Bɔ bɛ̀rɛbaa nɛ 20:17 - LAWA A BOO SONBORE

¹⁷ - N yii baran bɔ min kɔsɔ gɔn màn kɔ́n li wa. N yii baran bɔ a kion li wa. N yii baran bɔ a lɔ li wa, a baran bɔ a dí-nyali giĩdɛnan laanka lɔdɛnan li wa. N yii baran bɔ a dii li ka a dundun ni wa.»

LAWA A BOO SONBORE 2011

¹⁷ - N yii baran bɔ min kɔsɔ gɔn màn kɔ́n li wa. N yii baran bɔ a kion li wa. N yii baran bɔ a lɔ li wa, a baran bɔ a dí-nyali giĩdɛnan laanka lɔdɛnan li wa. N yii baran bɔ a dii li ka a dundun ni wa.»

Bɔ bɛ̀rɛbaa nɛ 20:17 ပူးပေါင်းရင်းမြစ်များ

Siin Giala 14:23

Ma nə n liɛ, ma ba re màn kɔ́n sii n la wa, haalɛ a gɛ̀sɛ, haalɛ a kɔsɔ biɛ! Bɛ n toɛ n ba re boe la n pɛ biɛ̃ mà nsɛ nə ń toa Abramu màndɛnaa baa wa.

Siin Giala 3:6

Lɔ lɛ yɛ, mà da nɛ lɛ á siĩn yɔrɔ-a á la yii ni, mà a bii doamaa nɛ a goã kɔɔ̃n lɛ-n, mà min yii á boe li, mà á boe la a min yiri bũ. A ná a nɛ goon na, á bii, á ǹ kɔ́n kɔ ǹ zuũ la a li, a dɔ́ bii.

Siin Giala 34:23

Ǹ tɔɔn laanka ǹ gɔn mànan tumaa á die wɔa wɔn biɛ. Yǎa wɔ lɛ kɔ, ǹ giã kun wɔ nɛ.»

Zɔbu 31:1

Masɛ n má n liɛ, máa ma a re giɛ nɛniɛ ganaa, ma yii bɔ li wa.

Zɔbu 31:9

Bɛ̀ ma yii bɔ lɔ kɔsɔ li, bɛ̀ má n naa ma miã a kiɛnlɛ-a,

Loen 10:3

Min baraa nə n din kalɛɛ, mà asɛ boo sii la. Bɛ̀ á ná a wurumubaa ǹ mànan lɛn yɛ, a n sɔ kiɛ Dɛnaa Lawa la, bɛ̀ a da yaa lɛa.

Loen 119:36

Toa n gɔn waa ma-n boon kɛn sii goã ma ganaa. Ǹ sii ma kũ, á la ga màn li ni.

Suusun 4:23

Bɛ tumaa a kiɛ̃ kio, boo n foo la a giala yiikoonaabaa a bɔ ǹ bǎã nɛ.

Suusun 6:29

Min mɛn bɛ́ baa sii ǹ miã kɔsɔ a lɔ kio, a din yii goon ne. Bɛ̀ n mɛn nə n gɔn da a ganaa, ń tá re a mìi gɔ́ɔ̃ ǹ sii yii.

Boo-laakalaali 4:8

Min nə ke a dinsɔɔ̃, a min kɔsɔ banban wa. A banban nɛ lɛa wa, a banban dɔɔ̃n lɛa wa. A da yaa, bɛa dɛnaa kɛ lɛ n kɔn ka di-n miɛ̃ duduu, gɔn màn ba doe a yii li wa. Die a lɛa nɛ, á n dí nyɛɛ, á n nyɛnyɛɛ lɛ tiɛ̃ a din ganaa? Bɛ dɔ giala banban, a n foo busi a tɔ-a.

Izayii 33:15

Min mɛn bɛ́ sii sonbore zɛnɛɛ, a n peperebaa boo diɛ, bɛa dɛnaa a lɛ koe kakaarɛbaa ǹ màn ganaa wa, a nə n dɔ̀ɔ̃ we lɛ pii wolen manɛ, bɛ̀ ǹ tá gɛ̀ dɛ boo diɛ, a nə n too tiɛ̃. A nə n yii tiɛ̃ màn mɛn bɛ́ toɛ, a yii nyan sii baraa yɛ wa.

Izayii 57:17

Izirayeli a zɛ̀rɛ laanka a din foo siin kɛn nə́ ma foo yoo, bɛ lɛ nɛ má dɔlɔ da la. Ma ba li ma yɛ doo wa. Sɛnɛ a too kakabaa taman yii, a n tɔn koe a din foo siin lɛ.

