Bɔ bɛ̀rɛbaa nɛ 15:7 - LAWA A BOO SONBORE

⁷ N golebaa lɛ á kaãbaa diɛ, bɛ lɛ nə n zɔ́ɔn dii. Bɛ̀ n foo yoo, a n goon ka tɛ nɛ, a nə n zɔ́ɔn kuĩ ka buu bɛ́ lɔn.

LAWA A BOO SONBORE 2011

⁷ N golebaa lɛ á kaãbaa diɛ, bɛ lɛ nə n zɔ́ɔn dii. Bɛ̀ n foo yoo, a n goon ka tɛ nɛ, a nə n zɔ́ɔn kuĩ ka buu bɛ́ lɔn.

Bɔ bɛ̀rɛbaa nɛ 15:7 ပူးပေါင်းရင်းမြစ်များ

Zɔbu 9:4

Sii-doɛ̃ na á goã Lawa din ni, pàã tumaa na á goã a din ni. Die nə n gòãn dii a ganaa, n wusoo n na a laakalaa?

Loen 148:13

Kasɛn tumaa loe lɔ ka Dɛnaa Lawa tɔ bɔ nɛ, a giala, a dinsɔɔ̃ tɔ n gole. A siĩnbaa kɛ tán laanka lon si, á n kɔ lɛ.

Loen 59:13

Ǹ boo bɔbɔnboɛɛn tumaa n sɔ lɛa, ǹ nə́ koe n ganaa. Toa ǹ din gole kɔ lɛ nə ǹ dinin kũ, ka kan bɛ́ lɔn. A giala ǹ sii tumaa n doa-n kɛ ganaa, boo baraa diɛ laanka soɛ-bɔ.

Loen 68:33

Kanaa a gánan lɛn, ka loe lɔ Lawa nɛ, ka Dɛnaa guguru kɔ. Doa

Loen 83:13

Bɛn man nə́ goã pii kɛnɛn: Ka daa wɔ Lawa a bǎãn kɛn kũ, wɔ ǹ si.

Bɔ bɛ̀rɛbaa nɛ 14:27

Muizu nə́ n gɔn saa lon tà lɛ la. Haya, lɛawaa biikoo li, tà mu wusoo a ná a lɛlɛ a giã ǹ gɔn saa. Ezipti minin lɛn baasiimaa nə́ n da mu lɛ lɛ gɔrɔ. Dɛnaa toa ǹ nə́ papaã li.

Bɔ bɛ̀rɛbaa nɛ 5:12

Zaman lɛ nə́ n pɛsɛ̃ Ezipti gána paǹ tumaa ganaa, ǹ nə́ ǹ tii ma ǹ buu lɛ goɛ.

Bɔ bɛ̀rɛbaa nɛ 9:16

Sɛnɛ, n toa walan mìi á ke: Man pàã nyaa n nɛ, màn mɛn bɛ́ toɛ, ǹ ma tɔ laakalaa kanaa paǹ tumaa nɛ.

Izayii 37:17

Dɛnaa Lawa, n para kanaa n nə n too kɔ taãn-taãnɛ! Dɛnaa Lawa, n yii bũ n ga gongon! Senankeribu a dia dí-a wolen nə sɔ mɛn kɔ n ganaa, Lawa Yiikoonaa, n too kɔ bɛ li.

Izayii 37:23

Ma nə ń sɔ kɔ die ganaa? Ma nə ń die piɛ̃ bɔ? N yii na á wɔ n boo da die ganaa? Ma nə n ga die ganaa ka din koa nɛ? Masɛ din Izirayeli a Lawa sonbore kɛ nɛ!

Izayii 37:29

Hiĩ, n foo bɛ́ á yoo masɛ li, n tɔ ziziɛ̃ ǹ boo mɛn da, á kaa ma too ne. Bɛ lɛ nɛ, man die fɔlɔ biɛ diɛ n nyin ni, ma karfɔ wɔ n lɛ-n. N kɔ zii mɛn lɛ n daa kànaa, man die wusii ma n da bɛ lɛ la, n wo piɛ.

Izayii 37:36

Dɛnaa Lawa a lon a dia dí-a wole soo, á min duu paabiɛ ka pɔkiwisi ka sooro (185 000) dɛ Asiirii minin giã ǹ bǎã nɛ. A lɛawaa baayɛlɛ, sɔraasin lɛn nə́ yoo. Á ke, bɛ̀ geren nə́ ke tán bǎã yii ni.

Izayii 37:38

Ǹ kɔn pinaa, a toa a n nyankɔ we a dì Nisirɔki a kion, a nɛgiĩ Adramelɛki laanka Saresɛɛrɛ dɛ ka gɔya sa nɛ á gã. Ǹ nə́ baa si ǹ nə́ woo Araraa gána nɛ. A nɛgiĩ kɔsɔ Asaradɔn kii baa a bǎã nɛ.

