Bɔ bɛ̀rɛbaa nɛ 18:12 - LAWA A BOO SONBORE

¹² Ǹ daãgiĩ Zetro lɛ woo *wúlu màn tã kunun ǹ ni, ǹ nə́ wúlu màn tɔrɔ kɔsɔn dɔn bɔ ǹ nə́ ǹ kɔ Lawa la. Aarɔn laanka Izirayeli a min golen kɛn tumaa daa màn bii Lawa yɔrɔ-a, kun ka ǹ daãgiĩ Zetro lɛ nɛ.

LAWA A BOO SONBORE 2011

¹² Ǹ daãgiĩ Zetro lɛ woo *wúlu màn tã kunun ǹ ni, ǹ nə́ wúlu màn tɔrɔ kɔsɔn dɔn bɔ ǹ nə́ ǹ kɔ Lawa la. Aarɔn laanka Izirayeli a min golen kɛn tumaa daa màn bii Lawa yɔrɔ-a, kun ka ǹ daãgiĩ Zetro lɛ nɛ.

Bɔ bɛ̀rɛbaa nɛ 18:12 ပူးပေါင်းရင်းမြစ်များ

Siin Giala 12:7

Dɛnaa nə́ n din nyaa Abramu ni, á pɛ nɛ: «Man die gána kɛ koe n din tɔrɔn la.» Dɛnaa nə n din nyaa nɛ bǎã mɛn nɛ, Abramu *wúlu bɔ ǹ bǎã dɔ walan Dɛnaa wɔ lɛa.

Siin Giala 26:25

Izaaki *wúlu bɔ ǹ bǎã dɔ walan, á Lawa nyankɔ, bɛ̀ á bíi «Dɛnaa.» A ná a zìã doa walan, a bɛ̀rɛgiĩn lɛn nə́ tù fɔ̃.

Siin Giala 26:30

Izaaki màn-bii gigiã zɛnaa á kɔ ǹ la. Ǹ nə́ màn bii, ǹ nə́ kã.

Siin Giala 31:54

Bɛ kio, Zakɔba wúlu bɔ kele lɛ la, á lɛ dia a minin lɛn la, mà ǹ da màn bii. Ǹ nə́ màn bii, ǹ nə́ waa kele lɛ la walan.

Siin Giala 4:4

Abeli dɔ ná a tɔɔn gɔ́ɔ̃ binaa nɛn kɔnɔn waa, á ǹ baa wúlu màn lɛa, a ná a siĩ bǎã taãnan kɔ Dɛnaa la. Dɛnaa Lawa nə́ n yɔrɔ bǐɛ̃ da Abeli laanka a wúlu màn la,

Siin Giala 43:25

Ǹ bɛ́ re bǐɛ̃ biɛ Zozɛfu la ka mànan mɛnɛn nɛ, ǹ nə́ bɛn yɔrɔ bɔ ǹ nə́ ǹ koa, ǹ nə́ n yii da a daa la penleen ne. A giala, ǹ nə́ bɔ a siére-a, mà maǹ die màn bii walan.

Siin Giala 8:20

Bɛ kio, Nowee *wúlu bɔ ǹ bǎã dɔ Dɛnaa wɔ lɛa. Màn gòã siinaa mɛn tumaa laanka bàan mɛn tumaa siĩ bɛ́ n soɛ̃, á gogoon bɔ bɛn tɔrɔn tumaa bii, á ǹ kɔ Lawa la *wúlu màn lɛa, á ǹ siĩ tumaa tã wúlu bɔ ǹ bǎã lɛ nɛ.

Samayeli2 9:7

Davida tɔ́n pɛ nɛ: «N baran nyɛ́ɛ goon baa wa. Man giɛ li ma bǐɛ̃ zɛnaa n nɛ, n di Zonaatan lɛ taman yii. Bǎã mɛn tumaa bɛ́ n digolo Sayulu wɔ lɛa, man die wusii ma bɛ tumaa kɔ n la. N dinmaa kɛ n die màn bii kun ka masɛ nɛ biikoo tumaa li.»

KZS2 30:22

Ezekiasi Levii tɔrɔn lɛn tumaa foo taã, a giala maǹ tá Dɛnaa Lawa a siin giala miɛ parasiini. Lɛawaa sɔbaa gɔ́ɔ̃ nɛ, minin man die kiɛ̃mala ǹ zɔ́n lɛ a mànbii. Maǹ barka da Lawa nɛ ǹ wúlu mànan koe, ǹ nə́ loe loe Dɛnaa Lawa, ǹ digolon Lawa tɔ boe ne.

