Bɔ bɛ̀rɛbaa nɛ 12:27 - LAWA A BOO SONBORE

²⁷ ka die ka pɛ ǹ nɛ kɛnɛn: «*Kiɛ̃mala ǹ zɔ́n *wúlu màn nɛ, wɔ á boe koe Dɛnaa la. A giala, a na á kiɛ̃, á wɔsɛn Izirayeli nɛnyaanan kionən toa walan Ezipti gána nɛ. A bɛ́ bɔ̀n diɛ Ezipti gána minin ganaa, á wɔsɛn kion minin si gɛ̀ la.» Zaman lɛ kaa tán, á Lawa guguru kɔ.

LAWA A BOO SONBORE 2011

²⁷ ka die ka pɛ ǹ nɛ kɛnɛn: «*Kiɛ̃mala ǹ zɔ́n *wúlu màn nɛ, wɔ á boe koe Dɛnaa la. A giala, a na á kiɛ̃, á wɔsɛn Izirayeli nɛnyaanan kionən toa walan Ezipti gána nɛ. A bɛ́ bɔ̀n diɛ Ezipti gána minin ganaa, á wɔsɛn kion minin si gɛ̀ la.» Zaman lɛ kaa tán, á Lawa guguru kɔ.

Bɔ bɛ̀rɛbaa nɛ 12:27 ပူးပေါင်းရင်းမြစ်များ

KZS2 20:18

Zozafati kaa a musin la á n nyanlɛ doa tán. Zeruzalɛmu laanka Zudaa min gialakunun kɛn nɛ, ǹ dɔn nə́ kaa ǹ musin la ǹ nə́ Dɛnaa Lawa guguru kɔ.

KZS2 29:30

Kii Ezekiasi lɛ laanka kiãn nə́ tɔ́n pɛ Levii tɔrɔn lɛn manɛ, mà ǹ loe lɔ doo ǹ Dɛnaa Lawa tɔ bɔ nɛ, Davida laanka sii-yɛle Asaafu goã ǹ nə́ loen mɛnɛn lɔ. Levii tɔrɔn lɛn man loe lɛ loe ka foo kɔɔ̃n nɛ, ǹ nə́ n kuməə ǹ nə́ kaa ǹ musin la.

Nehemii 8:6

Ɛsidrasi barka da Dɛnaa Lawa, Lawa gole lɛ nɛ, zaman lɛ tumaa tɔ́n na a lɛ si, ǹ nə́ n gɔnɔn goa lon "mà a n miɛ̃! Mà a n miɛ̃!" Bɛ kio, ǹ nə́ n kuməə tán ǹ lɛ la Dɛnaa Lawa yɔrɔ-a, ǹ ná a guguru kɔ.

Loen 44:1

Koore a minin doree kɔ ǹ loe. A n boe loe-saalin goledɛnaa a sɛ́wɔ nɛ.

Loen 78:5

A na á sii zɛnaa ǹ gɔn koa a minin wɔ lɛa, á landa siin koa Izirayeli. Á pɛ wɔ digolon manɛ, mà ǹ nə ǹ nɛnyaanan daraa bɛa siin lɛn ganaa,

Bɔ bɛ̀rɛbaa nɛ 10:2

Man má baa miɛ̃, máa n na a laakalaa n nɛnyaanan laanka n nɔ̀ɔnɔn manɛ, mà Lawa sàn kɔ ka Ezipti minin ni, a ná a sii nyaa ǹ siin zɛnaa ǹ bii. Ka tá re doɛ̃ mà ma din lɛ n Dɛnaa lɛ lɛa.»

Bɔ bɛ̀rɛbaa nɛ 12:11

Bɛ̀ ka tá a siĩ lɛ soɛ̃, ka sɔ̃ fufuu, ka binbin goã yii-n ka maabɛlɛ nɛ, kɔsɔn nə́ ka gòã ganaa, bàlà n ka gɔn, ka n pɛ mà ka n woe zii-n sisia. Dɛnaa bɛ́ re kiɛ̃ a ka toa walan, bɛa zɔ́n nɛ.»

