Bɔ bɛ̀rɛbaa nɛ 14:22 - LAWA A BOO SONBORE

²² Izirayeli nɛnyaanan lɛn nə́ wɔ tà gɔ́ɔ̃ gere lɛ nɛ, ǹ nə́ kiɛ̃. Mu lɛ n soe-n kɔn ǹ paǹan paanan li ka kungɔn bɛ́ lɔn.

LAWA A BOO SONBORE 2011

²² Izirayeli nɛnyaanan lɛn nə́ wɔ tà gɔ́ɔ̃ gere lɛ nɛ, ǹ nə́ kiɛ̃. Mu lɛ n soe-n kɔn ǹ paǹan paanan li ka kungɔn bɛ́ lɔn.

Bɔ bɛ̀rɛbaa nɛ 14:22 ပူးပေါင်းရင်းမြစ်များ

Kiin2 2:14

Dɔnkɛ gole mɛn lɛ bɔ Yilii ganaa á mɛnaa, Yiliizee bɛ bɔ á tà mu lɛ dɛ nɛ, á n toa: «Dɛnaa Lawa n maa, Yilii a Lawa lɛ?» Yiliizee dɔ bɛ́ á tà mu lɛ dɛ, tà mu lɛ nə́ n na kɔn wɔlɔ paa, Yiliizee kiɛ̃.

Kiin2 2:8

Yilii tɔ́n na a dɔnkɛ bɔ, á timəə á tà mu lɛ dɛ nɛ, tà mu lɛ nə́ n na kɔn. Yilii laanka Yiliizee tɔ wɔ tán gere la ǹ dinin min paa ǹ nə́ soo.

Nehemii 9:11

Ń yìsi mu yu kɔn ǹ nyɛɛnɛ, ǹ nə́ tɔ wɔ tán gere la, ǹ nə́ kiɛ̃ yìsi mu lɛ bii. Min mɛnɛn nə goã ǹ kio lui, ń bɛn gisĩ mu giala-n, ka kɔlɔ a dɔ mu gole li bɛ́ lɔn.

Loen 106:9

Á paraa Sawɛɛ tà lɛ li, á laa. Á toa ǹ nə́ tɔ wɔ nyankɔrɔ zuzulun ni, ka n pɛ mà don gɔ́ɔ̃ nɛ.

Loen 136:13

Á Sawɛɛ tà kuru kɔn paa, a kɔn-narɛɛ a nyɛɛ duduu wa.

Loen 136:14

Á Izirayeli kũ á kiɛ̃ nɛ a bii, a kɔn-narɛɛ a nyɛɛ duduu wa.

Loen 66:6

Á tàn mu bii kuru kɔn, minin nə́ kiɛ̃ ǹ geremaa gɔ́ɔ̃ nɛ ka ǹ gòã nɛ. Ka daa wɔ n nyɛnyɛɛ bɛa sii gole kɛa lɛa.

Loen 74:15

N din nə ń mu yalan kɛn fɔ̃, ka pɛrɛn kɛn nɛ. Pɛrɛn mɛnɛn bɛ́ ǹ mu a piɛ̃ duduu wa, ń bɛn mu piɛ̃.

Loen 78:13

Á kɔ̀ mu yu kɔn màn paa, á toa ǹ nə́ kiɛ̃. Á mu lɛ sɔkɔn wɔlɔ paa ka tà-zuĩ ni.

Bɔ bɛ̀rɛbaa nɛ 14:29

Sɛnɛ, Izirayeli nɛnyaanan man nə́ tɔ wɔ tà gɔ́ɔ̃ gere bii, mu lɛ n soe-n kɔn ka kungɔn bɛ́ lɔn ǹ paǹan paanan li.

Bɔ bɛ̀rɛbaa nɛ 15:19

Faarahɔn a sùin ni, a wotoron ne, ka a sùi lɛ-kũlin bɛ́ ǹ nə́ wɔ tà lɛ nɛ ǹ mɛn waáraa, Dɛnaa wusoo á daa ka mu ni á kɔ ǹ lɛ. Sɛnɛ, Izirayeli nɛnyaanan kɛn sɛn nə́ boo la ǹ nə́ tà lɛ kuru, mu ná a mɛ ǹ gòã ganaa wa.

Bɔ bɛ̀rɛbaa nɛ 15:8

N din lɛ gɔ́ɔ̃ ǹ piɛ̃ a kakabaa na á mu lɛ goa á sɔkɔn, mu baa-sili lɛ nə́ n kurəə, á golee ka kungɔn bɛ́ lɔn, mu lɛ golee bǎã goon ne tà lɛ gɔ́ɔ̃ nɛ.

Izayii 11:15

Dɛnaa Lawa á re Ezipti tà diɛ piɛ̃ ganaa. Á re parɛɛ Efrati tà li, a n gɔn pepere li. A n die niɛ̃ kɔn gùrù sɔbaa ka a boo sii la pàã nɛ, minin nə boo la ǹ kiɛ̃ a nɛ ka ǹ gòã nɛ.

