Bɔ bɛ̀rɛbaa nɛ 20:24 - LAWA A BOO SONBORE

²⁴ Ka *wúlu bɔ ǹ bǎã dɔ ka tii ni masɛ wɔ lɛa, ka wúlu mànan dɛ ka ǹ tã la, ka bii kɔɔ̃n kɔ kɔn ka Lawa nɛ ǹ wúlu mànan nɛ. Ka ǹ bɔ, sèren laanka diin ni. Ma bɛ́ re bǎãn mɛnɛn nyɛɛ, ka ma guguru kɔ ǹ nɛ, ma á re die walan, ma barka da ka ganaa.

LAWA A BOO SONBORE 2011

²⁴ Ka *wúlu bɔ ǹ bǎã dɔ ka tii ni masɛ wɔ lɛa, ka wúlu mànan dɛ ka ǹ tã la, ka bii kɔɔ̃n kɔ kɔn ka Lawa nɛ ǹ wúlu mànan nɛ. Ka ǹ bɔ, sèren laanka diin ni. Ma bɛ́ re bǎãn mɛnɛn nyɛɛ, ka ma guguru kɔ ǹ nɛ, ma á re die walan, ma barka da ka ganaa.

Bɔ bɛ̀rɛbaa nɛ 20:24 ပူးပေါင်းရင်းမြစ်များ

Siin Giala 12:2

Ma á re n tɔrɔ mɔnɛɛ. Ma á re barka we n ne, ma n tɔ bɔ. Min kɔsɔn wɔ á re bǐɛ̃ koe n wɔ gɔ́ɔ̃ nɛ.

Samayeli2 6:12

Ǹ nə́ daa pɛ kii Davida nɛ mà Lawa barka da Obɛdi-Edɔmu laanka a gɔn màn tumaa ganaa, Lawa a lɛ kɔ kɔn la ǹ goo lɛ taman yii. Bɛ lɛ nɛ, Davida tɔ́n woo, á Lawa a lɛ kɔ kɔn la ǹ goo lɛ saa Obɛdi-Edɔmu a kion, á woo ne a din a kiwi kɛ nɛ, ka nyɛnyɛɛ nɛ.

Kiin1 8:29

N yii die a goã kɛa kion kɛ lɛ la penleen laanka tèlò ne, bǎã mɛn lɛ á ke ń bɔ n nə n tɔ da la. Kanna kəni, n too kɔ maa nyankɔ li kion kɛ nɛ.

Kiin1 8:43

a bɛ́ re màn mɛn tumaa nyankoe n la, n too kɔ a lon n giã ǹ bǎã lɛ nɛ, n bɛ kɔ la. Màn mɛn bɛ́ toɛ kanaa a tɔrɔn tumaa dɔ̃, ǹ nə n guguru kɔ, ka n zaman Izirayeli minin bɛ́ zɛnɛɛ lɔn. Ka bɛ dɔ nɛ, ǹ dɔ̃ mà kion ke masɛ dɔ, mà n din tɔ n la.

Kiin1 9:3

Dɛnaa Lawa pɛ nɛ: – N ma nyankɔ, ń gòã-kũ da ma ganaa màn mɛn a lɛa, má ma. Kion ke ń dɔ ma tɔ la, man die n din nyɛɛ bɛ lɛ-n miɛ̃ duduu. Má á re giɛ a walan parsiini.

Kiin2 5:17

Naaman tɔ́n nə n toa: «N bɛ́ n nə́ n piã, zii sɛ kɔ, ǹ tán tii kɔ ma la, dundun-sùi màn paa a guĩ yii li. A giala, ma ba re wúlu mànan tiɛ̃ doo lawa kɔsɔn-a wa, ma ba re wúlu boe doo lawa kɔsɔn-a wa, bɛ̀ á n bɔ Dɛnaa Lawa nɛ.

