Bɔ bɛ̀rɛbaa nɛ 15:26 - LAWA A BOO SONBORE

²⁶ Á pɛ ǹ nɛ: «Bɛ̀ ka ma lɛ si taãn-taãnɛ, ma din mɛn bɛ́ kaa Dɛnaa lɛa, sii mɛn bɛ́ pepere ma gɔn, bɛ̀ ka bɛ zɛnaa, ka n too kɔ maa dí-pɛn ganaa, ka ǹ zɛnaa, haya, ma a re dɔlɔ boe ka ganaa ka busun kɛn nɛ wa. Ma bɛ́ má busun mɛnɛn da Ezipti minin ganaa dɔlɔ lɛa ke lɛn. Sonbore, ma din nə Dɛnaa Lawa lɛ lɛa kaa busu nyɛɛ.»

LAWA A BOO SONBORE 2011

²⁶ Á pɛ ǹ nɛ: «Bɛ̀ ka ma lɛ si taãn-taãnɛ, ma din mɛn bɛ́ kaa Dɛnaa lɛa, sii mɛn bɛ́ pepere ma gɔn, bɛ̀ ka bɛ zɛnaa, ka n too kɔ maa dí-pɛn ganaa, ka ǹ zɛnaa, haya, ma a re dɔlɔ boe ka ganaa ka busun kɛn nɛ wa. Ma bɛ́ má busun mɛnɛn da Ezipti minin ganaa dɔlɔ lɛa ke lɛn. Sonbore, ma din nə Dɛnaa Lawa lɛ lɛa kaa busu nyɛɛ.»

Bɔ bɛ̀rɛbaa nɛ 15:26 ပူးပေါင်းရင်းမြစ်များ

Kiin1 11:33

Man die bɛ zɛnɛɛ, a giala Izirayeli minin lɛn nə́ ma toa walan, ǹ nə́ Sidɔn minin dì Asitartee guguru kɔ, ka Moabu minin dì Kemɔɔsi laanka Amɔn tɔrɔn dì Molɛki kɛ nɛ. Ka bɛ dɔ nɛ, ma zii mɛn nyaa ǹ nɛ, ǹ kɔ bɛ lɛ wa, sii mɛn bɛ́ pepere masɛ gɔn ǹ bɛ zɛnaa wa. Landa boon laanka sii yɔrɔ bɔ ǹ boon mɛnɛn bɛ́ má kɔ ǹ la, ǹ kɔ bɛn lɛ ka Salomɔn ǹ di Davida wɔ bɛ́ lɔn wa.

Kiin1 11:38

Ma bɛ́ re n gɔn wɛɛ n nɛ ka sii mɛn tumaa nɛ, bɛ̀ n nə n too kɔ bɛ ganaa, ma bɛ́ re zii mɛn nyɛɛ n nɛ, bɛ́ ń kɔ bɛ lɛ, sii mɛn bɛ́ pepere ma yii li, bɛ̀ ń bɛ zɛnaa, bɛ̀ ń maa landa boon laanka maa gɔn waa ǹ boon kɛn tamaa ka maa dí-nyali Davida zɛnaa lɔn, ma á die goɛ̃ kunun n ni. Ma á die n kion lɛ gòãn we tán ka ma Davida wɔ baa lɔn. Ma á die Izirayeli tɔrɔn biɛ n wɔ lɛa.

Kiin2 2:21

Mu lɛ bɛ́ soe tán bǎã mɛn nɛ, Yiliizee soo á woo walan, á yìsi kaa bɛa bǎã lɛ nɛ, á pɛ: «Dɛnaa Lawa pɛ mà asɛ n mu kɛ lɛ yoreen koe, a ba re gɛ̀ dii doo wa, a ba re màn kurii búu baa ganaa doo wa.»

