Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Bɔ bɛ̀rɛbaa nɛ 18:21 - LAWA A BOO SONBORE

21 Sɛnɛ, bɛ tumaa kio, toa n min barkadɛnan dɔ̃ zaman lɛ bii, nyɛ́ɛ baa Lawa-n wolen lɛa, foo n doa nɛ ǹ ganaa. Ǹ bɛ́ ǹ ba boe la, ǹ min mɛnɛn lɛ pii wa, n bɛn bɔ, n nə ǹ koa zaman lɛ mìi la kiin lɛa, min duu gogoon (1 000) mìi la ka min paabibiɛ nɛ, ka min poposooro ne, ka min fùfù ni.

အခန်းကိုကြည့်ပါ။ ကော်ပီ

LAWA A BOO SONBORE 2011

21 Sɛnɛ, bɛ tumaa kio, toa n min barkadɛnan dɔ̃ zaman lɛ bii, nyɛ́ɛ baa Lawa-n wolen lɛa, foo n doa nɛ ǹ ganaa. Ǹ bɛ́ ǹ ba boe la, ǹ min mɛnɛn lɛ pii wa, n bɛn bɔ, n nə ǹ koa zaman lɛ mìi la kiin lɛa, min duu gogoon (1 000) mìi la ka min paabibiɛ nɛ, ka min poposooro ne, ka min fùfù ni.

အခန်းကိုကြည့်ပါ။ ကော်ပီ




Bɔ bɛ̀rɛbaa nɛ 18:21
49 ပူးပေါင်းရင်းမြစ်များ  

Dɛnaa tɔ́n pɛ nɛ: «N baran n gɔn da nɛginin lɛ ganaa wa. N baran sii kɔ́n zɛnaa-n wa. Ma á doɛ̃ sisia, máa n tá nyɛ́ɛbiɛ masɛ Lawa nɛ. A giala, n nə n piã ka n nɛgiĩ goon toto lɛ a kɔ masɛ la-n wa.»


A lɛawaa sɔɔbaa ǹ wɔ pinaa, Zozɛfu tɔ́n pɛ ǹ nɛ: «Ka bɛ́ re sii mɛn zɛnɛɛ ka tɔn la, bɛ ǹ ka kɛ nɛ. Ma á nyɛ́ɛ biɛ Lawa nɛ.


Ezipti gána lɛ bɛ́ tán n yɔrɔ-a. Bǎã mɛn bɛ́ siĩni, bɛ kɔ ǹ la, ǹ giã a nɛ. Ǹ tá boe la, ǹ giã Gosɛnɛ gána nɛ. Bɛ̀ ń tá boo sii la wolen doɛ̃ ǹ bii, bɛn bɔ, n nə ǹ koa maa tɔɔn mìi la.»


Kii Davida wusoo a ná a minin lɛn sɔkɔn, á tɔ́n nə ǹ tatala kɔn duu gogoon laanka paabibiɛ lɛ la, á goledɛnan koa ǹ mìi la.


Izirayeli a Lawa na á kɛ pɛ. Izirayeli tamaali lɛ na á kɛ pɛ ma nɛ: «Min mɛn bɛ́ a kiibaa zɛnɛɛ minbuiinin bii ka peperebaa nɛ, kii mɛn bɛ́ a kiibaa zɛnɛɛ ka nyɛ́ɛ baa Lawa yii-n ni,


Sɛnɛ, ma bɛ́ re kiɛ̃ man bɔ n li lɔn gɔrɔ, táa Dɛnaa Lawa yiri n die n siɛ a wo n ne n wooǹ bǎã nɛ, bǎã mɛn bɛ́ masɛ n ma ba doɛ̃ wa, bɛ̀ má pɛ Akaabu ni, máa n tá kànaa, yǎa Akaabu kiɛ̃ a da bǎã kooro yaa, a n masɛ nyín boe. A da yaa a kũ maa tenmaa ganaa, man nyɛ́ɛ biɛ Dɛnaa Lawa yii ni.


Akaabu tɔ́n lɛ dia kii a kion mìilandɛnaa Obadia la. Obadia lɛ goã nyɛ́ɛ biɛ Dɛnaa Lawa yii ni parsiini.


Nsɛ Ɛsidrasi, n Lawa a sii-doɛ̃ mɛn lɛ bɛ́ n gɔn, sii yɔrɔ bɔlen laanka kiri-kurulin koa ka bɛ nɛ, ǹ Efrati tà a lɛ̀nyɛɛn gɔn la a zaman tumaa a kiri kuru, ǹ mɛnɛn tumaa bɛ́ n Lawa lɛ a dí-pɛn doɛ̃. Min mɛnɛn bɛ́ ǹ ba bɛa dí-pɛn kɛn lɛn doɛ̃ wa, bɛn daraa ǹ ganaa.


