Bɔ bɛ̀rɛbaa nɛ 15:25 - LAWA A BOO SONBORE

²⁵ Muizu tɔ́n Dɛnaa nyankɔ, yǎa Dɛnaa da tɔrɔ kɔ́n nyaa nɛ. A ná a gɔn boɛɛn kuru, á zũ mu lɛ li, mu lɛ kɔɔ̃n kɔ. Dɛnaa na á sii zɛnaa ǹ gɔnɔn laanka landan koa ǹ mìi-n walan lɛ nɛ, á n da ǹ gɔ́ɔ̃ li dɔn.

LAWA A BOO SONBORE 2011

²⁵ Muizu tɔ́n Dɛnaa nyankɔ, yǎa Dɛnaa da tɔrɔ kɔ́n nyaa nɛ. A ná a gɔn boɛɛn kuru, á zũ mu lɛ li, mu lɛ kɔɔ̃n kɔ. Dɛnaa na á sii zɛnaa ǹ gɔnɔn laanka landan koa ǹ mìi-n walan lɛ nɛ, á n da ǹ gɔ́ɔ̃ li dɔn.

Bɔ bɛ̀rɛbaa nɛ 15:25 ပူးပေါင်းရင်းမြစ်များ

Kiin2 2:21

Mu lɛ bɛ́ soe tán bǎã mɛn nɛ, Yiliizee soo á woo walan, á yìsi kaa bɛa bǎã lɛ nɛ, á pɛ: «Dɛnaa Lawa pɛ mà asɛ n mu kɛ lɛ yoreen koe, a ba re gɛ̀ dii doo wa, a ba re màn kurii búu baa ganaa doo wa.»

Kiin2 4:41

Lawa a min lɛ pɛ: «Ka da ka wùsu ni.» Á wùsu lɛ pɛsɛ̃ dɔn lɛ gɔ́ɔ̃ nɛ, á pɛ: «Ka kɔ minin lɛn la, ǹ bii.» Màn baraa kɔn goã dɔn lɛ gɔ́ɔ̃-n doo wa.

Kiin2 6:6

Lawa a min lɛ nə́ n toa: «A na á mɛnaa bǎã mɛn nɛ?» Á ná a bǎã nya a Yiliizee ne. Yiliizee tɔ́n gɔn yiɛ á zũ bɛa bǎã lɛ nɛ, sɛ̀miɛ̃ nàn lɛ soo á giã mu lalan.

Loen 50:15

Bɛ̀ fuu dɔ n ganaa ǹ mɛn pinaa, ma bíi wɔ, ma á re n kirisibiɛ, n tá re ma guguru koe.

Loen 66:10

Lawa, n nə́ n da wɔ gɔ́ɔ̃ li, n *gɔ̀ bɔ wɔ ganaa, ka ǹ bɛ́ wɔrɔ yoe ǹ gɔ̀ bɔ a ganaa lɔn.

Loen 81:7

Má guĩ saa, má bɔ n kɔrɔ-n, n gɔnɔn nə́ kɛsɛ gugurun gisĩ.

Loen 91:15

Bɛ̀ á lɛ dia ma la, ma á re n nyii la. Bɛ̀ fuu yɛ, ma á re goɛ̃ kun ni. Ma á re boe ma da, ma gugurubaa kɔ la.

Loen 99:6

Muizu laanka Aarɔn nə kun a wúlu-bɔlen ne. Samayeli sɛ n kun a tɔ-bíilin ni. Bɛn man nə́ goã Dɛnaa Lawa lɛ tɔ bíi, á goã ǹ lɛ dɔ sii.

Bɔ bɛ̀rɛbaa nɛ 14:10

Faarahɔn bɛ́ á diri, Izirayeli nɛnyaanan nə́ n yii saa, ǹ nə́ ga. Ǹ nə́ yɛ mà Ezipti minin lɛn man nə́ zii saa, ǹ tá ǹ kio lui. Nyɛ́ɛ nə́ ǹ kũ parsiini, ǹ nə́ n lɛ dɛ Dɛnaa Lawa ganaa.

Bɔ bɛ̀rɛbaa nɛ 16:4

Dɛnaa pɛ Muizu ni kɛnɛn: «Man die màn-bii boe lon, ma kaa tán ǹ wɔ lɛa. Zaman lɛ á re soe baraabaraa, ǹ nə ǹ lɛawaa gogoon màn-bii goa. A n die n zɛnɛɛ miɛ̃, màn mɛn bɛ́ toɛ, man da ǹ gɔ́ɔ̃ li, ma ga ǹ ganaa, bɛ̀ ǹ tá re tɔ we a kɔnpɛ ka maa boo ne, hinlaa bɛ̀ ǹ ba re tɔ we a kɔnpɛ-n wa.

Bɔ bɛ̀rɛbaa nɛ 17:4

Muizu Dɛnaa nyankɔ: «Ma doamaa nɛ, ma wàa mɛn zɛnaa zaman kɛ nɛ? Bɛ̀ á kiɛ̃ kɛ la boɛɛn nɛ, ǹ tá re ma dii ka kɔlɔ nɛ.»