Kiin2 20:5

– N lɛ goa n pɛ maa zaman a kii Ezekiasi lɛ nɛ, mà ǹ di Davida a Lawa, Dɛnaa Lawa lɛ mà kɛnɛn: «Má n nyankɔ lɛ ma. Má n yii mu lɛ yɛ. Á ke, man die n kaka koe. Pelo lɛawaa sɔɔ, n tá re woe Dɛnaa Lawa a kion.

Kiin2 22:2

Sii mɛn bɛ́ pepere Dɛnaa Lawa yii li, Zoziasi bɛ zɛnaa. Á ǹ digolo Davida a tɔ wɔ ǹ gɔn saa ka te. A kanaa á woo a gusin wa, a kanaa á woo a gɔsɛ dɔn wa.

Zɔbu 5:18

A giala, a din nə min dii a mà bɔ-a, sɛnɛ a din nə wusii a na a busulɛ nya. A din nə busu diɛ min ganaa, a din wusoo a nya.

Loen 103:3

A din nə maa sã ǹ siin tumaa toɛ ma nɛ, a din nə maa busun tumaa nyɛɛ.

Loen 147:3

Min mɛnɛn foo bɛ́ busii ni, a din nə bɛn foo-busii nyɛɛ, a din nə foo-basiɛ̃ koe ǹ la.

Loen 81:9

Ma din a zaman, n too kɔ, ma nə n gɔn wɛɛ n nɛ. Izirayeli, bɛ̀ ń nə́ n too kɔ ma lon,

Bɔ bɛ̀rɛbaa nɛ 12:29

Làan nɛ, Dɛnaa bɔ̀n da Ezipti minin nɛgiĩ bibinaan tumaa ganaa. A kũ *Faarahɔn din a nɛgiĩ bibinaa kɛ ganaa, ǹ mɛn doamaa bɛ́ a kii baa a kio lɛ-n, a wo kòso nɛ wɔ yaa, ka tɔɔn wɔn tumaa nɛ.

Bɔ bɛ̀rɛbaa nɛ 19:5

Kanna kəni, bɛ̀ ka tá n too koe ma lon, ka n masɛ a lɛ kɔ kɔn la lɛ tamaɛ, ka á re goɛ̃ ma din wɔn lɛa, ka n masɛ a wúlu-bɔle zaman lɛa. Kanaa din tumaa n masɛ wɔ lɛa. Sɛnɛ, tɔrɔ mɛn bɛ́ ma din wɔ lɛa á la yii ni, ka dinin man bɛa tɔrɔ kɛ lɛ a minin lɛa tɔrɔn tumaa bii.» Bɛa boon kɛn lɛn pɛ Izirayeli nɛnyaanan lɛn manɛ.

Bɔ bɛ̀rɛbaa nɛ 20:2

«Ma din nə Dɛnaa lɛa, n Lawa lɛ nɛ, ma soo n ne, má n bɔ Ezipti gána a bɛ̀rɛbaa nɛ:

Bɔ bɛ̀rɛbaa nɛ 23:25

Bɛ̀ ka dí nya kaa Dɛnaa Lawa dinsɔɔ̃ nɛ, ma din kɛ lɛ, ma á re barka we kaa màn-bii ni ka kaa mu ni. Ma á re ka kanbiɛ busu ganaa.

Izayii 55:3

Ka n too da, ka da ma li. Ka n too kɔ, ka yii á re goɛ̃ koo.» Dɛnaa Lawa pɛ: «Ma á re lɛ kɔ kɔn la we ka ka nɛ yǎa duduu, man lɛ kɔ ka ǹ mɛn lɛ nɛ Davida la, maa bɔlɔgoondɛnaabaa gɔ́ɔ̃ nɛ.

Izayii 57:18

Má a giã ǹ gɔn yɛ, sɛnɛ, ma á re a kaka koe, ma a foo taã, asɛ nɛ ka min mɛnɛn bɛ́ gɛ̀ koɛ.

