Bɔ bɛ̀rɛbaa nɛ 14:4 - LAWA A BOO SONBORE

⁴ Lawa mà asɛ á re toɛ Faarahɔn too kaka kɔ, a yoo a ǹ kio loo. Sɛnɛ, mà asɛ á re a din tɔ bɔ ǹ siin zɛnɛɛ Faarahɔn laanka a pàã din tumaa ganaa. Mà Ezipti gána minin tumaa á re doɛ̃, mà asɛ din nə Dɛnaa Lawa lɛa.» Ǹ dɔn nə́ zɛnaa miɛ̃.

LAWA A BOO SONBORE 2011

⁴ Lawa mà asɛ á re toɛ Faarahɔn too kaka kɔ, a yoo a ǹ kio loo. Sɛnɛ, mà asɛ á re a din tɔ bɔ ǹ siin zɛnɛɛ Faarahɔn laanka a pàã din tumaa ganaa. Mà Ezipti gána minin tumaa á re doɛ̃, mà asɛ din nə Dɛnaa Lawa lɛa.» Ǹ dɔn nə́ zɛnaa miɛ̃.

Bɔ bɛ̀rɛbaa nɛ 14:4 ပူးပေါင်းရင်းမြစ်များ

Nehemii 9:10

Ń sii nyaa ǹ sii dadaran da Eziptin kii mìi ni a di-nyanlin tumaa laanka a gána a zaman tumaa nɛ, a giala ń goã doɛ̃ mà ǹ nə́ fuu nyaa wɔ digolon lɛn manɛ, ń tɔ́n nə n din tɔ bɔ ǹ sii zɛnaa, ka yii bɛ́ tɔn a ganaa lɔn pelo.

Bɔ bɛ̀rɛbaa nɛ 10:2

Man má baa miɛ̃, máa n na a laakalaa n nɛnyaanan laanka n nɔ̀ɔnɔn manɛ, mà Lawa sàn kɔ ka Ezipti minin ni, a ná a sii nyaa ǹ siin zɛnaa ǹ bii. Ka tá re doɛ̃ mà ma din lɛ n Dɛnaa lɛ lɛa.»

Bɔ bɛ̀rɛbaa nɛ 10:27

Sɛnɛ, Dɛnaa toa Faarahɔn too kaka kɔ, a lɛ kɔ á toa Izirayeli nɛnyaanan lɛn nə́ soo, ǹ nə́ woo wa.

Bɔ bɛ̀rɛbaa nɛ 12:28

Izirayeli nɛnyaanan lɛn nə́ tɔn woo kəni, ǹ nə́ yoo dí li, ǹ nə́ sii tumaa zɛnaa tɛrɛɛnɛ, ka Dɛnaa bɛ́ á pɛ Muizu laanka Aarɔn nɛ lɔn.

Bɔ bɛ̀rɛbaa nɛ 14:23

Ezipti minin lɛn nə́ ǹ kio loo, ǹ nə́ wɔ ǹ kio. Faarahɔn a sùin tumaa, ka a wotoron ne ka a sùi lɛ-kũlin ni, ǹ nə́ wɔ yǎa mu lɛ bii.

Bɔ bɛ̀rɛbaa nɛ 14:25

Á ǹ wotoro gòãn guguru kɔ, ǹ da-baa-a kaka kɔ. Ezipti minin lɛn nə́ pɛ kɔn nɛ: «Ka daa wɔ wusoo, wɔ n bɔ Izirayeli nɛnyaanan lɛn kio. A giala, Dɛnaa Lawa din nə ǹ zia gii diɛ Ezipti ganaa!»

Bɔ bɛ̀rɛbaa nɛ 14:3

*Faarahɔn tá re pii ǹ wɔ paǹ li kəni, mà ǹ nə́ ke n binbirin boe gána lɛ nɛ, ǹ yiri n yoo ne, don papaã ǹ la.

