Bɔ bɛ̀rɛbaa nɛ 19:18 - LAWA A BOO SONBORE

¹⁸ Sinayii kele lɛ goã tɛmaa lɛa, a giala, Dɛnaa gisĩ la tɛ bii. A tɛmaa lɛ yoo ka n pɛ mà kùsì gole tɛmaa nɛ, kele lɛ tumaa bìn da taãn-taãnɛ.

LAWA A BOO SONBORE 2011

¹⁸ Sinayii kele lɛ goã tɛmaa lɛa, a giala, Dɛnaa gisĩ la tɛ bii. A tɛmaa lɛ yoo ka n pɛ mà kùsì gole tɛmaa nɛ, kele lɛ tumaa bìn da taãn-taãnɛ.

Bɔ bɛ̀rɛbaa nɛ 19:18 ပူးပေါင်းရင်းမြစ်များ

Siin Giala 11:5

Minin lɛn bɛ́ kiwi mɛn laanka sanabolo mɛn doe, Dɛnaa gisĩ á ga a ganaa.

Siin Giala 15:17

Wasa bɛ́ á mɛ, kùsì kɔ́n a tɛsiã goã boe wɔlɔ tì lɛ li, a tɛ buə̃ bɔ siĩ lɛkaran lɛn bii ni.

Siin Giala 19:28

Á n yii saa á ga Sodɔmu laanka Gomɔɔrɔ ganaa, ka ǹ lɛkoro lɛ-a bǎãn kɛn tumaa nɛ. Á tɛmaa yɛ yui tán kurukuru ka kùsì gole wɔ bɛ́ lɔn.

Nehemii 9:13

Ń gisĩ Sinayii kele kɛ la, ń nə́ n toa lon ń boo da ǹ nɛ. Ń sii yɔrɔ bɔ ǹ boo peperen kɔ ǹ la, ka dí-pɛn boo taãnan nɛ, ka landa boon laanka gɔn waa ǹ boo sonboren ne.

Loen 104:32

Bɛ̀ ń ga tán ganaa kooro, a n bìn diɛ, bɛ̀ ń nə́ n gɔn da kelen ganaa, maǹ tɛmaa boe.

Loen 114:4

Kelen gɔ́ɔ̃ wɔ̃, ǹ nə́ paparɛ ka sèren bɛ́ lɔn, tentenen nə́ paparɛ ka bòen bɛ́ lɔn.

Loen 114:7

Tán bìn da Dɛnaa Lawa yɔrɔ-a, Zakɔba a Lawa lɛ yɔrɔ-a.

Loen 144:5

Dɛnaa Lawa, lon kɛ toɛ̃ n gisĩ, n gɔn da kelen-a, ǹ tɛmaa bɔ.

Loen 18:9

A nyin kàràn yii n tɛmaa boe, tɛ babaraa n soe a lɛ-n, kun ka tɛ nàn nɛ boe a paǹ yii-a.

Loen 68:9

tán nə́ bìn da, haalɛ lon dinmaa dɔ mu gigiã kaa, nsɛ Lawa yɔrɔ-a, bɛ̀ n bɛ́ ń gisĩ Sinayii kele la, nsɛ Izirayeli minin Lawa lɛ.

Loen 77:18

Labaran nə́ ǹ mu kaa tán la, la a giniin nə́ bɔ ǹ bii, la a tɛ-pɛn nə́ bɔ, ǹ nə́ woo paǹ tumaa ganaa.

Loen 77:19

N la lɛ bɛ́ gini kiɛ̃, la a tɛ-pɛn nə́ kanaa lɛ fulu. Tán nə́ nyɛ́ɛ baa, á bìn da.

Bɔ bɛ̀rɛbaa nɛ 19:13

Min dɔ baran n gɔn da bɛa sii ziziɛ̃ wole kɛ lɛ ganaa wa, sɛnɛ, ǹ dɛ ka kɔlɔ nɛ hinlaa ǹ pã ka kiɛ nɛ. Ta tɔɔ nɛ hinlaa minbuiin ni, a yii baran goã koo wa. Sɛnɛ, bɛ̀ bɛn wuu bɔ, min tɛnɛn nə dii kele lɛ la.»