Má tɔ́n pɛ: «Ka bɛ́ sii mɛn zɛnɛɛ, a siĩn wa. Ka doamaa nɛ ka tɔ wɔ, bɛ̀ ka tá nyɛ́ɛ biɛ wɔa Lawa lɛ yii ni, màn mɛn bɛ́ toɛ, tɔrɔn mɛnɛn bɛ́ wɔa zɔ́ɔn lɛa, sìi baran wɔ kũ bɛn bii wa.


Má pɛ máa ǹ ma dɔɔ̃ngiĩ Hananii da Zeruzalɛmu kiwi mìi la, ka bǎã-lɛduə̃lin goledɛnaa Hanania kɛ nɛ, a giala, Hanania lɛ goã bɔlɔgoondɛnaa lɛa, á n nyɛ́ɛ biɛ Lawa nɛ, á la min gigiã nɛ.


Ǹ kɔn waáraa, giĩ goon na á goã Usi gána nɛ, a tɔ n Zɔbu. Giĩ lɛ na á goã min pepere lɛa, a zɛnaa ǹ sii ń siĩni. A na á goã nyɛ́ɛ biɛ Lawa nɛ, n nyɛnɛɛ sii baraa nɛ.


Nɔmaa-wɔlen kɛn, man má goã bɛn díi lɛa. Tii a kiri sii, man gɔsiɛ taãn-taãnɛ.


Ma bɛ́ kɔn ka maa dí-nyalin kɛn nɛ, bɛ̀ man má mɛnaa ǹ la,


Davida a loe n ke. Dɛnaa Lawa, die n kɔnboe a wɔ n kion kɛ nɛ? Die n giã ǹ bǎã yii n kele sonbore kɛ la?


A giɔ̀mɔ diɛ min ganaa a ga là li wa. A màn sii min la a zɛ̀rɛbaãnaa da sii-n wa. Min mɛn bɛ́ zɛnɛɛ miɛ̃, ǹ dɛnaa a sii kɔn ba talɛɛ wa.


Muizu pɛ Zozoe ne: «Giĩn bɔ, n soo n zia baa Amalɛki minin ganaa biɛ̃. Ma á re woe golee tenten lɛ mìi ni, Lawa a bàlà lɛ n ma gɔn.»


Izirayeli nɛnyaanan lɛn tumaa bii, Muizu min barkadɛnan bɔ, á ǹ koa zaman lɛ mìi la: kiin lɛa min duu gogoon mìi la, ka min paabibiɛ nɛ, ka min poposooro ne, ka min fùfù ni.


Bɛ̀ gána á gòãn dii la, a kiin man mɔnaa nɛ. Sɛnɛ, bɛ̀ a nyɛɛnaandɛnaa goon sii dɔ̃, yiridɛnaa lɛa, a kiibaa gòã n we tán.


Màn mɛn tumaa nə n pɛ, wɔ n too kɔ bɛ gɔn nyɔmiɛ̃ ganaa: nyɛ́ɛ baa Lawa nɛ, n na a gɔn waa ǹ boon tamaa. A giala minbuiin nɛ doamaa-n ka bɛ nɛ.


Bɛ kio, kii pàã á re gole koe a bǐɛ̃baa taman yii. Bɛa kii bɔlɔgoondɛnaa kɛ lɛ Davida tɔrɔ lɛa, á re gána lɛ nyɛɛnaan boe ka peperebaa nɛ. A n die goɛ̃ kiri-wɔle lɛa, a n koe dí-pɛn lɛ, a nə́ n yiri koɛ peperebaa li.


Min mɛn bɛ́ sii sonbore zɛnɛɛ, a n peperebaa boo diɛ, bɛa dɛnaa a lɛ koe kakaarɛbaa ǹ màn ganaa wa, a nə n dɔ̀ɔ̃ we lɛ pii wolen manɛ, bɛ̀ ǹ tá gɛ̀ dɛ boo diɛ, a nə n too tiɛ̃. A nə n yii tiɛ̃ màn mɛn bɛ́ toɛ, a yii nyan sii baraa yɛ wa.


Min kɔn ba woe kiri wɔ ǹ bǎã nɛ peperebaa a lɛa wa. Min kɔn ba kiri kuri ka sonborebaa-n wa, ka nə n foo doɛ sii kooron ganaa, ka n soɛ boe, Ka nə n taasɛ sii baraa zɛnaa ganaa, ka n koe yii nɛ lɛa.


Ka wo bǎã tumaa nɛ, Zeruzalɛmu a ziin la, ka ga sɔnbɔraa nɛ, ka nɔ̀n da, Ka ga a bǎã dadaran nɛ, Bɛ̀ ka min goon yɛ, pepere, bɔlɔgoondɛnaa lɛa, ma á re makara boe Zeruzalɛmu ganaa kəni.


