mà wàa na á baa a wo asɛ a wɔrɔ lɛ kɔ pii-kɔlen la, ǹ nə́ dí nya-n wa? Mà asɛ a wusoo li, bɛ̀ asɛ bɛ́ re woe sii bɛn la ka là nɛ.

Timəə dí-pɛn 15:7

Kaa Lawa, Dɛnaa Lawa bɛ́ gána mɛn lɛ koe ka la, bɛ̀ ka dɔɔ̃n lɛ mɛn tá a kiwi mɛn nɛ, á n doobaa lɛa ka bii, ka nyan nə n gɔ́ɔ̃ tã a ganaa, ka n piã mà ka a giɔ̀mɔ diɛ a ganaa wa.

Timəə dí-pɛn 24:13

Bɛ̀ wasa mɛ, n doamaa nɛ n wo a giɔ̀mɔ lɛ koa ǹ màn lɛ kɔ la. Á die wɛɛ tán ka a mɔnaa nɛ a ganaa, bɛ̀ á n barka diɛ n nɛ. Ka bɛ dɔ nɛ, kaa Lawa, Dɛnaa Lawa yɔrɔ-a, n nə ń sii sonbore zɛnaa.