Bɔ bɛ̀rɛbaa nɛ 19:10 - LAWA A BOO SONBORE

¹⁰ Dɛnaa pɛ-n doo: «Wo zaman lɛ li, n na a *yoreen kɔ pelo laanka biɛ̃ nɛ. A pɛ ǹ nɛ, mà ǹ nə ǹ mɔnaan pii,

LAWA A BOO SONBORE 2011

¹⁰ Dɛnaa pɛ-n doo: «Wo zaman lɛ li, n na a *yoreen kɔ pelo laanka biɛ̃ nɛ. A pɛ ǹ nɛ, mà ǹ nə ǹ mɔnaan pii,

Bɔ bɛ̀rɛbaa nɛ 19:10 ပူးပေါင်းရင်းမြစ်များ

Siin Giala 35:2

Zakɔba tɔ́n pɛ a kion minin manɛ, min mɛnɛn bɛ́ kun ni ka bɛn dɔn nɛ: «Tɔrɔ kɔsɔn bɛ́ mànan mɛnɛn guguru koe lawan lɛa, ka bɛn waa, ka ǹ bɔ ka bii. Ka ka dinin *yoreen kɔ, ka mɔnaa kɔsɔn wɔ.

Samayeli2 19:24

Bɛ kio, kii pɛ Simeyii ni: «Ǹ ǹ ba re dii wa. Á n liɛ nɛ ka bɛa boo lɛ nɛ.»

KZS2 29:34

Lawa a wúlu-bɔlen mɛnɛn bɛ́ ǹ tan, ǹ ba mɔnaa nɛ duduu wa, ǹ tɔɔ mɛn tumaa dɛ wúlu màn tiɛ̃ lɛa, ǹ ba boe la ǹ tá a ki boe wa. Ǹ dɔɔ̃nɔn Levii tɔrɔn nə́ n dɔ ǹ lɛ ǹ nə́ dí lɛ gɔn nyɔmɔɔ, bɛ̀ ǹ baa n yii diɛ Lawa a wúlu-bɔle kɔsɔn din yoreen kɔ la. Taãn nɛ, Levii tɔrɔn lɛn nə́ golee din yoreen kɔ li á la Lawa a wúlu-bɔlen manɛ.

KZS2 29:5

á pɛ ǹ nɛ: «Giĩn kɛn Levii tɔrɔn lɛa, ka n too kɔ ma lon! Ka n dinin *yoreen kɔ kanna, ka Dɛnaa Lawa, ka digolon Lawa a kion kɛ yoreen kɔ. Màn gɔgɔrɛn mɛnɛn bɛ́ bǎã sonbore kɛ nɛ, ka ǹ yii goa.

Zɔbu 1:5

Bɛ̀ zɔ́n lɛ kiɛ̃, Zɔbu na a nɛnyaanan lɛn bíi, bɛ̀ a *gɔ̀ bɔ ǹ ganaa. A n yui baayɛlɛ yiisoone, bɛ̀ a tɔɔ dɛ a tã lenlen, a didie a wúlu bɔ nɛ. Zɔbu na á goã zɛnɛɛ miɛ̃ biikoo tumaa li. A giala a na á goã taasɛ, mà kɔntan asɛ a nɛnyaanan lɛn nə́ sii baraa zɛnaa, hinlaa ǹ nə́ wɔ Lawa gasɛ nɛ ka ǹ taasiɛ nɛ.

Lawa a wúlu-bɔlen 11:25

Bɛ̀ min dɔ nə́ ǹ gere saa, ǹ dɛnaa doamaa nɛ a na a mɔnaa pii. Sɛnɛ, ǹ dɛnaa n goɛ̃ gɔ̀dɛnaa lɛa yǎa wasa woe miɛ̃.

Lawa a wúlu-bɔlen 15:5

Bɛ̀ min mɛn nə́ n gɔn da bɛa piì lɛ ganaa, ǹ dɛnaa doamaa nɛ a na a mɔnaan pii, a n zoo. Sɛnɛ, ǹ dɛnaa n goɛ̃ gɔ̀dɛnaa lɛa, yǎa wasa woe miɛ̃.

Minin nimi 11:18

N die n pɛ zaman lɛ nɛ: «Ka *gɔ̀ bɔ ka dinin ganaa, biɛ̃ ǹ taman yii, ka tá re siĩ soɛ̃. A giala, ka wuu pɛ Dɛnaa Lawa ganaa, ka pɛ: Die n die siĩ koe wɔsɛn la wɔ sɔ̃? Ezipti gána goã soɛ wɔsɛn ganaa. Dɛnaa Lawa n die siĩ koe ka la kəni, ka sɔ̃.

Minin nimi 19:19

Min mɛn lɛ á ke yoreene, bɛ lɛ die a mu lɛ pɛsɛ̃ gɔ̀dɛnaa lɛ-a, sii lɛ a zɛnaa a lɛawaa sɔɔbaa ǹ wɔ pinaa, ka a lɛawaa sɔbaabaa ǹ wɔ pinaa nɛ. Min yoreen lɛ die a gɔ̀ bɔ gɔ̀dɛnaa lɛ-a, a lɛawaa sɔbaabaa ǹ wɔ pinaa, bɛ kio, gɔ̀dɛnaa lɛ na a mɔnaan pii, a n zoo mu li, á die yoreen koe wasamiɛ̃nɛ.