Zɔbu 1:5

Bɛ̀ zɔ́n lɛ kiɛ̃, Zɔbu na a nɛnyaanan lɛn bíi, bɛ̀ a *gɔ̀ bɔ ǹ ganaa. A n yui baayɛlɛ yiisoone, bɛ̀ a tɔɔ dɛ a tã lenlen, a didie a wúlu bɔ nɛ. Zɔbu na á goã zɛnɛɛ miɛ̃ biikoo tumaa li. A giala a na á goã taasɛ, mà kɔntan asɛ a nɛnyaanan lɛn nə́ sii baraa zɛnaa, hinlaa ǹ nə́ wɔ Lawa gasɛ nɛ ka ǹ taasiɛ nɛ.

Zɔbu 42:11

Bɛa biikoo li kəni, ǹ dɔɔ̃nɔn tumaa, ǹ miãnɛnɛn tumaa, a doɛ̃ wolen tumaa, ǹ tumaa woo n yii kɔ a ganaa a piɛ, ǹ nə́ màn bii kun ni. Dɛnaa Lawa koe mɛn tumaa bɔ a ganaa, ǹ nə́ bɛa gu wɔ la, ǹ ná a foo wɔraa. Didie gɔ ka wɔrɔ nɛ, ka sana kaaran nɛ.

Zɔbu 42:8

A bɛ́ miɛ̃, ka dii gɔ̀lɔ̀ sɔbaa kũ ka sère gɔ̀lɔ̀ sɔbaa nɛ, ka wo ǹ ne maa dí-nyali Zɔbu li, ka baa *wúlu màn tiɛ̃ lɛa. Maa dí-nyali Zɔbu á re Lawa nyankoe kaa lɛa. A Lawa nyankɔ lɛ a lɛa, a laanɛ ka boo sonbore da masɛ wɔ paǹ li ka Zɔbu wɔ bɛ́ lɔn wa, ma a re ka kuĩ bɛ li wa.»

Bɔ bɛ̀rɛbaa nɛ 18:13

A lɛawaa gɔrɔ, Muizu giã tán, á n kiri we zaman lɛ ganaa. Zaman lɛ goã a yɔrɔ-a, baayɛlɛ yǎa wasa woo mɛ.

Bɔ bɛ̀rɛbaa nɛ 2:16

Madiã gána a wúlu-bɔlen kiã a nɛlɔn man nə́ goã sɔbaa. Ǹ nə́ daa mu si tù lɛ-a, ǹ nə́ kiɛ goon ne ǹ díi a tɔɔn wɔ lɛa.

Bɔ bɛ̀rɛbaa nɛ 2:20

Zetro pɛ a nɛlɔn lɛn manɛ kɛnɛn: «Sɛnɛ, bɛa dɛnaa lɛ á maa? Ka ǹ ka toa maa? Ka lɛ dia la, a da màn bii.»

Bɔ bɛ̀rɛbaa nɛ 20:24

Ka *wúlu bɔ ǹ bǎã dɔ ka tii ni masɛ wɔ lɛa, ka wúlu mànan dɛ ka ǹ tã la, ka bii kɔɔ̃n kɔ kɔn ka Lawa nɛ ǹ wúlu mànan nɛ. Ka ǹ bɔ, sèren laanka diin ni. Ma bɛ́ re bǎãn mɛnɛn nyɛɛ, ka ma guguru kɔ ǹ nɛ, ma á re die walan, ma barka da ka ganaa.

Bɔ bɛ̀rɛbaa nɛ 24:11

Lawa toa sii baraa kɔ́n bɛa Izirayeli nɛnyaanan min yii guguru-an kɛn lɛn yɛ wa. Ǹ nə́ ga Lawa ganaa, ǹ nə́ wusoo ǹ nə́ màn dɔ bii, ǹ nə́ màn mi.

Bɔ bɛ̀rɛbaa nɛ 24:5

Bɛ kio, á tɔntɔraan bɔ Izirayeli nɛnyaanan lɛn bii, bɛn nə́ dii gɔ̀lɔ̀n bɔ, ǹ nə́ ǹ tã lenlen, wúlu mànan lɛa, ǹ nə́ ǹ kɔ Lawa la, ǹ bii kɔɔ̃n kɔ kɔn kɛ a lɛa.