Zeremii 22:17

Sɛnɛ, nsɛ n giɛ n dinsɔɔ̃ a là li. Ma n zoɛ̃ yii tì-an dɛ li, n nə́ kakaarɛbaa zɛnɛɛ minin ni, ka mɛnaa ma la nɛ.

Zeremii 5:8

Ǹ bɛ́ màn mɛn lɛa, sùi kasiɛ̃ wolen manɛ, lɔ sii nə́ ǹ ganaa. Didie tumaa n baa sii ǹ miãkɛn a lɔ kio.

Ezekieli 33:31

Ǹ tá re die ma li ka zaman kɛa lɛsɔkɔn pinaa bɛ́ lɔn. Maa minin lɛn tá re die giɛ̃ tán ma yɔrɔ-a. Ǹ tá re n too koe maa boon li, sɛnɛ, ǹ ba re ǹ sii wa. A giala, boo kɔɔ̃n nə soe ǹ lɛ-n, sɛnɛ, ǹ foo kɛ nɛ, maǹ nə ǹ dinin là kio.

Misee 2:2

Bɛ̀ ǹ yii bɔ min a wuru li, maǹ kuĩ ǹ si la ka pàã nɛ, ta kion ne, maǹ nɔmɛ a ganaa. Maǹ boe kɛnaa laanka a kion minin yii ni. Ǹ bɔ min yii ni, ǹ na a gɔn màn kũ ǹ si la.

Abakuku 2:9

Kaa wɔ ǹ ka bɔ̀n nɛ! Ka mɛnaa minin la, ka gɔn mànan yɛ, kaa kion minin wɔ lɛa. Ka bàan wɔ bɛ́ lɔn, ka n kaa giãǹ bǎã doe lon, màn mɛn bɛ́ toɛ koe ná a doe ka ganaa wa.

Matiə 20:15

Bɛ̀ ma tá li ma sii mɛn zɛnaa ka ma din a wɔrɔ nɛ, ma a boe la ma bɛ zɛnaa-n wa? Ma nə n yii baraa boe ma li sii sonbore zɛnaa lɛ taman yii!»

Matiə 5:28

Sɛnɛ, masɛ n pii ka nɛ, bɛ̀ giĩ mɛn ga ǹ miã a lɔ ganaa a yii bɔ li, bɛa dɛnaa na á naarɛbaa zɛnaa kun ni gɔrɔ a din foo ne.

Luku 12:15

Á pɛ ǹ tumaa nɛ: «Ka n dinin kũ dɛ! Ka n parabaa ka ga màn li baraa nɛ. Min a yiikoonaabaa giala bie doa-n a gɔn màn-a wa, ta bɛa gɔn màn lɛ din na á mɔnaa lɔn.»

Luku 16:14

*Fariziɛ̃n mɛnɛn bɛ́ wɔrɔ n kɔɔ̃nɛ ǹ ganaa, bɛn dɔn nə́ goã n too koe bɛa boo kɛ lɛ tumaa ganaa, bɛ̀ ǹ nə́ yaa we a ganaa.

Nya ǹ dín 20:33

Masɛ yii bɔ min kɔ́n a wɔrɔ li wa, ka a sana nɛ ka a dɔnkɛ-n wa.

Nya ǹ dín 5:4

Min kɔ́n nə n da n tán lɛ a siɛ̃ ganaa wa. N bɛ́ ń sã dɔn, min kɔ́n nə n bíi mà n da ka a wɔrɔ-n wa. A na á saa lɔn sii kɛ a zɛnaa ǹ gɔn wɔ n foo ne? N bie n soɛ bɔ min ni wa, ma nə́ n soɛ bɔ Lawa nɛ.»

Rɔmu minin 13:9

Sonbore, dí-pɛn mɛnɛn bɛ́ pii mà «N baran naarɛbaa zɛnaa wa, n baran gɛ̀ dɛ wa, n baran wurumu baa wa, n yii baran bɔ min kɔsɔ gɔn màn kɔ́n li wa», bɛn laanka gialakun kɛ tumaa mìi n ke: «N miã kɔsɔ dɔ narɛ ka n bɛ́ n din narɛ lɔn.»

Rɔmu minin 7:7

Wɔ ǹ die pii mà wàa kəni? Mà dí-pɛn man màn baraa lɛa? Haayii dɛ! Sɛnɛ, wɔ ǹ wɔ́ sii baraa dɔ̃ dí-pɛn barka nɛ. Bɛ̀ dí-pɛn bie ǹ nə́ pɛ mà «n yii baran bɔ min kɔsɔ gɔn màn kɔn li wa», bɛ̀ wɔ a yii bɔ min kɔsɔ gɔn màn li doɛ̃ sii baraa lɛa wa.