Bɔ bɛ̀rɛbaa nɛ 20:20

Muizu pɛ zaman lɛ nɛ: «Ka baran nyɛ́ɛ baa wa. A giala, Lawa na á daa n da ka gɔ́ɔ̃ li, màn mɛn bɛ́ toɛ, nyɛ́ɛ baa a din ni goã ka foo ne, ka baran sii baraa dɔ zɛnaa wa.»

Suusun 17:3

Maǹ sana laanka wɔrɔ á sonborebaa doɛ̃ ka tɛ nɛ. Sɛnɛ, Dɛnaa Lawa n kiri we minbuiin nɛ foo a siĩnbaa ganaa.

Zeremii 15:1

Dɛnaa Lawa pɛ ma nɛ: – Ta Muizu laanka Samayeli din nə́ n gii wɔ boo kɛ nɛ masɛ li, ma a re n yɔrɔ diɛ zaman lɛ la wa. Ǹ loo n nə ǹ bɔ ma yɔrɔ-a ǹ wo sɔsɔɔ.

Zeremii 9:7

Minin kɛn lɛwɔn nə ka kiɛ bɛ́ lɔn gɛ̀ dii. Maǹ soɛ boe, maǹ boo paparɛ diɛ ǹ giaáran manɛ, Sɛnɛ, ǹ foo ne, maǹ kan koe ǹ ne.»

Ezekieli 47:7

Ma bɛ́ ma dɔ mu lɛ lɛ-a, ma bɛ́ giɛ, bɛ̀ dan nə́ ke mu lɛ lɛkoro-a gigiã, a paǹan paanan li.

Ezekieli 47:8

Á tɔ́n pɛ ma nɛ: «Mu kɛ lɛ n baa sii woe gána lɛ a lɛ̀giala gɔn li. A n gisĩ a bɔ Zurdɛ̃ a nyankɔrɔ basa kɛ nɛ, a kiɛ̃ a wo kaa yìsi mu kɔsɛ kɔsɛ kɛ li. Bɛ̀ á kaa yìsi mu lɛ li, a n bɔyɛɛ, a baa mu sonbore lɛa.

Korɛnti1 1:18

Sonbore, min mɛnɛn bɛ́ papaɛ̃, Krita a gã dere ǹ gɔn ganaa boo kɛ n gàãnaabaa lɛa bɛn yii li. Sɛnɛ, wɔsɛn mɛnɛn bɛ́ kirisibaa ǹ zii la, a n Lawa a pàãyiidɛnaabaa lɛa wɔsɛn yii li.

Timəə dí-pɛn 13:3

Bɛa kaãbaa ǹ sii lɛ á boe la a n zɛnaa, ka a bɛ́ á pɛ lɔn. Sɛnɛ, bɛ̀ ǹ dɛnaa pɛ ka nɛ mà ka daa ka kɔ lawa kɔsɔn kio lɛ ka bɛn guguru kɔ, lawan mɛnɛn dinin nə́ ke ka a ǹ doɛ̃ wa,

Timəə dí-pɛn 8:16

Á din don kɛ lɛ nɛ, á maánə kɔ ka la ká bii, ka digolon dinin nə goã bɛa màn-bii lɛ doɛ̃ wa. A ka yii puusə kɔ miɛ̃, á n da ka gɔ́ɔ̃ li, màn mɛn bɛ́ toɛ kaa biɛ̃ ǹ bǐɛ̃ kɔ.

Timəə dí-pɛn 8:2

Kaa Lawa, Dɛnaa Lawa zii sɔsɔɔ mɛn tɔ wɔ ka nɛ, lɛ̀ pusi don bii, ka n yiri koa bɛ li. A na á fuu nyaa ka nɛ, á n da ka gɔ́ɔ̃ li, màn mɛn bɛ́ toɛ, a ka gɔ́ɔ̃gɔ́ɔ̃ ǹ taasiɛ dɔ̃, bɛ̀ ka á re asɛ a gɔn waa ǹ boon kɛn tamaɛ, hinlaa bɛ̀ ka a re ǹ tamaɛ wa.

Sii yɔrɔ-bɔlen 2:22

Dɛnaa Lawa na á n da Izirayeli minin lɛn gɔ́ɔ̃ li ka bɛn lɛn sii ni. A na á goã giɛ li a dɔ̃, bɛ̀ ǹ tá re asɛ a zii kɛ tamaɛ, ǹ kɔ lɛ ka ǹ digolon bɛ́ ǹ nə́ zɛnaa lɔn hinlaa bɛ̀ ǹ ba re zɛnɛɛ miɛ̃ wa.»

Sii yɔrɔ-bɔlen 3:1

Izirayeli minin mɛnɛn tumaa bɛ́ ǹ Kanaan gána a zian kɛn kɔn yɛ wa, Dɛnaa Lawa na á bɛa tɔrɔ lɛn toa walan, a tá ǹ diɛ ǹ gɔ́ɔ̃ li ni.

Sii yɔrɔ-bɔlen 3:4

Dɛnaa Lawa na á bɛa tɔrɔn lɛn toa walan a tá n diɛ Izirayeli minin lɛn gɔ́ɔ̃ li ni, màn mɛn bɛ́ toɛ a dɔ̃, bɛ̀ ǹ tá re asɛ a gɔn waa ǹ boon kɛn tamaɛ, asɛ nə ǹ mɛnɛn lɛn kɔ Muizu la mà a ǹ kɔ ǹ digolon la.