Bɔ bɛ̀rɛbaa nɛ 19:17

Muizu soo ka zaman lɛ nɛ, á ǹ bɔ ǹ giã ǹ bǎã nɛ, ǹ nə́ woo n da Lawa lɛ. Ǹ nə́ golee kele lɛ genli.

Bɔ bɛ̀rɛbaa nɛ 20:18

Izirayeli nɛnyaanan zaman lɛ tumaa na á goã la a ginii kɛ laanka bɛn wuu miɛ̃. Ǹ nə́ la a tɛ-pɛ lɛ dɔ yɛ, ka kele lɛ-n tɛmaa lɛa. Nyɛ́ɛ zaman lɛ kũ, ǹ nə́ golee tiãlɛa.

Bɔ bɛ̀rɛbaa nɛ 24:17

Izirayeli nɛnyaanan lɛn man nə́ goã Dɛnaa a gugurubaa lɛ yii, ka n pɛ mà tɛ buə̃ gole bɛ́ lɔn kele lɛ mìi ni.

Bɔ bɛ̀rɛbaa nɛ 3:2

Dɛnaa a lon a dia dí-a wole nə́ n din nyaa nɛ, tɛ buə̃ bii daãn ganaa. Á ga, daãn lɛ n tɛ lɛa, sɛnɛ, a kuĩ wa.

Bɔ bɛ̀rɛbaa nɛ 34:2

N yɔrɔ bɔ, n koa biɛ̃ baayɛlɛ nyɛɛnɛ. Baayɛlɛ gɔrɔ, n dii Sinayii kele lɛ la, n golee masɛ yɔrɔ-a kele lɛ mìi ni.

Izayii 6:4

Ǹ lɛn nə bìn diɛ Lawa a kion a kiɛnlɛ-a ǹ goon ganaa. Lawa a kion lɛ gɔ́ɔ̃ piɛ̃maa-n ka tɛmaa nɛ.

Izayii 64:1

Bɛ̀ ma n die goɛ̃ ka tɛ bɛ́ lɔn, tewonən kuĩ, hinlaa mu diɛ pipii ganaa. Bɛa yɔrɔ lɛ la, n bɛ́ màn mɛn lɛa, n zɔ́ɔn tá re n tɔ doɛ̃, tɔrɔn tumaa á re bìn diɛ n nyɛɛnɛ!

Zeremii 4:24

Man giɛ kelen ganaa: maǹ bìn diɛ. Tenten tumaa n bìn diɛ.

Abakuku 3:6

Bɛ̀ á gole, tán nə bìn diɛ. Bɛ̀ á ga tɔrɔn ganaa, bɛn man nyɛ́ɛ biɛ nɛ. Kelen mɛnɛn bɛ́ ǹ tan duduu, bɛn man wɔsɛ kɔn. Tentenən mɛnɛn bɛ́ ǹ tan lɛlɛ, bɛn man kiɛ, ǹsɛn mɛnɛn nə goã a kiɛ̃ ǹ zii lɛa lɛlɛ.

Zakarii 14:5

Bɛa nyankɔrɔ lɛ kɛ lɛ kelen lɛn bii ni, ka n die baa sii ka bɔ ka bɛ lɛ nɛ, a giala, a n woe yǎa Asali. Ka n die baa sii, ka ka digolon wɔ bɛ́ lɔn, Zudaan kii Oziasi a waáraa, tán a bìn diɛ pinaa. A da yaa, Dɛnaa Lawa, maa Lawa n die die ka a lon a dia dí-a wolen kɛn tumaa nɛ.

Matiə 24:7

A giala tɔrɔn tá re zia biɛ tɔrɔ kɔsɔn ganaa, gánan tá re zia biɛ gána kɔsɔn ganaa. Bǎã gigiã nɛ, bòo á re we, tán tá re bìn diɛ.

Timəə dí-pɛn 33:2

A na á pɛ kɛnɛn: «Dɛnaa Lawa bɔ Sinayii kele la á daa, a na á n toa Seyiiri gána nɛ á daa ǹ lɛa, ka wasa bɛ́ lɔn, á n toa Paran kele la, á wasa kaa a minin lɛn ganaa. Á daa a minin li, kun ka lon a dia dí-a wole duu damata nɛ, ka a dí-pɛ tɛdɛnaa kɛ nɛ a gɔn.