KZS2 12:13

Roboamu a pàã gòã wɔ tán Zeruzalɛmu. Roboamu bɛ́ kii biɛ, bɛ̀ a lɛ̀ pusi ka goon ne. Á pàã yɛ parsiini. A lɛ̀ fulusɔbaa n kiibaa la Zeruzalɛmu, Dɛnaa Lawa kiwi mɛn lɛ bɔ Izirayeli tɔrɔn tumaa bii á ná a din tɔ da la. Ǹ dan nɛ ka Naama nɛ, Amɔn tɔrɔ nɛ.

KZS2 6:6

Sɛnɛ man má Zeruzalɛmu bɔ máa ma tɔ goã la. Má Davida bɔ máa a maa zaman Izirayeli a nyɛɛnaandɛnaa baa.»

KZS2 7:16

Ma din ni má bɔ má koa a gɔrɔn maa wɔ lɛa, máa ma á re goɛ̃ ma tan a nɛ bii biikoo tumaa li duduu. Ma á re giɛ a walan biikoo tumaa li ka kɔn-narɛɛ gole ne.

Ɛsidrasi 6:12

Kii hinlaa tɔrɔ mɛn tumaa bɛ́ re bɔlɔ tii, ǹ nə n gɔn saa ǹ Lawa a kion kɛ ziziɛ̃ nɛ Zeruzalɛmu, Lawa mɛn lɛ á ke á kànaa bɔ a giã ǹ bǎã lɛa, bɛ die a ǹ yii tumaa bɔ a ǹ kaa. Masɛ Dariusu n má boo da, a die a n zɛnaa miɛ̃ lɛ n ka te!»

Nehemii 1:9

Sɛnɛ, bɛ̀ ká wusoo ka daa masɛ ganaa, bɛ̀ ka masɛ a gɔn waa ǹ boon lɛn tamaa ka kɔ ǹ lɛ, ta kaa pɛsiɛ̃ wolen lɛn man lon lɛ doa ǹ bǎã nɛ, masɛ á die giɛ ǹ li walan ma ǹ sɔkɔn bǎã kɛ nɛ, má bɔ, má n tɔ da la.»

Loen 101:2

Man giɛ li ma yiri bɔ maa tɔ wɔ ǹ gɔn li, a boo la a goã siĩni. Man die boe ma li biĩ kəni? Maa sumu minin bii, ma tá re ma din kuĩ maa tɔ wɔ ǹ gɔn goã siĩni.

Loen 122:2

Kanna, wɔ á ke wɔ́ dɔ Zeruzalɛmu, wɔ á ke golee-n Zeruzalɛmu kiwi.

Loen 128:5

Dɛnaa Lawa die a n toa a kion *Siɔn kele la, a barka da n ganaa. N tá re Zeruzalɛmu a màndɛnaabaa yii n yiikoonaabaa tumaa gɔ́ɔ̃ nɛ.

Loen 134:3

Dɛnaa Lawa mɛn bɛ́ á lon laanka tán zɛnaa, a dɔ die a n toa *Siɔn kele la, a barka da ka ganaa.

Loen 74:7

Ǹ nə́ tɛ da n din a Kion sonbore kɛ ganaa. Ǹ nə́ n din a giã ǹ bǎã kɛ dɛ, ǹ nə́ kaa, ǹ nə́ *gɔ̀ lɔ a ganaa.

Loen 76:2

Lawa nə́ n din nyaa Zudaa gána nɛ, ǹ nə́ dɔ̃. A tɔ á gole Izirayeli gána nɛ.

Loen 78:68

Sɛnɛ, a na á Zudaa tɔrɔn bɔ. *Siɔn kele kɛ lɛ na á kɔɔ̃n kɔ a ganaa.

Bɔ bɛ̀rɛbaa nɛ 10:25

Muizu pɛ kɛnɛn: «Haayii. N din nə die wúlu mànan kɛn koe wɔ la, wɔ bɔ wɔa Dɛnaa Lawa nɛ, a bɔ kooro laanka a tã lenlen wɔn kɛn?

