Bɔ bɛ̀rɛbaa nɛ 16:15 - LAWA A BOO SONBORE

¹⁵ Izirayeli nɛnyaanan lɛn nə́ ga a ganaa, ǹ nə́ pɛ kɔn nɛ kɛnɛn: «Kɛ n wàa lɛa?» A giala, a bɛ́ màn mɛn lɛa, ǹ goã bɛ doɛ̃ wa. Muizu pɛ ǹ nɛ: – Màn-bii ni, Dɛnaa n koe ka la mà ka bii.

LAWA A BOO SONBORE 2011

¹⁵ Izirayeli nɛnyaanan lɛn nə́ ga a ganaa, ǹ nə́ pɛ kɔn nɛ kɛnɛn: «Kɛ n wàa lɛa?» A giala, a bɛ́ màn mɛn lɛa, ǹ goã bɛ doɛ̃ wa. Muizu pɛ ǹ nɛ: – Màn-bii ni, Dɛnaa n koe ka la mà ka bii.

Bɔ bɛ̀rɛbaa nɛ 16:15 ပူးပေါင်းရင်းမြစ်များ

Nehemii 9:15

Bòo bɛ́ ǹ ganaa, ń màn-bii bɔ lon ń kɔ ǹ la, mu boro bɛ́ ǹ ganaa, ń mu bɔ para nɛ ń kɔ ǹ la. N goã ń nə́ n liɛ mà nsɛ tá gána mɛn lɛ koe ǹ la, ń pɛ ǹ nɛ, mà ǹ bɛ si ǹ baa ǹ wɔ lɛa.

Nehemii 9:20

Ń nə́ n yiri sonbore kɛ kɔ ǹ la, màn mɛn bɛ́ toɛ ǹ sii bɔkɔnlɛ doɛ̃. N nə ǹ nu ka *maanə n wa, ń mu kɔ ǹ la ǹ mu boro a lɛa.

Loen 105:40

Ǹ bɛ́ ǹ na a nyankɔ, á bàanan dia ǹ la siĩ lɛa, á màn-bii bɔ lon gɔ́ɔ̃ nɛ, á kɔ ǹ la, ǹ nə́ bii ǹ nə́ kã.

Loen 78:24

á *maánə gisĩ ǹ la, á ǹ too ne, á lon a màn-bii lɛ kɔ ǹ la.

Bɔ bɛ̀rɛbaa nɛ 16:31

Izirayeli minin lɛn nə́ bɛa màn-bii soree kɛ lɛ bíi *maánə. A na á goã ka da we tɔrɔ bisin kɔ́n bɛ́ lɔn, a n fu, kɔɔ̃n ka zoo mɔ̀mɔ bɛ́ lɔn.

Bɔ bɛ̀rɛbaa nɛ 16:33

Á pɛ Aarɔn nɛ: «Màn saa, n maánə lɛ a kunun yii sii kaa a nɛ, n koa Dɛnaa yɔrɔ-a, a goã tamaa nɛ ǹ kio nɛnyaanan lɛa.»

Bɔ bɛ̀rɛbaa nɛ 16:4

Dɛnaa pɛ Muizu ni kɛnɛn: «Man die màn-bii boe lon, ma kaa tán ǹ wɔ lɛa. Zaman lɛ á re soe baraabaraa, ǹ nə ǹ lɛawaa gogoon màn-bii goa. A n die n zɛnɛɛ miɛ̃, màn mɛn bɛ́ toɛ, man da ǹ gɔ́ɔ̃ li, ma ga ǹ ganaa, bɛ̀ ǹ tá re tɔ we a kɔnpɛ ka maa boo ne, hinlaa bɛ̀ ǹ ba re tɔ we a kɔnpɛ-n wa.

Suusun 9:5

«Ka da màn bii, ka duvɛ̃ mi.

Minin nimi 21:5

Ǹ ná a giala kɔ, ǹ nə́ boo diɛ Lawa laanka Muizu ganaa kɛnɛn: «Wàa na á baa ka wɔsɛn waa ká soo wɔ nɛ Ezipti gána nɛ, ka n die wɔ dii diə gole kɛ nɛ? A giala, buuru ba bǎã kɛ lɛ-n wa, mu dɔ ba a-n wa. Bɛa màn-bii naarɛ kɛ wɔsɛn gɔ̀nɔn bɔ.»

