Bɔ bɛ̀rɛbaa nɛ 20:16 - LAWA A BOO SONBORE

¹⁶ - N baran soɛ da min la wa.

LAWA A BOO SONBORE 2011

¹⁶ - N baran soɛ da min la wa.

Bɔ bɛ̀rɛbaa nɛ 20:16 ပူးပေါင်းရင်းမြစ်များ

Loen 15:3

A ba min tɔ baraa pii wa, a ba sii baraa zɛnɛɛ ǹ miãn man wa, a ba ǹ miã tɔ pɔpɔsɛ wa.

Bɔ bɛ̀rɛbaa nɛ 23:1

«Soɛ boon mɛnɛn bɛ́, ǹ giala ba we-n taãn wa, ka baran bɛn pɛsɛ̃ piɛ̃ li wa. Ka baran soɛ a siére baa, ka n dɔ zɛ̀rɛdɛnaa lɛ wa.

Suusun 10:18

Min mɛn bɛ́ zɔ́ɔbaa duri, min naarɛ nɛ. Min mɛn bɛ́ soɛ diɛ ǹ miãn la, baãnaa nɛ.

Suusun 11:13

Min mɛn bɛ́ soɛ diɛ ǹ miãn la, a n sii durii dɔ pii. Sɛnɛ, min mɛn bɛ́ yiridɛnaa lɛa, a ba boo diɛ wa.

Suusun 19:5

Dɔlɔ á re n boe siére baraa-pɛli ganaa ǹ kɔn pinaa. Sɛnɛ, soɛ-bɔli dɔ bɛ á kɔnbɔ ka màn mɛn nɛ, á re bɛ yii.

Suusun 25:18

Min mɛn bɛ́ soɛ woon diɛ n miã la, a n goon ka bàlà gole ne, gɔya sa hinlaa kiɛ pɛpɛnɛ nɛ.

Lawa a wúlu-bɔlen 19:11

Ka baran wurumu baa wa, ka baran kɔn yiri sã wa, ka baran soɛ dɔ bɔ kɔn nɛ wa.

Lawa a wúlu-bɔlen 19:16

Ka baran n bibiə̃ ka ka dɔɔ̃nɔn tɔ ziziɛ̃ wa. Min dɔ baran ǹ miã zɛ̀rɛ baa kooro, n kiɛ̃ n minin yaa dii wa. Ma din nə Dɛnaa Lawa lɛa.

Lawa a wúlu-bɔlen 19:18

N baran dòo bɔ wa, min dɔ baran sii koa a gɔ́ɔ̃ nɛ, ǹ miã wɔ paǹ li wa. N miã kɔsɔ dɔ narɛ ka n bɛ́ n din narɛ lɔn. Masɛ din nə Dɛnaa Lawa lɛa.

Matiə 19:18

Giĩ lɛ tɔ́n nɔ̀n da la: «Ǹ mɛnɛn?» Yezu tɔ́n pɛ: «N baran gɛ̀ dɛ wa, n baran naarɛbaa zɛnaa wa, n baran wurumu baa wa, n baran soɛ da min la wa,

Luku 3:14

Sɔraasin dɔn nə́ nɔ̀n da la mà ǹsɛn dɔn doamaa nɛ ǹ wàa mɛn zɛnaa? Á ǹ lɛ si: «Ka baran pàã nyaa min ni ka wɔrɔ si la wa. Ka baran mɛnaa min dɔ la ka soɛ boon ne ka wɔrɔ si la wa. Bɛ din tumaa kio, ǹ bɛ́ saraa mɛn koe ka la, ka toa bɛ lɛ dɔ ka yii li.»

Nya ǹ dín 6:13

Ǹ nə́ ga siére soɛ-bɔlen li walan, bɛn nə́ pɛ: «Giĩ ke ka yii tá-a, a n boo baraa diɛ biikoo tumaa waáraa Lawa a kion kɛ wɔ gɔn la, ka Lawa dín mɛnɛn pɛ Muizu ni.

Efɛɛzi minin 4:31

Ka toa kɔkɔsɛbaa ǹ sii tumaa wɔlɔ lui ka ganaa, min koa ma gɔ́ɔ̃-n nɛ, foo-yoo baraa tumaa nɛ, paparaan nɛ ka sɔ-kɔn nɛ. Ka n bɔ baraabaa sii tɔrɔ tumaa wɔlɔ li.

Timəə dí-pɛn 5:20

N baran soɛ da min la wa.

Timote1 1:10

A na á n koa dɔn naarɛbaalin taman yii, ka giĩ ga kɔn li wolen ne, bɛ̀rɛ-sãlin ni, soɛ-bɔlen ne. Min mɛnɛn bɛ́ n lɛ koe ka sii ni, bɛ̀ ǹ wusoo ǹ kio, bɛn nɛ ka min mɛnɛn tumaa bɛ́, ǹ zɛnaa ǹ sii a kɔnpii ka daraa sonbore kɛ-n wa.

Timote2 3:3

ǹ tá re kakaarɛ koe, ǹ ba re min makara doɛ̃ wa. Ǹ tá re kɔn tɔ ziziɛ̃ wolen biɛ, ǹ ba re n dinin kuĩ wa. Ǹ tá re baraa koe, sii bǐɛ̃ a die kɔɔ̃n koe ǹ ganaa wa.

Zaaki 4:11

Dɔɔ̃nɔn lɛn, ka nyan lɛ pɔrɔ kɔn ganaa wa. Bɛ̀ min mɛn tá lɛ pɔrɛɛ ǹ miã ganaa, hinlaa bɛ̀ á zɛ̀rɛ koɛ a ganaa, bɛa dɛnaa n lɛ pɔrɛɛ Lawa a dí-pɛ ganaa, á n zɛ̀rɛ koɛ a ganaa. A da yaa, bɛ̀ n tá zɛ̀rɛ koɛ Lawa a dí-pɛ ganaa, n bie a tamaali lɛa doo wa, sɛnɛ, a zɛ̀rɛ baali nə n ne.