A ba giɔ̀mɔ diɛ a ga là li wa, a ba là babaraa boe wa. A ba sii kɔkɔrɔ zɛnɛɛ wa, bɛ̀ á sii yɔrɔ boe minin bii, a na a yɔrɔ boe ka peperebaa nɛ.


N kiwi kɛ nɛ Zeruzalɛmu, minin man lɛ koe ǹ lɛ pii ǹ màn si, ǹ gɛ̀ dɛ. Maǹ giɔ̀mɔ diɛ ǹ nə́ giɛ là babaraa li, maǹ mɛnɛɛ ǹ miãn la, ǹ nə́ giɛ màn li. Sɛnɛ, ǹ yiri n boe ka ma dinmaa kɛ nɛ! Ma din Dɛnaa Lawa a da ǹ boo ne.


«Dɛnaa Lawa Pàãyiidɛnaa n ke pii: Ka kiri pepere wɔ, ka goã min sonboren lɛa, kɔn-narɛɛ n ka bii.


Ka doamaa bɛ nɛ ka kɔ gɔn waa ǹ boon mɛnɛn lɛ, ǹ nə́ ke: Ka sonbore pɛ kɔn nɛ. Ka kiri pepere wɔ kiri wɔ ǹ bǎãn nɛ, ǹ mɛn bɛ́ là nyantoro koe.


Ǹ zaman lɛ a min mɛnɛn bii wɔ, ǹ dinin man ka kɛn nɛ. Maǹ nə ǹ tɔrɔn goledɛnan lɛa, ǹ nə́ Izirayeli gána a sɔraasin nyɛɛnaandɛnan dɔn lɛa.


Ka tɔrɔ gogoonmaa a giĩ goon kũ, giĩ mɛn nə́ ke kɛdɛnaa lɛa, ka ti ka dinin ganaa.


Bɛ̀ ǹ nə́ bɛn lɛ a goon dinsɔɔ̃ pɛ, nyɛɛnaandɛnan laanka Izirayeli a tanlɛn goledɛnan dininsɔɔ̃nɔn die ǹ da n sɔkɔn n genli.


Á pɛ ǹ nɛ: «Kiri-kuruli goon na á goã kiwi goon ne, nyɛ́ɛbaa Lawa nɛ goã a yii la wa, a goã min kɔ́n dɔ guguru koe wa.


Bɛa kiri-kuruli lɛ nə́ n piã gunyin damata. Bɛ kio, á tɔ́n pɛ a din ni mà sonbore, mà asɛ a nyɛ́ɛ biɛ Lawa-n wa, asɛ a min kɔ́n dɔ guguru koe wa.


Masɛ yii bɔ min kɔ́n a wɔrɔ li wa, ka a sana nɛ ka a dɔnkɛ-n wa.


Ka ga ka dinin bii, ka min sɔbaa bɔ, minin mɛnɛn tɔ bǐɛ̃ bɛ́ boe, Yiri Fu nə́ ǹ la, ǹ nə́ sii dɔ doɛ̃. Ka bɛa minin lɛn bɔ wɔsɛn nə ǹ da màn-bii dí lɛ mìi la.


Bɛ gɔ́ɔ̃ nɛ, bɛa kiwi lɛ a min golen nə giĩ lɛ kũ ǹ dɔlɔ bɔ a ganaa.


A doamaa bie a goã duvɛ̃ mii a la a din ni wa, a baran goã kakaarɛ wa, sɛnɛ, a goã min basiɛ̃ lɛa, sabara-baali lɛa. A baran n là kakã wɔrɔ sii li wa.


Ǹ nə́ kiã fù dɔ dia kun ni, kiã goon, tɔrɔ gogoonmaa wɔ lɛa. Izirayeli tɔrɔn lɛn tumaa a tanlɛ minin kiãn man ka bɛn nɛ.


A tá re ǹ tɛnɛn kiɛ min duu goon mìi la, a ǹ tɛnɛn kaa min posooro mìi la, a tá re ǹ tɛnɛn kiɛ a buu-kɔsiɛ ganaa, a ǹ tɛnɛn kaa a kaa-piɛ dí nyɛɛ ganaa, a ǹ tɛnɛn kaa a ziabaa ǹ mànan laanka a wotoron mànan zɛnaa ganaa.


Sɛnɛ a nɛgiĩn lɛn na a tɔ wɔ ǹ gɔn saa wa. Bii kooro na á goã kɔɔ̃nɛ ǹ ganaa. Ǹ nə́ goã lɛ koe lɛ pii ǹ mànan sii, ǹ goã sii yɔrɔ boe a peperebaa li wa.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