Luku 12:30

Bɛa mànan kɛn lɛn, tɔrɔ kɔsɔn man giɛ ǹ li miɛ̃, sɛnɛ, kasɛn, kaa Díi Lawa tá ka laadoo siin doɛ̃.

Zaã a sɛ́wɔ 6:49

Ka digolon nə́ maánə sɔ̃ don, sɛnɛ, ǹ nə́ gã.

Zaã a sɛ́wɔ 6:58

Buuru mɛn lɛ bɔ lon á daa, a din lɛ n ke. Bɛ̀ min mɛn bɛa buuru lɛ sɔ̃, bɛa dɛnaa yii á die goɛ̃ koo yǎa duduu. Ka digolon nə́ buuru tɔrɔ kɔ́n sɔ̃ lɛlɛ, sɛnɛ, ǹ nə́ gã. A laanka bɛa goon wa.»

Korɛnti1 10:3

Màn-bii mɛn bɔ Lawa li, ǹ tumaa na á goã bɛ bii kun,

Timəə dí-pɛn 8:16

Á din don kɛ lɛ nɛ, á maánə kɔ ka la ká bii, ka digolon dinin nə goã bɛa màn-bii lɛ doɛ̃ wa. A ka yii puusə kɔ miɛ̃, á n da ka gɔ́ɔ̃ li, màn mɛn bɛ́ toɛ kaa biɛ̃ ǹ bǐɛ̃ kɔ.

Timəə dí-pɛn 8:3

A bɛ́ á fuu nyaa ka nɛ, á toa bòo ka kũ, a din wusoo á *maánə kɔ ka la. Bɛ n màn-bii lɛa, ka goã doɛ̃ wa, ka digolon dɔn dinin nə goã doɛ̃ wa. A na á zɛnaa miɛ̃ á nyaa ka nɛ, mà màn-bii dinsɔɔ̃ bie minbuiin nɛ toe wa, sɛnɛ, boo woo boo boe Lawa lɛ-n, bɛ lɛ n min toe.

Ebrəə 9:4

Nyɔɔ gìĩ kɔɔ̃n tã ǹ bǎã sanadɛnaa kɛ na á goã walan, ka *lɛ kɔ kɔn la ǹ goo kɛ nɛ. Maǹ nə́ sana yo, ǹ nə́ kaa bɛa goo lɛ paǹ tumaa la. Bɛa goo lɛ gɔ́ɔ̃ nɛ, sana donkolon na a tan, Lawa goã á màn-bii mɛn kɔ Izirayeli minin la don bii, a tɔ n «maánə», bɛ ná a nɛ. Aarɔn a bàlà mɛn goã á luu pã, bɛ dɔ n Goo lɛ nɛ, ka kɔlɔ-sɛlɛɛn mɛnɛn bɛ́, Lawa a lɛ kɔ kɔn la ǹ boon kɛn nə́ kiɛ̃ nɛ ǹ ganaa.

Zozoe 5:12

Ǹ bɛ́ ǹ nə́ gána lɛ a tán-kɔsiɛ mànan bii ǹ mɛn pinaa, bɛa lɛawaa, *maánə nə́ n lɛ kuru. «Maánə» yɛ Izirayeli minin lɛn wɔ lɛa doo wa. Sɛnɛ, maǹ nə́ n dinin too ka Kanaan gána lɛ a tán-kɔsiɛ mànan nɛ bɛa lɛ̀ kɛ lɛ gɔ́ɔ̃ nɛ.

Sii-nyaan 2:17

«Too bɛ́ min mɛn lon, Yiri Fu bɛ́ boo mɛn pii Lawa a sɔmɔn manɛ, a n too kɔ doɛ̃ a bɛ ma! «Min mɛn bɛ́ re gɔ̀lɔ̀ biɛ, *maánə mɛn bɛ́ durii-n pelo, ma á re bɛ koe bɛ la. Ma á re kɔlɔ fu koe la, a tɔ soree n kiɛ̃ nɛ a ganaa, min kɔ́n ná a doɛ̃ wa, yǎa a din.»