Bɔ bɛ̀rɛbaa nɛ 14:5

Minin nə́ pɛ Faarahɔn nɛ, mà Izirayeli nɛnyaanan lɛn nə́ baa si. Faarahɔn laanka a dí-nyalin taasiɛ nə́ n bɔyaa Izirayeli nɛnyaanan zaman lɛ wɔ paǹ li. Ǹ nə́ pɛ: «Wɔ n wɔ́ wàa zɛnaa kɛnɛn, wɔ́ toa Izirayeli nɛnyaanan lɛn nə́ soo, ǹ nə́ wɔa dí toa walan.»

Bɔ bɛ̀rɛbaa nɛ 14:8

Dɛnaa toa Ezipti gána a kii Faarahɔn too kaka kɔ. Á yoo á Izirayeli nɛnyaanan loo, Izirayeli nɛnyaanan mɛnɛn nə soo, ǹ nə́ n bɔ bɛ̀rɛbaa nɛ.

Bɔ bɛ̀rɛbaa nɛ 18:11

Masɛ á doɛ̃ kanna, má Dɛnaa lɛ n gole á la lawan tumaa nɛ. Á bɛ nyaa Ezipti minin kɛn manɛ, bɛ̀ ǹ bɛ́ Izirayeli nɛnyaanan nɔmɛɛ.»

Bɔ bɛ̀rɛbaa nɛ 6:7

Ma á re ǹ sii, ǹ goã ma din a zaman lɛa, ma dɔ goã ǹ dɔn Lawa lɛa. Ǹ tá re doɛ̃, mà ma din Dɛnaa lɛ nə ǹ Lawa lɛa, Lawa mɛn bɛ́ ǹ boe Ezipti minin nɔmaa ǹ dín li.

Bɔ bɛ̀rɛbaa nɛ 7:17

Bɛ lɛ nɛ, Dɛnaa á boo diɛ kɛnɛn: «N tá re doɛ̃ kɛ li, mà n laanka masɛ din Dɛnaa Lawa n kɔn. Man die tà lɛ a mu duwii ka bàlà kɛ lɛ-n ma gɔn, a n bɔyaa a mà baa.

Bɔ bɛ̀rɛbaa nɛ 7:3

Sɛnɛ, ma din tá re Faarahɔn too kaka koe. A laanɛ n tá re sii nyaa ǹ sii dadaran zɛnɛɛ ǹ mɔnaa Ezipti gána nɛ,

Bɔ bɛ̀rɛbaa nɛ 7:5

Ma á re dɔlɔ boe Ezipti gána minin lɛn ganaa, man pàã nyaa ǹ nɛ. Bɛ̀ má bɛ zɛnaa ǹ mɛn waáraa, má soo ka Izirayeli nɛnyaanan lɛn nɛ, má ǹ bɔ gána lɛ nɛ, Ezipti gána minin kɛn tá re doɛ̃, mà ma din lɛ n Dɛnaa Lawa lɛ lɛa.»

Bɔ bɛ̀rɛbaa nɛ 9:16

Sɛnɛ, n toa walan mìi á ke: Man pàã nyaa n nɛ, màn mɛn bɛ́ toɛ, ǹ ma tɔ laakalaa kanaa paǹ tumaa nɛ.

Ezekieli 20:9

Sɛnɛ, ma din tɔ taman yii, ma sii kɔn zɛnaa ǹ nɛ wa, màn mɛn bɛ́ toɛ, ka digolon bɛ́ giã-n tɔrɔn mɛnɛn bii, bɛn baran ma tɔ ziziɛ̃ wa. A giala, ma lɛ kɔ mɛn wɔ ǹ nɛ máa ma á re ǹ wɛɛ ma ǹ bɔ Ezipti gána nɛ, bɛa tɔrɔn kɛn lɛn tá a siére-a.

Ezekieli 28:22

Masɛ Dɛnaa Lawa n kɛ pii: Á ke, nsɛ Sidɔn kiwi kɛ lɛ, ma á die n gialaa. Maa zɛnaa ǹ siin taman yii, minin tá re ma guguru koe Sidɔn kiwi. Ma bɛ́ re dɔlɔn mɛnɛn boe n ganaa, ma maa Lawa sonborebaa kɛ nyaa nɛ, minin tá re doɛ̃ ka bɛ lɛ-n kəni, mà ma din nə Dɛnaa Lawa lɛa.

