Bɔ bɛ̀rɛbaa nɛ 20:5 - LAWA A BOO SONBORE

⁵ N baran n kuməə bɛa lawan kɛn lɛn yɔrɔ-a, n nə ǹ guguru kɔ wa. A giala, masɛ din Dɛnaa, n Lawa lɛ, maa sii á kaka, maa lɛ koe lawa kɔsɔ ganaa wa. Man digolon sã a dɔlɔ boe ǹ nɛnyaanan ganaa, ka ǹ nɔ̀ɔnɔn nɛ, yǎa a woe doe nɔ̀ɔ fulupaa ganaa, bɛ̀ á daa yǎa ǹ ba masɛ narɛ wa.

LAWA A BOO SONBORE 2011

⁵ N baran n kuməə bɛa lawan kɛn lɛn yɔrɔ-a, n nə ǹ guguru kɔ wa. A giala, masɛ din Dɛnaa, n Lawa lɛ, maa sii á kaka, maa lɛ koe lawa kɔsɔ ganaa wa. Man digolon sã a dɔlɔ boe ǹ nɛnyaanan ganaa, ka ǹ nɔ̀ɔnɔn nɛ, yǎa a woe doe nɔ̀ɔ fulupaa ganaa, bɛ̀ á daa yǎa ǹ ba masɛ narɛ wa.

Bɔ bɛ̀rɛbaa nɛ 20:5 ပူးပေါင်းရင်းမြစ်များ

Samayeli2 21:1

Davida a kiibaa biikoo li, bòo babaraa kɔn bɔ lɛ̀ sɔɔ kɔn kio. Bɛ gɔ́ɔ̃ nɛ, Davida nɔ̀n da Dɛnaa Lawa la, Dɛnaa Lawa tɔ́n pɛ nɛ: «Sayulu laanka a kion minin nə gɛ̀n mɛnɛn dɛ, bɛ na á daa ka kɛ nɛ. A giala, á Gabawɔ̃ minin dɛ ǹ nə́ gã.»

Samayeli2 21:6

Ka a din lɛ tɔrɔ min sɔbaa kɔ wɔsɛn la. Wɔsɛn tá re bɛn lɛn bɔlɔ diɛ biɛ nɛ Dɛnaa Lawa yɔrɔ-a, Gibeya kiwi. Dɛnaa Lawa Sayulu mɛn bɔ á koa kii lɛa, bɛ na á goã giã-n walan.» Kii nə́ ǹ lɛ si mà asɛ á re bɛa min sɔbaa lɛ koe ǹ la.

Kiin1 19:10

Yilii ná a lɛ si: «Ma la n paparɛ ka Lawa Pàãyiidɛnaa, Dɛnaa Lawa lɛ a sii ni. Izirayeli minin lɛn nə́ n lɛ kɔ kɔn la lɛ toa walan, ǹ nə́ n wúlu bɔ ǹ bǎãn ziziɛ̃, ǹ nə́ n boo gii-dalin dɛ. Masɛ dinsɔɔ̃ n má goã, maǹ giɛ li, ǹ ma dɔ dɛ.»

Kiin1 21:29

«Ń Akaabu a din gisĩ ǹ gɔn kɛ yɛ ma yɔrɔ-a? A bɛ́, á n din gisĩ ma yɔrɔ-a, bɛ lɛ n ke ma ba re koe boe a ganaa, a yiikoonaabaa gɔ́ɔ̃-n wa. A nɛgiĩ a yiikoonaabaa gɔ́ɔ̃ nɛ, man die koe boe a kion lɛ ganaa.»

Kiin2 17:35

Dɛnaa Lawa na á goã á lɛ kɔ kɔn la wɔ ǹ nɛ, á n gɔn waa ǹ nɛ kɛnɛn: «Ka baran lawa kɔsɔn guguru kɔ wa, ka baran dí nya ǹ nɛ wa, ka baran wúlu mànan kɔ ǹ la wa.