Bɔ bɛ̀rɛbaa nɛ 18:12

Ǹ daãgiĩ Zetro lɛ woo *wúlu màn tã kunun ǹ ni, ǹ nə́ wúlu màn tɔrɔ kɔsɔn dɔn bɔ ǹ nə́ ǹ kɔ Lawa la. Aarɔn laanka Izirayeli a min golen kɛn tumaa daa màn bii Lawa yɔrɔ-a, kun ka ǹ daãgiĩ Zetro lɛ nɛ.

Bɔ bɛ̀rɛbaa nɛ 20:25

Bɛ̀ ka tá wúlu bɔ ǹ bǎã lɛ doe ka kɔlɔ nɛ masɛ wɔ lɛa, ka baran dɔ ka kɔlɔ sɛlɛɛ-n wa. A giala, bɛ̀ ka sɛlɛ ka kaa sɛ̀miɛ̃ nɛ, ka á re a sonborebaa nyɛɛ.

Bɔ bɛ̀rɛbaa nɛ 24:4

Muizu Dɛnaa a boon lɛn tumaa kiɛ̃. Á yoo baayɛlɛ liliɛ, á *wúlu bɔ ǹ bǎã dɔ kele lɛ genli, á kɔlɔ fulupaa doa, goon nə́ Izirayeli tɔrɔ giala basa gogoonmaa wɔ lɛa.

Bɔ bɛ̀rɛbaa nɛ 24:5

Bɛ kio, á tɔntɔraan bɔ Izirayeli nɛnyaanan lɛn bii, bɛn nə́ dii gɔ̀lɔ̀n bɔ, ǹ nə́ ǹ tã lenlen, wúlu mànan lɛa, ǹ nə́ ǹ kɔ Lawa la, ǹ bii kɔɔ̃n kɔ kɔn kɛ a lɛa.

Bɔ bɛ̀rɛbaa nɛ 27:1

«Bɛ kio, n *wúlu bɔ ǹ bǎã lɛ zɛnaa ka kaasia gɔn nɛ. A sasabaa goã gùrù yii sooro, a pəməbaa goã gùrù yii sooro. A gùrùn tumaa doamaa nɛ ǹ goã goon. A wo lon goã gùrù yii sɔɔ.

Izayii 64:5

Wɔ tumaa n ka gɔ̀dɛnan manɛ. Wɔa sii peperen tumaa n ka mɔnaa bɛ́ lɔn mà kaa a ganaa. Wɔa siɛ̃n man wɔ biɛ, lɔnkɔsɔ á kɔnboe lɛa, piɛ̃ n woe ne.

Lawa a wúlu-bɔlen 17:9

bɛ̀ ǹ dɛnaa da nɛ kɔn yɛ ǹ kion kɛa kiɛnlɛ-a á wúlu bɔ nɛ Dɛnaa Lawa wɔ lɛa wa, ǹ bɛa min lɛ loo ǹ bɔ Izirayeli tɔrɔn bii.

Malakii 1:11

A saa lɛ̀giala ganaa a wo lɛ̀nyɛɛn yaa, tɔrɔ tumaa n maa golebaa doɛ̃, maǹ màn giĩ kɔɔ̃n tiɛ̃ bǎã tumaa nɛ ka ma tɔ nɛ, wúlu màn mɛn bɛ́ kɔnboe ka ma nɛ, ǹ nə́ die ka bɛ nɛ. Hiĩ! Tɔrɔ tumaa n maa golebaa doɛ̃, man pii ka nɛ masɛ, Dɛnaa Lawa Pàãyiidɛnaa.

Matiə 18:20

A giala bɛ̀ min paa hinlaa min sɔɔ nə́ n lɛ sɔkɔn bǎã mɛn nɛ ka masɛ tɔ nɛ, ma tá ǹ bii walan.»

Matiə 28:20

Ma dí mɛn tumaa pɛ ka nɛ, ka ǹ daraa ǹ ganaa ǹ nə ǹ nya. Ka dɔ̃: Ma á kun ka-n baraabaraa, yǎa kanaa a nya pinaa.»