Izayii 47:14

Á ke, maǹ die goɛ̃ ka buu gere bɛ́ lɔn, tɛ n die kuĩ. Ǹ ba re kanbiɛ tɛ ganaa wa. Nyɔɔ tɛ bie gɔ̀nɔn wɔ̃ ǹ wɔ lɛa wa, tɛn gɔn lɛ bie bɛ̀ ǹ giã tán a yɔrɔ-a wa!

Izayii 5:16

Dɛnaa Lawa Pàãyiidɛnaa á re gugurubaa yii a kiri wɔ gɔ́ɔ̃ nɛ. Lawa sonbore na a sonborebaa nyɛɛ, a peperebaa zɛnaa gɔ̀ɔ̃ nɛ.

Izayii 5:24

Bɛ lɛ nɛ, làpaa á ke kuĩ tɛ-n lɔn, tɛ á ke buu gere kuĩ lenlen lɔn, ka n die boɛ̃ ka da gòon bɛ́ boɛ̃ lɔn. Kaa yii gugurubaa kɛ n die papaɛ̃ ka da buũ bɛ́ lɔn, piɛ̃ li. A giala, ka n ka Pàãyiidɛnaa Lawa a dí-pɛn tii, ka n piã ka Izirayeli a Lawa sonbore a boon ne.

Zeremii 10:6

Min kɔn ba ka n bɛ lɔn ma Dɛnaa Lawa. N tá gole, n pàã n tɔ golebaa koe n la.

Misee 4:11

Sɛnɛ sisia, gána gigiã nə́ n lɛ sɔkɔn, ǹ tá ka gialaa. Maǹ pii: «Ka daa wɔ Zeruzalɛmu zaãbaa, bɛ̀ wɔ yii nàn diɛ̃ bɔ a kɛbɔlɔ la.»

Zakarii 14:3

Dɛnaa Lawa tɔn zia baa tɔrɔn gialakunun kɛn ganaa, ka a bɛ́ zia biɛ lɔn lɛlɛ, zia biikoo li.

Zakarii 14:8

Bɛa pinaa lɛ nɛ, mu fu paɛ̃paɛ̃ tá re pìã woɛ̃ tán Zeruzalɛmu. A mu lɛ a talɛɛ n die baa sii a wo Yìsi mu kɔsɛ kɔsɛ ganaa, a talɛɛ kɔsɔ ke, bɛ n die woe Yìsi mu gole ganaa, a baa si lɛ̀ tumaa gɔ́ɔ̃ nɛ, taãlan laanka bɔ̀nɔn.

Zakarii 2:8

á pɛ-n kɛnɛn: – Baa si n wo pɛ tɔntɔraagiĩ kɛ nɛ biɛ ná a gɔn: «Zeruzalɛmu doamaa nɛ a goã kiwi lɛa kungɔn ná a ba a ganaa wa. A giala, minbuiin nɛn laanka tɔɔn mɛnɛn bɛ́ a nɛ, ǹ tá re mɔnɛɛ ǹ la yii ni.

Matiə 3:12

A n die min sonboren laanka min baraan niɛ̃ a ǹ bɔ kɔn, ka buu-kɔsɔli bɛ́ màn nàn laanka a kaása niɛ̃ á boe kɔn lɔn, màn mɛn bɛ́ toɛ, a na a màn nàn bɔ a kaa dɔǹ nɛ. Sɛnɛ, á die màn kaása kɛ sɛ tiɛ̃ tɛ-n, tɛ mɛn bɛ́ a ba nimi duduu wa.»

Nya ǹ dín 9:4

Á boo-diɛ lɛ ma pii ni: «Sooli, wàa na á baa n tá fuu nyɛɛ masɛ nɛ.»

Timəə dí-pɛn 33:26

Bɛ kio Muizu wusoo á kɛ pɛ: «Izirayeli minin lɛn, màn kɔn ba n zoɛ̃ kaa Lawa kɛ-a wa. A din nə dii labaran la, a n toa lon a gisĩ tán ka gugurubaa nɛ, a din nə die n doe ka lɛ.

Timəə dí-pɛn 4:24

A giala, kaa Lawa, Dɛnaa Lawa lɛ n ka tɛ bɛ́ lɔn màn kuĩ, a sii á kaka, a lɛ koe lawa kɔsɔ ganaa wa.

Ebrəə 12:29

Sonbore, wɔa Lawa lɛ n ka tɛ bɛ́ lɔn, á n màn kuĩ lenlen.