Kiin2 17:41

Bɛ lɛ n ke kəni, bɛa tɔrɔn kɛn lɛn nə́ goã Dɛnaa Lawa guguru koe bɛ̀ ǹ tá tɔn dí dɔ nyɛɛ ǹ dìn manɛ. Ǹ nɛnyaanan nɛ, ǹ nɛnyaanan nɛnyaanan nɛ, bɛn dɔn man tɔn zɛnɛɛ miɛ̃ pelo, ka ǹ digolon nə goã zɛnɛɛ lɔn.

Kiin2 23:26

Sɛnɛ a laanka bɛ yii ni, Dɛnaa Lawa na a foo yoo gole mɛn yɔrɔ dia Zudaa gána la, Manaasee a Lawa foo busu ǹ siin kɛn tumaa taman yii á goã á ǹ zɛnaa, Dɛnaa Lawa wusoo bɛ kio wa.

Kiin2 5:18

Sɛnɛ, sii goon nə ke, Dɛnaa Lawa die a bɛa sã toa ma nɛ: Bɛ̀ maa kii lɛ tá we dì Riimɔn kɛa kion, a tá a guguru koe, a nə n doɛ masɛ nyàa ganaa, masɛ dɔ n kiɛ tán dì Riimɔn a kion lɛ nɛ. Ma bɛ́ re bɛa kaa tán kɛ lɛ we dì Riimɔn lɛ a kion, Dɛnaa Lawa die a sabara baa a bɛa sii lɛ a sã toa ma nɛ.»

Kiin2 5:27

Sɛnɛ, Naaman a gɔ̀nɔn ki busu babaraa lɛ n die n din kuĩ denden n laanka n tɔrɔn nɛ, yǎa miɛ̃ duduu.» Bɛ kio, Geazi kiɛ̃ á n bɔ Yiliizee li. Geazi goã gɔ̀nɔn ki busu babaraa dɛnaa lɛa, á kũ á fu kɔ ka koara nɛ.

KZS2 25:14

Amasiya bɛ́ á boo Edɔmu minin la, á n bɔyaa á daa ka Seyiri minin dìn nyínin ni. Á ǹ baa a lawan lɛa, a nə́ ǹ guguru koe, á n màn gìĩ kɔɔ̃n tiɛ̃ ǹ wɔ lɛa.

KZS2 7:19

Sɛnɛ bɛ̀ ka n piã ka masɛ nɛ, ma gɔn waa ǹ boon mɛnɛn laanka landa boon mɛnɛn kɔ ka la bɛ̀ ka ǹ tamaa wa, bɛ̀ ka woo dí nya guguru kɔ ǹ mànan kɔsɔn manɛ, bɛ̀ ka kaa tán bɛn giulun,

Zɔbu 21:19

Lawa n die min baraa a dɔlɔ lɛ boe a nɛnyaanan ganaa lɛn sonbore? A n siĩni a bɔ a dinmaa ganaa, bɛ á toɛ a sii dɔ̃.

Zɔbu 5:4

A nɛnyaanan baran là nyantoro yɛ wa. Ǹ fuu nyaa ǹ nɛ kiri wɔ ǹ bǎã nɛ, min baran yɛ a ǹ si wa.

Loen 109:14

Ǹ die ǹ nə ǹ di laanka ǹ digolon sii baraan pɛ, ǹ Dɛnaa Lawa yiri da a nɛ.

Loen 78:58

Ǹ nə́ Lawa foo busu ka ǹ wúlu bɔ ǹ bǎãn kɛn nɛ, ǹ ná a foo yoo ka ǹ dìn kɛn nɛ.

Loen 79:8

Min mɛnɛn nə goã wɔ nyɛɛn lɛlɛ, n baran bɛn zɛ̀rɛn kɛn koa wɔ ganaa wa. Toa n makara bɔ wɔ ganaa fufuu, a giala, mà wɔ́ mɛnaa ka lenlen kəni.

Loen 81:15

bɛ̀ ma á re n nanaɛ, ma sìi da a zɔ́ɔn ganaa, man gɔn saa lon, a bɔmayii-n wolen kɛn li.