Bɔ bɛ̀rɛbaa nɛ 12:23

Dɛnaa á re boe Ezipti gána gɔ́ɔ̃ nɛ, a dɔlɔ bɔ a ganaa, á re mà lɛ yii kaa kiɛnlɛ-a ǹ gɔnɔn ganaa, a lon laanka a wàã li ǹ wɔn nɛ. Bɛ lɛ a lɛa, Dɛnaa á re kiɛ̃ kiɛnlɛ lɛ lɛ-a, a re toɛ bɔ̀n-dali lɛ wɔ kaa kionən ne, a bɔ̀n da wa.

Bɔ bɛ̀rɛbaa nɛ 12:28

Izirayeli nɛnyaanan lɛn nə́ tɔn woo kəni, ǹ nə́ yoo dí li, ǹ nə́ sii tumaa zɛnaa tɛrɛɛnɛ, ka Dɛnaa bɛ́ á pɛ Muizu laanka Aarɔn nɛ lɔn.

Bɔ bɛ̀rɛbaa nɛ 13:14

Lawa mà bɛ̀ kaa nɛnyaanan nə́ nɔ̀n da ka la kio mà wàa nɛ ka tá kɛ zɛnɛɛ, ka pɛ ǹ nɛ kɛnɛn: «Dɛnaa na á soo ka wɔ nɛ, á wɔ bɔ Ezipti gána nɛ ka a din pàã nɛ, á wɔ bɔ bɛ̀rɛbaa nɛ.

Bɔ bɛ̀rɛbaa nɛ 13:8

Bɛa zɔ́n kɛ lɛ li, ka die ka bɛa sii kɛ lɛ a daraa kɔ kaa nɛnyaanan la. Ka pɛ ǹ nɛ: «Dɛnaa bɛ́ á bǐɛ̃ zɛnaa wɔ nɛ, á soo wɔ nɛ á wɔ bɔ Ezipti gána nɛ, bɛ lɛ a lɛa nɛ.»

Bɔ bɛ̀rɛbaa nɛ 34:25

«Ka baran tɔɔ dɛ *wúlu màn lɛa ka kɔ masɛ la, ka yɔ bù buuru da li wa. Ka bɛ́ tɔɔ mɛn dii *kiɛ̃mala ǹ zɔ́n wúlu màn lɛa, bɛa siĩ baran kiɛ̃ tèlò la a lɛ̀ waa wa.

Bɔ bɛ̀rɛbaa nɛ 34:8

A din bǎã-n gɔrɔ, Muizu kaa tán, á Dɛnaa guguru kɔ,

Bɔ bɛ̀rɛbaa nɛ 4:31

Zaman lɛ golee ǹ li. Ǹ ná a giala ma, mà Dɛnaa na á Izirayeli nɛnyaanan lɛn nɔmaa ǹ gɔn lɛ yɛ, mà a na á daa, á n die ǹ sii sii la. Ǹ nə́ kaa tán, ǹ nə́ Lawa guguru kɔ.

Korɛnti1 5:7

Ka bɛa sii baraa zɛnaa ǹ yɔ bù zizi kɛ bɔ ka bɔ ka bii, ń giɛ ka á *yoreen koe. Buuru yia mɛn bɛ́ yɔ bù ná a ba li wa, á n buuru yia dii lɛa, ka goã bɛ lɛa. A taãnbaa li, ka n bɛ lɛ din lɛa gɔrɔ. Wɔa *kiɛ̃mala ǹ zɔ́n nə́ n giala kɔ, a giala, maǹ nə́ wúlu bɔ ka Krita nɛ, wɔa kiɛ̃mala ǹ zɔ́n sère nɛ lɛa.

Timəə dí-pɛn 16:2

Ka bɛ́ re wúlu mànan mɛnɛn koe Dɛnaa Lawa la kiɛ̃mala ǹ zɔ́n lɛ wɔ lɛa, tɔɔ bisinin laanka a dadaran nɛ, kaa Lawa, Dɛnaa Lawa din bɛ́ re bǎã mɛn boe a n tɔ da la, ka die ka bɛn dɛ walan.

Timəə dí-pɛn 16:5

Kaa Lawa, Dɛnaa Lawa kiwin mɛnɛn kɔ ka la, ka doamaa bie ka kiɛ̃mala ǹ zɔ́n lɛ zɛnaa bɛ kɔn nɛ wa.