Bɔ bɛ̀rɛbaa nɛ 14:21 - LAWA A BOO SONBORE

²¹ Muizu nə́ n gɔn saa lon tà lɛ la. Dɛnaa lɛ̀giala piɛ̃ gole kɔ́n da bɔ ganaa tèlò lɛ tumaa gɔ́ɔ̃ nɛ. Á tà lɛ a mu kurəə ne, mu lɛ nə́ n na kɔn, tà lɛ gɔ́ɔ̃ n laa nɛ.

LAWA A BOO SONBORE 2011

²¹ Muizu nə́ n gɔn saa lon tà lɛ la. Dɛnaa lɛ̀giala piɛ̃ gole kɔ́n da bɔ ganaa tèlò lɛ tumaa gɔ́ɔ̃ nɛ. Á tà lɛ a mu kurəə ne, mu lɛ nə́ n na kɔn, tà lɛ gɔ́ɔ̃ n laa nɛ.

Bɔ bɛ̀rɛbaa nɛ 14:21 ပူးပေါင်းရင်းမြစ်များ

Siin Giala 8:1

Lawa nə́ n yiri koa Nowee li. Don mànan laanka piɛ mànan mɛnɛn dɔn nə goã kun ni goo lɛ nɛ, á n yiri koa ǹ dɔn li. Bɛ lɛ nɛ, á piɛ̃ bɔ, mu lɛ ná a giala kɔ á gisĩ.

Kiin2 2:8

Yilii tɔ́n na a dɔnkɛ bɔ, á timəə á tà mu lɛ dɛ nɛ, tà mu lɛ nə́ n na kɔn. Yilii laanka Yiliizee tɔ wɔ tán gere la ǹ dinin min paa ǹ nə́ soo.

Nehemii 9:11

Ń yìsi mu yu kɔn ǹ nyɛɛnɛ, ǹ nə́ tɔ wɔ tán gere la, ǹ nə́ kiɛ̃ yìsi mu lɛ bii. Min mɛnɛn nə goã ǹ kio lui, ń bɛn gisĩ mu giala-n, ka kɔlɔ a dɔ mu gole li bɛ́ lɔn.

Zɔbu 26:12

A din pàã n boe kɔ̀ mu la, a yiridɛnaabaa n mu li ǹ màn babaraa kɛ yɔyɔrɛ.

Zɔbu 38:24

Wɔlɔ fúlu a kiɛ̃ ǹ zii n maa? Lɛ̀giala piɛ̃ ke kiɛ tán ganaa, bɛ n boe maa?

Loen 136:13

Á Sawɛɛ tà kuru kɔn paa, a kɔn-narɛɛ a nyɛɛ duduu wa.

Loen 148:8

La a tɛ-pɛ laanka la gii ni, *mu nyuù-wɔle laanka burumu ni, ka piɛ̃ gole kɛ nɛ a lɛ sii, ka loe lɔ ka a tɔ bɔ.

Loen 66:6

Á tàn mu bii kuru kɔn, minin nə́ kiɛ̃ ǹ geremaa gɔ́ɔ̃ nɛ ka ǹ gòã nɛ. Ka daa wɔ n nyɛnyɛɛ bɛa sii gole kɛa lɛa.

Loen 74:13

Ń kɔ̀ mu kũ ń golee ne, ka n din pàã nɛ. Ń tɔɔ babaraa piɛ̃wolen kɛn mìi yu.

Loen 78:13

Á kɔ̀ mu yu kɔn màn paa, á toa ǹ nə́ kiɛ̃. Á mu lɛ sɔkɔn wɔlɔ paa ka tà-zuĩ ni.

Bɔ bɛ̀rɛbaa nɛ 14:16

N dinmaa lɛ nə n bàlà saa lon, n nə n gɔn dia tà lɛ la. N tà lɛ bii kuru kɔn, màn mɛn bɛ́ toɛ, Izirayeli nɛnyaanan nə kiɛ̃, ǹ gòã ná a ba n siɛ̃ mu li wa.

Bɔ bɛ̀rɛbaa nɛ 14:20

Bɛa bara lɛ wɔ Ezipti minin lɛn laanka Izirayeli nɛnyaanan bii ni. Bara lɛ na á goã, a n wɔlɔ fúli paǹ goon, bɛ̀ tèlò a wɔlɔ tì tá paǹ kɔsɔ kɛ li. Tèlò lɛ tumaa gɔ́ɔ̃ nɛ, ǹ nə n mɔrɔ kɔn wa.

Bɔ bɛ̀rɛbaa nɛ 15:8

N din lɛ gɔ́ɔ̃ ǹ piɛ̃ a kakabaa na á mu lɛ goa á sɔkɔn, mu baa-sili lɛ nə́ n kurəə, á golee ka kungɔn bɛ́ lɔn, mu lɛ golee bǎã goon ne tà lɛ gɔ́ɔ̃ nɛ.

Bɔ bɛ̀rɛbaa nɛ 7:19

Dɛnaa pɛ Muizu ni: «A pɛ Aarɔn nɛ, mà a bàlà lɛ saa, a n gɔn saa lon a dia Ezipti gána a tà mu la, ka a piɛɛrɛnɛn tumaa nɛ, mu bɛ́ bǎã mɛn tumaa nɛ, ǹ tumaa mà baa. Mà goã Ezipti gána lɛ a bǎã tumaa nɛ, á goã a mànan tumaa gɔ́ɔ̃ nɛ, gɔn wɔn nɛ ka kɔlɔ wɔn nɛ.»