Minin nimi 31:23

bɛa mànan kɛn lɛn tumaa, tɛ ná a ba ǹ kuĩ wa, ka die ka gɔ̀ bɔ ǹ ganaa ka tɛ nɛ, bɛ kio, ka ǹ kaa gɔ̀ bɔ ǹ mu kɛ li. Tɛ bɛ́ màn mɛn kuĩ, ka bɛ sã mu li.

Minin nimi 31:24

Ka die ka kaa mɔnaan dɔn pii a lɛawaa sɔbaabaa ǹ wɔ pinaa, ka tá re *yoreen koe. Bɛ kio, ka tá boe la ka n bɔyaa ka wo giã ǹ bǎã lɛ nɛ.»

Minin nimi 8:21

Levii tɔrɔn lɛn nə́ gɔ̀ bɔ ǹ dinin ganaa, ǹ nə́ ǹ mɔnaan pii. Bɛ kio, Aarɔn nə́ ǹ kɔ Lawa la ǹ sii zɛnaa, Dɛnaa Lawa yɔrɔ-a, á gɔ̀ bɔmaa ǹ landa sii kɛ zɛnaa ǹ ganaa, á ǹ yoreen kɔ.

Minin nimi 8:7

N die n gɔ̀ lɛ bɔ ǹ ganaa ka yɔrɔ kɛ nɛ: n die n gɔ̀ bɔmaa ǹ mu kɛ pɛsɛ̃ ǹ ganaa, ǹ die ǹ nə n gɔ̀nɔn ka tumaa kɔɔ̃, ǹ nə ǹ mɔnaan pii. Bɛ kio, ǹ tá re *yoreen koe.

Korɛnti1 6:11

Ka tɛnɛn man ka goã miɛ̃. Sɛnɛ, Lawa sii baraa pii á bɔ ka ganaa, á ka bɔ ka gɔrɔn a din wɔn lɛa, á lɛ kɔ ka ganaa min peperen lɛa a din yɔrɔ-a, ka Dɛnaa Yezu *Krita tɔ nɛ, wɔa Lawa a Yiri Fu kɛ dɔ pàã ganaa.

Ebrəə 10:22

Bɛ lɛ tɔ ganaa, ka daa wɔ n mɔrɔ Lawa ganaa ka foo sonbore ne, ka golee Lawa li taãn-taãn nɛ, wɔ foo n yoreen ne, gɔ́ɔ̃gɔ́ɔ̃ ǹ zɛ̀rɛ kɔ́n ná a ba wɔ ganaa wa, wɔ́ gɔ̀nɔn dɔ n pii-n ka mu sonbore ne.

Zozoe 3:5

Bɛ kio, Zozoe pɛ zaman lɛ-n kɛnɛn: «Ka *gɔ̀ bɔ ka dinin ganaa, a giala, biɛ̃, Dɛnaa Lawa á die kaãbaa ǹ siin zɛnɛɛ ka bii.»

Zozoe 7:13

Yoo n *gɔ̀ bɔ zaman lɛ ganaa. N die n pɛ ǹ nɛ mà ǹ gɔ̀ bɔ ǹ dinin ganaa biɛ̃ ǹ taman yii. A giala, masɛ Dɛnaa Lawa lɛ, Izirayeli minin Lawa lɛa, ma din ni má pɛ máa ma ǹ kurəə mànan mɛnɛn goa ganaa, máa bɛ kɔn tá ǹ dinin Izirayeli minin kɛn lɛn bii. Ǹ ba boe la ǹ nə n yɔrɔ da ǹ zɔ́ɔn lɛn la doɛ̃ wa, yǎa ǹ bɛa màn kɛ lɛ boe ǹ boe ǹ bii.

Sii-nyaan 22:14

Min mɛnɛn bɛ́ wusii ǹ siin kio, ǹ nə́ goɛ̃ *yoreen ne, bɛn foo á re kɔɔ̃n koe, a giala masɛ n lɛ koe ǹ la, ǹ yiikoonaabaa ǹ da nɛ bii, ǹ tá re we ka kiwi lɛ a kiɛnlɛn nɛ.

Sii-nyaan 7:14

Má tɔ́n pɛ nɛ: «Giĩ gole, n din tá doɛ̃!» Á tɔ́n pɛ ma nɛ: «Maǹ boe damagɔ́ɔ̃li a fuu yɛ ǹ bǎã gole kɛ nɛ. Maǹ nə́ ǹ dɔnkɛn lɛn pii ka Sère Nɛ kɛ mà nɛ, ǹ nə́ fu kɔ.

Samayeli1 16:5

Man die wúlu màn koe Dɛnaa Lawa la, bɛ lɛ nɛ ma daa. Ka *gɔ̀ bɔ ka dinin ganaa, ka kiɛ̃ ka wo wúlu bɔ kun ka masɛ nɛ. Samayeli gɔ̀ bɔ Zesee laanka a nɛnyaanan ganaa, á ǹ bíi wúlu bɔ lɛ ganaa.