Izayii 11:16

A zaman mɛn yii goã koo Asiirii gána nɛ, á re zii boe bɛn manɛ, ka a bɛ́ á goã á bɔ Izirayeli minin man lɔn, ǹ soo Ezipti gána-n biikoo li.

Izayii 43:16

Dɛnaa Lawa n kɛ pii asɛ mɛn bɛ́ á zii bɔ yìsi mu la, á zii bɔ á mu pàã gole kɛ wɔsɔ kɔn nɛ.

Izayii 51:10

N din bie ń goã ń yìsi mu gole kɛa mu piɛ̃ wa? N din nə n zii bɔ yìsi mu giala-n, màn mɛn bɛ́ toɛ, n min mɛnɛn si n nə́ ǹ kaa, bɛn nə boo la ǹ kiɛ̃.

Izayii 63:12

Ǹ zii tɔ wɔ gɔ́ɔ̃ nɛ, a din na á pàã kɔ Muizu la. Á yìsi mu yu kɔn ǹ nyɛɛnɛ, màn mɛn bɛ́ toɛ, a tɔ goã yǎa duduu.

Izayii 63:13

A din na á toa ǹ nə́ yìsi mu zuzulu kuru, ka sùi bɛ́ diə kuri lɔn, ǹ nə́ ǹ mɛnaa wa.

Zakarii 2:5

Sii nyaa gɔ́ɔ̃ nɛ, masɛ Zakarii, má n yii saa lon, ma sii mɛn yɛ, á ke: Giĩ goon ne, ka màn zɔ́ɔ̃ ǹ biɛ ná a gɔn.

Minin nimi 33:8

Ǹ nə́ yoo Ayirɔti yɔrɔ-a, ǹ nə́ yìsi mu kuru ǹ nə́ woo diə gole ne. Ǹ nə́ lɛawaa sɔɔ zii tɔ wɔ Etamu don, ǹ nə́ woo golee Maaraa.

Korɛnti1 10:1

Ma dɔɔ̃nɔn lɛn, wɔ digolon nə́ goã tɔ we kun ka Muizu ni. Sii mɛn nə n zɛnaa ǹ nɛ, ma ba li ka yii goã ti bɛ gɔ́ɔ̃-n wa. Labara goã kuə̃ ne ǹ tumaa la, ǹ nə́ yìsi mu gole dɔ kuru ka ǹ gòã-n kun.

Ebrəə 11:29

Golee Lawa li na á toa, ǹ nə́ sawɛɛ tà kɛ kuru, ka maǹ tɔ we tán gere la, a da yaa Ezipti minin bɛ́ ǹ nə́ daa, ǹ ná a lɛn zɔɔ̃, mu bɛn kũ.

Zozoe 3:16

mu mɛn bɛ́ gisĩ die ka pàã nɛ, bɛ́ golee. Mu lɛ golee bǎã goon ne Aadã kiwi kɛ li tìãlɛ-a sɔɔsɔɔ, ka maǹ nə́ bèlèn dɔ nɛ. Aadã kiwi lɛ n kunu Sartan kiwi li. Mu mɛn dɔ goã baa sii die yìsi mu kɔ̀ kɛ ganaa nyankɔrɔ basa kɛ nɛ, bɛ tumaa lɛ kuru lenlen. Zaman lɛ tɔ́n boo la á Zurdɛ̃ tà kuru Zerikoo kiwi yɔrɔ-a, á kiɛ̃.

Zozoe 3:17

Wúlu-bɔlen mɛnɛn bɛ́ Dɛnaa Lawa a lɛ kɔ kɔn la ǹ goo lɛ guĩ, bɛn nə́ golee Zurdɛ̃ tà lɛ bii tán gere la. Wúlu-bɔlen lɛn nə́ golee bǎã goon ne, bɛ̀ Izirayeli minin lɛn tumaa á tɔ we kiɛ̃. Ǹ nə́ golee miɛ̃, yǎa zaman lɛ tumaa soo ǹ nə́ n bɔ Zurdɛ̃ tà lɛ gɔ́ɔ̃ nɛ.

Zozoe 4:22

mà ǹ nə ǹ nɛnyaanan lɛn daraa ǹ pɛ ǹ nɛ kɛnɛn: «Lɛlɛ, Izirayeli minin lɛn man nə́ Zurdɛ̃ tà kɛ lɛ gɔ́ɔ̃ geremaa kuru ǹ nə́ kiɛ̃.

Samayeli1 25:16

Wɔ bɛ́ wɔ́ tɔɔn lɛduə̃ ǹ li, biikoo mɛn yii li, maǹ nə́ n baa ka kungɔn bɛ́ lɔn, ǹ nə́ wɔ tamaa, peleen laanka tèlò ne.