Zeremii 11:7

Ma bɛ má ka digolon waa Ezipti gána nɛ má soo ǹ ne, má n gɔn waa ǹ nɛ ka ma parsiini. A da pelo yaa, má belebɔ, má n tɔ nə n gɔn woɛ ǹ nɛ, má n pii: Ma bɛ́ boo mɛn pii ka nɛ, ka n too kɔ li.

Zeremii 17:24

Dɛnaa Lawa a da ǹ boo á ke: «Sɛnɛ kasɛn, ka n too kɔ ma lon taãn nɛ. *Susu ǹ pii pinaa, ka nyan bɔ ka guĩ kɔ́n nɛ kiwi lɛ a kiɛnlɛn nɛ wa. Ka bɛa lɛawaa lɛ koa masɛ wɔ lɛa, ka nyan dí kɔ́n nya wa.

Zeremii 30:17

Nsɛ mɛn bɛ́ ǹ nə́ goã n bíi "màn kooro" *"Siɔn mɛn bɛ́ laadoo ba a ganaa wa", ma á re n busulɛn nyɛɛ ma n kaka kɔ. Masɛ Dɛnaa Lawa a da ǹ boo ne.

Zeremii 33:6

Sɛnɛ, ma á re dagòã diɛ ǹ ganaa, ma ǹ kaka kɔ, ma á re là nyantoro taãn-taãn koe ǹ la ka bɔlɔ goondɛnaabaa nɛ.

Zeremii 7:23

Man má gɔn waa ǹ boo kɛ dinsɔɔ̃ pɛ ǹ nɛ: «Ka n too kɔ ma lon, ma á re kaa Lawa biɛ, ka dɔn nə maa zaman baa. Ma bɛ́ zii mɛn nyɛɛ ka nɛ, ka kɔ bɛ lɛ ka te, kaa siin tá re bǐɛ̃ koe kəni.»

Zeremii 8:22

Da banban Galaati a n la paparɛɛ nyɛɛ wa? Dɔɔtɔrɔ ba walan doo wa? Wàa na á baa maa zaman lɛ a baayɛrɛ a nyɛɛ wa?

Ezekieli 18:5

Boo ke nə n diɛ min pepere wɔ paǹ li, min mɛn bɛ́ koe sii a zii lɛ, á n sii zɛnɛɛ ka peperebaa nɛ.

Ozee 11:3

Ma din ni má gòã saa bibinaa giala nyaa Efrayimu ni, má gũ ma kolo-n, a dɔ̃ mà ma tá asɛ tamiɛ̃ wa.

Ozee 6:1

Ka n kɛ pii kɔn nɛ: Ka daa wɔ wusoo wɔ wo Dɛnaa Lawa li: A din na á wɔ tɔtoɛ̃. A din nə die wɔa busu nyɛɛ. A din na á wɔ dɛ, A din nə die a dagòã boe.

Lawa a wúlu-bɔlen 26:13

Masɛ din Dɛnaa Lawa n kaa Lawa lɛa. Masɛ din ni má ka waa má ka bɔ Ezipti minin kɛn gána nɛ, màn mɛn bɛ́ toɛ, ka baran bɛn bɛ̀rɛn baa doo wa. Ma din ni má Ezipti minin pàã kɛ nya má bɔ ka mìi ni, màn mɛn bɛ́ toɛ, ka dɔn nə goã ka dinin gɔn wìi a lɛa.

Lawa a wúlu-bɔlen 26:3

Dɛnaa Lawa wusoo á pɛ: Ka kɔ masɛ a landa boon kɛn lɛ, ka maa gɔn waa ǹ boon kɛn tamaa, ka ǹ sii zɛnaa.

Minin nimi 12:13

Muizu tɔ́n nə n lɛ dɛ Dɛnaa Lawa ganaa kɛnɛn: «E, Lawa, masɛ n gòã-kũ diɛ n ganaa, bǐɛ̃ kɔ, n Miriyamu lɛ kaka kɔ.»