Bɔ bɛ̀rɛbaa nɛ 3:1

Muizu na á goã ǹ daãgiĩ Zetro a tɔɔn lɛduĩ. Zetro lɛ n Madiã gána a wúlu-bɔlen kiã lɛa. Á woo ka tɔɔn lɛn nɛ don bii, á dɔ kele kɔ́n li. Lawa na á bɛa kele lɛ bɔ á n die n din nyɛɛ la, a tɔ n Sinayii kele.

Bɔ bɛ̀rɛbaa nɛ 33:7

Ǹ zii tɔ wɔ lɛ gɔ́ɔ̃ nɛ, bɛ̀ ǹ nə́ golee ǹ nə́ giã bǎã mɛn nɛ, Muizu na á goã mɔnaa kion sonbore lɛ siɛ, a na a lɛ bɔ, a doa para li, sɔsɔɔ ǹ giã ǹ bǎã lɛ ganaa. Á bíi: «Kɔn yɛ ka Lawa nɛ ǹ kion.» Min woo min, á n giɛ li a n mɔrɔ Dɛnaa ganaa kəni, bɛa dɛnaa n soe a n bɔ ǹ giã ǹ bǎã lɛ nɛ, a wo kɔn yɛ ǹ kion kɛ nɛ.

Minin nimi 10:29

Rewuyeli a nɛgiĩ Obaabu ke Madiã gána min lɛa, Muizu daãgiĩ lɛa, Muizu pɛ bɛ nɛ: «Dɛnaa Lawa bǎã mɛn lɛ boo da, á kɔ wɔ la, wɔsɛn man woe walan. Kiɛ̃ n nə n ta kun ka wɔsɛn nɛ. Dɛnaa Lawa nə n lɛ kɔ Izirayeli minin la ka yii-nyɛɛ mɛn nɛ, wɔsɛn tá re toɛ n dɔ wɔ yɛ bɛ nɛ.»

Luku 14:1

*Susu ǹ pii kɔ́n pinaa, Yezu woo *Fariziɛ̃n goledɛnaa goon a piɛ, màn bii ǹ bǎã nɛ. Min mɛnɛn bɛ́ walan bɛn man nə́ goã giɛ a gɔn li.

Luku 14:15

Bɛa boon kɛn lɛn ma kio, giĩ goon kɔ́n dɔ n màn bii ǹ bǎã lɛ nɛ, bɛ́ pɛ Yezu ni mà min mɛn bɛ́ re goɛ̃ *Lawa a kiibaa ǹ bǎã a màn bii ǹ bǎã kɛ nɛ, barka á re n diɛ bɛ ganaa.

Korɛnti1 10:18

Ka ga Izirayeli nɛnyaanan kɛn ganaa: Ǹ bɛ́ wúlu mɛn boe wúlu bɔ Lawa ganaa ǹ bǎã nɛ, min mɛnɛn bɛ́ bɛa màn kɛ bii, bɛn man kaa-n kun ka Lawa nɛ.

Korɛnti1 10:21

Ka a boe la ka màn mi ka Dɛnaa a paan nɛ, ka wusoo ka màn mi yiri baraan paan nɛ wa. Ka a boe la ka màn bii Dɛnaa a kùnu ni, ka wusoo ka màn bii yiri baraan dɔn kùnu-n wa.

Korɛnti1 10:31

Bɛ lɛ nɛ, ta ka n màn bii, ta ka ǹ màn mii, ta ka n sii mɛn zɛnɛɛ, ka a tumaa zɛnaa Lawa tɔ golebaa a lɛa.

Timəə dí-pɛn 12:7

Ka á re màn bii kaa Lawa, Dɛnaa Lawa din yɔrɔ-a walan ka n nyɛnyɛɛ, ka dinin laanka kaa kion minin ni. A giala, ka bɛ́ re n gɔn diɛ dí woo dí ganaa, Dɛnaa Lawa á re bɛ bǐɛ̃ koe.

Timəə dí-pɛn 27:7

Ka die ka barka da Lawa nɛ ǹ wúlu bɔ walan, ka bii ka nyɛnyɛɛ nɛ, kaa Lawa, Dɛnaa Lawa din yɔrɔ-a.