Korɛnti1 6:10

wurumun ni ka yii bɔ miã gɔn màn li wolen ne, yɔ-mili baraan nɛ, minin tɔ-ziziɛ̃lin ni, ka waa zii-a wolen ne, bɛa min kɛ kɔ́n ba re bǎã yii Lawa a kiibaa-n wa.

Efɛɛzi minin 5:3

Ka bɛ́ Lawa a zaman minin lɛa, a kɔnboe ka yɔrɔ kɔ́n nɛ, kɔrɔbaa nɛ, gɔgɔrɛbaa nɛ, ka yii mu mi ni, bɛ kɔ́n boo ma ka bii dinin wa.

Efɛɛzi minin 5:5

Ka dɔ̃ taãnɛ, mà kɔrɔbaali ni, min gɔgɔrɛ nɛ, hinlaa yii mu-mili ni, mà bɛa minin kɛn kɔ́n gii ba Krita laanka *Lawa a kiibaa kɛ-n wa. Yii a mu mi màn li n goon ka dì guguru-kɔ nɛ.

Timəə dí-pɛn 5:21

N yii baran bɔ min kɔsɔ gɔn màn kɔn li wa. A nyan bɔ a lɔ li wa, a kion ne, a wuru ni, a bɛ̀rɛgiĩ ni, a bɛ̀rɛlɔ nɛ, a dii ni, a dundun ni, n yii nyan bɔ bɛ kɔn li wa.»

Timəə dí-pɛn 7:25

Màn nyínin mɛnɛn bɛ́ ǹ dìn lɛa, ka die ka bɛn tã. Ka nyan toa ka yii bɔ wɔrɔ laanka sana kɛ li ǹ la, ka ka dinin kaa sii-n wa. A giala, sii bɔbɔnɛɛ nɛ, kaa Lawa, Dɛnaa Lawa lɛ yii li.

Filipi minin 3:19

Ǹ giala-nyɔmɔɔ á re ziziɛ̃, a giala, mà ǹ gɔ̀nɔn foo sii mànan manə ǹ Lawa lɛa. Sii mɛn doamaa bɛ́ a sìi da ǹ ganaa, manə n dinin koɛ ka bɛ nɛ, ǹ nə́ taasiɛ we kanaa kɛ a mànan dininsɔɔ̃nɔn ganaa.

Kolɔɔsi minin 3:5

Dùũ siin mɛnɛn bɛ́ ka nɛ, ǹ nə́ kanaa dùũ siin lɛa, ka bɛn kaa ka lenlen. Bɛa dùũ siin lɛn nə́ ke: Kɔrɔbaa nɛ, ka gɔgɔrɛbaa nɛ, ka sii baraa zɛnaa a bɔlɔ-sɛ̀-mui ni, ka dùũ sii babaraa nɛ, ka yii miminibaa nɛ bɛ mɛn bɛ́ goon ka dì wúlu bɔ nɛ.

Ebrəə 13:5

Wɔrɔ-narɛɛ baran goã kaa sii tumaa zɛnaa mìi lɛa wa. Màn mɛn bɛ́ ka lon, ka toa bɛ ka yii kã. A giala, Dɛnaa din na á pɛ: «Haayii! Ma a re n gɔn boe n ganaa duduu wa, ma a re n toɛ walan wa.»

Zozoe 7:21

Wɔ mànan mɛnɛn goa zia-baa lɛ gɔ́ɔ̃ nɛ, masɛ n má Mezopotamii gána a dɔnkɛ sonbore goon yɛ, ka wɔrɔ kilo paa kɛ miã nɛ, ka sana kuturu goon ne, bɛ dɔ á kilo talɛɛ boe. Ma yii na á bɔ bɛn lɛn li, má ǹ goa. Á ke, ǹ tá durii-n tán maa mɔnaa kion bii, wɔrɔ lɛ tá a giulun.»

Samayeli1 12:3

Ma á ke! Bɛ̀ má sii kɔn la, ka ma biɛ kɔ Dɛnaa Lawa yɔrɔ-a, ka kii kɛ nɛ Dɛnaa Lawa din bɔ. Man má die a dii hinlaa a dundun si la? Man má mɛnaa die la hinlaa man má bɔ die yii ni? Die na á masɛ lɛ pii, má kiɛ̃ ǹ dɛnaa sii la? Ka pɛ, ma á sarɛɛ.»

Samayeli1 15:19

Wàa na á baa, n Dɛnaa Lawa bɔlɔ si wa? N mànan mɛnɛn si kaa zɔ́ɔn la, wàa na á baa, ń ka dɔdɔ bɔ, n bɛn goɛ? Sii mɛn bɛ́ a siĩn Dɛnaa Lawa yii li wa, wàa na á baa, ń bɛ zɛnaa?