Bɔ bɛ̀rɛbaa nɛ 18:11 - LAWA A BOO SONBORE

¹¹ Masɛ á doɛ̃ kanna, má Dɛnaa lɛ n gole á la lawan tumaa nɛ. Á bɛ nyaa Ezipti minin kɛn manɛ, bɛ̀ ǹ bɛ́ Izirayeli nɛnyaanan nɔmɛɛ.»

LAWA A BOO SONBORE 2011

¹¹ Masɛ á doɛ̃ kanna, má Dɛnaa lɛ n gole á la lawan tumaa nɛ. Á bɛ nyaa Ezipti minin kɛn manɛ, bɛ̀ ǹ bɛ́ Izirayeli nɛnyaanan nɔmɛɛ.»

Bɔ bɛ̀rɛbaa nɛ 18:11 ပူးပေါင်းရင်းမြစ်များ

Kiin1 17:24

Lɔ lɛ pɛ Yilii ni: «Sonbore, ma á doɛ̃ kanna, máa man Lawa a min lɛa, a giala n bɛ boo mɛn diɛ Lawa a boo gii lɛa, sonbore ne.»

Kiin2 5:15

Naaman wusoo á daa Lawa a min Yiliizee li, kun ka a kiodɛnan tumaa nɛ. Naaman wɔ á woo golee Yiliizee nyɛɛnɛ, á pɛ: «Kanna, ma á doɛ̃, máa kanaa bǎã yii ni, Lawa banban bǎã kɔn nɛ, Izirayeli gána kio wa. Bǐɛ̃ kɔ sisia, n maa bǐɛ̃ baa ǹ màn si.»

KZS1 16:25

Sonbore, Dɛnaa Lawa lɛ n gole. A din lɛ doamaa-n ka tɔ-bɔ nɛ. Á kakaarɛ á la lawan tumaa nɛ.

KZS2 2:5

Ka boo taãnɛ, pàã ba min kɔn lon a kion dɔ a kɔ la wa. Taãn nɛ, lon laanka a golebaa nɛ, a boe la a guĩ wa. Masɛ n die lɛa ma tɔn kion dɔ a wɔ lɛa? Man giɛ máa ma bǎã dinsɔ̃ɔ dɔ, ǹ bɛ́ re wúlu mànan koe la ǹ mɛn nɛ.

Nehemii 9:10

Ń sii nyaa ǹ sii dadaran da Eziptin kii mìi ni a di-nyanlin tumaa laanka a gána a zaman tumaa nɛ, a giala ń goã doɛ̃ mà ǹ nə́ fuu nyaa wɔ digolon lɛn manɛ, ń tɔ́n nə n din tɔ bɔ ǹ sii zɛnaa, ka yii bɛ́ tɔn a ganaa lɔn pelo.

Nehemii 9:16

Sɛnɛ wɔ digolon lɛn nə́ n dinin gole kɔ, ǹ nə́ n too laa, ǹ nə n too kɔ ǹ gɔn waa ǹ boon lɛn ganaa wa.

Nehemii 9:29

Ń goã miɛ ǹ ganaa mà ǹ wusoo ǹ nə n dí-pɛ lɛ wɔ ǹ gɔn lɛ, sɛnɛ ǹsɛn nə́ ń dinin gole kɔ, ǹ nə n too kɔ n gɔn waa ǹ boon lɛn ganaa wa. N sii yɔrɔ bɔ ǹ boon mɛnɛn bɛ́, bɛ̀ min mɛn nə́ ǹ si, ǹ nə́ toɛ ǹ dɛnaa n liɛ, ǹ nə́ n piã ka bɛn nɛ. Ǹ nə́ n kɔkɔrɔ suĩ, ǹ nə́ n too laa, ǹ nə n too kɔ wa.

Loen 119:21

Ń yoo din gole-kɔlen kɛn gialaa, ǹ bɛ́ ǹ nə́ kanaa ǹ nə́ n dí-pɛn toa walan, bɔ̀n tá re ǹ yii.

Loen 135:5

Sonbore, má dɔ̃ máa Dɛnaa Lawa á gole. Minbuiinin bɛ́ màn mɛn tumaa guguru koe, wɔsɛn Dɛnaa lɛ á gole á la bɛn tumaa nɛ.

Loen 31:23

Maa foo-ziziɛ̃ gɔ́ɔ̃ nɛ, man má goã taasɛ máa ma nə́ n ma loo ń ma bɔ n yɔrɔ-a. Sɛnɛ, ma bɛ́ má n gòã kũ, ń maa gòã-kũ si. Ma bɛ́ má n lɛ dɛ n-a, ń maa lɛ-dɛ ma.

Loen 95:3

Sonbore, Dɛnaa Lawa lɛ n Lawa gole lɛa, kii gole mɛn bɛ́ guguru kɔ ǹ mànan tumaa lalan.

Loen 97:9

Sonbore, Dɛnaa Lawa, n din lɛ n Lon a Lawa gole lɛa, kanaa kɛ lɛ mìi la. N din nə guguru kɔ ǹ mànan kɛn tumaa lalan.

Bɔ bɛ̀rɛbaa nɛ 1:10

Ka daa wɔ ga yiri sonbore li, wɔ yoo ǹ gialaa wɔ ǹ kurəə mɔnaa ganaa. Bɛ bie wa, bɛ̀ zia yoo, maǹ die kiɛ kun ka wɔa zɔ́ɔn nɛ, ǹ zia da wɔ ganaa, ǹ tɔn soo ǹ nə n bɔ gána lɛ nɛ.»