Timəə dí-pɛn 12:11

Bɛa biikoo li kəni, kaa Lawa, Dɛnaa Lawa lɛ din tá re bǎã goon boe, a n tɔ da la. Ma laa ka ganaa máa ka die ka wo ka mànan mɛnɛn tumaa nɛ, ka die ka wo ǹ ne walan: wúlu màn tiɛ̃n manɛ, kaa barka da ǹ wúlu mànan nɛ, mànan fùfùbaa ǹ wɔn nɛ, Lawa gɔ ǹ wɔn nɛ ka màn mɛn tumaa bɛ́ ká n lɛ kɔ mà ka á re koe Dɛnaa Lawa la.

Timəə dí-pɛn 12:21

Kaa Lawa, Dɛnaa Lawa bɛ́ re bǎã mɛn lɛ boe a n din tɔ da la, bɛ̀ bɛ wɔlɔ á sɔsɔɔ ka mɛnɛn ganaa, Dɛnaa Lawa bɛ́ re tɔɔn mɛnɛn koe ka la, ta a gole hinlaa a boɛɛn nɛ, didie na a wɔ dɛ a din a kiwi, ka ma bɛ́ má pɛ ka-n lɔn. Ka bɛ́ giɛ li mà ka siĩ lɛ sɔ̃ lɔn, ka á re soɛ̃ miɛ̃.

Timəə dí-pɛn 12:5

Kaa Lawa, Dɛnaa Lawa bɛ́ re bǎã mɛn boe kaa tɔrɔn lɛn bii, a n tɔ da la, a baa a giã ǹ bǎã lɛa, ka doamaa-n ka wo a guguru kɔ bɛa bǎã lɛ dinsɔɔ̃ nɛ.

Timəə dí-pɛn 14:23

Kaa Lawa, Dɛnaa Lawa din bǎã mɛn bɔ á n tɔ da la, ka kaa mànan fùbaa ǹ wɔ lɛ bii a yɔrɔ-a walan: *belee ne, duvɛ̃ nɛ, nyɔɔ nɛ, ka kaa tɔɔ dadaran laanka a bisinin kɛn nɛ bibinaan nɛ. Bɛ lɛ n die toɛ ka nyɛ́ɛ baa kaa Lawa, Dɛnaa Lawa yii ni lɛawaa tumaa li.

Timəə dí-pɛn 16:11

Kaa Lawa, Dɛnaa Lawa bɛ́ re bǎã mɛn lɛ boe a n tɔ da la, ka die ka n nyɛnyɛɛ walan a din yɔrɔ-a: ka dinin ni, kaa nɛnyaanan nɛ, ka bɛ̀rɛgiĩn laanka kaa bɛ̀rɛlɔn nɛ ka *Levii tɔrɔn kɛn nɛ kaa kiwin ni, kɔnlɛ ka gùlin ni, nɛ-toenən ne ka lɔ giɔɔrɔn nɛ, ǹ mɛnɛn bɛ́ giã-n ka bii.

Timəə dí-pɛn 26:2

lɛ nɛ kaa Lawa, Dɛnaa Lawa ń die koe ka la, ka bɛ́ re màn mɛn tumaa a wuru boe a tán la, ka a tumaa a lɛ bibinaa kɔn kaa kɛsɛ nɛ, ka da nɛ bǎã kɛ nɛ kaa Lawa, Dɛnaa Lawa lɛ ń die boe, bɛ̀ a n din nyaa a nɛ.

Timəə dí-pɛn 7:13

Á re ka narɛ, a barka da ka ganaa, a toa ka mɔnaa. A n liɛ ka digolon ne, mà asɛ á re gána mɛn lɛ koe ka la, bɛ̀ ká dɔ walan, á re toɛ kaa nɛnyaanan nə mɔnaa, ka *belee gigiã yɛ, duvɛ̃ nɛ, ka nyɔɔ nɛ. Á re kaa diin mɔnɛɛ, kaa sèren ne ka kaa bòen ne.

Timote1 2:8

Man giɛ li kəni, máa giĩn nə Lawa nyankɔ bǎã tumaa ni, ǹ nə n gɔnɔn dia Lawa la, ǹ gɔ́ɔ̃ n fu, foo-busii ná a banban, zia ná a banban.