Bɔ bɛ̀rɛbaa nɛ 23:24

Sɛnɛ, ka baran n musin koa tán ǹ dìn yɔrɔ-a, ka ǹ guguru kɔ wa. Ka baran ǹ siin lɛn zɔɔ̃ wa. Ka ǹ dìn yɔyɔrɛ, ka ǹ tíĩn kɛn nɛ.

Bɔ bɛ̀rɛbaa nɛ 34:14

Bɛ lɛ tɔ ganaa kəni, ka baran toa ka lawa kɔsɔ guguru kɔ wa. A giala, masɛ din Dɛnaa lɛ, maa sii á kaka, ma a lɛ koe Lawa kɔsɔ ganaa wa.

Suusun 8:36

Sɛnɛ, bɛ̀ min mɛn ma dɔ̃ wa, a n busu lɛa ǹ Dɛnaa ganaa. Ma tìĩ bɛ́ boe-n min mɛnɛn tumaa nɛ, bɛn man gɛ̀ narɛ.

Izayii 44:15

Maǹ tɛ koɛ ka bɛa gɔn lɛ nɛ, ǹ nə n gɔ̀nɔn wɔ̃ a ganaa, hinlaa ǹ màn-bii zɛnaa nɛ, hinlaa ǹ dì kooro nyín zɛnaa nɛ ǹ na a nyankɔ, hinlaa, ǹ dì nyín zɛnaa nɛ, ǹ kaa tán a yɔrɔ-a ǹ na a guguru kɔ.

Izayii 44:19

Min kɔn ba n taasɛ, a bɔ a din ni, min kɔn ba yiri yii ka sii-doɛ̃ nɛ a pɛ: «Má tɛ koa ka gɔn lɛ a talɛɛ nɛ, má màn-bii zɛnaa a tɛ nàn la, má siĩ tã la má sɔ̃. Ma á re màn nyín bɔbɔnɛɛ zɛnɛɛ ká a gialakun kɛ-n doo? Ma a re kiɛ tán gɔn lɛkoro yɔrɔ-a wa!»

Zeremii 2:9

Bɛ lɛ nɛ, ma á re zɛ̀rɛ diɛ ka la doo. Man zɛ̀rɛ diɛ kaa nɔ̀ɔnɔn dɔn dinin la. Ma din Dɛnaa Lawa a da ǹ boo ne.

Zeremii 32:18

N bɔlɔgoondɛnaabaa n nɔ̀ɔn duu damata wɔ lɛa. Sɛnɛ, n nə ǹ díin sii baraa a dɔlɔ boe ǹ nɛnyaanan ganaa. N din ni Lawa gole lɛa, pàã nə n lon. N tɔ n Dɛnaa Lawa Pàãyiidɛnaa.

Ezekieli 18:19

Ka n nɔ̀n diɛ kɛnɛn: «Wàa na á baa, dɔlɔ ba n diɛ nɛ mìi ni, ǹ di a sii baraa zɛnaa a lɛa wa?» Nɛ lɛ bɛ́ á kɔ zii lɛ, á sii pepere zɛnaa, á maa landa boon kɛn tumaa tamaa á kɔ ǹ lɛ, sàabaa ba la wa, a yii á re goɛ̃ koo.

Ezekieli 18:2

– Wàa na á baa, ǹ tá suusu kɛ diɛ Izirayeli gána dɔ nɛ ǹ nə́ pii: «Díin nə́ rezɛ̃ burun bii, bɛ lɛ na á ǹ nɛnyaanan sɔ piã?»

Ezekieli 20:7

Má pɛ ǹ nɛ kɛnɛn: Màn bɔbɔnɛɛn kɛn ka yɔrɔ-a, didie na a wɔn goa, a ǹ zũ. Ka baran n dinin gɔgɔrɛ kɔ ka Ezipti minin dìn kɛn nɛ wa, masɛ din Dɛnaa Lawa n kaa Lawa lɛa.

