Bɔ bɛ̀rɛbaa nɛ 22:23 - LAWA A BOO SONBORE

²³ Ma foo á re busi ka li, ma ka kɔ ǹ la, ǹ ka dɛ ka gɔya san nɛ, kaa lɔn nə giɔɔrɔn baa, kaa nɛnyaanan nə nɛ-toenən baa.

LAWA A BOO SONBORE 2011

²³ Ma foo á re busi ka li, ma ka kɔ ǹ la, ǹ ka dɛ ka gɔya san nɛ, kaa lɔn nə giɔɔrɔn baa, kaa nɛnyaanan nə nɛ-toenən baa.

Bɔ bɛ̀rɛbaa nɛ 22:23 ပူးပေါင်းရင်းမြစ်များ

Zɔbu 34:28

Maǹ nə́ zɛnaa miɛ̃, yǎa doobaa nə́ n lɛ dɛ Lawa ganaa. Lawa dɔ bɛ́ nɔmaa-wɔle a lɛ-dɛ miɛ.

Zɔbu 35:9

Bɛ̀ fuu la minbuiinin yii ni, maǹ gini. Bɛ̀ goledɛnan tá boe ǹ yii ni, maǹ nə n lɛ dii.

Loen 10:14

Sɛnɛ, Lawa, ǹ bɛ́ basaã mɛn koe minin manɛ, ǹ nə́ fuu nyɛɛ ǹ nɛ, n din bɛ tumaa yɛ. Ǹ sii tumaa saa n gɔn. Doobaa na a sii tumaa toɛ n din gɔn. N din nə n doe nɛ toen lɛ.

Loen 140:12

Lɛwɔn babaraadɛnan kɛn doamaa bie ǹ giã gána lɛ-n wa. Min baraa mɛn bɛ́ kakaarɛbaa ǹ sii zɛnɛɛ, ka loo ka bɔ gána lɛ nɛ, ka nyan makara bɔ a-a wa.

Loen 145:19

A na a nyɛ́ɛbaama-n wolen foo sii zɛnɛɛ ǹ nɛ. A nə n too koe ǹ lɛ-dɛ li, a tá ǹ kirisibiɛ.

Loen 18:6

Bǎã babaraa kɛ gɔn na á goã ma ganaa, gɛ̀ na á goã á kan koa ma nyɛɛnɛ.

Loen 68:5

Ka loe lɔ Lawa nɛ, ka loe lɔ ka a tɔ bɔ nɛ. A din lɛ n tɔ we baran lalan, ka a tɔ bɔ. A tɔ mà Dɛnaa Lawa, ka toa ka foo kɔɔ̃n kɔ a yɔrɔ-a.

Bɔ bɛ̀rɛbaa nɛ 22:27

«Ka baran sɔ kɔ Lawa ganaa wa. Ka baran boo baraa dɔ da ka tɔrɔ minin nyɛɛnaandɛnaa kɔ́n ganaa wa.

Busii pɛ 5:3

Wɔa díin banban. Á ke, wɔ n nɛ toenən lɛa. Wɔ daanan man ka giɔɔrɔn bɛ́ lɔn.

Luku 18:7

Sanparɛ ka Lawa nɛ, min mɛnɛn bɛ́ Lawa wɔn lɛa, ǹ ná a nyankoe tèlò-n ka penleen ne, a ba re bǐɛ̃ zɛnɛɛ bɛn man wa? A ba re n nanaɛ a n dɔ ǹ lɛ wa?

Timəə dí-pɛn 10:18

A din nə boe nɛ-toenən laanka lɔ giɔɔrɔn lɛ-a, a n gùlin narɛ, a màn-bii laanka wɔ ǹ mɔnaa kɔ ǹ la.

Timəə dí-pɛn 15:9

Haya! Ka yiri bɔ, ka nyan toa ka taasiɛ kooron wɔ ka pɛ mà lɛ̀ sɔbaabaa ǹ wɔ lɛ, giɔ̀mɔ toa ǹ lɛ̀ lɛa, mà bɛ́ dɔ á nya wa. Ka baran n saa bɛa taasiɛ kɛ li, ka n yii baraa bɔ ka dɔɔ̃n doobaa li, ka nu ka màn nɛ wa. Bɛ̀ ká bɛ zɛnaa, bɛ̀ a n lɛ dɛ Dɛnaa Lawa ganaa, a n die sii baraa biɛ ka mìi ni.

Timəə dí-pɛn 24:15

Bɛ̀ á dí nya ǹ mɛn pinaa, ka a saraa kɔ la a din pinaa. Ka nyan toa wasa mɛ a saraa lɛ ganaa ka gɔn wa. A giala, doobaa nɛ, a laadoo n bɛa saraa lɛ ganaa taãn-taãnɛ. Ka nyan toa a Dɛnaa Lawa bii ka li wa. Bɛ̀ á n baa miɛ̃, sii baraa n ka mìi ni.

Zaaki 5:4

A da yaa, ka dí-nyalin mɛnɛn goa ka ǹ kaa kaa wuru dí ganaa, bɛn saraa ǹ giɔ̀mɔ á ka bɔlɔ-a. Bɛ lɛ nɛ ǹ tá n lɛ dii ka ganaa. Kaa *belee-kurulin lɛn lɛ-dɛ kaa Dɛnaa Lawa Pàãyiidɛnaa too ne.