Izayii 23:11

Dɛnaa Lawa na á n gɔn waa yìsi mu ni, á bìn da gánan ganaa, Kanaan kiwin mɛnɛn bɛ́ tamaa nɛ, á zii kɔ mà ǹ bɛn ziziɛ̃.

Izayii 43:16

Dɛnaa Lawa n kɛ pii asɛ mɛn bɛ́ á zii bɔ yìsi mu la, á zii bɔ á mu pàã gole kɛ wɔsɔ kɔn nɛ.

Izayii 44:27

Man pii mu zuzulu ni: «Piɛ̃ ka daɛ̃. Ma á re n mu diɛ piɛ̃ ganaa»

Izayii 50:2

Ma bɛ́ ma daa, wàa na á baa ma da min kɔn yaa wa? Má lɛ dia, min kɔn ma lɛ si wa. Wàa na á baa kəni? Ka ǹ taasɛ mà maa boe la ma ka si ma ka kaa wa? Kaa kirisibaa ǹ pàã na a ba ma lon wa? A da yaa, maa paraa-mali dinsɔɔ̃ n yìsi mu piɛ̃ ka daɛ̃. Man tà bɔyɛɛ ma baa diə lɛa. Mu wɛɛ taman yii, zɔ̀nɔn man giɛ̃, ǹ bɔɔ̃.

Izayii 51:10

N din bie ń goã ń yìsi mu gole kɛa mu piɛ̃ wa? N din nə n zii bɔ yìsi mu giala-n, màn mɛn bɛ́ toɛ, n min mɛnɛn si n nə́ ǹ kaa, bɛn nə boo la ǹ kiɛ̃.

Izayii 51:15

Sɛnɛ, masɛ nə n Lawa, Dɛnaa Lawa lɛa. Ma din nə bìn diɛ yìsi mu gole ganaa, ma mu yoo wole da ginii ganaa. Ma tɔ n Dɛnaa Lawa Pàãyiidɛnaa.

Izayii 63:12

Ǹ zii tɔ wɔ gɔ́ɔ̃ nɛ, a din na á pàã kɔ Muizu la. Á yìsi mu yu kɔn ǹ nyɛɛnɛ, màn mɛn bɛ́ toɛ, a tɔ goã yǎa duduu.

Izayii 63:13

A din na á toa ǹ nə́ yìsi mu zuzulu kuru, ka sùi bɛ́ diə kuri lɔn, ǹ nə́ ǹ mɛnaa wa.

Abakuku 3:8

Dɛnaa Lawa, n foo n yoo-n tàn li? N foo n yoo-n tàn li sonbore? Bɛ̀ n tá kiɛ̃ n gɔ̀lɔ̀baa ǹ wotoro kɛ nɛ ka n sùin ni, n foo n busi yìsi mu gole kɛ li?

Nya ǹ dín 7:36

A din lɛ na á soo ka Izirayeli nɛnyaanan lɛn nɛ, á ǹ kaa là nyantoro ne. Lɛ̀ pusi gɔ́ɔ̃ nɛ, á kaãbaa ǹ sii dadaran zɛnaa, Ezipti gána nɛ, sawɛɛ tà mu li, ka don bii ni.

Zozoe 2:10

A giala, ka bɛ́ soe Ezipti gána nɛ, Dɛnaa Lawa Sawɛɛ tà kɛa mu piɛ̃ á bɔ ka nyɛɛn lɔn, ka tɔ́n boo la ka kiɛ̃, wɔsɛn nə́ bɛa boo ma. Wɔ́ ma dɔn, mà Amɔɔrɔ tɔrɔn kii min paa ke Zurdɛ̃ tà kio, Sihɔn laanka Ɔgu ni, mà ka bɛn dɛ, ka ǹ gɔn màn tumaa ziziɛ̃ lenlen.

Zozoe 3:17

Wúlu-bɔlen mɛnɛn bɛ́ Dɛnaa Lawa a lɛ kɔ kɔn la ǹ goo lɛ guĩ, bɛn nə́ golee Zurdɛ̃ tà lɛ bii tán gere la. Wúlu-bɔlen lɛn nə́ golee bǎã goon ne, bɛ̀ Izirayeli minin lɛn tumaa á tɔ we kiɛ̃. Ǹ nə́ golee miɛ̃, yǎa zaman lɛ tumaa soo ǹ nə́ n bɔ Zurdɛ̃ tà lɛ gɔ́ɔ̃ nɛ.

Zozoe 4:23

A giala, Dɛnaa Lawa lɛ, kaa Lawa lɛa, bɛ na á Zurdɛ̃ tà lɛ a mu piɛ̃ á bɔ ka nyɛɛnɛ, yǎa ka kiɛ̃ ka nya. Dɛnaa Lawa lɛ, kaa Lawa lɛa, a na á zɛnaa miɛ̃ Sawɛɛ tà dɔ lɛ-a, á ná a mu piɛ̃ á bɔ ka nyɛɛnɛ, yǎa ka kiɛ̃ ka nya.