Ezekieli 39:25

Sɛnɛ, masɛ Dɛnaa Lawa n kɛ pii: «A kũ sisia ganaa, ma á re makara boe Izirayeli minin ganaa, kɛn Zakɔba tɔrɔn lɛa. Ǹ bɛ́ sii mɛn gɔ́ɔ̃ nɛ, ma á re ǹ wɛɛ ma ǹ bɔ bɛ nɛ. Ma a re toɛ min ma tɔ sonbore kɛ puusə kɔ doo wa.

Ezekieli 8:3

Á màn kɔn dia ma la ka gɔn bɛ́ lɔn, á ma kũ ma mìi ka ganaa. Bɛ kio, Lawa a sii-nyaa gɔ́ɔ̃ nɛ, Lawa yiri ma saa lon, á woo ma nɛ Zeruzalɛmu. Wɔ ǹ kiɛnlɛ mɛn bɛ́ gɔ́ɔ̃ li, a yɔrɔ n dia-n gɔsɛ a lɛ̀gɔn la, a na á ma da tán walan. Ga Lawa lɛ li ǹ dì kɛ dɔ na á goã walan, Lawa bɛ́ a goã lɛ koe ǹ mɛn lɛ ganaa duduu wa.

Lawa a wúlu-bɔlen 20:5

masɛ dinmaa á die n bɔyɛɛ man yɔrɔ da bɛa dɛnaa laanka a tanlɛ minin la, min mɛn tumaa bɛ́ re Molɛki lɛ guguru koe kun ni, ma ǹ waa, ma ǹ bɔ Izirayeli tɔrɔ bii.

Lawa a wúlu-bɔlen 26:1

Ka baran dìn zɛnaa wa. Ka baran màn nyín hinlaa tíĩ doa wa, ka baran kɔlɔ sɛlɛ ka da tán gána lɛ nɛ, ka bɛ guguru kɔ wa. A giala, masɛ din Dɛnaa Lawa n kaa Lawa lɛa.

Lawa a wúlu-bɔlen 26:29

Bòo lɛ taman yii, ka á re ka yɛ ǹ nɛnyaanan soɛ̃.

Nahumu 1:2

Lawa a sii á kaka. Min mɛnɛn bɛ́ n piɛ̃ nɛ, Dɛnaa Lawa n dɔlɔ boe bɛn ganaa, a foo-yoo á baraa. Dɛnaa Lawa na a gɛ̀ dòo boe a zɔ́ɔn ganaa, a foo-yoo á kiɛ̃ wa.

Minin nimi 14:18

«Masɛ din nə Dɛnaa Lawa lɛa, ma foo a yui fufuu wa, maa bǐɛ̃ zɛnaa pàã ń gole. Masɛ n siɛ̃-wole a sii baraan laanka bɔlɔ-tii siin tɔɛ ǹ dɛnan manɛ. Sɛnɛ, ma a zɛ̀rɛdɛnaa bii zɛ̀rɛbaãnaa wa. Ma n díin dɔlɔ boe ǹ nɛnyaanan ganaa, yǎa ǹ nɔ̀ɔnɔn nɔ̀ɔnɔn ganaa.»

Minin nimi 14:33

Kaa nɛnyaanan lɛn tá re n binbirin boe diə gole lɛ nɛ, lɛ̀ pusi gɔ́ɔ̃ nɛ. Kaa bɔlɔgoonbaãdɛnaa siin lɛn nɔmaa n die goɛ̃ kaa nɛnyaanan lɛn kio, yǎa ka dinin kɛn tumaa giɛ̃ ka nyɛɛ diə gole kɛ nɛ.

Minin nimi 25:11

«Lawa a wúlu-bɔle Pinasi ke, Eleyazaara a nɛ lɛa, Aarɔn a nɔ̀ɔn lɛa, bɛ na á ma foo da waa ganaa Izirayeli minin lɛn li. A giala, maa sii kaka kɔ a gɔn Izirayeli minin lɛn bii, ka n pɛ mà masɛ din ni. Bɛ lɛ n ke, a laanɛ masɛ tá n liɛ ǹ Lawa goon toto lɛa, ma ǹ bɔ̀n baa lenlen wa.