Timəə dí-pɛn 4:36

A din lɛ na á n toa lon, á boo da ka nɛ, á ka daraa. A ka toa tán, á ná a tɛ gole kɛ nyaa ka nɛ, ká a boon ma bɛa tɛ lɛ bii.

Timəə dí-pɛn 5:22

Dɛnaa Lawa na á bɛa boon lɛn pɛ ka nɛ ka lɛn gole ne, tɛ bii, tɛmaa bii, ka wɔlɔ tì gole ne. Ka mɛnɛn tumaa goã kele lɛ gòã lasa la, a na á boon kɛn lɛn da ka dinin manɛ, a màn kɔsɔ ti a ganaa wa. Bɛ kio, á boon lɛn kiɛ̃ kɔlɔ-sɛlɛɛ màn paa la, á ǹ kɔ ma la.

Timəə dí-pɛn 5:4

Dɛnaa Lawa na á boo da ka dinin yii ni, kele lɛ la tɛ bii.

Tesaloniki2 1:7

Sɛnɛ, kasɛn mɛnɛn bɛ́ nɔmaa we sisia, á re susui koe ka la, kun ka wɔsɛn nɛ. Bɛ á re n zɛnɛɛ Dɛnaa Yezu a daa pinaa. Á re n din nyɛɛ kun ka a dia dí-a wole pàãdɛnan kɛn nɛ.

Tesaloniki2 1:8

A n die die tɛ buə̃ bii, min mɛnɛn bɛ́ ǹ nə́ n piã ka Lawa doɛ̃ nɛ, ǹ nə́ n piã ka wɔa Dɛnaa Yezu a Boo Tii Kɔɔ̃n kɛ dɔ nɛ, a dɔlɔ bɔ bɛn ganaa.

Ebrəə 12:18

Min bɛ́ boe la, a n gɔn da Sinayii kele mɛn ganaa, kasɛn bie ka n mɔrɔ bɛ ganaa, ka Izirayeli minin wɔ bɛ́ lɔn wa. Ǹsɛn man nə́ n mɔrɔ bɛa kele lɛ ganaa, bɛ̀ tɛ gole n la, ka wɔlɔ tì gole ne, ka piɛ̃ gole ne,

Ebrəə 12:26

Asɛ mɛn bɛ́ a lɛn bìn da tán ganaa, a din lɛ n boo kɛ pii wɔ-n kanna: «Masɛ n die wusii ma bìn da tán lɛ ganaa gunyin goon doo. Bɛ dinsɔɔ̃ bie wa, ma á re bìn diɛ lon dɔ ganaa.»

Piɛrɛ2 3:10

Dɛnaa a lɛawaa lɛ a daa n die goɛ̃ ka wurumu wɔ bɛ́ lɔn, min yiri ná a ba li wa. Bɛa pinaa kɛ nɛ, lon nə die nyɛɛ ka nyɛ́ɛ da ǹ màn wuu gole ne, a màn tumaa n die kuĩ ǹ papaã. Kanaa laanka a gɔ́ɔ̃gɔ́ɔ̃ ǹ mànan tumaa á re nyɛɛ.

Sii-nyaan 15:8

Bɛ ganaa, Lawa a Kion lɛ pã ka tɛmaa nɛ, Lawa a gugurubaa laanka a pàãyiidɛnaabaa a lɛa. Min kɔ́n boo la, á wɔ Lawa a kion lɛ-n wa, yǎa lon a dia dí-a wole sɔbaan kɛn, ǹ nə́ woo ǹ koe sɔbaa kɛ bɔ ǹ nə́ nya.

Sii-nyaan 9:2

Leere lɛ bɛ́ á bɛa nyankɔrɔ zuzulu kɛ lɛ lɛ bũ, tɛmaa soo a nɛ, a n kɔnboe ka kùsì kaara tɛmaa nɛ. Nyankɔrɔ lɛ a tɛmaa wasa kũ á baa tì ka lon tumaa nɛ.

Sii yɔrɔ-bɔlen 5:5

Kelen nə́ bɔ ǹ nə́ kaa Dɛnaa Lawa yɔrɔ-a, Sinayii kele kɛ lɛ bɔ á mɛnaa Dɛnaa Lawa yɔrɔ-a, Izirayeli minin Lawa lɛ.