Ezekieli 32:15

Ma á re Ezipti gána kɛ ziziɛ̃, ma baa ka diə gole bɛ́ lɔn. Bɛ̀ má gána lɛ a mànan waa má ǹ bɔ a nɛ ǹ mɛn waáraa, bɛ̀ má a minin tumaa dɛ, ǹ tá re doɛ̃ bɛa biikoo li kəni, mà ma din nə Dɛnaa Lawa lɛa.

Ezekieli 38:16

N tá re die maa zaman Izirayeli minin lɛn gialaa, n kɔ n lɛ ka labara bɛ́ lɔn. Bɛ n die n zɛnɛɛ biikoo giala nyɔmiɛ̃ waáraa. Ma á re nsɛ Gɔgu diɛ, n wo maa gána minin lɛn gialaa, màn mɛn bɛ́ toɛ, tɔrɔ kɔsɔn nə maa Lawabaa dɔ̃.

Ezekieli 38:23

Ma á re ma din a golebaa laanka ma din a Lawabaa kɛ nyɛɛ tɔrɔ kɔsɔn tumaa nɛ. Ǹ tá re doɛ̃ bɛa biikoo li kəni, mà ma din nə Dɛnaa Lawa lɛa.»

Ezekieli 39:13

Zaman lɛ tumaa á re ǹ gere biĩ. Bɛ̀ masɛ maa gugurubaa nyaa ǹ mɛn pinaa, ǹ tumaa foo á re kɔɔ̃n koe. Ma din Dɛnaa Lawa a da ǹ boo ne.

Lawa a wúlu-bɔlen 10:3

Muizu tɔ́n pɛ Aarɔn nɛ: kɛ lɛ a lɛa nɛ, Dɛnaa Lawa tɔ́n boo da á pɛ kɛnɛn: Min mɛnɛn bɛ́ n mɔrɛ ma ganaa, man li, bɛn nə maa Lawabaa kɛ dɔ̃, man li máa ǹ ma guguru kɔ zaman kɛ tumaa yɔrɔ-a. Aarɔn nə n lɛ da boo-n wa.

Rɔmu minin 11:8

A na á n pɛ Lawa a boo ne, bɛa gialakunun kɛn lɛn wɔ gɔn la: «Lawa toa ǹ yiri tã. Haalɛ a da kaa pelo lɛ, maǹ giɛ, sɛnɛ, ǹ yii a wɔlɔ yii wa, manə n too koe, sɛnɛ, ǹ too a boo miɛ wa.»

Rɔmu minin 9:17

Lawa din na á pɛ *Faarahɔn nɛ kɛnɛn a boo ne: «Ma din ni má n koa kii lɛa, máa n die n ma pàã nyaa, màn mɛn bɛ́ toɛ, ma tɔ bɔ kanaa paǹ tumaa nɛ.»

Rɔmu minin 9:18

Bɛ lɛ nɛ, bɛ̀ a din golee li, mà a n makara boe min mɛn ganaa, a n boe a ganaa, bɛ̀ á golee li, mà a n toɛ min mɛn dɔ too kaka kɔ, a n toɛ bɛa dɛnaa too kaka kɔ.

Zozoe 11:20

A giala, Dɛnaa Lawa din na á ǹ foo laa, á ǹ kaa kɔn ka Izirayeli minin lɛn nɛ. A na á goã giɛ li, bɛn nə ǹ dɛ ǹ nə ǹ nya lenlen, ǹ nə́ ǹ ba n tɛn toɛ ǹ nɛ wa, ka Dɛnaa Lawa goã á pɛ Muizu-n lɔn.

Sii yɔrɔ-bɔlen 4:7

Mà asɛ re Zabɛn a zia-baalin goledɛnaa Sizeraa diɛ n la Kisɔn tà lɛ-a, kun ka a ziabaa ǹ wotoron laanka a zia-baalin ni. Mà asɛ á re Sizeraa lɛ we n gɔn.»