Timəə dí-pɛn 12:25

Ka baran sɔ̃ wa, bɛ á re toɛ kaa wɔ bǐɛ̃ kɔ, ka dinin laanka kaa nɛnyaanan mɛnɛn bɛ́ re goɛ̃ ka kio. A giala, bɛ̀ ká zɛnaa miɛ̃, ka n ká Dɛnaa Lawa foo sii zɛnaa.

Timəə dí-pɛn 12:28

Ma bɛ́ n gɔn wɛɛ ka-n ka boon mɛnɛn nɛ, ka bɛn lɛn si, ka ǹ tamaa. Bɛ̀ ká zɛnaa miɛ̃, ka n ká sii sonbore zɛnaa, sii mɛn bɛ́ pepere kaa Lawa, Dɛnaa Lawa yii li. Bɛ lɛ dɔ n die toɛ kaa wɔ bǐɛ̃ kɔ miɛ̃ duduu, ka dinin laanka kaa nɛnyaanan nɛ.

Timəə dí-pɛn 13:18

Lawa ka kurəə mànan mɛnɛn goa ganaa, ka nyan toa ka n gɔn da bɛ kɔn ganaa wa. Bɛ̀ ká zɛnaa miɛ̃, Dɛnaa Lawa foo á re basɛ̃. Á re makara boe ka ganaa, a n dɔ ka lɛ, a toa ka mɔnaa, ka a bɛ́ á n lɛ kɔ ka digolon la lɔn.

Timəə dí-pɛn 28:27

Dɛnaa Lawa á re boreen kiɛ ka ganaa, ka Ezipti minin kɛn wɔ bɛ́ lɔn, baayɛrɛ nɛ, gɔ̀nɔn kakaɛ̃ nɛ ka kɔǹ-gɛ̀ nɛ, nya ǹ gɔn ná a ba ǹ la wa.

Timəə dí-pɛn 28:58

Dí-pɛn boon mɛnɛn tumaa bɛ́ kiɛ̃-n sɛ́wɔ kɛ nɛ, bɛ̀ ka yiri bɔ bɛn li ká kɔ ǹ lɛ wa, tɔ mɛn lɛ á ke gugurubaa ná a nɛ á n nyɛ́ɛ dɔ diɛ, "kaa Lawa, Dɛnaa Lawa" lɛ, bɛ̀ ka nyɛ́ɛ baa bɛ-n wa,

Timəə dí-pɛn 28:60

Ka goã nyɛ́ɛ biɛ busun mɛnɛn lɛn manɛ Ezipti gána nɛ, a n die bɛn lɛn kiɛ ka ganaa, ǹ ka dɛ.

Timəə dí-pɛn 32:39

Ka dɔ̃ ka bɛ lɛ-n kəni, mà ma din lɛ nɛ, ma din goon lɛ nɛ, lawa kɔsɔ ba n tii ma-a wa. Ma din nə gɛ̀ dii, ma din nə yiikoonaabaa koe, ma din nə busu diɛ min ganaa, ma din nə busu nyɛɛ. Min kɔn ba boe la a min kũ a si ma la wa.

Timəə dí-pɛn 5:1

Muizu Izirayeli minin lɛn tumaa biì á pɛ ǹ nɛ: – Izirayeli minin lɛn, ma bɛ́ landa boon laanka sii yɔrɔ bɔ ǹ boon mɛnɛn kiɛ ka too-n pelo ke, ka n too kɔ bɛn li. Ka n daraa ǹ ganaa, ka ǹ tamaa, ka kɔ ǹ lɛ.

Timəə dí-pɛn 7:15

Dɛnaa Lawa á re ka kanbiɛ busu tɔrɔ tumaa ganaa. A dɔlɔ mɛn tumaa da Ezipti minin mìi ni, ka á doɛ̃ taãn-taãnɛ, á re ka kanbiɛ bɛ ganaa, a re bɛ diɛ ka mìi-n wa. Sɛnɛ, min mɛnɛn bɛ́ ka biɛ zɔ́ɔ, a n die diɛ bɛn mìi ni.