Matiə 4:9

Á tɔ́n pɛ nɛ: «Bɛ̀ ń lɛ kɔ n kaa tán masɛ giulun, n masɛ guguru kɔ, masɛ n kɛ din tumaa koe n la.»

Zaã a sɛ́wɔ 15:18

Bɛ̀ kanaa minin tá ka biɛ zɔ́ɔ, ka dɔ̃ mà maǹ nə́ masɛ baa zɔ́ɔ ka nyɛɛnɛ.

Zaã a sɛ́wɔ 7:7

Kanaa minin ba boe la ǹ kasɛn baa zɔ́ɔ wa, sɛnɛ, masɛ, maǹ ma biɛ zɔ́ɔ, a giala, masɛ nə ǹ sɔ̀n pii, ǹ zɛnaa ǹ siin ba siĩn wa.

Zaã a sɛ́wɔ 9:2

A kialandɛnan nə́ tɔ́n nɔ̀n kɛ da la kɛnɛn: «Mìinaa, wàa na á baa giĩ kɛ yɛ yii tere-a lɛa? A din a sii baraa taman yii-n hinlaa a yɛ wolen wɔ nɛ?»

Rɔmu minin 1:30

ǹ nə́ kɔn tɔ ziziɛ̃. Ǹ ba Lawa narɛ wa, ǹ ba min guguru koe wa. Din gole-kɔlen manɛ, ka din-laakalaalin ni. Maǹ nə n taasɛ biikoo tumaa li, ka sii baraa zɛnaa ǹ gɔn nɛ. Ǹ ba n too koe ǹ yɛ wolen lon wa,

Rɔmu minin 8:7

Min mɛnɛn taasiɛ bɛ́ doa-n gɔ̀nɔn foo siin ganaa, bɛn man Lawa a zɔ́ɔn lɛa. A giala, ǹ ba Lawa a dí-pɛn bɔlɔ sii wa, ǹ ba boe la dinin ǹ bɛ zɛnaa wa.

Korɛnti1 10:22

Hinlaa, wɔ n zoɛ̃ wáa wɔ ga Dɛnaa lɛ li? Ka ǹ taasɛ mà wɔ pàã la Dɛnaa wɔ nɛ?

Timəə dí-pɛn 32:21

Mànan mɛnɛn bɛ́ lawa kooron lɛa, ǹ nə́ ma da kɔn ka bɛn nɛ, ǹ nə́ ma foo yoo ka ǹ màn kokooron kɛn nɛ. Á bǐɛ̃ kɔ! Tɔrɔ mɛn bɛ́ a tɔrɔ lɛa wa, ma dɔ n die ǹ dɔn kiɛ kɔn ka bɛ nɛ. Tɔrɔ mɛn nə́ ke baãnaa lɛa, man die ǹ foo yui ka bɛ nɛ.

Timəə dí-pɛn 32:41

Bɛ̀ má maa gɔya sa tɛ-pɛle kɛ lɛ lɔ, bɛ̀ má dɔlɔ-bɔ giala kɔ, ma á re maa gɛ̀ dòo boe maa zɔ́ɔn kɛn ganaa, min mɛnɛn bɛ́ ma biɛ zɔ́ɔ, ma á re bɛn sarɛɛ.

Timəə dí-pɛn 4:24

A giala, kaa Lawa, Dɛnaa Lawa lɛ n ka tɛ bɛ́ lɔn màn kuĩ, a sii á kaka, a lɛ koe lawa kɔsɔ ganaa wa.

Timəə dí-pɛn 5:10

Sɛnɛ, min mɛnɛn bɛ́ masɛ narɛ, ǹ nə masɛ a gɔn waa ǹ boon kɛn tamaɛ, man maa bǐɛ̃ kɛ zɛnɛɛ bɛn tɔrɔ duu gigiã nɛ.