Bɔ bɛ̀rɛbaa nɛ 1:16

«Bɛ̀ ka tá n doe Ebrəən lɛn lɔn lɛ, ǹ nɛ yɛ gɔ́ɔ̃ nɛ, ka ga nɛnyaan lɛ ganaa doɛ̃. Bɛ̀ nɛginin ni, ka dɛ a gã. Bɛ̀ nɛlɔ nɛ, ka toa a yii n koo.»

Bɔ bɛ̀rɛbaa nɛ 1:22

Bɛ lɛ nɛ, Faarahɔn pɛ a gána a zaman tumaa nɛ: «Ka Ebrəən lɛn nɛnyaan tiɛɛ̃n giĩdɛnaa tumaa zũ tà mu li, ka toa ǹ nɛlɔdɛnan yii goã koo.»

Bɔ bɛ̀rɛbaa nɛ 10:3

Muizu laanka Aarɔn woo wɔ Faarahɔn li, ǹ nə́ pɛ-n kɛnɛn: – Dɛnaa lɛ, Ebrəən Lawa lɛa, bɛ n kɛ pii: «N nə n die n piɛ̃ ka din gisiĩ-n masɛ Lawa yɔrɔ-a yǎa biĩ doo? A toa maa zaman lɛ soo, a wo dí nya ma nɛ.

Bɔ bɛ̀rɛbaa nɛ 12:12

Dɛnaa pɛ: «Ma á re boe Ezipti gána lɛ gɔ́ɔ̃-n bɛa pinaa tèlò kɛ lɛ nɛ. Ma á re gána lɛ a nɛgiĩ bibinaan yii dii ǹ gã, minbuiinin laanka tɔɔn wɔn nɛ. Ma á re a dɔlɔ boe Ezipti gána a dì din tumaa ganaa. Ma din lɛ n Dɛnaa lɛa.

Bɔ bɛ̀rɛbaa nɛ 14:18

Bɛ̀ má ma din tɔ bɔ ǹ sii zɛnaa Faarahɔn ganaa, ka a wotoron laanka a sùi lɛ-kũlin ni bɛa yɔrɔ kɛ la, Ezipti minin tá re doɛ̃, mà ma din nə Dɛnaa Lawa lɛa.»

Bɔ bɛ̀rɛbaa nɛ 14:8

Dɛnaa toa Ezipti gána a kii Faarahɔn too kaka kɔ. Á yoo á Izirayeli nɛnyaanan loo, Izirayeli nɛnyaanan mɛnɛn nə soo, ǹ nə́ n bɔ bɛ̀rɛbaa nɛ.

Bɔ bɛ̀rɛbaa nɛ 15:11

Dɛnaa, die n ka n bɛ́ lɔn lawan bii? Die n ka n bɛ́ lɔn, a siĩnbaa n yii kɛnɛn? Die n ka n bɛ́ lɔn, màn gole lɛa, màn yii guguru-a dɔ lɛa, a n boe kaãbaa ǹ siin zɛnaa la? Min kɔ́n!

Bɔ bɛ̀rɛbaa nɛ 5:2

Faarahɔn pɛ: «Dɛnaa lɛ n die lɛa, ma tɔn nə n too kɔ a boo ganaa, ma toa Izirayeli nɛnyaanan nə woo? Ma a Dɛnaa doɛ̃ wa, ma a toɛ Izirayeli nɛnyaanan nə woo wa.»

Bɔ bɛ̀rɛbaa nɛ 5:7

«Ka baran buu kɔ zaman lɛ la doo, ka lɛlɛ bɛ́ lɔn, ǹ toopaa bɔ-n wa. Ka ǹ toa ǹ dinin nə wo buu goa.

Minin nimi 33:4

Bɛ á zɛnɛɛ, bɛ̀ Ezipti minin lɛn sɛn tá a gialaa ǹ nɛgiĩ bibinaan gere bĩ. Dɛnaa Lawa na á bɛa nɛgiĩ bibinaan lɛn tumaa dɛ, á dɔlɔ bɔ Ezipti minin lɛn dìn ganaa nɛ.

Luku 1:51

Sɛnɛ, min mɛnɛn bɛ́ n dinin gole koe, Lawa n die a din a pàãdɛnaabaa ǹ gɔn kɛ siɛ lon, a da ǹ bii a ǹ sasawaa.

Zaaki 4:6

Sɛnɛ, Lawa din nə pàã koe wɔ la doo, wɔ boo la wɔ n dinin si wɔa taasiɛ baraan la. Bɛ lɛ na á toa a boo á pii: «Lawa n zia diɛ din gole kɔlen ganaa, sɛnɛ, a na a sonborebaa nyɛɛ din gisiĩ wolen manɛ.»

Piɛrɛ1 5:5

A din yɔrɔ lɛ la, nɛnyaanan lɛn, ka min golen bɔlɔ si. Ka dinin tumaa, kaa tá kun gɔ́ɔ̃ nɛ, didie din boɛɛn kɔ ǹ sii zɛnaa, a giala, Lawa a boo n pii: «Lawa nə n piɛ̃ ka din gole-kɔlen ne, sɛnɛ, a n bǐɛ̃ zɛnɛɛ din boɛɛn-kɔlen manɛ.»

Samayeli1 2:3

Ka baran din golee kɔ ǹ boo mɔnaa wa. Ka baran din koa ǹ boo da wa. Lawa mɛn bɛ́ sii-dɔɛ̃, bɛ n ka Dɛnaa Lawa nɛ. A din ni minbuiinin zɛnaa ǹ sii tumaa a kiri kuri.