Timəə dí-pɛn 5:9

Ka baran n kuməə bɛa lawan kɛn lɛn yɔrɔ-a, ka ǹ guguru kɔ wa. A giala, masɛ din Dɛnaa Lawa n kaa Lawa lɛa. Maa lɛ koe ka lawa kɔsɔ guguru kɔ wa. Bɛ̀ min sii la masɛ la, ma á dɔlɔ boe a nɛnyaanan ganaa, a nɔ̀ɔnɔn nɛ, yǎa a woe doe a nɔ̀ɔ fulupaa ganaa.

Timəə dí-pɛn 6:15

A giala, kaa Lawa, Dɛnaa Lawa mɛn lɛ á ke ka bii ke, a lɛ koe lawa kɔsɔ-a wa. A bɛ́ miɛ̃, ka ka dinin kũ, ka baran a foo yoo ǹ sii zɛnaa wa. A giala, á boe la a ka dɛ, a ka bɔ kanaa.

Timəə dí-pɛn 7:10

Min mɛnɛn bɛ́ biɛ zɔ́ɔ, a na a gɛ̀ dòo boe bɛn ganaa, a din bǎã nɛ, a ǹ dɛ a ǹ bɔ bii-a. Min mɛnɛn bɛ́ biɛ zɔ́ɔ, a nə ǹ sarɛɛ a din bǎã nɛ, a ba n yii diɛ wa.

Zaaki 4:4

Ka min naarɛn kɛn! Ka a doɛ̃ mà bɛ̀ min kanaa baa giaára lɛa, mà a na á Lawa baa zɔ́ɔ wa? Min mɛn bɛ́ giɛ li mà a kanaa a giaára baa sɛn, bɛa dɛnaa nə n din biɛ Lawa a zɔ́ɔ lɛa.

Zozoe 23:16

Dɛnaa Lawa lɛ, kaa Lawa lɛa, bɛ lɛ kɔ kɔn la boo mɛn da ka nɛ, bɛ̀ ka bɛ toa walan, ka kiɛ̃ ka woo kaa tán dìn giulun ka bɛn guguru kɔ, Dɛnaa Lawa foo á re yui ka li. A gána sonbore mɛn lɛ kɔ ka la, á re ka dii bǎã goon a ka bɔ a nɛ.»

Zozoe 23:7

Tɔrɔn mɛnɛn bɛ́ tɔn giã nɛ ka li ke, ka nyan toa ka n lɔlɔkɔn ka bɛn nɛ wa. Ka nyan toa ka bɛn dìn kɛn tɔ bíi wa, ka baran n liɛ ka ǹ tɔ-n wa, ka baran kaa tán ǹ giulun ka ǹ gugurukɔ wa.

Zozoe 24:19

Zozoe tɔ́n pɛ zaman lɛ nɛ: «Ka nyan toa ka taasɛ mà dí nya Dɛnaa Lawa nɛ n sii nanaa lɛa wa. A giala, a n Lawa *yoreen lɛa, Lawa mɛn bɛ́ a ba li ka kɔsɔ ti asɛ ganaa wa. Kaa piãn sii kɛn laanka kaa sii baraan kɛn nɛ, a die bɛn toɛ ka nɛ wa.

Sii yɔrɔ-bɔlen 2:19

Sɛnɛ, bɛ̀ sii yɔrɔ-bɔle lɛ gã lɔn, maǹ wusii bɛ̀ ǹ gɔgɔrɛbaa ǹ sii zɛnaa a la ǹ digolon kɛn wɔ nɛ. Maǹ nə́ goã koe lawa kɔsɔn lɛ, ǹ nə́ dí nyɛɛ bɛn manɛ, bɛ̀ ǹ kaa tán ǹ yɔrɔ-a, bɛ̀ ǹ bɛn guguru kɔ. Ǹ goã ǹ zɛnaa ǹ sii babaraan kɛn laanka ǹ too kakabaa ǹ sii kɛ kɔn kiɛ wa.